പത്താം ക്ലാസ് യോഗ്യത സര്‍ട്ടിഫിക്കറ്റിന്റെ സ്വയം സാക്ഷ്യപ്പെടുത്തിയ പകര്‍പ്പ് പ്രവേശനത്തിന് ആവശ്യമാണ്. അലോട്ട്‌മെന്റ് ലിസ്റ്റില്‍ ഉള്‍പ്പെട്ടവര്‍ സ്ഥിരം പ്രവേശനമൊ, താല്‍ക്കാലിക പ്രവേശനമോ നേടണം. താല്‍ക്കാലിക പ്രവേശനം നേടുന്നവര്‍ ഫീസ് അടയ്‌ക്കേണ്ടതില്ല. രണ്ടാംഘട്ട അലോട്ട്‌മെന്റ് ലിസ്റ്റ് ജൂണ്‍ 10നും, മൂന്നാം ഘട്ട അലോട്ട്‌മെന്റ് ലിസ്റ്റ് 16 നും പ്രസിദ്ധീകരിക്കും. 18നാണ് ഈ അധ്യായന വര്‍ഷത്തെ പ്ലസ് വണ്‍ ക്ലാസുകള്‍ ആരംഭിക്കുക.

ഈഴവ തിയ്യ, എസ്.സി വിഭാഗങ്ങളിലാണ് രണ്ട് വീതം സീറ്റുകള്‍ ഒഴിവ് വന്നത്. മൂന്ന് അലോട്ട്‌മെന്റുകള്‍ പൂര്‍ത്തിയായതോടെ മലപ്പുറം ജില്ലയില്‍ ജനറല്‍ വിഭാഗത്തിലെ 35,058 സീറ്റുകളും നിറഞ്ഞു. ജനറലില്‍ ആദ്യം അനുവദിച്ച 22,386 ഉം പുതുക്കി അനുവദിച്ച 12,672 അടക്കം 35,058 സീറ്റുകളാണ് അലോട്ട്‌മെന്റില്‍ നിറഞ്ഞത്.

മൂന്ന് അലോട്ട്‌മെന്റുകളുടെ പട്ടിക പുറത്ത് വന്നിട്ടും മലപ്പുറം ജില്ലയില്‍ അപേക്ഷകരുടെയും രക്ഷിതാക്കളുടെയും ആശങ്കക്ക് പരിഹാരമായില്ല. പ്ലസ് വണ്‍ മുഖ്യഘട്ടത്തിലെ അലോട്ട്‌മെന്റുകളില്‍ തന്നെ സീറ്റ് കിട്ടുമെന്ന് ഉറപ്പിച്ചിരുന്നവര്‍ക്കാണ് കിട്ടാതെ വന്നതോടെ ആശങ്ക ഇരട്ടിച്ചത്. പുറത്ത് നില്‍ക്കുന്ന 33,598 പേര്‍ ഇനി എങ്ങിനെ സീറ്റ് ലഭിക്കുമെന്ന് ആശങ്കപ്പെടുകയാണ്. മൂന്ന് അലോട്ട്‌മെന്റിലും ഉള്‍പ്പെടാതെ വന്നതോടെ സപ്ലിമെന്ററി ഘട്ടത്തിന് വേണ്ടി കാത്തിരിക്കേണ്ട സ്ഥിതിയിലായി.

സയന്‍സ് കോമ്പിനേഷന് 21,541-ഉം കൊമേഴ്‌സിന് 12,468-ഉം ഹ്യൂമാനിറ്റീസിന് 9339-ഉം ഒഴിവുകളാണുള്ളത്. ആദ്യഘട്ട അലോട്‌മെന്റില്‍ ഉള്‍പ്പെട്ടിട്ടും ഇഷ്ടവിഷയങ്ങള്‍ ലഭിക്കാതെ കിട്ടിയ വിഷയങ്ങളില്‍ ചേര്‍ന്ന കുട്ടികള്‍ സപ്ലിമെന്ററി പ്രവേശനത്തില്‍ ഉള്‍പ്പെടില്ല.

