ഇന്ന് ചേർന്ന ബോർഡ് ഓഫ് ഡയറക്ടർ തീരുമാനപ്രകാരമാണ് നടപടിയെടുത്തത്. ഏഴ് അക്കൗണ്ടുകളിൽ നിന്നായി 15.24 കോടി രൂപ നഷ്ടമാണെന്നാണ് കഴിഞ്ഞദിവസം മേയർ പറഞ്ഞിരുന്നത്. എന്നാൽ 12 കോടിയോളം രൂപയാണ് നഷ്ടമായത് എന്നാണ് ബാങ്കിന്റെ ഇതുവരെയുള്ള ഓഡിറ്റിൽ കണ്ടെത്തിയത്.

പോലീസ് നടത്തിയ പ്രാഥമിക പരിശോധനയിലും 12 കോടിയോളം രൂപ നഷ്ടമായതായാണ് കണ്ടെത്തൽ. വിവിധ അക്കൗണ്ടുകളിലെ പണം ഇതേ ബാങ്കിൽ തന്റെ പിതാവിന്റെ പേരിലുള്ള അക്കൗണ്ടിലേക്ക് മാറ്റുകയും പിന്നീട് ആക്സിസ് ബാങ്കിൽ തന്നെ പേരിലുള്ള ട്രേഡിങ് അക്കൗണ്ടിലേക്ക് മാറ്റുകയും ചെയ്തു എന്നാണ് കണ്ടെത്തൽ.

