ഇവര്‍ തമ്മില്‍ വഴക്കിടുന്ന വീഡിയോ സോഷ്യല്‍ മീഡിയയില്‍ ഇതിനകം വൈറലായിട്ടുണ്ട്. സര്‍ക്കാര്‍ സംഘടിപ്പിച്ച ഒരു പരിപാടിക്കിടെയായിരുന്നു സംഭവം.
എം.എല്‍.എ സംസാരിച്ചുകൊണ്ടിരിക്കെ മൈക്ക് ഓഫ് ചെയ്തതാണ് വഴക്കിന് കാരണമായത്. പ്രസംഗം അവസാനിപ്പിക്കാന്‍ നിര്‍ദേശം നല്‍കിയെങ്കിലും എം.എല്‍.എ അത് അവഗണിച്ചപ്പോഴാണ് മൈക്ക് ഓഫ് ചെയ്തതെന്നാണ് കിരണ്‍ ബേദി പറയുന്നത്. വഴക്കിനിടയില്‍ കിരണ്‍ ബേദി എം.എല്‍.എയോട് വേദി വിട്ട് പോകാനും ആവശ്യപ്പെടുന്നുണ്ട്.

അതേസമയം കിരണ്‍ ബേദിക്കെതിരെ എം.എല്‍.എ രംഗത്തെത്തി. കിരണ്‍ ബേദി തന്നെ അപമാനിച്ചതായി പറഞ്ഞ എം.എല്‍.എ
ലെഫ്റ്റനന്റ് ഗവര്‍ണര്‍ പുതുച്ചേരിയിലെ രാജകുമാരിയായി ചമയുകയാണോയെന്നും അദ്ദേഹം ചോദിച്ചു.

കേന്ദ്ര സര്‍ക്കാറിന്റെ ശുചിത്വ പദ്ധതിയായ സ്വച്ഛ് ഭാരതിനെ കുറിച്ചായിരുന്നു എം.എല്‍.എ അന്‍ബലഗന്‍ സംസാരിച്ചരുന്നത്. എന്നാല്‍
പിന്നീട് പദ്ധതി നടപ്പാക്കിയതിലെ കുറവുകളും കുറ്റങ്ങളും എം.എല്‍.എ പറഞ്ഞു തുടങ്ങുകയായിരുന്നു. ഇതോടെയാണ് മുന്‍ ബിജെപി സ്ഥാനാര്‍ഥി കൂടിയായ കിരണ്‍ ബേദിയില്‍ നിന്നും പ്രസംഗം നിര്‍ത്തിക്കുന്നതടക്കുമുള്ള നീക്കങ്ങളുണ്ടായത്.

#WATCH Verbal spat on stage between Puducherry Governor Kiran Bedi and AIADMK MLA A Anbalagan at a government function. The argument reportedly broke out over duration of MLA’s speech pic.twitter.com/bptFSr80nC

— ANI (@ANI) October 2, 2018

എന്നാല്‍ മുന്‍കൂട്ടി നിശ്ചയിച്ചതു പ്രകാരം എം.എല്‍.എ പ്രാസംഗികരുടെ ലിസ്റ്റില്‍ ഉള്‍പ്പെട്ടിരുന്നില്ലെന്നും ഉള്‍പ്പെടുത്താന്‍ സമ്മര്‍ദം ചെലുത്തുകയായിരുന്നുവെന്നും കിരണ്‍ ബേദി പറയുന്നു. ചടങ്ങിന്റെ അധ്യക്ഷ എന്നതിനാല്‍ എം.എല്‍.എയോട് പ്രസംഗം നിര്‍ത്താന്‍ ആവശ്യപ്പെട്ടു. എന്നിട്ടും പ്രസംഗം തുടര്‍ന്നപ്പോഴാണ് മൈക്ക് ഓഫ് ചെയ്യാന്‍ ആവശ്യപ്പെട്ടതെന്നും ബേദി പറയുന്നു. വാക്കേറ്റത്തിനുശേഷം എം.എല്‍.എ വേദി വിട്ടിരുന്നു.

