പ്രണബ് മുഖര്‍ജിയുടെ നിര്യാണത്തില്‍ രാഷ്ട്രത്തിന്റെ ദു:ഖത്തില്‍ പങ്ക് ചേരുന്നു.
അതുല്യ പ്രതിഭാശാലി, പ്രഗത്ഭന്‍, എന്നതല്ലാം എല്ലാവരും പറയുന്ന കാര്യമാണ് അതിലൊന്നും യാതൊരുവിധ വ്യത്യാസങ്ങളില്ല. ഇടപെട്ട, ഏറ്റെടുത്ത മേഖലയിലെല്ലാം അദ്ദേഹം ശോഭിച്ചു. ഞാനദ്ദേഹത്തില്‍ കണ്ട പ്രത്യേകത ഏത് പദവിയിലിരിക്കുമ്പോഴും അദ്ദേഹം കാണിക്കുന്ന വ്യക്തിത്വമാണ്. തന്റെ വ്യക്തമായ കാഴ്ചപ്പാട് എവിടെ ആയിരുന്നാലും മുറുകെ പിടിക്കണമെന്ന അദ്ദേഹത്തിന്റെ സൈദ്ധാന്തിക നിര്‍ബന്ധ ബുദ്ധിയെ പ്രകീര്‍ത്തീകാതെ വയ്യ.
മറ്റൊരു കാര്യം അദ്ദേഹം ധനകാര്യ മന്ത്രിയായിരിക്കെ പാര്‍ലമെന്റില്‍ നടത്തിയ പല പ്രസംഗങ്ങളും ശ്രദ്ധാപൂര്‍വ്വം ഞങ്ങളൊക്കെ കേട്ടുനില്‍ക്കാറുണ്ട്. കാരണം പുസ്തകം നോക്കാതെ, നോട്ട് കുറിക്കാതെ ഇന്ത്യയുടെ സാമ്പത്തിക സാഹചര്യങ്ങളും ഓരോ സെക്ടറിലും ഈ നാട് കൈവരിച്ച നേട്ടങ്ങളും കോട്ടങ്ങളും ഇന്ത്യയുടെ അന്താരാഷ്ട്ര ബന്ധങ്ങളും എല്ലാം കൃത്യമായി പറയാന്‍ കഴിയുന്ന വിശകലന ശേഷി അദ്ദേഹത്തിനുണ്ടായിരുന്നു. ഒരു നോട്ടും കുറിക്കാതെ ഈ കാര്യങ്ങളെ പറ്റിയെല്ലാം അതിമനോഹരമായി, കൃത്യമായി പറയാന്‍ കഴിഞ്ഞിരുന്ന അദ്ദേഹത്തിന്റെ ധിഷണാപരമായ പാണ്ഡിത്യവും അറിവും എന്നെ വളരെയധികം ആകര്‍ഷിച്ച കാര്യമാണ്.

I was new to Delhi in 2014. From Day 1, I was blessed to have the guidance, support and blessings of Shri Pranab Mukherjee. I will always cherish my interactions with him. Condolences to his family, friends, admirers and supporters across India. Om Shanti. pic.twitter.com/cz9eqd4sDZ

— Narendra Modi (@narendramodi) August 31, 2020

രാഷ്ട്രപതി സ്ഥാനമൊഴിഞ്ഞപ്പോള്‍ പ്രണബ് മുഖര്‍ജിക്ക് പ്രധാനമന്ത്രി നരേന്ദ്ര മോദി കത്ത് എഴുതിയിരുന്നു. തന്റെ ലക്ഷ്യം ബൃഹത്തും കഠിനവുമായിരുന്നു. വിഷമകരമായ ആ കാലയളവില്‍ പ്രണബ് പിതാവും മാര്‍ഗദര്‍ശിയുമായിരുന്നുവെന്നും മോദി കത്തില്‍ പറഞ്ഞിരുന്നു.

With great sadness, the nation receives the news of the unfortunate demise of our former President Shri Pranab Mukherjee.

I join the country in paying homage to him.