പ്രവേശനം കിട്ടാതെ പുറത്തുനില്‍ക്കുന്നവരെക്കാള്‍ മാര്‍ക്കുള്ളവരായിരുന്നിട്ടും ഇവര്‍ക്ക് മാറ്റം അനുവദിക്കാത്തത് മെറിറ്റ് അട്ടിമറിക്കുന്നതിനു സമമാണെന്ന് പരാതിയുണ്ട്

ഒഴിവുള്ള സീറ്റുകളുടെ എണ്ണം ജില്ലാ അടിസ്ഥാനത്തില്‍:

തിരുവനന്തപുരം-2391, കൊല്ലം-2662, പത്തനംതിട്ട-2783, കോട്ടയം-3270, ഇടുക്കി-1979, ആലപ്പുഴ-2968, എറണാകുളം-4074, തൃശ്ശൂര്‍-4100, പാലക്കാട്-3068, മലപ്പുറം-5318, കോഴിക്കോട്-4511, വയനാട്-1219, കാസര്‍കോട് 1679.

സെപ്റ്റംബർ 28 മുതൽ ഒക്ടോബർ ആറ്​ വരെ കോവിഡ് മാനദണ്ഡങ്ങൾ പാലിച്ച് പ്രവേശനം നേടാം. രണ്ടാംഘട്ടത്തിൽ സ്ഥിര പ്രവേശനമാണ് നേടേണ്ടത്. ഈ ദിവസങ്ങളിൽ ഏകജാലക പ്രവേശനം, സ്പോർട്​സ്​ ക്വാട്ട പ്രവേശനം, കമ്യൂണിറ്റി ക്വാട്ട പ്രവേശനം, മനേജ്മെൻറ്​ ക്വാട്ട പ്രവേശനം എന്നിവ നടക്കുന്നുണ്ട്.

ഏതെങ്കിലും ഒരു ക്വാട്ടയിൽ ചേർന്നാൽ മറ്റു ക്വാട്ടകളിലെ അവസരം നഷ്​ടപ്പെടും. ഒരു ക്വാട്ടയിൽ ചേർന്ന് ടി.സി വാങ്ങി മറ്റു ക്വാട്ടയിൽ ചേരാൻ കഴിയില്ല. ഇക്കാര്യം വിദ്യാർഥികളും രക്ഷിതാക്കളും പ്രത്യേകം ശ്രദ്ധിക്കണം.

ഇതുവരെ അപേക്ഷിക്കാത്തവർക്കും, അപേക്ഷിച്ചിട്ട് പ്രവേശനം ലഭിക്കാത്തവർക്കും, തെറ്റായ അപേക്ഷകൾ നൽകി പ്രവേശനം നിരസിക്കപ്പെട്ടവർക്കും ഒക്ടോബർ ഒമ്പത്​ മുതൽ പുതുതായി അപേക്ഷിക്കാൻ അവസരമുണ്ട്.

