police vehicle – Chandrika Daily

മന്ത്രി സജി ചെറിയാന് പൈലറ്റ് പോകാന്‍ പുറപ്പെട്ട പൊലീസ് ജീപ്പിടിച്ച് അപകടം; അമ്മയ്ക്കും മക്കള്‍ക്കും പരിക്ക്

webdesk13 — Thu, 15 Aug 2024 13:49:38 +0000

ചങ്ങനാശേരിയില്‍ റോഡ് മുറിച്ചു കടക്കുന്നതിനിടെ അമ്മയെയും മക്കളയും പൊലീസ് ജീപ്പ് ഇടിച്ചു. ഇവരെ താലൂക്ക് ആശുപത്രിയില്‍ പ്രവേശിപ്പിച്ചു. മൂവരുടെയും പരിക്ക് ഗുരുതരമല്ല. മന്ത്രി സജി ചെറിയാന് പൈലറ്റ് പോകുന്നതിനായി ചങ്ങനാശേരിയില്‍ നിന്നും എ.സി റോഡിലേക്ക് പോയ ജീപ്പാണ് അപകടമുണ്ടാക്കിയത്.

രണ്ട് മണിയോടെ കെഎസ്ആര്‍ടിസി ബസ് സ്റ്റാൻഡിനു മുന്നിലായിരുന്നു സംഭവം. അപകടത്തെ തുടര്‍ന്ന് നാട്ടുകാര്‍ പൊലീസുകാരുമായി വാക്കുതര്‍ക്കവുമുണ്ടായി.

നിയന്ത്രണംവിട്ട പൊലീസ് ജീപ്പ് കടയിലേക്ക് ഇടിച്ചുകയറി; എസ്.ഐക്കും ഡ്രൈവർക്കും പരിക്ക്

webdesk13 — Thu, 20 Jun 2024 08:47:35 +0000

നിയന്ത്രണം വിട്ട പൊലീസ് ജീപ്പ് കടയിലേക്ക് ഇടിച്ചുകയറി എസ്.ഐ ഉൾപ്പെടെ രണ്ടുപേർക്ക് പരിക്കേറ്റു. ശ്രീകൃഷ്ണപുരം എസ്.ഐ കെ.ശിവദാസൻ, ഡ്രൈവർ എസ്.സി.പി.ഒ ഷമീർ എന്നിവർക്കാണ് പരിക്കേറ്റത്.

ആര്യമ്പാവിൽ നായാടി പാറയിലാണ് അപകടം. നാട്ടുകൽ സ്റ്റേഷനിൽ പോയി മടങ്ങിവരുമ്പോഴാണ് ജീപ്പ് അപകടത്തിൽപെട്ടത്.

തിരുവനന്തപുരം കല്ലമ്പലത്ത് പൊലീസ് വാഹനം സ്‌കൂട്ടറിലിടിച്ച് വയോധികന് ദാരുണാന്ത്യം

webdesk13 — Tue, 08 Aug 2023 09:27:35 +0000

കല്ലമ്പലത്ത് പോലീസ് വാഹനം സ്‌കൂട്ടറില്‍ ഇടിച്ച് വയോധികന്‍ മരണപ്പെട്ടു. കല്ലമ്പലം കടമ്പാട്ടുകോണം വെട്ടിയറ എസ്. എസ്. ഭവനില്‍ ശ്രീധരന്‍ പിള്ള(72)യാണ് മരിച്ചത്. ഇന്ന് രാവിലെ 11 മണിക്ക് കല്ലമ്പലം തട്ടുപാലത്ത് വച്ചായിരുന്നു അപകടം. ആറ്റിങ്ങല്‍ ഭാഗത്തേക്ക് പോവുകയായിരുന്ന ശ്രീധരന്‍ പിള്ളയും മരുമകള്‍ ഉണ്ണിമായയും സഞ്ചരിച്ച സ്‌കൂട്ടറിന് പിന്നില്‍ ആലപ്പുഴ പോലീസ് ഹെഡ് ക്വാര്‍ട്ടേഴ്‌സിന്റെ വാഹനം വന്നിടിക്കുകയായിരുന്നു. തിരുവനന്തപുരം പോലീസ് ഹെഡ് ക്വാര്‍ട്ടേഴ്‌സിലേക്ക് പോകുകയായിരുന്നു പോലീസ് വാഹനം.

