pray – Chandrika Daily

കുവൈത്ത് അഗ്നിബാധ; ദുരന്തബാധിതര്‍ക്ക് വേണ്ടി പ്രാര്‍ത്ഥിക്കുക: സയ്യിദ് സാദിഖലി ശിഹാബ് തങ്ങള്‍

webdesk13 — Wed, 12 Jun 2024 18:07:22 +0000

കുവൈത്ത് അഗ്നിബാധയുടെ ഇരകൾക്ക് വേണ്ടി പ്രാർത്ഥിക്കാൻ സയ്യിദ് സാദിഖലി ശിഹാബ് തങ്ങൾ അഭ്യർത്ഥിച്ചു. മംഗെഫിൽ ഫ്‌ളാറ്റ് സമുച്ചയത്തിലുണ്ടായ അഗ്നിബാധയിൽ 49 പേർക്ക് ജീവൻ നഷ്ടമായെന്ന വാർ നടുക്കുന്നതാണെന്ന് തങ്ങൾ പറഞ്ഞു. മലയാളികളടക്കം നിരവധി പേരാണ് കെട്ടിടത്തിൽ താമസക്കാരായുണ്ടായിരുന്നത്.

പുലർച്ചെ ഉറങ്ങിക്കിടക്കുന്നതിനിടയിലാണ് അപകടം. കുടുംബം പോറ്റാനായി അന്യനാട്ടിലെത്തിയവരുടെ അപകട വാർത്ത തീർത്തും ദുഃഖകരമാണ്. കുവൈത്ത് കെ.എം.സി.സി പ്രസിഡന്റ് സയ്യിദ് നാസർ മഷ്ഹൂർ തങ്ങളുമായി ഫോണിൽ സംസാരിച്ചു കാര്യങ്ങൾ വിലയിരുത്തിയതായി തങ്ങൾ അറിയിച്ചു. കെ.എം.സി.സി പ്രവർത്തകർ സംഭവ സ്ഥലത്ത് സേവന നിരതരാണ്. കുവൈത്ത് ഗവൺമെന്റിന്റെ ദുരന്ത നിവാരണ പ്രവർത്തനങ്ങളും ഊർജിതമായി തന്നെ നടക്കുന്നുണ്ട്.

കുവൈത്തിൽ സംഭവിച്ച ദുരന്തം ഏറെ വേദനിപ്പിക്കുന്നതാണെന്ന് മുസ്ലിംലീഗ് സംസ്ഥാന ജനറൽ സെക്രട്ടറി അഡ്വ. പി.എം.എ സലാം പറഞ്ഞു. മലയാളികളടക്കം നിരവധി പേരാണ് മരണത്തിന് കീഴടങ്ങിയത്. സ്വപ്‌നങ്ങളും പ്രതീക്ഷകളുമായി വിമാനം കയറിയ ഉറ്റവരുടെ വിയോഗം പ്രിയപെട്ടവർക്ക് താങ്ങാവുന്നതിലപ്പുറമാണ്. കുടുംബങ്ങളുടെ ദുഃഖത്തിൽ പങ്ക് ചേരുന്നു. ആശുപത്രിയിലും മറ്റും ആവശ്യമായ സഹായ സഹകരണങ്ങൾക്ക് നേതൃത്വം നൽകാൻ കുവൈത്ത് ഘടകം കെ എം സി സിക്ക് നിർദ്ദേശം നൽകിയതായി പി.എം.എ സലാം അറിയിച്ചു.

റോഡിൽ നിസ്കരിച്ച വിശ്വാസികളെ ചവിട്ടി, മുഖത്തടിച്ചു: സബ് ഇൻസ്പെക്ടർക്ക് സസ്പെൻഷൻ; വീഡിയോ

webdesk14 — Sat, 09 Mar 2024 05:18:54 +0000

ന്യൂഡൽഹി: റോഡിൽ നമസ്കാരം നിർവഹിക്കുന്നതിനിടെ വിശ്വാസികളെ ചവിട്ടി വീഴ്ത്തിയ സബ് ഇൻസ്പെക്ടറെ സസ്പെൻഡ് ചെയ്തു. ഇന്ദർലോക് മെട്രോ സ്റ്റേഷനു സമീപം ഇന്നലെ ഉച്ചയ്ക്ക് ജുമാ നമസ്കാരം നിർവഹിച്ചുകൊണ്ടിരുന്നവരെയാണ് സബ് ഇൻസ്പെക്ടർ മനോജ് കുമാർ തോമർ പിന്നിൽ നിന്നു ചവിട്ടിയത്.