സുരേഷ് ഗോപിയോട് 21ന് അന്വേഷണ ഉദ്യോഗസ്ഥന് മുന്നില്‍ ഹാജരാകാനാണ് കോടതി ഉത്തരവിട്ടത്. ഇതിന് ശേഷം മജിസ്‌ട്രേറ്റ് കോടതി അദ്ദേഹം സമര്‍പിച്ച മുന്‍കൂര്‍ ജാമ്യാപേക്ഷ പരിഗണിക്കണമെന്നും േൈഹകാടതി നിര്‍ദ്ദേശിച്ചു. ഇതിനുശേഷം ആവശ്യമെങ്കില്‍ കൂടുതല്‍ ചോദ്യംചെയ്യലിനായി നോട്ടീസ് നല്‍കി വിളിപ്പിക്കാമെന്നും പൊലീസിനേട് കോടതി അറിയിച്ചു. അതുവരെ അറസ്റ്റ് പാടില്ലെന്നും നിർദേശമുണ്ട്.

പോണ്ടിച്ചേരിയില്‍ വാഹനം രജിസ്റ്റര്‍ ചെയ്തതിലൂടെ സംസ്ഥാന ഖജനാവിന് നഷ്ടം വരുത്തിയതായാണ് െ്രെകംബ്രാഞ്ച് കണ്ടെത്തല്‍. വ്യാജ രേഖയുണ്ടാക്കിയെന്ന വാര്‍ത്ത പുറത്തു വന്നതിന് ശേഷം സുരേഷ് ഗോപി മോട്ടോര്‍ വാഹനവകുപ്പിന് രേഖകള്‍ നല്‍കിയിരുന്നെങ്കിലും ഇത് തൃപ്തികരമല്ലെന്ന് അധികൃതര്‍ അറിയിച്ചിരുന്നു. നികുതി വെട്ടിച്ചതിന് സംസ്ഥാനത്തെ ഒരു എം.പിക്കെതിരെ ആദ്യമായാണ് കേസ് എടുക്കുന്നത്.

എം.പിയായതിന് ശേഷവും മുമ്പും രണ്ട് വാഹനങ്ങളാണ് സുരേഷ് ഗോപി പോണ്ടിച്ചേരിയില്‍ രജിസ്‌ട്രേഷന്‍ നടത്തിയത്. പുതുച്ചേരിയിലെ എല്ലൈപിള്ളചാവടി എന്ന സ്ഥലത്ത് കാര്‍ത്തിക് അപ്പാര്‍ട്ട്‌മെന്റ് മൂന്ന് സി.എ എന്ന വിലാസത്തിലാണ് രജിസ്റ്റര്‍ ചെയ്തത്. സുരേഷ് ഗോപിയുടെ പേരില്‍ അവിടെ അപ്പാര്‍ട്ട്‌മെന്റില്ലെന്ന് അന്വേഷണത്തില്‍ കണ്ടെത്തിയിരുന്നു. ഇതിലൂടെ 40 ലക്ഷത്തോളം രൂപ സംസ്ഥാനത്തിന് നഷ്ടമായി എന്നാണ് ക്രൈം ബ്രാഞ്ച് കണക്കാക്കുന്നത്.

സുരേഷ്‌ഗോപി കാര്‍ വാങ്ങിയിട്ട് കുറേ നാളായെന്നും അതില്‍ നികുതി വെട്ടിപ്പ് നടത്തിയിട്ടുണ്ടോയെന്ന് അന്വേഷിച്ച് കണ്ടെത്തേണ്ടത് സര്‍ക്കാരാണെന്നും സുരേന്ദ്രന്‍ പറഞ്ഞു. സി.പി.എം സംസ്ഥാന സെക്രട്ടറി കൊടിയേരി ബാലകൃഷ്ണന്‍ കള്ളക്കടത്തുകാരന്റെ കാര്‍ യാത്രാ വിവാദം മറച്ചുവെക്കാനാണ് സുരേഷ്‌ഗോപിയുടെ കാര്‍ വിവാദമാക്കുന്നതെന്നും സുരന്ദ്രന്‍ പറഞ്ഞു. സംഭവത്തില്‍ സുരേഷ്‌ഗോപിക്കെതിരെ പരാതിയുമായി യൂത്ത് കോണ്‍ഗ്രസ് സംസ്ഥാന സെക്രട്ടറി എം. ധനീഷ് ലാല്‍ രംഗത്തുവന്നിരുന്നു. ആരോപണത്തില്‍ നടപടിയെടുക്കണമെന്ന് ട്രാന്‍സ്‌പോര്‍ട്ട് കമ്മീഷണര്‍ അനില്‍ കാന്തിന് നല്‍കിയ പരാതിയില്‍ ധനീഷ് ലാല്‍ ആവശ്യപ്പെട്ടു.