ന്യൂഡല്‍ഹി: പഞ്ചാബ് നാഷനല്‍ ബാങ്കില്‍ (പി.എന്‍.ബി) നിന്ന് കോടികളുടെ തട്ടിപ്പു നടത്തി മുങ്ങിയ വജ്രവ്യാപാരി നീരവ് മോദി ബ്രിട്ടനില്‍ അഭയം തേടിയതായി റിപ്പോര്‍ട്ട്.
രാഷ്ട്രീയ അഭയം നല്‍കണമെന്നാവശ്യപ്പെട്ട് നീരവ് യു.കെ കോടതിയെ സമീപിച്ചതായി ഇന്ത്യയിലെയും ബ്രിട്ടനിലെയും ഉദ്യോഗസ്ഥരെ ഉദ്ധരിച്ച് രാജ്യാന്തര വാര്‍ത്ത ഏജന്‍സിയായ റോയിട്ടേഴ്‌സ്് റിപ്പോര്‍ട്ടു ചെയ്തു. അതേസമയം സ്വകാര്യ കേസുകളിലെ വിവരങ്ങള്‍ കൈമാറ്റം ചെയ്യാനാകില്ലെന്ന് ബ്രിട്ടന്‍ ആഭ്യന്തര ഡിപ്പാര്‍ട്ട്‌മെന്റ് അറിയിച്ചു.
വ്യാജരേഖകള്‍ നല്‍കി പി.എന്‍.ബിയുടെ 13,000 കോടി രൂപ വെട്ടിച്ചെന്നാണു നീരവ് മോദിക്കെതിരായ കേസ്. നീരവിനു പുറമെ അമ്മാവന്‍ മെഹുല്‍ ചോക്‌സിയും കേസില്‍ പ്രതിയാണ്. ഇവരെ കണ്ടെത്തി തിരിച്ചു കൊണ്ടുവരാന്‍ റെഡ് കോര്‍ണര്‍ നോട്ടിസ് പുറപ്പെടുവിക്കാന്‍ ഇന്ത്യ ഇന്റര്‍പോളിനോട് ആവശ്യപ്പെട്ടിരുന്നു. ആദ്യം ഹോങ്കോങിലായിരുന്ന നീരവ് ന്യൂയോര്‍ക്കിലേക്കു കടന്നിരുന്നു. ഒരു ടിവി ചാനലിനു ലഭിച്ച സര്‍ക്കാര്‍ രഹസ്യാന്വേഷണ റിപ്പോര്‍ട്ട് പ്രകാരം ജനുവരി ഒന്നിനു നീരവ് ഇന്ത്യയില്‍നിന്നു യു.എ.ഇയിലേക്കാണു പോയത്. യു.എ.ഇയിലെ നിയമങ്ങള്‍ കര്‍ശനമായതിനാല്‍ അവിടുന്നു ഫെബ്രുവരി രണ്ടിനു ഹോങ്കോങിലേക്കു മുങ്ങുകയായിരുന്നു.
കേസില്‍ നീരവ് മോദി, അലഹാബാദ് ബാങ്ക് മാനേജിങ് ഡയറക്ടറും ചീഫ് എക്‌സിക്യൂട്ടീവ് ഓഫിസറുമായ ഉഷ അനന്തസുബ്രഹ്മണ്യന്‍ എന്നിവരുള്‍പ്പെടെ 22 പേര്‍ക്കും മൂന്നു കമ്പനികള്‍ക്കുമെതിരെ കഴിഞ്ഞ മാസം സി.ബി.ഐ മുംബൈയിലെ പ്രത്യേക കോടതിയില്‍ കുറ്റപത്രം സമര്‍പ്പിച്ചിരുന്നു. നീരവിനു വിദേശ ബാങ്കുകളില്‍നിന്നു ഹ്രസ്വകാല വായ്പ തരപ്പെടുത്താന്‍ പി.എന്‍.ബിയില്‍നിന്ന് 2011 17 ല്‍ വ്യാജ ജാമ്യപത്രം (എല്‍.ഒ.യു) നല്‍കിയെന്നതാണു കേസ്. വിദേശ ബാങ്കുകളിലെ വായ്പ തിരിച്ചടവില്‍ വീഴ്ചവരികയും അവര്‍ പി.എന്‍.ബിയോടു പണം ആവശ്യപ്പെടുകയും ചെയ്തപ്പോഴാണു തട്ടിപ്പു പുറത്തുവന്നത്. അതേ സമയം നീരവ് മോദിക്കെതിരെ റെഡ് കോര്‍ണര്‍ നോട്ടീസ് പുറപ്പെടുവിക്കണമെന്ന് സി.ബി.ഐ ഇന്റര്‍പോളിനോട് ആവശ്യപ്പെട്ടു. 13637 കോടിയുടെ പി.എന്‍.ബി തട്ടിപ്പുകേസില്‍ നീരവ് മോദിയേയും അമ്മാവന്‍ മെഹുല്‍ ചോക്‌സിയേയും അറസ്റ്റു ചെയ്യാനുള്ള നീക്കത്തിന്റെ ഭാഗമായാണിത്.
തട്ടിപ്പുമായി ബന്ധപ്പെട്ട് ബാങ്ക് അധികൃതര്‍ പരാതി നല്‍കുന്നതിന് തൊട്ടു മുമ്പാണ് ജനുവരി ആദ്യവാരം നീരവ് മോദി ഇന്ത്യ വിട്ടത്. കേസില്‍ മോദിക്കും ബന്ധുക്കള്‍ക്കുമെതിരെ സി. ബി.ഐ കേസെടുത്ത് അന്വേഷണം തുടരുകയാണ്. സി. ബി.ഐയുടെ അഭ്യര്‍ത്ഥന ഇന്റര്‍പോള്‍ ഉടന്‍ പരിഗണിക്കുമെന്നാണ് സൂ ചന.