My deepest condolences to the bereaved family and friends. pic.twitter.com/zyouvsmb3V

— Rahul Gandhi (@RahulGandhi) August 31, 2020

നമ്മുടെ മുന്‍ രാഷ്ട്രപതി പ്രണബ് മുഖര്‍ജിയുടെ നിര്‍ഭാഗ്യകരമായ നിര്യാണ വാര്‍ത്ത രാജ്യം അതീവ ദുഃഖത്തോടെയാണ് കേള്‍ക്കുന്നത്. അദ്ദേഹത്തിന് ആദരാഞ്ജലി അര്‍പ്പിച്ച് രാജ്യത്തോടൊപ്പം ഞാന്‍ ചേരുന്നു. ദുഃഖിതരായ അദ്ദേഹത്തിന്റെ കുടുംബത്തിനും സുഹൃത്തുക്കള്‍ക്കും എന്റെ അഗാധമായ അനുശോചനം, രാഹുല്‍ ഗാന്ധി ട്വിറ്ററില്‍ കുറിച്ചു.

മുന്‍ രാഷ്ട്രപതി പ്രണബ് മുഖര്‍ജി (85) അന്തരിച്ച വിവരം മകന്‍ അഭിജിത് മുഖര്‍ജിയാണ് ട്വിറ്ററിലൂടെ പുറത്തറിയിച്ചത്. വൈകുന്നേരം അഞ്ചരയോടെയാണ് അന്ത്യം. ഭാരതരത്‌ന നല്‍കി രാജ്യം ആദരിച്ച പ്രണബ് ബംഗാളില്‍ നിന്ന് ഇന്ത്യന്‍ രാഷ്ട്രപതിയാകുന്ന ആദ്യ വ്യക്തിയായിരു്ന്നു. ഇന്ദിരാ ഗാന്ധി ദേശീയ രാഷ്ട്രീയത്തിലെത്തിച്ച പ്രണബ് കേന്ദ്രമന്ത്രി, ആസൂത്രണ കമ്മിഷന്‍ ഉപാധ്യക്ഷന്‍, രാജ്യസഭാ അധ്യക്ഷന്‍ തുടങ്ങിയ പദവികള്‍ വഹിച്ചിട്ടുണ്ട്. പിന്നീട് ഇന്ത്യയുടെ 13 ാം രാഷ്ട്രപതിയായി വ്യക്തി മുദ്ര പതിപ്പിക്കുകയായിരുന്നു ബംഗാള്‍ സ്വദേശിയായ പ്രണബ് കുമാര്‍ മുഖര്‍ജി.

തലച്ചോറില്‍ രക്തം കട്ടപിടിച്ചതിനെ തുടര്‍ന്ന് ഓഗസ്ത് 10നാണ് പ്രണബ് മുഖര്‍ജിയെ ശസ്ത്രക്രിയയ്ക്കായി ആശുപത്രിയില്‍ പ്രവേശിപ്പിച്ചത്. കോവിഡ് ബാധിതനായ പ്രണബിന് തലച്ചോറില്‍ രക്തം കട്ടപിടിച്ചതിനെത്തുടര്‍ന്ന് ശസ്ത്രക്രിയ നടത്തിയിരുന്നു. പിന്നാലെയാണ് അദ്ദേഹം അബോധാവസ്ഥയിലായത്.

ബംഗാളില്‍ നിന്ന് ഇന്ത്യന്‍ രാഷ്ട്രപതിയാകുന്ന ആദ്യ വ്യക്തിയാണ് പ്രണബ് മുഖര്‍ജി. ഇന്ദിരാ ഗാന്ധി ദേശീയ രാഷ്ട്രീയത്തിലെത്തിച്ച പ്രണബ് കേന്ദ്രമന്ത്രി, ആസൂത്രണ കമ്മിഷന്‍ ഉപാധ്യക്ഷന്‍, രാജ്യസഭാ അധ്യക്ഷന്‍ തുടങ്ങിയ പദവികള്‍ വഹിച്ചിട്ടുണ്ട്. ബജറ്റ് അവതരിപ്പിച്ച ആദ്യ ബംഗാളിയെന്ന അംഗീകാരവും പ്രണബിനു സ്വന്തം.
ഇന്ത്യ യുഎസ് ആണവ കരാര്‍ നടപ്പാക്കുന്നതില്‍ മുഖ്യപങ്കു വഹിച്ചതു പ്രണബ് മുഖര്‍ജിയായിരുന്നു. 2004 ല്‍ പ്രതിരോധമന്ത്രിയും 2006 ല്‍ വിദേശകാര്യ മന്ത്രിയുമായി. രണ്ടാം യുപിഎ സര്‍ക്കാരില്‍ ധനമന്ത്രിയായിരിക്കുമ്പോള്‍ ദേശീയ ഗ്രാമീണ തൊഴിലുറപ്പ് നിയമം, പെണ്‍കുട്ടികളുടെ സാക്ഷരത ആരോഗ്യ പരിരക്ഷാ പദ്ധതി തുടങ്ങിയവ വഴി ശ്രദ്ധേയനായി. ഭാരതരത്ന നൽകി രാജ്യം ആദരിച്ച പ്രണബ് ഇന്ത്യയുടെ 13- ാം രാഷ്ട്രപതിയായിരുന്നു.