പുതുച്ചേരിയില്‍ വ്യാജ വിലാസത്തില്‍ കാര്‍ രജിസ്റ്റര്‍ ചെയ്ത സംഭവത്തില്‍ താരങ്ങളുമുണ്ടെന്ന് ഒരു വാര്‍ത്താ ചാനലാണ് പുറത്തുകൊണ്ടുവന്നത്. നടി അമലപോളും ഫഹദ്ഫാസിലും ഇത്തരത്തില്‍ നികുതി വെട്ടിപ്പ് നടത്തിയിട്ടുണ്ടെന്ന് പുറത്തുവന്നതിന് പിന്നാലെയാണ് സുരേഷ്‌ഗോപിയുടെ നികുതി വെട്ടിപ്പും വെളിച്ചെത്തുവരുന്നത്. 75ലക്ഷത്തോളം വിലയുള്ള ആഢംബരകാറായ ഓഡി ക്യൂ 7ആണ് സുരേഷ്‌ഗോപിയുടേത്. ഇത് പുതുച്ചേരിയിലാണ് രജിസ്റ്റര്‍ ചെയ്തിരിക്കുന്നത്. കഴിഞ്ഞ വര്‍ഷം തന്നെ ഇത്തരത്തില്‍ ആരോപണമുര്‍ന്നപ്പോള്‍ തനിക്ക് പുതുച്ചേരിയില്‍ അഡ്രസ്സുണ്ടെന്ന് സുരേഷ്‌ഗോപി പ്രതികരിച്ചിരുന്നു.

ആഡംബര കാറുകള്‍ രജിസ്റ്റര്‍ ചെയ്യുവാന്‍ കേരളത്തില്‍ പതിനാല് ലക്ഷം രൂപയാണ് നികുതി നല്‍കേണ്ടത്. പുതുച്ചേരിയില്‍ ഇതിന് ഒന്നരലക്ഷം രൂപ നല്‍കിയാല്‍ മതി. എന്നാല്‍ പുതുച്ചേരിയില്‍ താമസിക്കുന്നയാളുടെ മേല്‍വിലാസം നല്‍കിയാല്‍ മാത്രമേ വാഹനം രജിസ്റ്റര്‍ ചെയ്യാന്‍ കഴിയൂ. ഈ ചട്ടമാണ് വ്യാജമേല്‍വിലാസം ഉപയോഗിച്ച് വാഹനം രജിസ്റ്റര്‍ ചെയ്തത് വഴി താരങ്ങള്‍ ദുരുപയോഗം ചെയ്തിരിക്കുന്നത്.

ഫഹദ്ഫാസില്‍ ഉപയോഗിക്കുന്ന py -05-9899 ആഡംബരകാര്‍ ബെന്‍സ് ഇ പുതുച്ചേരി വിലാസത്തിലാണ് രജിസ്റ്റര്‍ ചെയ്തിട്ടുള്ളതെന്ന് കണ്ടെത്തി. ഫഹദ് രജിസ്റ്റര്‍ ചെയ്ത വിലാസത്തില്‍ അന്വേഷിച്ച് ചെന്ന സംഘത്തിന് മറ്റൊരു കുടുംബത്തെയാണ് കാണാനായതെന്ന് മാതൃഭൂമി റിപ്പോര്‍ട്ട് ചെയ്യുന്നു.