പെരിന്തല്‍മണ്ണ: ഹയര്‍ സെക്കന്ററി ഒന്നാം വര്‍ഷ പ്രവേശനത്തിനുള്ള മുഖ്യ ഘട്ടത്തിലെ രണ്ടാം അലോട്ട്‌മെന്റ് പ്രസിദ്ധീകരിച്ചു. http://bit.ly/check-plusone-allotment-result എന്ന ലിങ്കില്‍ പ്രവേശിച്ച് അപ്ലിക്കേഷന്‍ നമ്പര്‍, ജനനത്തീയതി, ജില്ല എന്നിവ നല്‍കുമ്പോള്‍ അലോട്ട്‌മെന്റ് സ്റ്റാറ്റസ് അറിയാന്‍ സാധിക്കും. ആദ്യ അലോട്ട്‌മെന്റില്‍ താത്കാലിക പ്രവേശനം നേടിയവരും, ഇതുവരെയും അലോട്ട്‌മെന്റ് ലഭിക്കാത്തവരും നിര്‍ബന്ധമായും ഇപ്പോള്‍ പ്രസിദ്ധീകരിച്ച രണ്ടാം അലോട്ട്‌മെന്റ് പരിശോധിക്കണം.
ആദ്യ അലോട്ട്‌മെന്റില്‍ തന്നെ ഫീസടച്ച് സ്ഥിര പ്രവേശനം നേടിയവര്‍ രണ്ടാം അലോട്ട്‌മെന്റ് പരിശോധിക്കേണ്ടതില്ല.
ആദ്യ അലോട്ട്‌മെന്റില്‍ താത്കാലിക പ്രവേശനം നേടി രണ്ടാം അലോട്ട്‌മെന്റില്‍ ഹയര്‍ ഓപ്ഷന്‍ ലഭിച്ചിട്ടുണ്ടെങ്കില്‍ പുതുതായി ലഭിച്ച കോഴ്‌സ്/സ്‌കൂള്‍ ഓപ്ഷനില്‍ ഫീസടച്ച് സ്ഥിര പ്രവേശനം നേടണം. പുതിയ സ്‌കൂളാണ് ലഭിച്ചതെങ്കില്‍ താത്ക്കാലിക പ്രവേശനം നേടിയ സ്‌കൂളില്‍ നിന്ന് പ്രവേശന സമയത്ത് നല്‍കിയ രേഖകള്‍ വാങ്ങി ഇപ്പോള്‍ അലോട്ട്‌മെന്റ് ലഭിച്ച സ്‌ക്കൂളില്‍ നല്‍കണം.
രണ്ടാം അലോട്ട്‌മെന്റോടുകൂടി മുഖ്യ അലോട്ട്‌മെന്റ് പ്രക്രിയ അവസാനിക്കുന്നതിനാല്‍ താല്‍ക്കാലിക പ്രവേശനത്തില്‍ തുടരുന്നവര്‍ നിര്‍ബന്ധമായും ഫീസടച്ച് താത്കാലിക പ്രവേശനം നേടിയ സ്‌കൂള്‍/ കോഴ്‌സില്‍ സ്ഥിര പ്രവേശനം നേടണം.ഇന്ന് മുതല്‍ ജൂണ്‍ ഒന്ന് വൈകിട്ട് നാലിനകം ഫീസടച്ച് സ്ഥിര പ്രവേശനം നേടണം. താത്കാലിക പ്രവേശനം ഉണ്ടായിരിക്കുന്നതല്ല.
മുഖ്യ അലോട്ട്‌മെന്റില്‍ പ്രവേശനം നേടിയവര്‍ക്ക് ഇഷ്ടപെട്ട സ്‌കൂളും വിഷയവും ലഭിച്ചില്ലെങ്കില്‍ സ്‌കൂള്‍/കോമ്പിനേഷന്‍ മാറ്റത്തിന് ജൂണ്‍ ആറ് മുതല്‍ അപേക്ഷിക്കാം. അപേക്ഷാ വിവരങ്ങള്‍ ബന്ധപ്പെട്ട ലിങ്കില്‍ അപ്‌ഡേറ്റ് ചെയ്യും. ഒന്നാം ഓപ്ഷന്‍ പ്രകാരം പ്രവേശനം നേടിയവര്‍ക്ക് സ്‌കൂള്‍/കോമ്പിനേഷന്‍ മാറ്റത്തിന് അപേക്ഷിക്കാന്‍ അര്‍ഹത ഉണ്ടായിരിക്കില്ല.
അപേക്ഷിച്ചിട്ടും ഇതുവരെ അലോട്ട്‌മെന്റ് ലഭിച്ചിട്ടില്ലാത്തവര്‍ നിലവിലുളള അപേക്ഷ പുതുക്കി പുതിയ ഓപ്ഷനുകള്‍ കൂട്ടിച്ചേര്‍ത്ത് സപ്ലിമെന്ററി അലോട്ട്‌മെന്റിന് അപേക്ഷിക്കണം. സപ്ലിമെന്ററി അലോട്ട്‌മെന്റ് സംബന്ധിച്ച വിവരങ്ങള്‍ ജൂണ്‍ 12 ന് ബന്ധപ്പെട്ട ലിങ്കില്‍ അപ്‌ഡേറ്റ് ചെയ്യും.
ജൂണ്‍ ആറിന് ക്ലാസുകള്‍ ആരംഭിക്കും.
ന്യൂനപക്ഷ പദവിയുള്ള സ്‌കൂളുകളിലെ സംസവരണ സീറ്റുകളിലേക്കുള്ള കമ്മ്യൂണിറ്റി ക്വാട്ട ലിസ്റ്റും പ്രസിദ്ധീകരിച്ചിട്ടുണ്ട്. http://hscap.kerala.gov.in/communtiyRankList.php എന്ന വെബ് പേജില്‍ ലിസ്റ്റ് ലഭ്യമാണ്. സ്‌കൂള്‍ കോഡും കോഴ്‌സും സെലക്ട് ചെയ്താല്‍ റാങ്ക് ലിസ്റ്റ് ലഭ്യമാവും. ഇതിലേക്കുള്ള പ്രവേശനവും സമാന്തരമായി നടക്കും.