ഇടിയുടെ ആഘാതത്തില്‍ സ്‌കൂട്ടര്‍ റോഡില്‍നിന്നും തെറിച്ചുപോവുകയായിരുന്നു. ഉണ്ണിമായ ആയിരുന്നു വാഹനം ഓടിച്ചിരുന്നത്. കൈക്കും കാലിനും ഗുരുതര പരിക്കേറ്റ ഇവര്‍ ഇപ്പോള്‍ പാരിപ്പള്ളി മെഡിക്കല്‍ കോളേജില്‍ ചികിത്സയിലാണ്. പോലീസ് വാഹനത്തില്‍ ഡ്രൈവറും രണ്ട് പോലീസുകാരുമാണ് ഉണ്ടായിരുന്നത്.

കേസില്‍ തുടര്‍ നടപടികള്‍ പുരോഗമിക്കുകയാണെന്ന് കല്ലമ്പലം പോലീസ് അറിയിച്ചു. ശ്രീധരന്‍പിള്ളയുടെ മൃതദേഹം ഇന്‍ക്വസ്റ്റ് നടപടികള്‍ക്കുശേഷം പോസ്റ്റുമോര്‍ട്ടത്തിനായി മാറ്റി. അപകടത്തില്‍ പൊലീസ് കേസെടുത്തിട്ടുണ്ട്.

കോഴിക്കോട് പൊലീസ് വാഹനം മറിഞ്ഞ് എസ്.ഐ ഉള്‍പ്പടെ 4 പേര്‍ക്ക് പരിക്ക്

webdesk13 — Sat, 15 Jul 2023 13:15:35 +0000

പൊലീസ് വാഹനം നിയന്ത്രണംവിട്ട് മറിഞ്ഞ് എസ്.ഐ ഉള്‍പ്പടെ 4 പേര്‍ക്ക് പരിക്കേറ്റു. കോഴിക്കോട് കായണ്ണ മെട്ടന്തറ ജംഗ്ഷനിലാണ് പൊലീസ് വാഹനം മറിഞ്ഞ് നാല് പേര്‍ക്ക് പരിക്കേറ്റത്. പേരാമ്പ്ര സ്‌റ്റേഷനിലെ പൊലീസ് വാഹനമാണ് അപകടത്തില്‍ പെട്ടത്. ഇന്ന് രാവിലെ 11.30 നാണ് അപകടം ഉണ്ടായത്.

കായണ്ണ മൊട്ടന്തറ സര്‍ക്കാര്‍ ഹയര്‍ സെക്കണ്ടറി സ്‌കൂളിന്റെ റോഡില്‍ നിന്നും മൊട്ടന്തറ അങ്ങാടിയിലേക്കുള്ള ഇറക്കത്തിലാണ് പൊലീസ് വാഹനം നിയന്ത്രണം നഷ്ടമായി താഴ്ചയിലേക്ക് മറിഞ്ഞത്. എസ്‌ഐ അടക്കം നാലുപേരാണ് വാഹനത്തില്‍ ഉണ്ടായിരുന്നത്.

പേരാമ്പ്ര പൊലീസ് സബ്ബ് ഇന്‍സ്പക്ടര്‍ കെ. ജിതിന്‍ വാസ് (32), സിവില്‍ പൊലീസ് ഓഫീസര്‍മാരായ കൃഷ്ണന്‍(52), അനുരൂപ്(37), ദില്‍ഷാദ്(37) എന്നിവര്‍ക്കാണ് പരിക്കേറ്റത്. ഇവരെ ആദ്യം പേരാമ്പ്ര ഇഎം.എസ് സഹകരണ ആശുപത്രിയില്‍ പ്രവേശിപ്പിച്ചു. പിന്നീട് വിദഗ്ദ ചികിത്സയ്ക്കായി കോഴിക്കോട് മെഡിക്കല്‍ കോളേജിലേക്ക് മാറ്റി. ആരുടെയും പരിക്ക് ഗുരുതരമല്ലെന്നാണ് സൂചന.