മുംബൈ: പഞ്ചാബ് നാഷണല്‍ ബാങ്ക് വായ്പ തട്ടിപ്പിന്റെ തോത് കൂടുന്നു. വജ്രവ്യാപാരിയായ നീരവ് മോദി, അമ്മാവനും ഗീതാജ്ഞലി ഗ്രൂപ്പിന്റെ പ്രമോട്ടറുമായ മെഹുല്‍ ചോക്‌സി എന്നിവര്‍ ചേര്‍ന്ന് 12, 636 കോടി രൂപ വെട്ടിച്ചുവെന്നായിരുന്നു നേരത്തെ അന്വേഷണ സംഘം കണ്ടെത്തിയിരുന്നത്. എന്നാല്‍ മെഹുല്‍ ചോക്‌സിയുടെ ഗീതാജ്ഞലി ഗ്രൂപ്പ് 942 കോടി രൂപയുടെ കൂടുതല്‍ വെട്ടിപ്പ് നടത്തിയതായി പി.എന്‍.ബി കോടതിയെ അറിയിച്ചു. മെഹുല്‍ ചോക്‌സിയുടെ ഗീതാജ്ഞലി ഗ്രൂപ്പ് 6,138 കോടി രൂപ തട്ടിച്ചുവെന്നായിരുന്നു നേരത്തെ പി.എന്‍.ബി അറിയിച്ചിരുന്നതെങ്കില്‍ ചൊവ്വാഴ്ച കോടതിയില്‍ നല്‍കിയ റിപ്പോര്‍ട്ടില്‍ ഇത് 7,080 കോടിയായാണ് രേഖപ്പെടുത്തിയിരിക്കുന്നത്. പുതുതായി 942 കോടിയുടെ തട്ടിപ്പു കൂടി കണ്ടെത്തിയതോടെ പി.എന്‍.ബി വായ്പ തട്ടിപ്പില്‍ നീരവ് മോദിയും മെഹുല്‍ ചോക്‌സിയുമടങ്ങുന്ന സംഘം തട്ടിച്ച തുക 13,578 കോടിയായി ഉയര്‍ന്നു

അതേസമയം ഹര്‍ജിയെക്കുറിച്ച് ഇപ്പോള്‍ പ്രതികരിക്കുന്നില്ലെന്നും മാര്‍ച്ച് 16 ലേക്കു പരിഗണിക്കാന്‍ മാറ്റി വെക്കുകയാണെന്നും ചീഫ് ജസ്റ്റിസ് ദീപക് മിശ്ര അധ്യക്ഷനായ ബെഞ്ച് അറിയിച്ചു. പിഎന്‍ബി, റിസര്‍വ് ബാങ്ക്, ധന, നിയമ മന്ത്രാലയങ്ങള്‍ എന്നിവയെ കക്ഷികളായി ഹര്‍ജിയില്‍ ചേര്‍ത്തിട്ടുണ്ട്.

കേസ് അന്വേഷിക്കാന്‍ പ്രത്യേക അന്വേഷണ സംഘത്തെ നിയമിക്കണം, പി.എന്‍.ബിയിലെ ഉന്നതരുടെ അടക്കം പങ്ക് അന്വേഷിക്കണം, നീരവ് മോദിയെ ഇന്ത്യയില്‍ എത്തിക്കാനുള്ള നടപടികള്‍ തുടങ്ങാന്‍ നിര്‍ദേശിക്കണം തുടങ്ങിയവയാണ് ഹര്‍ജിയിലെ പ്രധാന ആവശ്യം. ഇത്തരം തട്ടിപ്പിനു ഒത്താശ ചെയ്യുന്ന ജീവനക്കാര്‍ വിരമിച്ചാലും അവരുടെ സ്വത്തുക്കള്‍ കണ്ടുകെട്ടി വായ്പ തിരിച്ചുപിടിക്കണം. റിസര്‍വ് ബാങ്കിന്റെ ധനകാര്യ ചട്ടങ്ങളും നടപടിക്രമങ്ങളും അനുസരിച്ചല്ല പല വായ്പകളും അനുവദിക്കുന്നത്. ഇത്തരം തട്ടിപ്പുകള്‍ പൊതുജനത്തേയും രാജ്യത്തിന്റെ ഖജനാവിനേയും ഗുരുതരമായി ബാധിക്കുന്നുണ്ട്്. ഇത്തരം കേസുകള്‍ രാഷ്ട്രീയക്കാര്‍ നിയന്ത്രിക്കുന്ന ഏജന്‍സികള്‍ അന്വേഷിച്ചാല്‍ മതിയാവില്ല. വിരമിച്ച ജഡ്ജിമാരേയും ഉള്‍പ്പെടുത്തി പ്രത്യേക അന്വേഷണ സംഘത്തിന് രൂപം നല്‍കണം ഹര്‍ജിയില്‍ പറയുന്നു.