बेहद शर्मनाक!

सड़क पर नमाज़ अदा करते नमाज़ियों को @DelhiPolice का जवान लात से मार रहा है।
इससे ज्यादा शर्म की बात और क्या हो सकती है?@LtGovDelhi pic.twitter.com/8ksWzOfp0P

— Delhi Congress (@INCDelhi) March 8, 2024

വെള്ളിയാഴ്ചയായതിനാൽ പള്ളി നിറയെ ആളുണ്ടായിരുന്നതു കൊണ്ട് വിശ്വാസികളുടെ വരി പുറത്തേക്ക് നീളുകയായിരുന്നു. നിസ്കരിക്കുന്നവരെ നീക്കാൻ മനോജ് കുമാർ തോമറും മറ്റ് പൊലീസ് ഉദ്യോഗസ്ഥരും ശ്രമിക്കുകയായിരുന്നു. നിലത്തിരിക്കുന്നവരുടെ പൊലീസ് ഉദ്യോഗസ്ഥൻ കാലുകൊണ്ട് തൊഴിക്കുകയായിരുന്നു. ചിലർ പൊലീസ് അക്രമം ഭയന്ന് എഴുന്നേറ്റ് മാറുന്നതും വിഡിയോയിൽ കാണാം.

ഗ്യാൻവാപി പള്ളിയിലെ നിലവറയിൽ ഹിന്ദു വിഭാഗത്തിന് പ്രാർത്ഥന തുടരാം; മസ്ജിദ് കമ്മിറ്റിയുടെ ഹർജി അലഹബാദ് ഹൈക്കോടതി തള്ളി

webdesk13 — Mon, 26 Feb 2024 05:24:24 +0000

ഗ്യാന്‍വാപി മസ്ജിദില്‍ ഹിന്ദുക്കള്‍ക്ക് പൂജ തുടരാമെന്ന് അലഹബാദ് ഹൈക്കോടതി. മസ്ജിദിലെ നിലവറകളില്‍ ഹിന്ദുക്കള്‍ക്ക് പൂജ ചെയ്യാന്‍ അനുമതി നല്‍കിയ വാരണാസി ജില്ലാ കോടതി വിധിയെ ചോദ്യം ചെയ്തുകൊണ്ടുള്ള ഹരജി തള്ളിക്കൊണ്ടായിരുന്നു ഹൈക്കോടതിയുടെ പ്രതികരണം.

അഞ്ജുമാന്‍ ഇന്റസാമിയ മസ്ജിദ് കമ്മിറ്റി നല്‍കിയ ഹരജിയാണ് അലഹബാദ് ഹൈക്കോടതി തള്ളിയത്. ജസ്റ്റിസ് രോഹിത് രഞ്ജന്‍ അഗര്‍വാളിന്റെ 11 അംഗ ബെഞ്ചാണ് വിധി പ്രസ്താവന നടത്തിയത്. കേസില്‍ ഫെബ്രുവരി 15ന് സിംഗിള്‍ ബെഞ്ച് ഉത്തരവ് മാറ്റി വച്ചിരുന്നു.
ഗ്യാന്‍വാപിയുടെ ഭാഗമായ വ്യാസ് തെഹ്ഖാന തങ്ങളുടെ അധീനതയിലാണെന്നും വ്യാസ കുടുംബത്തിനും മറ്റും തെഹ്ഖാനയ്ക്കുള്ളില്‍ ആരാധന നടത്താന്‍ അവകാശമില്ലെന്നുമായിരുന്നു ഹരജിയില്‍ കമ്മിറ്റി പറഞ്ഞിരുന്നത്.

