ടിഎംസി നേതാവ് കല്യാണ്‍ ബാനര്‍ജി രാജ്യസഭാ അധ്യക്ഷനെ അനുകരിക്കുന്ന വീഡിയോ താന്‍ ഷെയര്‍ ചെയ്തിട്ടില്ല. താന്‍ എടുത്ത വീഡിയോ തന്റെ ഫോണില്‍ തന്നെ ഉണ്ട്. ആരും അദ്ദേഹത്തെ അപമാനിച്ചിട്ടില്ല. എന്നാല്‍ ദേശീയ മാധ്യമങ്ങളാണ് ആ ദൃശ്യങ്ങള്‍ ഇപ്പോഴും കാണിക്കുന്നതും അതില്‍ ചര്‍ച്ചനടത്തുന്നതും.

രാജ്യത്തിന്റെ ചരിത്രത്തിലാദ്യമായി ഇത്രയുമധികം എം.പി മാരെ സസ്പെന്‍ഡ് ചെയ്തത് പ്രധാന വാര്‍ത്തയാവുകയോ ചര്‍ച്ചയാവുകയോ ചെയ്യുന്നില്ല. പ്രതിപക്ഷം ഉന്നയിക്കുന്ന വിഷയങ്ങള്‍ ഉയര്‍ത്താനോ ചര്‍ച്ച ചെയ്യാനോ മാധ്യമങ്ങള്‍ തയാറാകുന്നില്ലെന്നും അദ്ദേഹം കുറ്റപ്പെടുത്തി.