ന്യൂയോര്‍ക്കിലെ ആര്‍ച്ച് ബിഷപ്പായ കര്‍ദ്ദിനാള്‍ തിമോത്തി ഡോളന്‍ ഒന്നാം സ്ഥാനത്തേക്കുള്ള സാധ്യതയുള്ള മത്സരാര്‍ത്ഥികളുടെ ചുരുക്കപ്പട്ടികയിലില്ല, എന്നാല്‍ അതില്‍ മറ്റൊരു അമേരിക്കക്കാരനായ കര്‍ദ്ദിനാള്‍ ജോസഫ് ടോബിന്‍ ഉള്‍പ്പെടുന്നു, ന്യൂജേഴ്സിയിലെ നെവാര്‍ക്കിലെ ആര്‍ച്ച് ബിഷപ്പ്. യുഎസില്‍ നിന്ന് ഒരു പോപ്പ് ഉണ്ടായിട്ടില്ല.
ലാറ്റിനമേരിക്കയില്‍ നിന്നുള്ള ആദ്യ പോണ്ടിഫിന്റെ സംസ്‌കാര ചടങ്ങില്‍ പങ്കെടുക്കാന്‍ ട്രംപും ഭാര്യ മെലാനിയയും കഴിഞ്ഞ വാരാന്ത്യത്തില്‍ റോമിലേക്ക് പോയിരുന്നു.
കുടിയേറ്റക്കാരോടുള്ള അനുകമ്പയ്ക്കുള്ള പോപ്പിന്റെ അഭ്യര്‍ത്ഥനയുമായി ബന്ധപ്പെട്ട് ഒരു ദശാബ്ദത്തിലേറെയായി ഇരുവരും വിമര്‍ശിച്ചിരുന്നു.
135 കത്തോലിക്കാ കര്‍ദിനാള്‍മാര്‍ അടുത്ത മാര്‍പ്പാപ്പയെ തിരഞ്ഞെടുക്കാന്‍ ഒരു രഹസ്യ കോണ്‍ക്ലേവില്‍ പ്രവേശിക്കാന്‍ ഉടന്‍ ചുമതലപ്പെടുത്തും.

മാറ്റത്തിന് ആഹ്വാനം ചെയ്ത് ഫ്രാന്‍സിസ് മാര്‍പാപ്പ. ലൈംഗികാരോപണങ്ങള്‍ ജനങ്ങളെ സഭയില്‍ നിന്ന് അകറ്റുന്നതായി മാര്‍പാപ്പ പറഞ്ഞു. ഭാവി തലമുറയെ ഒപ്പം നിര്‍ത്തണമെങ്കില്‍ നിലപാടുകള്‍ മാറണം. ലൈംഗിക, സാമ്പത്തിക അപവാദങ്ങളെ അപലപിക്കാത്തതില്‍ യുവാക്കള്‍ അസ്വസ്ഥരാണ്. പരാതികളോട് സുതാര്യമായും സത്യസന്ധമായും പ്രതികരിക്കണം. സഭയില്‍ പരിവര്‍ത്തനം ആവശ്യമെന്നും മാര്‍പാപ്പ പറഞ്ഞു.

