ഇക്കഴിഞ്ഞ ഡിസംബര്‍ 23ന് തിരുവനന്തപുരത്ത് കെപിസിസി നടത്തിയ മാര്‍ച്ചിനുനേരെയാണ് പൊലീസ് നടപടി. ഈ വിഷയത്തില്‍ ഡിസംബര്‍ 28നാണ് കെ മുരളീധരന്‍ എം പി താനടക്കമുള്ള ജനപ്രതിനിധികള്‍ക്ക് നേരെ പൊലീസ് നടത്തിയ അതിക്രമങ്ങള്‍ ചൂണ്ടികാണിച്ച് കത്തയച്ചത്.

സമാധാനപരമായി പുരോഗമിച്ച ഡിജിപി ഓഫീസ് മാര്‍ച്ചില്‍ നേതാക്കളടക്കമുണ്ടായിരുന്ന വേദിയിലേക്ക് ടിയര്‍ ഗ്യാസ് ഷെല്‍ എറിഞ്ഞ് പൊലീസ് പ്രകോപനമുണ്ടാക്കുകയായിരുന്നുവെന്ന് കോണ്‍ഗ്രസ് നേരത്തെ ആരോപിച്ചിരുന്നു.

എല്ലാവരും നിശ്ശബ്ദമായിരുന്ന് പ്രസംഗം കേൾക്കുമ്പോഴാണ് പൊലീസിന്റെ ആക്രമണമുണ്ടായത്. ആരുടെ നിർദേശപ്രകാരമാണ് ഇതെന്നാണ് മുഖ്യമന്ത്രിയോട് ചോദിക്കാനുള്ളത്. വളരെ ശക്തി കൂടിയ കണ്ണീർവാതകമാണ് ഉപയോഗിച്ചത്. ഇപ്പോഴും അതിന്റെ അസ്വസ്ഥതയുണ്ട്. പൊലീസിന്റെ പെരുമാറ്റത്തെ കുറിച്ച് ഡി.ജി.പിയോട് പറഞ്ഞിട്ടുണ്ട്. അന്വേഷിക്കാമെന്ന് അദ്ദേഹം പറഞ്ഞു. അത് എപ്പോൾ നടക്കുമെന്ന് പറയാൻ സാധ്യമല്ല. ജനാധിപത്യ പ്രതിനിധികൾക്കു നേരെ അക്രമം നടത്തിയ പൊലീസിനു നേരെ നടപടി സ്വീകരിക്കണമെന്നും ശശി തരൂർ ആവശ്യപ്പെട്ടു.