2014ലാണ് കേസിന് ആസ്പദമായ സംഭവം. ഇടവകയിലെ ആദ്യകുര്‍ബാന ക്ലാസിലെത്തിയ ബാലികയെ വിളിച്ചുവരുത്തി ലൈംഗിക അതിക്രമം നടത്തി എന്നതാണ് കുറ്റം. കുര്‍ബാന ക്ലാസിലെ കുട്ടികളും അധ്യാപകരും പുരോഹിതരും സാക്ഷികളായിരുന്നു. മൊബൈലില്‍ എടുത്ത ഫോട്ടോകള്‍ നിര്‍ണായക തെളിവുകളായി പരിഗണിച്ചാണ് കേസ് തീര്‍പ്പാക്കിയത്. സമൂഹത്തില്‍ മാതൃകാപരമായി പ്രവര്‍ത്തിക്കേണ്ട പുരോഹിതനില്‍നിന്ന് ഒരിക്കലും ഉണ്ടാകാന്‍ പാടില്ലാത്ത പ്രവൃത്തിയാണെന്ന് കോടതി വിലയിരുത്തി.

പ്രോസിക്യൂഷന്‍ 18 സാക്ഷികളെയും 24 രേഖകളും ഒമ്പതു തൊണ്ടിമുതലുകളും ഹാജരാക്കി. ഒല്ലൂര്‍ സ്റ്റേഷന്‍ ഇന്‍സ്‌പെക്ടര്‍മാരായ എസ്.പി. സുധീരന്‍, എന്‍.കെ. സുരേന്ദ്രന്‍, എ. ഉമേഷ് എന്നിവരാണ് അന്വേഷണം പൂര്‍ത്തിയാക്കി കുറ്റപത്രം സമര്‍പ്പിച്ചത്. പ്രോസിക്യൂഷന് വേണ്ടി തൃശൂര്‍ ഫാസ്റ്റ് ട്രാക് കോടതി സ്‌പെഷല്‍ പബ്ലിക് പ്രോസിക്യൂട്ടര്‍ അഡ്വ. കെ.പി. അജയ് കുമാര്‍ ഹാജരായി.

വീട്ടമ്മയെ പീഡിപ്പിച്ചെന്ന കേസില്‍ ഓര്‍ത്തോഡക്‌സ് സഭയിലെ രണ്ടു വൈദികര്‍ കീഴടങ്ങി. ഒന്നാം പ്രതി എബ്രഹാം വര്‍ഗീസ്, നാലാം പ്രതി ഫാ. ജെയ്‌സ് കെ. ജോര്‍ജ് എന്നിവരാണ് കീഴടങ്ങിയത്. ഇരുവരുടെയും മുന്‍കൂര്‍ ജാമ്യാപേക്ഷ സുപ്രിം കോടതി തള്ളിയ സാഹചര്യത്തിലാണ് കീഴടങ്ങല്‍. ഫാ. എബ്രഹാം വര്‍ഗീസ് തിരുവല്ല കോടതിയിലാണ് കീഴടങ്ങിയത്. ഇന്നു കീഴടങ്ങിയില്ലെങ്കില്‍ സുപ്രീം കോടതിയെ വിവരമറിയിച്ച ശേഷം അറസ്റ്റ് നടപടികളിലേക്ക് നീങ്ങാനായിരുന്നു അന്വേഷം സംഘത്തിന്റെ തീരുമാനം.