നിലവില്‍ രണ്ടു കേസുകളാണ് പി.എന്‍.ബി തട്ടിപ്പു സംബന്ധിച്ച് സി.ബി.ഐ റജിസ്റ്റര്‍ ചെയ്തിരിക്കുന്നത്. അതേസമയം, നീരവ് മോദി ഇന്ത്യ വിട്ടതല്ലെന്നും വ്യവസായ ആവശ്യങ്ങള്‍ക്കായി പോയതാണെന്നും നീരവ് തെറ്റൊന്നും ചെയ്തിട്ടില്ലെന്നും അദ്ദേഹത്തിന്റെ അഭിഭാഷകന്‍ വിജയ് അഗര്‍വാള്‍ പറഞ്ഞു

നോട്ട് അസാധുവാക്കല്‍ പ്രഖ്യാപിച്ച ദിനത്തിലാണ് തട്ടിപ്പ് ആരംഭിച്ചതെന്നും രാഹുല്‍ ആരോപിച്ചു. നോട്ട് അസാധുവാക്കിയ ശേഷം പ്രധാനമന്ത്രി നരേന്ദ്ര മോദി ജനങ്ങളോട് പണം ബാങ്കില്‍ നിക്ഷേപിക്കാന്‍ ആവശ്യപ്പെട്ടു. ആ പണം മുഴുവന്‍ പ്രധാനമന്ത്രിയുടെ സുഹൃത്തുക്കളും കോര്‍പറേറ്റുകളും അടിച്ചോണ്ടു പോയി. തന്റെ പ്രവൃത്തികൊണ്ട് രാജ്യത്തെ സമ്പത്ത് പ്രധാനമന്ത്രി നശിപ്പിച്ചു. ഇനി ബാങ്കിങ് സംവിധാനം സുരക്ഷിതമാക്കാന്‍ എന്തു ചെയ്യുമെന്ന് അറിയാന്‍ താല്‍പര്യമുണ്ടെന്നും രാഹുല്‍ പറഞ്ഞു.

This Rs 22,000 Crore scam cannot have been done without a high level protection. It must have been known by the people in government beforehand otherwise it is not possible. PM will have to come forward and answer questions: Rahul Gandhi #PNBFraudCase pic.twitter.com/tPDTpxBa7D

— ANI (@ANI) February 17, 2018

തട്ടിപ്പ് 22,000 കോടിയുടേതാണെന്നും 11,400 കോടിയുടേതല്ലെന്നാണ് പി.എന്‍.ബി സെക്യൂരിറ്റീസ് എക്‌സ്‌ചേഞ്ച് ബോര്‍ഡില്‍ വെളിപ്പെടുത്തിയതെന്നും രാഹുല്‍ പറഞ്ഞു. എങ്ങനെ പരീക്ഷ എഴുതണമെന്ന് കുട്ടികള്‍ക്ക് പറഞ്ഞു കൊടുക്കാന്‍ ഒന്നര മണിക്കൂര്‍ ചെലവിട്ട പ്രധാനമന്ത്രി ഒരു വാക്ക് പോലും തട്ടപ്പിനെ കുറിച്ച് മിണ്ടുന്നില്ലെന്നും രാഹുല്‍ ആരോപിച്ചു. പ്രതിരോധ മന്ത്രിയെ ആരോപണം പ്രതിരോധിക്കാന്‍ പറഞ്ഞയച്ചിരിക്കുന്നു. പക്ഷേ വിഷയത്തില്‍ ഉത്തരവാദിത്തമുള്ള ധനകാര്യമന്ത്രിയും പ്രധാനമന്ത്രിയും മൗനിമാരാണെന്നും കോണ്‍ഗ്രസ് അധ്യക്ഷന്‍ പറഞ്ഞു.