1993 മുതല്‍ തെഹ്ഖാനയില്‍ പൂജ നടന്നിട്ടില്ലെന്ന വസ്തുത സമ്മതിക്കുന്നുവെന്ന് കമ്മിറ്റി പറഞ്ഞു. എന്നാല്‍ 30 വര്‍ഷത്തിന് ശേഷം കോടതി ഒരു റിസീവറെ നിയമിക്കുകയും നിലവിലെ വ്യവസ്ഥകള്‍ മാറ്റുകയും ചെയ്താല്‍ അതിന് പിന്നില്‍ എന്തെങ്കിലും ന്യായമായ കാരണങ്ങള്‍ ഉണ്ടാകേണ്ടിയിരുന്നുവെന്നും മസ്ജിദ് കമ്മിറ്റി കോടതിയില്‍ വാദിച്ചു.

17-ാം നൂറ്റാണ്ടില്‍ മുഗള്‍ ചക്രവര്‍ത്തിയായ ഔറംഗസേബിന്റെ ഭരണകാലത്ത് പ്രസ്തുത ഭൂമിയിലെ ഒരു പുരാതന ക്ഷേത്രത്തിന്റെ ഒരു ഭാഗം നശിപ്പിക്കപ്പെട്ടുവെന്നാണ് ഹിന്ദു സംഘടനകളുടെ വാദം.

ഡൽഹിയിലെ മെഹ്റോളിയിൽ തകർത്ത പള്ളിയിൽ പ്രാർത്ഥനക്ക് അനുമതി നിഷേധിച്ച് ഡൽഹി ഹൈക്കോടതി

webdesk13 — Sun, 25 Feb 2024 06:29:25 +0000

ഡല്‍ഹിയിലെ മെഹ്‌റോളിയില്‍ തകര്‍ത്ത അഖൂന്ദ്ജി മസ്ജിദില്‍ ബറാത്ത് ദിനവുമായി ബന്ധപ്പെട്ട പ്രാര്‍ത്ഥനകള്‍ക്ക് അനുമതി നല്‍കാന്‍ വിസമ്മതിച്ച് ഡല്‍ഹി ഹൈക്കോടതി. ബറാഅത്ത് രാവില്‍ മുസ്ലിംകള്‍ അല്ലാഹുവില്‍ നിന്ന് തങ്ങള്‍ക്കും പൂര്‍വികര്‍ക്കും പാപമോചനം തേടി പ്രാര്‍ത്ഥനകള്‍ സംഘടിപ്പിക്കാറുണ്ട്.

ഡല്‍ഹി വഖഫ് ബോര്‍ഡിന് കീഴിലുള്ള പരിപാലന കമ്മിറ്റിയാണ് ഹരജി നല്‍കിയത്. നിലവില്‍ ഡല്‍ഹി നഗരവികസന അതോറിറ്റിയുടെ (ഡി.ഡി.എ) കൈവശമുള്ള ഭൂമിയില്‍ തല്‍സ്ഥിതി തുടരാന്‍ കോടതി ഉത്തരവുണ്ടെന്ന് ജസ്റ്റിസ് പുരുഷേന്ദ്ര കുമാര്‍ ഖോരവ് ചൂണ്ടിക്കാട്ടി.
600 വര്‍ഷം പഴക്കമുള്ള പള്ളി അനധികൃത കയ്യേറ്റമെന്നാരോപിച്ച് ഡി.ഡി.എ പൊളിച്ചുമാറ്റിയ പരാതിയുടെ ഭാഗമായാണ് പ്രാര്‍ത്ഥന സംഘടിപ്പിക്കുന്നതിനുള്ള ഹരജി നല്‍കിയത്.