വത്തിക്കാന്‍ സിറ്റി: വൈകല്യമുള്ള കുഞ്ഞിനെ ഇല്ലാതാക്കാന്‍ നടത്തുന്ന ഭ്രൂണഹത്യകള്‍ നാസി കാലഘട്ടത്തിലെ വംശഹത്യക്ക് തുല്യമാണെന്ന് ഫ്രാന്‍സിസ് മാര്‍പാപ്പ. റോമില്‍ ഫാമിലി അസോസിയേഷന്‍ പ്രതിനിധി സംഘത്തോട് സംസാരിക്കുകയായിരുന്നു അദ്ദേഹം. ഗര്‍ഭാവസ്ഥയിലുള്ള കുഞ്ഞിന് ആരോഗ്യപരമായ തകരാറുണ്ടെങ്കില്‍ ആദ്യ മാസങ്ങളില്‍ തന്നെ ഭ്രൂണഹത്യ നടത്തുന്നത് ഒരു ഫാഷനോ, സര്‍വ സാധാരണ സംഭവമോ ആയി മാറിയിരിക്കുന്നു. അത് ഏറെ വേദനാജനകമാണ്. കഴിഞ്ഞ നൂറ്റാണ്ടില്‍ വംശശുദ്ധീകരണത്തിനുവേണ്ടി നാസികള്‍ ചെയ്ത നടത്തിയ കാര്യങ്ങളെ ലോകം നിന്ദിക്കാറുണ്ട്. ഇന്ന് നമ്മളും അതു തന്നെയല്ലേ ചെയ്യുന്നത്. വെളുത്ത ഗ്ലൗസുകള്‍ കൈയിലണിയുന്നുണ്ടെന്നത് മാത്രമാണ് ഏക വ്യത്യാസം-മാര്‍പാപ്പ പറഞ്ഞു. ശുദ്ധ ആര്യന്‍ വര്‍ഗം എന്ന ആശയം പ്രാവര്‍ത്തികമാക്കുന്നതിനുവേണ്ടി നാസികള്‍ ഭ്രൂണഹത്യ നടത്തുകയും ശാരീരിക മാനസിക ദൗര്‍ബല്യമുള്ളവരെ വന്ധ്യംകരണത്തിന് വിധേയമാക്കുകയും ചെയ്തിരുന്നു. ഭ്രൂണ ലിംഗ പരിശോധനയിലും മാര്‍പാപ്പ പ്രതിഷേധം പ്രകടിപ്പിച്ചു. കുടുംബം പാവനമായ സങ്കല്‍പ്പമാണെന്ന് മാര്‍പാപ്പ പറഞ്ഞു. പരസ്പരധര്‍മ്മം എന്നാണ് കുടുംബത്തിന്റെ വാക്ക് അര്‍ത്ഥമാക്കുന്നത്. ദൈവ വിശ്വാസമില്ലാത്ത ഒരു സ്ത്രീക്കും പുരുഷനും കുഞ്ഞ് ജനിക്കുന്നതോടെ അവരറിയാതെ ദൈവത്തിന്റെ പ്രതിരൂപമായി മാറുകയാണെന്ന് മാര്‍പാപ്പ അഭിപ്രായപ്പെട്ടു. അര്‍ജന്റീനയില്‍ 14 ആഴ്ച വരെ പ്രായമുള്ള ഭ്രൂണം അലസിപ്പിക്കാന്‍ അനുമതി നല്‍കുന്ന ബില്ലിന് അനുകൂലമായി ജനങ്ങള്‍ വോട്ട് ചെയ്ത പശ്ചാത്തലത്തിലാണ് മാര്‍പാപ്പയുടെ അഭിപ്രായ പ്രകടനം.

വാന്‍കൂവര്‍: കാനഡയിലെ വാന്‍കൂവറില്‍ നടക്കുന്ന അന്താരാഷ്ട്ര സമ്മേളനത്തെ വീഡിയോ കോണ്‍ഫ്രന്‍സിലൂടെ അഭിസംബോധന ചെയ്ത ഫ്രാന്‍സിസ് മാര്‍പാപ്പ അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ കുടിയേറ്റ വിരുദ്ധ നയങ്ങളെ കടുത്ത ഭാഷയില്‍ വിമര്‍ശിച്ചു. അര്‍ജന്റീനയിലേക്ക് വെറുംകയ്യോടെ കുടിയേറേണ്ടിവന്ന ദരിദ്രരായ ഇറ്റലിക്കാരുടെ മകനാണ് താനെന്ന് അദ്ദേഹം പറഞ്ഞു. ഞാന്‍ കുടിയേറ്റക്കാരുടെ കുടുംബത്തില്‍ ജനിച്ചവാണ്. മറ്റുപല ഇറ്റലിക്കാരെയും പോലെ എന്റെ അച്ഛനും അപ്പൂപ്പനമ്മൂമ്മമാരും അര്‍ജന്റീനയിലേക്ക് കുടിയേറിയവരാണ്. ഒന്നുമില്ലാതെ നാടുവിടേണ്ടി വന്നവര്‍. ഇക്കാലത്ത് പുറന്തള്ളപ്പെട്ട ജനതയുമായി തനിക്ക് താദാത്മ്യപ്പെടാന്‍ സാധിക്കും-മാര്‍പാപ്പ പറഞ്ഞു. ഒരുമിച്ചുനില്‍ക്കുകയും എല്ലാവരെയും ഉള്‍ക്കൊള്ളാനും സാധിച്ചാലേ ഭാവി പടത്തുയര്‍ത്താന്‍ സാധിക്കൂ എന്നും അദ്ദേഹം ഉണര്‍ത്തി. ആഗോള അസന്തുലിതാവസ്ഥ, കാലാവസ്ഥാ വ്യതിയാനം തുടങ്ങിയ നിരവധി പ്രശ്‌നങ്ങള്‍ മാര്‍പാപ്പ പ്രസംഗത്തില്‍ പരാമര്‍ശിച്ചു.