യു.പി.എ സര്‍ക്കാറിന്റെ കാലത്താണ് ബാങ്ക് തട്ടിപ്പ് കേസ് ആരംഭിച്ചതെന്ന ബി.ജെ.പിയുടേയും കേന്ദ്ര സര്‍ക്കാറിന്റേയും അവകാശ വാദങ്ങള്‍ക്കുള്ള തിരിച്ചടിയാണ് എഫ്.ഐ.ആര്‍. തട്ടിപ്പുമായി ബന്ധപ്പെട്ട് ചോദ്യം ചെയ്യേണ്ട പഞ്ചാബ് നാഷണല്‍ ബാങ്കിലെ ഉദ്യോഗസ്ഥര്‍ ഈ കാലഘട്ടത്തിലുള്ളവരാണെന്നും സി.ബി.ഐ റിപ്പോര്‍ട്ട് ചൂണ്ടിക്കാട്ടുന്നു.

പി.എന്‍.ബി നരിമാന്‍ പോയിന്റ് ബ്രാഞ്ചിലെ ചീഫ് മാനേജര്‍ ബെച്ചു തീവാരി 2015 ഫെബ്രുവരി-2017 ഒക്ടോബര്‍വരെയാണ് അവിടെ പ്രവര്‍ത്തിച്ചത്. ബ്രാഡി ഹൗസ് ബ്രാഞ്ചില്‍ അസിസ്റ്റന്റ് ജനറല്‍ മാനേജറായിരുന്ന, ഡെപ്യൂട്ടി ജനറല്‍ മാനേജര്‍ സഞ്ജയ് കുമാര്‍ പ്രസാദ് മെയ് 2016 മുതല്‍ 2017 ജൂലൈ വരെയാണ് തസ്തികയിലുണ്ടായിരുന്നത്.

നിലവിലെ ഓഡിറ്ററായ മോഹീന്ദര്‍ കുമാര്‍ ശര്‍മ 2015 നവംബര്‍ മുതല്‍ 2017 ജൂലൈ വരെയും, ഏകജാലക ഓപറേറ്ററായ മനോജ് കാരാട്ട് 2014 നവംബര്‍ മുതല്‍ 2017 ഡിസംബര്‍ വരെയുമാണ് ഈ തസ്തികയിലുണ്ടായിരുന്നതെന്നും സി.ബി.ഐ പറയുന്നു. മനോജ് കരഥ്, ഗോകുല്‍ ഷെട്ടി എന്നീ രണ്ടു പേരെ എഫ്.ഐ.ആറില്‍ കുറ്റാരോപിതരായാണ് രേഖപ്പെടുത്തിയിരിക്കുന്നത്.

രണ്ട് എഫ്.ഐ.ആറുകളാണ് പി.എന്‍.ബി വായ്പാ തട്ടിപ്പുമായി ബന്ധപ്പെട്ട് സി.ബി.ഐ രജിസ്റ്റര്‍ ചെയ്തിട്ടുള്ളത്. നീരവ് മോദിയുടെ അമ്മാവന്‍ മെഹുല്‍ ചോക്‌സിയുമായി ബന്ധപ്പെട്ട 26 ഇടങ്ങളില്‍ പരിശോധന നടത്തുകയും ചെയ്തു. അഞ്ചു സംസ്ഥാനങ്ങളിലെ ആറു നഗരങ്ങളിലായാണ് പരിശോധന നടത്തിയത്.

