ഒക്ടോബറിൽ ദീമാപൂരിലേക്കുള്ള ഇൻഡിഗോ വിമാനത്തിൽ യാത്രക്കാരന്റെ പവർ ബാങ്ക് കത്തി തീപിടിച്ചതിനെ തുടർന്ന് ഡൽഹി ഇന്ദിരാഗാന്ധി അന്താരാഷ്ട്ര വിമാനത്താവളത്തിൽ വിമാനം അടിയന്തിരമായി ഇറക്കിയിരുന്നു. സംഭവത്തിൽ ആർക്കും പരിക്കുകളില്ലായിരുന്നു.

യാത്രക്കിടെ ഇലക്ട്രോണിക് ഉപകരണങ്ങൾ അസാധാരണമായി ചൂടുപിടിക്കുക, പുക ഉയരുക, അല്ലെങ്കിൽ ഗന്ധം അനുഭവപ്പെടുക തുടങ്ങിയ സാഹചര്യം ഉണ്ടായാൽ ഉടൻ കാബിൻ ക്രൂവിനെ അറിയിക്കണമെന്ന് ഡിജിസിഎ യാത്രക്കാരോട് നിർദേശിച്ചു.

നിലവിൽ 100 വാട്ടിൽ താഴെയുള്ള പവർ ബാങ്കുകൾക്ക് മാത്രമാണ് വിമാനത്തിൽ അനുമതി. മുൻപ് എമിറേറ്റ്‌സ് എയർലൈൻസ് പവർ ബാങ്കുകൾക്ക് നിയന്ത്രണം ഏർപ്പെടുത്തിയിരുന്നു. സിംഗപ്പൂർ എയർലൈൻസും ഖത്തർ എയർവേയ്സും സമാന നടപടികൾ ഇതിനകം സ്വീകരിച്ചിട്ടുണ്ട്.

യാത്രക്കാരുടെയും വിമാനങ്ങളുടെയും സുരക്ഷ ഉറപ്പാക്കുന്നതിനായാണ് പുതിയ നിർദേശങ്ങളെന്ന് ഡിജിസിഎ അറിയിച്ചു.

നെടുമ്പാശ്ശേരി: മൊബൈല്‍ ഫോണുകള്‍ ചാര്‍ജ്ജ് ചെയ്യാന്‍ ഉപയോഗിക്കുന്ന പവര്‍ ബാങ്കുകള്‍ വിമാനത്തില്‍ കൊണ്ടു പോകുന്നതിന് കര്‍ശന നിയന്ത്രണം. ബ്യൂറോ ഓഫ് സിവില്‍ ഏവിയേഷന്‍ സെക്യൂരിറ്റീസി(ബി.സി.എ.എസ്) ന്റെ നിര്‍ദ്ദേശ പ്രകാരം നെടുമ്പാശ്ശേരി വിമാന താവളത്തിലാണ് നിയന്ത്രണം ഏര്‍പ്പെടുത്തിയത്. പവര്‍ ബാങ്കുകള്‍ തുറന്ന് രാസവസ്തുകള്‍ നിറച്ച് ഇത്് സ്‌ഫോടകവസ്തുക്കളാക്കി മാറ്റാനാകും എന്ന സാധ്യത മുന്‍നിര്‍ത്തിയാണ് സുരക്ഷക്ക് ഭീക്ഷണിയുണ്ടാവുന്ന പവര്‍ ബാങ്കുങ്ങള്‍ക്ക് നിയന്ത്രണം. വിമാനത്തില്‍ കൊറിയര്‍, കാര്‍ഗോ വഴി പവര്‍ബാങ്കുകള്‍ അയക്കുന്നതിനും നിരോധനമേര്‍പ്പെടുത്തിയിട്ടുണ്ട്.

നിയന്ത്രണത്തെ തുടര്‍ന്ന് ഇനി മുതല്‍ പവര്‍ ബാങ്കുകള്‍ ചെക് ഇന്‍ ബാഗേജുകളില്‍ കൊണ്ടുപോകാന്‍ അനുവദിക്കില്ല. ഹാന്‍ഡ് ബാഗേജുകളില്‍ ഇവ കൊണ്ടു പോകാന്‍ കഴിയും. എന്നാല്‍ പ്രാദേശികമായി നിര്‍മ്മിക്കുന്ന നിലവാരം കുറഞ്ഞ പവര്‍ ബാങ്കുകള്‍ക്ക് ഈ രണ്ടു തരം ബാഗേജുകളിലും വിലക്കുണ്ട്.

പ്രാദേശികമായി നിര്‍മ്മിക്കുന്ന പവര്‍ ബാങ്കുകളില്‍ സെല്ലുകള്‍ക്കു പുറമേ കളിമണ്ണുപയോഗിച്ചുള്ള വ്യാജബാറ്ററികളും ഉപയോഗിക്കുന്നുണ്ട്. ഇത്തരം പവര്‍ ബാങ്കുകള്‍ അനായാസം തുറക്കാന്‍ സാധിക്കുമെന്നതിനാല്‍ രാസവസ്തുക്കള്‍ നിറയ്ക്കാനും ഇവയെ സമാന്തര സ്‌ഫോടകവസ്തുക്കളാക്കി മാറ്റാനും സാധിക്കും. നേരത്തെ മംഗലാപുരം വിമാനത്താവളത്തില്‍ ഒരു യാത്രക്കാരനില്‍ നിന്ന് ഇത്തരത്തിലുള്ള ഒരു പവര്‍ബാങ്ക് പിടിച്ചെടുത്തിരുന്നു.

അതേസമയം നിയന്ത്രണം മറികടന്ന് ചെക് ഇന്‍ ബാഗേജില്‍ പവര്‍ ബാങ്ക് ഉള്‍പ്പെടുത്തിയതായി കണ്ടെത്തിയാല്‍ അതു കണ്ടു കെട്ടുകയും യാത്രക്കാരെ തുടര്‍ പരിശോധനകള്‍ക്കായി വിളിപ്പിക്കുകയും ചെയ്യുമെന്നും ബി. സി. എ. എസ് അറിയിച്ചു.