Updating…..

ലോക്‌സഭാ തെരഞ്ഞെടുപ്പ് നടത്തിപ്പിൽ തെരഞ്ഞെടുപ്പ് കമ്മീഷന്റ പ്രകടനം കുറ്റമറ്റതായിരുന്നുവെന്ന് പുകഴ്ത്തിയ മുൻ രാഷ്ട്രപതി പ്രണബ് മുഖർജി, വോട്ടിങ് യന്ത്രങ്ങളുടെ സുരക്ഷ സംബന്ധിച്ച വാർത്തകൾ പുറത്തുവന്നപ്പോൾ നിലപാട് തിരുത്തി. ജനവിധിയിൽ കൃത്രിമത്വം നടക്കുന്നുവെന്ന റിപ്പോർട്ടുകളിൽ തനിക്ക് ആശങ്കയുണ്ടെന്നും വോട്ടിങ് യന്ത്രങ്ങളുടെ സുരക്ഷ ഉറപ്പു വരുത്തേണ്ടത് തെരഞ്ഞെടുപ്പ് കമ്മീഷന്റെ ബാധ്യസ്ഥതയാണെന്നും മുഖർജി പ്രസ്താവനയിൽ പറഞ്ഞു.

നേരത്തെ, മാധ്യമപ്രവർത്തക സോണിയ സിങിന്റെ പുസ്തക പ്രകാശന വേളയിലാണ് പ്രണബ് മുഖർജി തെരഞ്ഞെടുപ്പ് കമ്മീഷന് ക്ലീൻചിറ്റ് നൽകിയത്. രാജ്യത്തെ സ്ഥാപനങ്ങൾ വർഷങ്ങൾ കൊണ്ട് ഉണ്ടാകുന്നതാണെന്നും അവയെ കുറ്റം പറയാതെ ശരിയായ രീതിയിൽ ഉപയോഗിക്കുകയാണ് രാഷ്ട്രീയ പാർട്ടികൾ ചെയ്യേണ്ടത് എന്നുമായിരുന്നു അദ്ദേഹത്തിന്റെ വാക്കുകൾ. മുൻ കോൺഗ്രസ് നേതാവ് കൂടിയായ പ്രണബിന്റെ വാക്കുകൾ സംഘ് പരിവാർ ആഘോഷിച്ചിരുന്നു.

എന്നാൽ, ജനാധിപത്യത്തിന്റെ അടിസ്ഥാനത്തെ വെല്ലുവിളിക്കുന്ന കാര്യങ്ങൾ അനുവദിച്ചു കൂടെന്നും യുക്തിസഹമായ സംശയങ്ങൾക്ക് അതീതമായി വേണം ജനങ്ങളുടെ വിധി നിർണയം നടക്കാനെന്നും അദ്ദേഹം വ്യക്തമാക്കി. തെരഞ്ഞെടുപ്പ് പ്രക്രിയയുടെ വിശ്വാസ്യത നിലനിർത്താനുള്ള ഉത്തരവാദിത്തം തെരഞ്ഞെടുപ്പ് കമ്മീഷനാണ്. അവർ അത് നിറവേറ്റുകയും സംശയങ്ങൾ ദൂരീകരിക്കുകയും വേണം. – അദ്ദേഹം പറഞ്ഞു.

