പൊലീസ് പ്രതികൂട്ടിലായതോടെ സംഭവത്തിന്റെ അന്വേഷണചുമതല ദക്ഷിണമേഖലാ ഐജി ഹര്‍ഷിത അട്ടല്ലൂരിക്ക് കൈമാറാന്‍ ഡിജിപി തീരുമാനമെടുത്തു. പ്രത്യേകസംഘത്തിന്റെ അന്വേഷണം ഇന്ന് തുടങ്ങും. ഡിസംബര്‍ 18നാണ് കടയ്ക്കാവൂര്‍ പൊലീസ് പോക്‌സോ കേസെടുത്തത്. 22 ന് അറസ്റ്റിലായ യുവതി അന്നുമുതല്‍ അട്ടകുളങ്ങര വനിതാ ജയിലിലാണ്.

ഇന്നും പെണ്‍കുട്ടി ഹാജരാവാതിരുന്നതിനെ തുടര്‍ന്നാണ് കോടതി വിമര്‍ശിച്ചത്. പൊലീസ് ഹര്‍ജയില്‍ തുടര്‍നടപടികള്‍ കോടതി റദ്ദാക്കി. നുണ പരിശോധന സംബന്ധിച്ച് നിലപാട് അറിയിക്കണമെന്ന് കോടതി അറിയിച്ചിരുന്നു. എന്നാല്‍ യുവതി ഹാജരാവാത്തതിനെത്തുടര്‍ന്ന് ഈ ആവശ്യം പരിഗണിച്ചില്ല. ഇനിയും ഹാജരാകാതിരുന്നാല്‍ കേസ് തള്ളുമെന്നാണ് കോടതിയുടെ നിലപാട്.