ലോക്‌സഭാ തിരഞ്ഞെടുപ്പ് പടിവാതില്‍ക്കല്‍ എത്തി നില്‍ക്കെയാണ് കോണ്‍ഗ്രസ് ജനകീയ പ്രക്ഷോഭ യാത്രയുമായി കളത്തിലിറങ്ങുന്നത്. കേന്ദ്ര-സംസ്ഥാന സര്‍ക്കാരുകളുടെ ജനദ്രോഹ നയങ്ങളെ ജനങ്ങള്‍ക്ക് മുന്നില്‍ തുറന്നുകാട്ടനാണ് ശ്രമം. മുഖ്യമന്ത്രിയുടെ മകള്‍ക്കെതിരായ അന്വേഷണവും സംസ്ഥാനത്തെ സാമ്പത്തിക പ്രതിസന്ധിയും യാത്രയിലുടനീളം ചര്‍ച്ചയാകും.

മുപ്പതിലധികം പൊതുസമ്മേളനങ്ങളാണ് യാത്രയുടെ ഭാഗമായി സംഘടിപ്പിക്കുന്നത്. ഇന്ന് നടക്കുന്ന സംസ്ഥാനതല ഉദ്ഘാടനത്തില്‍ കേന്ദ്ര-സംസ്ഥാന നേതാക്കള്‍ പങ്കെടുക്കും. കെ.പി.സി.സി പ്രസിഡന്റ് കെ സുധാകരനും പ്രതിപക്ഷ നേതാവ് വി ഡി സതീശനുമാണ് യാത്ര നയിക്കുന്നത്. വിവിധ മേഖലകളിലെ പ്രശ്‌നബാധിതരുമായി നേരിട്ട് സംവദിക്കാനുള്ള ഒരുക്കത്തിലാണ് കോണ്‍ഗ്രസ് നേതൃത്വം.