സമീപത്തെ കല്ലറയില്‍ ബന്ധുക്കളെ അടക്കം ചെയ്തിട്ടുള്ള വിശ്വാസികള്‍ക്ക് ബറാഅത്ത് രാവില്‍ പ്രാര്‍ത്ഥന നടത്തുവാന്‍ അനുവാദം നല്‍കണമെന്ന് ഹരജിക്കാര്‍ ആവശ്യപ്പെട്ടു. നൂറ്റാണ്ടുകള്‍ പഴക്കമുള്ള പള്ളിയില്‍ കുറേ വര്‍ഷങ്ങളായി പ്രാര്‍ത്ഥന നടന്നുവരുന്നുണ്ടെന്നും ഹരജിക്കാരുടെ അഭിഭാഷകന്‍ കോടതിയില്‍ പറഞ്ഞു.

പള്ളി പൊളിച്ചുമാറ്റിയ കേസില്‍ മാര്‍ച്ച് എഴിലേക്ക് വിധി പറയാന്‍ മാറ്റിവെച്ച സാഹചര്യത്തില്‍ ഇപ്പോള്‍ മറ്റ് നിര്‍ദേശങ്ങള്‍ പുറപ്പെടുവിക്കാന്‍ സാധിക്കില്ലെന്നും അതുകൊണ്ട് അപേക്ഷ തള്ളുകയാണെന്നും കോടതി പറഞ്ഞു. ജനുവരി 30നാണ് സഞ്ജയ് വനഭൂമിയിലെ അനധികൃത നിര്‍മിതിയെന്ന് ആരോപിച്ച് ഡി.ഡി.എ അഖൂന്‍ജി മസ്ജിദും ബെഹ്റുല്‍ ഉലൂം മദ്രസയും പൊളിച്ചുമാറ്റിയത്.

പള്ളിയില്‍ പ്രാര്‍ത്ഥിക്കാനെത്തിയ എട്ടാം ക്ലാസ് വിദ്യാര്‍ഥിയെ പീഡിപ്പിക്കാന്‍ ശ്രമിച്ച കപ്യാര്‍ അറസ്റ്റില്‍

webdesk13 — Sun, 08 Oct 2023 13:29:05 +0000

ആറന്മുളയില്‍ പള്ളിയില്‍ പ്രാര്‍ത്ഥിക്കാനെത്തിയ എട്ടാം ക്ലാസ് വിദ്യാര്‍ഥിനിയെ പീഡിപ്പിക്കാന്‍ ശ്രമിച്ച കപ്യാര്‍ അറസ്റ്റിലായി. വര്‍ഗീസ് തോമസ് എന്ന 63 കാരനെയാണ് പൊലീസ് അറസ്റ്റ് ചെയ്തത്. ക്ലാസില്‍ പോകും മുമ്പ് പ്രാര്‍ത്ഥിക്കാന്‍ കയറിയപ്പോഴാണ് കപ്യാര്‍ പെണ്‍കുട്ടിയെ പീഡിപ്പിക്കാന്‍ ശ്രമിച്ചത്. പെണ്‍കുട്ടി പഠിക്കുന്ന സ്‌കൂളിനോട് ചേര്‍ന്നുള്ള പള്ളിയിലാണ് സംഭവം നടന്നത്. പള്ളിയും സ്‌കൂളും ഒരേ കോമ്പൗണ്ടിലായിരുന്നു.

കപ്യാര്‍ പീഡിപ്പിക്കാന്‍ ശ്രമിച്ച കാര്യം പെണ്‍കുട്ടി പുറത്തുപറഞ്ഞെങ്കിലും ഒളിച്ചുവെക്കാന്‍ സമ്മര്‍ദ്ദം ഉണ്ടായെന്നാണ് വിവരം. സ്‌കൂള്‍ അധികൃതരാണ് ഇതിനായി ഇടപെട്ടത്. എന്നാല്‍ വിവരം സ്‌പെഷ്യല്‍ ബ്രാഞ്ചിന്റെ ശ്രദ്ധയില്‍ പെട്ടതോടെയാണ് ശക്തമായ നടപടിയുണ്ടായത്.

