Plus One Student – Chandrika Daily

പ്ലസ് വണ്‍ വിദ്യാര്‍ത്ഥിക്ക് ക്രൂര മര്‍ദനം; 13 പ്ലസ് ടു വിദ്യാര്‍ത്ഥികള്‍ക്കെതിരെ കേസെടുത്തു

webdesk17 — Fri, 19 Sep 2025 07:33:52 +0000

കടയ്ക്കാവൂരില്‍ പ്ലസ് വണ്‍ വിദ്യാര്‍ത്ഥിയെ കൂട്ടമായി മര്‍ദിച്ച സംഭവത്തില്‍ 13 പ്ലസ് ടു വിദ്യാര്‍ത്ഥികള്‍ക്കെതിരെ പൊലീസ് കേസ് എടുത്തു. തുറിച്ചുനോക്കിയെന്നാരോപിച്ച് സംഘം ചേര്‍ന്ന് മര്‍ദിച്ചതായാണ് പരാതി.

വിദ്യാര്‍ത്ഥിയെ നിലത്തിട്ട് ഇടിക്കുകയും ചവിട്ടുകയും വടി കൊണ്ട് അടിക്കുകയും ചെയ്തതായി രക്ഷിതാക്കള്‍ നല്‍കിയ പരാതിയില്‍ പറയുന്നു. സംഭവം സ്‌കൂളില്‍ പുതുതായി ചേര്‍ന്നതിന് പിന്നാലെയാണുണ്ടായത്.

മര്‍ദിച്ച വിദ്യാര്‍ത്ഥികളെതിരെ സ്‌കൂള്‍ അധികൃതര്‍ നടപടി സ്വീകരിച്ചില്ലെന്നും പരിക്കേറ്റ വിദ്യാര്‍ത്ഥിക്ക് ചികിത്സാ സഹായം നല്‍കാന്‍ പോലും തയ്യാറായില്ലെന്നും രക്ഷിതാക്കള്‍ ആരോപിച്ചു.

തിരുവനന്തപുരം കാട്ടാക്കടയിൽ പ്ലസ് വൺ വിദ്യാർത്ഥി സ്കൂൾ കെട്ടിടത്തിൽ മരിച്ച നിലയിൽ

webdesk13 — Fri, 14 Feb 2025 04:12:32 +0000

തിരുവനന്തപുരം കാട്ടാക്കട കുറ്റിച്ചലില്‍ പ്ലസ് വണ്‍ വിദ്യാര്‍ഥിയെ സ്‌കൂളില്‍ തൂങ്ങി മരിച്ചനിലയില്‍ കണ്ടെത്തി. എരുമക്കുഴി സ്വദേശി ബെന്‍സണ്‍ ഏബ്രഹാം ആണ് മരിച്ചത് . സ്‌കൂളില്‍ പ്രോജക്ട് സമര്‍പ്പിക്കേണ്ട ദിവസമായിരുന്നു ഇന്ന്.

കുട്ടിയെ കഴിഞ്ഞ ദിവസം മുതല്‍ കാണാനില്ലെന്ന് വ്യക്തമാക്കിക്കൊണ്ട് ബന്ധുക്കള്‍ പൊലീസില്‍ പരാതി നല്‍കിയിരുന്നു. എന്നാല്‍ പൊലീസ് നടത്തിയ അന്വേഷണത്തില്‍ കുട്ടിയെ കുറിച്ച് വിവരങ്ങള്‍ ലഭിച്ചില്ല. ഇന്ന് രാവിലെ ആറ് മണിയോടെയാണ് സ്‌കൂളില്‍ തൂങ്ങി മരിച്ച നിലയില്‍ മൃതദേഹം കണ്ടെത്തിയത്. പൊലീസ് എത്തി ഇന്‍ക്വസ്റ്റ് നടപടികള്‍ ആരംഭിച്ചു.