മെഹുല്‍ ചോക്‌സി, അദ്ദേഹത്തിന്റെ മൂന്ന് കമ്പനികളായ ഗീതാജ്ഞലി ജെംസ് ലിമിറ്റഡ്, ഗിലി ഇന്ത്യാ ലിമിറ്റഡ്, നക്ഷത്ര ബ്രാന്‍ഡ്‌സ് ലിമിറ്റഡ്, ഈ കമ്പനിയുടെ ഡയരക്ടര്‍മാര്‍, രണ്ട് ബാങ്ക് ജീവനക്കാര്‍ എന്നിവരെ എഫ്.ഐ.ആറില്‍ പേരു ചേര്‍ത്തിട്ടുണ്ട്. ഫെബ്രുവരി 13ന് പി.എന്‍.ബി നല്‍കിയ പരാതിയുടെ അടിസ്ഥാനത്തിലാണ് എഫ്.ഐ.ആര്‍ രജിസ്റ്റര്‍ ചെയ്തിരിക്കുന്നത്. ആദ്യ എഫ്.ഐ.ആറില്‍ നീരവ് മോദി, ഭാര്യ ആമി, സഹോദരന്‍ നിശാല്‍ മോദി, അമ്മാവന്‍ മെഹുല്‍ ചോക്‌സി, രണ്ട് ബാങ്ക് ഉദ്യോഗസ്ഥര്‍ എന്നിവരേയാണ് പ്രതിചേര്‍ത്തിരിക്കുന്നത്.

ബിജെപിക്കും മോദിക്കുമെതിരെ കോണ്‍ഗ്രസ്സ് പോലും ഉന്നയിക്കാത്ത ഗുരുതരമായ ആരോപണങ്ങളാണ് ശിവസേന ഉന്നയിച്ചിരിക്കുന്നത്. മുനവെച്ച വാക്കുകള്‍ കൊണ്ടെഴുതിയ എഡിറ്റോറിയലില്‍ നീരവ് മോദിയും കുടുംബവും ജനുവരി ആദ്യം തന്നെ തട്ടിപ്പ് പുറത്താകുമെന്ന മന്‍സിലാക്കി രാജ്യം വിട്ടുവെന്ന് പറയുന്നു. എന്നാല്‍ ഈ മാന്യന്‍ ജനുവരി അവസാന വാരം നടന്ന ലോക സാമ്പത്തിക ഉച്ചകോടിയില്‍ നരേന്ദ്ര മോദിക്കൊപ്പം ഫോട്ടോ സെഷനില്‍ പങ്കെടുത്തത് എങ്ങനെ എന്നും ചോദിക്കുന്നു.

ബിജെപിയുടെ പ്രധാന ഫണ്ട് റൈസര്‍മാരില്‍ ഒരാളാണ് നീരവ് എന്ന് എഡിറ്റോറിയലില്‍ പറയുന്നു. സഖ്യ കക്ഷിയായ ശിവസേന ബി ജെപി യുടെ മുഖത്തടിക്കുന്നതു പോലെയാണ് എഡിറ്റോറിയല്‍. തെരഞ്ഞെടുപ്പുകളില്‍ നീരവ് ‘മല പോലെ’ പണം ബിജെപിക്ക് നല്‍കിയിട്ടുണ്ട്. ഞങ്ങള്‍ക്ക് ഒരു കാര്യം അറിയണം. മാസങ്ങള്‍ക്കു മുന്‍പ് നീരവ് മോദിക്കെതിരെ പി.എന്‍.ബി സിബിഐക്ക് പരാതി നല്‍കിയിരുന്നു. എന്നിട്ടും ജനുവരി അവസാനം എങ്ങനെ അദ്ദേഹം പ്രധാനമന്ത്രിക്കൊപ്പം നിന്ന് ഫോട്ടോ എടുത്തു? അദ്ദേഹത്തിന്റെ ആധാര്‍ കാര്‍ഡ് ബാങ്ക് അക്കൗണ്ടുമായി ലിങ്ക് ചെയ്തിരുന്നെങ്കില്‍ പരാതിയെ കുറിച്ച് അറിയാന്‍ കഴിയുമായിരുന്നു എന്ന് സാമ്‌ന പരിഹസിക്കുന്നു.