പെണ്‍കുട്ടിയുടെ മൊഴിയുടെ അടിസ്ഥാനത്തിലാണ് കപ്യാരെ പൊലീസ് കസ്റ്റഡിയിലെടുത്തു. ആദ്യ ഘട്ടത്തില്‍ പോക്‌സോ കേസ് പൊലീസിനെ അറിയിക്കാതെ ഒളിച്ചുവെക്കാന്‍ ശ്രമിച്ച സ്‌കൂള്‍ അധികൃതര്‍ക്കെതിരെയും കേസെടുക്കുമെന്ന് പൊലീസ് അറിയിച്ചു.

കുവൈത്തിൽ മലയാളി സംഘടനകളുടെ നേതൃത്വത്തിൽ പെരുന്നാൾ നമസ്കാരങ്ങൾ സംഘടിപ്പിച്ചു

webdesk14 — Sat, 22 Apr 2023 04:40:44 +0000

മുഷ്താഖ് ടി.നിറമരുതൂർ

കുവൈത്ത് സിറ്റി :കുവൈത്തിൽ മലയാളി സംഘടനകളുടെ നേതൃത്വത്തിൽ ഈദ് ഗാഹുകളിലും വിവിധ മസ്ജിദുകളിലും പെരുന്നാൾ നമസ്കാരവും സംഘടിപ്പിച്ചു. വ്രത ശുദ്ധി കാത്തുസൂക്ഷിച്ച് ഉത്തമ ജീവിതം നയിക്കാൻ പ്രഭാഷണങ്ങളിൽ ഇമാമുമാർ വിശ്വാസികളെ ഉണർത്തി.

കെ.കെ.ഐ.സി.
കുവൈത്ത് കേരള ഇസ്ലാഹീ സെൻററിൻറെ നേതൃത്വത്തിൽ വിവിധ ഭാഗങ്ങളിലായി ആറ് ഈദ് ഗാഹുകൾ സംഘടിപ്പിച്ചു. അബ്ബാസിയ ഇന്റിഗ്രേറ്റഡ് സ്കൂൾ ഗ്രൗണ്ടിൽ നടന്ന ഈദ് ഗാഹിന് സമീർ അലി എകരൂലും,സാൽമിയ മസിജിദ് അൽ നിംഷ് ഗ്രൗണ്ടിൽ നടന്ന ഈദ് ഗാഹിന് പി.എൻ.അബ്ദുറഹിമാൻ അബ്ദുലത്തീഫും , ഫർവാനിയ പാർക്കിന് സമീപത്തുള്ള ഗ്രൗണ്ടിൽ നടന്ന ഈദ് ഗാഹിന് മുഹമ്മദ് അഷ്റഫ് എകരൂലും
മംഗഫ് മലയാളം ഖുത്തുബ മസ്ജിദ് സമീപത്തുള്ള ഗ്രൗണ്ടിൽ നടന്ന ഈദ് ഗാഹിന് ഷഫീഖ് മോങ്ങവും, ഫഹാഹീൽ ദബ്ബൂസ് പാർക്കിൽ നടന്ന ഈദ് ഗാഹിന് സാജു ചെംനാടും, ഖൈത്താൻ സ്ട്രീറ്റ് പെഡൽ ടറഫിൽ നടന്ന ഈദ് ഗാഹിന് ഷബീർ സലഫിയും നേതൃത്വം നൽകി. .
ഹവല്ലി,ശർഖ്,അബൂഹലീഫ,ജഹറ, മെഹബൂല എന്നിവിടങ്ങളിൽ സെൻ്ററിന്റെ കീഴിൽ മലയാളം ഖുത്തുബ നടക്കുന്ന പള്ളികളിലും ഈദ് നമസ്കാരങ്ങൾ സംഘടിപ്പിച്ചു.

