രാഹുല്‍ ഗാന്ധിയുടെ രാജി സന്നദ്ധത തള്ളി, പുനസംഘടനയ്‌ക്കൊരുങ്ങി കോണ്‍ഗ്രസ്

Test User — Sat, 25 May 2019 11:27:18 +0000

ലോക്‌സഭാ തിരഞ്ഞെടുപ്പിലെ പരാജയത്തിന്റെ ഉത്തരവാദിത്തം ഏറ്റെടുത്ത് രാജിവയ്ക്കാമെന്ന രാഹുല്‍ഗാന്ധിയുടെ നിര്‍ദേശം കോണ്‍ഗ്രസ് പ്രവര്‍ത്തകസമിതി ഒറ്റക്കെട്ടായി തള്ളി. പ്രതിസന്ധി ഘട്ടത്തില്‍ രാഹുലിന്റെ സേവനം ആവശ്യമാണെന്നു യോഗം വിലയിരുത്തി. സംഘടനയിലെ തുടര്‍നടപടികള്‍ക്കും സമൂല പുനസംഘനയ്ക്കും യോഗം രാഹുല്‍ ഗാന്ധിയെ ചുമതലപ്പെടുത്തി. പരാജയം കോണ്‍ഗ്രസ് അംഗീകരിക്കുന്നു. തോല്‍വിയുടെ കാരണം പാര്‍ട്ടി പരിശോധിക്കുമെന്നും തിരിച്ചു വരുമെന്നും നേതാക്കള്‍ വാര്‍ത്താസമ്മേളനത്തില്‍ പറഞ്ഞു.
തോല്‍വിയുടെ ഉത്തരവാദിത്തം ഏറ്റെടുത്ത് അദ്ദേഹം അധ്യക്ഷ സ്ഥാനം രാജിവയ്ക്കുമെന്ന അഭ്യൂഹം ശക്തമായെങ്കിലും റിപ്പോര്‍ട്ടുകള്‍ പാര്‍ട്ടി തള്ളി. സംഘടനാതലത്തില്‍ അഴിച്ചുപണി വേണമെന്ന ആവശ്യം ശക്തമാണ്.

പ്രധാനമന്ത്രിയായ ശേഷം ആദ്യമായി മാധ്യമങ്ങളെ കണ്ട് മോദി, മാധ്യമങ്ങളെ കാണുന്നത് നല്ലതെന്ന് രാഹുല്‍ ഗാന്ധി

Test User — Fri, 17 May 2019 12:09:33 +0000

പ്രധാനമന്ത്രി നരേന്ദ്രമോദി വാര്‍ത്ത സമ്മേളനം നടത്തിയതില്‍ സന്തോഷമെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. മോദിയുടെ ഫിലോസഫി ഹിംസയുടേതാണ് ഗാന്ധിയുടെ പോലെ അഹിംസ അല്ലെന്ന് രാഹുല്‍ പറഞ്ഞു. ജനങ്ങളുടെ തീരുമാനത്തിന് അനുസരിച്ച് പ്രവര്‍ത്തിക്കുമെന്നും ജനതീരുമാനത്തിന് മുമ്പേ അതേ കുറിച്ച് ഒന്നും പറയുന്നില്ലെന്നും രാഹുല്‍ വാര്‍ത്ത സമ്മേളനത്തില്‍ പറഞ്ഞു. തെരഞ്ഞെടുപ്പ് കമ്മീഷന്റെ തീരുമാനങ്ങള്‍ ഏകപക്ഷീയമായിരുന്നുവെന്നും രാഹുല്‍ കൂട്ടിച്ചേര്‍ത്തു. റാഫേല്‍ അഴിമതിയില്‍ മറുപടി പറയുയെന്ന് മോദിയോട് രാഹുല്‍ വാര്‍ത്ത സമ്മേളനത്തിനിടെ ആവശ്യപ്പെട്ടു.
മോദിയുടെ രക്ഷിതാക്കള്‍ക്ക് എതിരെ താന്‍ ഒന്നും പറയില്ലെന്നും തന്റെ കുടുംബത്തെ കുറിച്ച് മോദിക്ക് എന്തൊക്കെ പറയണോ പറയട്ടേ എന്നും രാഹുല്‍ പറഞ്ഞു.മോദിയെ പോലെ പരിചയ സമ്പത്തുള്ളവരെ വലിച്ചെറിയുന്ന ആളല്ല താന്‍ എന്നും രാഹുല്‍ വാര്‍ത്ത സമ്മേളനത്തിനിടെ പറഞ്ഞു.

press confrence – Chandrika Daily

രാഹുല്‍ ഗാന്ധിയുടെ രാജി സന്നദ്ധത തള്ളി, പുനസംഘടനയ്‌ക്കൊരുങ്ങി കോണ്‍ഗ്രസ്

പ്രധാനമന്ത്രിയായ ശേഷം ആദ്യമായി മാധ്യമങ്ങളെ കണ്ട് മോദി, മാധ്യമങ്ങളെ കാണുന്നത് നല്ലതെന്ന് രാഹുല്‍ ഗാന്ധി