പ്രണബ് മുഖര്‍ജിയെ തുടരാന്‍ അനുവദിച്ചാല്‍ അതൊരു നല്ല കീഴ്‌വഴക്കം ആയിരിക്കുമെന്നും എന്നാല്‍ ഇക്കാര്യത്തില്‍ തീരുമാനമെടുക്കേണ്ടത് ഭരിക്കുന്ന പാര്‍ട്ടിയും കേന്ദ്ര സര്‍ക്കാറുമാണെന്നും നിതീഷ് കുമാര്‍ പറഞ്ഞു. രാഷ്ട്രപതി രാജ്യത്തെ മൊത്തത്തില്‍ പ്രതിനിധീകരിക്കുന്നയാളാണ്. എല്ലാ പാര്‍ട്ടികളെയും മുഖവിലക്കെടുത്ത് ബി.ജെ.പി പ്രണബിനെ പിന്തുണക്കുകയാണെങ്കില്‍ നന്നാവും. – നിതീഷ് പറഞ്ഞു. ഭരണകക്ഷി ഒരു സമന്വയത്തിന് തയാറാവുന്നില്ലെങ്കില്‍ പ്രതിപക്ഷ പാര്‍ട്ടികള്‍ അതിന് ശ്രമിക്കണമെന്നും അദ്ദേഹം കൂട്ടിച്ചേര്‍ത്തു.

രാഷ്ട്രപതി സ്ഥാനത്തേക്ക് മതേതര യോഗ്യതകള്‍ ഉള്ള പൊതു സ്ഥാനാര്‍ത്ഥിയെ നിര്‍ത്തുന്നതിനായി കോണ്‍ഗ്രസും ഇടതുപക്ഷവും അടക്കമുള്ളവര്‍ ശ്രമം നടത്തുന്നതിനിടെയാണ് നിതീഷ് കുമാറിന്റെ നിര്‍ദേശം. ഈ വിഷയം സംസാരിക്കാന്‍ കോണ്‍ഗ്രസ് അധ്യക്ഷ സോണിയ ഗാന്ധിയും തൃണമൂല്‍ കോണ്‍ഗ്രസ് അധ്യക്ഷ മമതാ ബാനര്‍ജിയും ചര്‍ച്ച നടത്താനിരിക്കുകയാണ്. പൊതു സ്ഥാനാര്‍ത്ഥിയെ നിര്‍ത്തുന്നതു സംബന്ധിച്ച് സമവായമുണ്ടാക്കാന്‍ കഴിയുമെന്നാണ് പ്രതീക്ഷിക്കുന്നതെന്ന് കോണ്‍ഗ്രസ് ശോഭാ ഓജ പറഞ്ഞു. നിതീഷ് കുമാറിന്റെ നിര്‍ദേശത്തെക്കുറിച്ച് പ്രതികരിക്കാനില്ലെന്നും പ്രസിഡണ്ട് സ്ഥാനാര്‍ത്ഥിയെ ഭരണ പാര്‍ട്ടിയാണ് തീരുമാനിക്കേണ്ടതെന്നും അവര്‍ പറഞ്ഞു. പ്രണബ് തുടരുന്ന കാര്യത്തില്‍ സി.പി.എമ്മിനും എതിര്‍പ്പൊന്നുമില്ലെന്നാണ് സൂചന.

മുന്‍ പശ്ചിമ ബംഗാള്‍ ഗവര്‍ണര്‍ ഗോപാല്‍ കൃഷ്ണ ഗാന്ധി, മുന്‍ ലോക്‌സഭാ സ്പീക്കര്‍ മീരാ കുമാര്‍, എന്‍.സി.പി അധ്യക്ഷന്‍ ശരദ് പവാര്‍, ജെ.ഡി.യു നേതാവ് ശരദ് യാദവ് തുടങ്ങിയര്‍ രാഷ്ട്രപതി സ്ഥാനത്തേക്കുള്ള പ്രതിപക്ഷ സ്ഥാനാര്‍ത്ഥിയായി പരിഗണിക്കപ്പെടുന്നുണ്ട്.