പകല്‍ സമയത്ത് സ്‌കൂള്‍ പരിസരത്ത് ഒളിച്ചിരുന്നതിന് ശേഷം രാത്രി ആത്മഹത്യ ചെയ്യുകയായിരുന്നുവെന്നാണ് പൊലീസ് നിഗമനം. സ്‌കൂളില്‍ പ്രോജക്ട് സമര്‍പ്പിക്കേണ്ട ദിവസമായിരുന്നു ഇന്ന്. ഇതുമായി ബന്ധപ്പെട്ട സമ്മര്‍ദമാണോ ആശങ്കയിലേക്ക് നയിച്ചത് എന്നതുള്‍പ്പടെയുള്ള കാര്യങ്ങള്‍ പരിശോധിക്കുന്നുണ്ട്.

പ്ലസ് വണ്‍ വിദ്യാര്‍ഥിനി കുളിമുറിയില്‍ മരിച്ച നിലയില്‍

webdesk13 — Tue, 16 May 2023 11:14:12 +0000

കാസര്‍കോട്: പ്ലസ് വണ്‍ വിദ്യാര്‍ഥിനി കുളിമുറിയില്‍ തൂങ്ങിമരിച്ച നിലയില്‍ കണ്ടെത്തി. ബെള്ളൂര്‍ പഞ്ചായത്തിലെ ബെളേരിയിലെ കൊറപ്പ പൂജാരിയുടെയും പുഷ്പയുടെയും മകള്‍ പ്രണമ്യ (16) ആണ് മരിച്ചത്. ഇന്നലെ രാത്രി 10:45 നാണ് വീടിനോട് ചേര്‍ന്ന കുളിമുറിയില്‍ മരിച്ച നിലയില്‍ കണ്ടെത്തിയത്. ഉടനെ കയര്‍ മുറിച്ച് മുള്ളേരിയ സഹകരണ ആശുപത്രിയില്‍ എത്തിച്ചെങ്കിലും മരിച്ചിരുന്നു. പെര്‍ല വാണിനഗര്‍ ഗവ. ഹയര്‍സെക്കന്‍ഡറി സ്‌കൂളിലെ വിദ്യാര്‍ഥിനിയാണ് മരിച്ച പ്രണമ്യ.

വയനാട്ടില്‍ പ്ലസ്‌വണ്‍ വിദ്യാര്‍ത്ഥി ആത്മഹത്യ ചെയ്തു

chandrika — Sun, 28 Oct 2018 09:18:42 +0000

ഒരു മാസം മുമ്പെ സുഹൃത്തും ആത്മഹത്യ ചെയ്തിരുന്നു

കണിയാമ്പറ്റ: വയനാട് കണിയാമ്പറ്റയില്‍ പ്ലസ് വിദ്യാര്‍ത്ഥി മുഹമ്മദ് ഷമ്മാസ് (17) ആത്മഹത്യ ചെയ്തു. മുട്ടില്‍ wmo ഹയര്‍ സെക്കന്ററി സ്‌കൂള്‍ പ്ലസ് വണ്‍ വിദ്യാര്‍ത്ഥിയും കടവന്‍ സുബൈര്‍ റഷീദ ദമ്പതികളുടെ മകനുമാണ് മുഹമ്മദ് ഷമ്മാസ്. ഇന്ന രാവിലെ വീട്ടിനുള്ളില്‍ തൂങ്ങി മരിച്ച നിലയില്‍ കാണപ്പെടുകയായിരുന്നു. ഷമ്മാസിന്റെ അടുത്ത സുഹൃത്തും നീര്‍വാരം ഹയര്‍ സെക്കണ്ടറി സ്‌കൂള്‍ പ്ലസ് വണ്‍ വിയദ്യാര്‍ത്ഥിയുമായിരുന്ന മുഹമ്മദ് ഷെബിന്‍ (17) കഴിഞ്ഞ മാസം 26 ന് തൂങ്ങി മരിച്ചിരുന്നു. ഷെബിന്റെ വിയോഗത്തില്‍ ഷമ്മാസ് ദുഖത്തിലായിരുന്നെന്നും താനും മരിക്കുമെന്ന് സൂചന നല്‍കിയിരുന്നുവെന്നു ബന്ധുക്കള്‍ പറയുന്നു. മരിക്കുന്നതിന്റെ സൂചനകള്‍ ഫെയ്‌സ്ബുക്കില്‍ കുറിച്ചിരുന്നതായി സുഹൃത്തുക്കള്‍ പറയുന്നു. ഷമ്മാസിന് രണ്ടു സഹോദരങ്ങളാണുള്ളത്.