ഒരു സാധാരണക്കാരന് ആശുപത്രി ചികിത്സക്കും മരിച്ചാല്‍ അന്ത്യ കര്‍മങ്ങള്‍ ചെയ്യുന്നതിന് പോലും ആധാര്‍ നിര്‍ബന്ധമാകുമ്പോള്‍ നീരവ് മോദിക്ക് ആധാര്‍ കാര്‍ഡ് പോലും ഇല്ലാതെ 11,500 കോടി വായ്പ ലഭിക്കുന്നു. 500 രൂപയുടെ വായ്പാ തിരിച്ചടക്കാന്‍ ശേഷിയില്ലാതെ കര്‍ഷകര്‍ ആത്മഹത്യ ചെയ്യുമ്പോള്‍ ഇന്ത്യയിലെ കോര്‍പറേറ്റുകള്‍ 150,000 കോടി രൂപ ബാങ്കുകളെ കബളിപ്പിച്ചു രാജ്യത്തിന് പുറത്തു സുഖമായി വാഴുന്നു. മോദിയുടെ ഭരണത്തില്‍ ഇമേജ് ബില്‍ഡിങ്ങും പരസ്യപ്രചാരണവും മാത്രമാണ് നടക്കുന്നത്. രാജ്യം കൊള്ളയടിക്കുന്നത് ചൂണ്ടിക്കാട്ടിയ രഘുറാം രാജനെ ഇവര്‍ ആര്‍ബിഐ ഗവര്‍ണ്ണര്‍ സ്ഥാനത് നിന്ന് പുറത്താക്കി. ‘പകരം നീരവിനെ നിയമിക്കുക, അദ്ദേഹം ഈ രാജ്യത്തെ അവസാനിപ്പിച്ചു തരും’ എന്ന് അതി രൂക്ഷമായ ഭാഷയില്‍ പ്രതികരിച്ചുകൊണ്ടാണ് എഡിറ്റോറിയല്‍ അവസാനിക്കുന്നത്.

Why is PM Modi refusing to disclose who all travel with him on official tours? Is this the kind of ‘Ease of Doing Business’ the PM talks about? : Kapil Sibal,Congress pic.twitter.com/Z6XK02NU4z

— ANI (@ANI) February 17, 2018

പഞ്ചാബ് നാഷണല്‍ ബാങ്കിനെ കബളിപ്പിച്ച് നീരവ് മോദി 11,360 കോടിയുടെ തട്ടിപ്പു നടത്തിയത് 2017-2018 കാലത്താണെന്ന് കോണ്‍ഗ്രസ് അരോപിച്ചു. സാധാരണക്കാരുടെ പണം കൊള്ളയടിച്ചതില്‍ പ്രധാനമന്ത്രിയുടെ ഓഫീസിനും ധനമന്ത്രാലയത്തിനും ഉത്തരവാദിത്തമില്ലാത്ത അവസ്ഥയാണെന്ന് കോണ്‍ഗ്രസ് നേതാവ് കപില്‍ സിബല്‍ ആരോപിച്ചു. സാമ്പത്തിക തട്ടിപ്പ് വിവരം പ്രധാനമന്ത്രി നരേന്ദ്ര മോദി നേരത്തെ അറിഞ്ഞിരുന്നു. പ്രധാനമന്ത്രിയുടെ ഓഫിസിന് 2017 ജൂലൈയില്‍ പരാതി ലഭിച്ചിരുന്നു. തട്ടിപ്പ് അറിഞ്ഞിട്ടും പ്രധാനമന്ത്രി നടപടി സ്വീകരിച്ചില്ലെന്നും കപില്‍ സിബല്‍ മാധ്യമങ്ങളോട് പറഞ്ഞു.

ഔദ്യോഗിക വിദേശ യാത്രകളില്‍ ഒപ്പമുണ്ടായിരുന്നവരുടെ വിശദാംശങ്ങള്‍ എന്തു കൊണ്ട് പ്രധാനമന്ത്രി പുറത്തുവിടുന്നില്ലെന്ന് സിബല്‍ ചോദിച്ചു. ഇത്ര ലാഘവത്തോടെയാണ് പ്രധാനമന്ത്രി കാര്യങ്ങള്‍ കൈകാര്യം ചെയ്യുന്നതെന്നും കപില്‍ സിബല്‍ ചൂണ്ടിക്കാട്ടി.