(ഫോട്ടോ: 1. അബ്ബാസിയ ഇന്റിഗ്രേറ്റഡ് സ്കൂൾ ഗ്രൗണ്ടിൽ നടന്ന ഈദ് ഗാഹിന് സമീർ അലി എകരൂൽ നേതൃത്വം നൽകുന്നു. )

ഐ.ഐ. സി.
ഇന്ത്യൻ ഇസ്‌ലാഹി സെന്റർ അബ്ബാസിയ്യ യുണൈറ്റഡ് സ്കൂളിന് പിൻവശം നടന്ന മലയാളി ഈദ് ഗാഹിന് കെ എൻ എം മർകസ്ദഅവാ ട്രഷറർ എം. അഹ്‌മദ്‌ കുട്ടി മദനി എടവണ്ണ നേതൃത്വം നൽകി. മലയാളി ഈദ് ഗാഹിൽ വിവിധ സംഘടന പ്രതിനിധികൾ പങ്കെടുത്തു.
സാൽമിയ മസ്ജിദ് അബ്ദുല്ല വുഹൈബിൽ മൗലവി ലുക്മാൻ പോത്തുകല്ലും, മങ്കഫ് മസ്ജിദ് ഫാത്തിമ അജ്മിയിൽ മൗലവി അബ്ദുന്നാസർ മുട്ടിലും , മഹ്ബൂല പഴയ നാസർ സ്പോർട്സ് അക്കമഡേഷൻ ( KL 10 സലൂണിന് പിൻവശം) മുർഷിദ് അരീക്കാടും നമസ്‌കാരങ്ങൾക്ക് നേതൃത്വം നൽകി.

(ഫോട്ടോ: 2. അബ്ബാസിയ്യ യുണൈറ്റഡ് സ്കൂളിന് പിൻവശം നടന്ന മലയാളി ഈദ് ഗാഹിന് കെ എൻ എം മർകസ്ദഅവാ ട്രഷറർ എം. അഹ്‌മദ്‌ കുട്ടി മദനി എടവണ്ണ നേതൃത്വം നൽകുന്നു..)

ഹുദാ സെൻറർ
ഹുദാ സെൻറർ (കെ.എൻ.എം) ഫഹാഹീൽ സനയ്യ മസ്ജിദിൽ നടന്ന ഈദ് മുസല്ലയിൽ ഹുദാ സെൻറർ പ്രസിഡൻറ് മൗലവി അബ്ദുല്ല കാരക്കുന്ന് പെരുന്നാൾ നിസ്കാരത്തിന് നേതൃത്വം നൽകി.

(ഫോട്ടോ: 3. ഫഹാഹീൽ സനയ്യ മസ്ജിദിൽ നടത്തിയ പെരുന്നാൾ നിസ്കാരത്തിന് ഹുദാ സെൻറർ പ്രസിഡൻറ് മൗലവി അബ്ദുല്ല കാരക്കുന്ന് നേതൃത്വം നൽകുന്നു)

കെ.ഐ.ജി.
കേരള ഇസ്‌ലാമിക് ഗ്രൂപ്പിന് കീഴിൽ കുവൈത്തിലെ വിവിധ ഭാഗങ്ങളിലുള്ള പള്ളികളിൽ പെരുന്നാൾ നമസ്കാരം നടന്നു. മംഗഫ് ഫഹദ് സാലിം മസ്ജിദിൽ നിയാസ് ഇസ്ലാഹിയും മഹബൂല സഹ്‌മി ഫഹദ് ഹാജിരി മസ്ജിദിൽ ഫൈസൽ മഞ്ചേരിയും അർദിയ ഷൈമ അൽ ജബർ മസ്ജിദിൽ സക്കീർ ഹുസൈൻ തുവ്വൂരും റിഗ്ഗഇ സഹ്‌വ് ഹംദാൻ അൽ മുതൈരി മസ്ജിദിൽ അനീസ് ഫാറൂഖിയും സാൽമിയ മസ്ജിദ് ആയിഷയിൽ അൻവർ സഈദും നമസ്കാരത്തിനും പ്രഭാഷണത്തിനും നേതൃത്വം നൽകി.

(ഫോട്ടോ: 4. അർദിയ ഷൈമ അൽ ജബർ മസ്ജിദിൽ സക്കീർ ഹുസൈൻ തുവ്വൂർ നേതൃത്വം നൽകുന്നു.)

കൂടാതെ അറബിക് ഖുതുബ നടക്കുന്ന വിവിധ പള്ളികളിലും നിരവധി മലയാളികൾ പെരുന്നാൾ നിസ്കാരം നിർവഹിച്ചു.