വോട്ട് എണ്ണാന്‍ പോവുന്ന നമ്മുടെ പ്രവര്‍ത്തകരെ മാനസികമായി തളര്‍ത്തിയും അലസരാക്കിയും കൃത്രിമം കാണിക്കാന്‍ ഉള്ള തയ്യാറെടുപ്പിലാണ് അവര്‍. അതിനാല്‍ നമ്മുടെ ഓരോ കൗണ്‍ട്ടിംഗ് ഏജന്റിന്റെയും ശ്രദ്ധ വോട്ടിംഗ് മെഷീന്‍ മാത്രമായിരിക്കണം. എണ്ണി കഴിയുന്നവരെ മറ്റൊന്നും ആലോജിച്ച് അലസരും നിരാശരും ആവരുത്. അതോടൊപ്പം വോട്ടിംഗ് മെഷീന്‍ സൂക്ഷിച്ചിരിക്കുന്ന സ്ട്രോംഗ് റൂമുകള്‍ക്കുള്ള സുരക്ഷ തുടരണണെന്നും പ്രിയങ്ക ഗാന്ധി വ്യക്തമാക്കി.
തെരഞ്ഞെടുപ്പ് ഫലം പുറത്തുവരാന്‍ മണിക്കൂറുകള്‍ മാത്രം ബാക്കി നില്‍ക്കുമ്പോള്‍ എക്സിറ്റ്പോള്‍ ഫലങ്ങള്‍ പ്രതികൂലമായതിലുള്ള പ്രവര്‍ത്തകരിലെ ആശങ്കയ്ക്കാണ് പ്രിയങ്ക ആത്മവിശ്വാസം പകര്‍ന്നത്. തന്റെ സന്ദേശം നമ്മുടെ എല്ലാ പാര്‍ട്ടി പ്രവര്‍ത്തകരിലേക്കും എത്തിക്കണമെന്നും നേതൃത്വത്തെ അനുസരിച്ചാവണം മുന്നോട്ടുപോക്കെന്നും പ്രിയങ്ക കൂട്ടിച്ചേര്‍ത്തു.

300ല്‍ അധികം സീറ്റുകള്‍ നേടി നരേന്ദ്ര മോദിയുടെ നേതൃത്വത്തില്‍ എന്‍ഡിഎ തന്നെ വീണ്ടും അധികാരത്തില്‍ വരുമെന്നാണ് ഭൂരിപക്ഷം എക്സിറ്റ് പോളുകളും പ്രവചിച്ചിരിക്കുന്നത്. എക്സിറ്റ് പോളുകള്‍ പുറത്തുവന്നതിന് പിന്നാലെ തിരക്കിട്ട കൂടിയാലോചനകളാണ് പ്രതിപക്ഷനിരയില്‍ നടക്കുന്നത്.

2019 ലോക്‌സഭാ തെരഞ്ഞെടുപ്പില്‍ ബി.ജെ.പിക്ക് ഭരണംനിലനിര്‍ത്താന്‍ ഹൃദയമേഖലയിലെ പ്രകടനം മുഖ്യപങ്ക് വഹിക്കുന്ന ഒന്നാണ്. എന്നാല്‍ തെരഞ്ഞെടുപ്പിന്റെ ഓരോ ഘട്ടങ്ങളും കഴിഞ്ഞുകൊണ്ടിരിക്കെ ഹൃദയ ഭൂമിയില്‍ ബിജെപിയുടെ സ്വീകാര്യത വളരെ മോശമായതായാണ് വസ്തുത.

ഏറ്റവും ജനസാന്ദ്രമായ ഹിന്ദി ഹൃദയഭൂമിയായ ഉത്തര്‍പ്രദേശില്‍ മാത്രം 2019ല്‍ ബി.ജെ.പി.ക്ക് 40 സീറ്റുകള്‍ നഷ്ടമാകും എന്നാണ് ദേശീയ മാധ്യമങ്ങളുടെ ഫലങ്ങള്‍ വ്യക്തമാക്കുന്നത്.

കൂടാതെ ബിജെപി അടക്കിവാണ എട്ട് സംസ്ഥാനങ്ങളില്‍ കോണ്‍ഗ്രസ് ജൈത്രയാത്ര നടത്തുമെന്നും റിപ്പോര്‍ട്ടില്‍ വ്യക്തമാക്കുന്നു. ഒന്നാം യു.പി.എ സര്‍ക്കാരിന് ലഭിച്ചതിനെക്കാള്‍ കൂടുതല്‍ സീറ്റുകള്‍ നേടി അധികാരത്തിലെത്തുമെന്നാണ് ലഭിക്കുന്ന സൂചനകള്‍. കഴിഞ്ഞ ആറ് മാസത്തിനിടയില്‍ കോണ്‍ഗ്രസും പ്രത്യേകിച്ച് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി നടത്തിയ മുന്നേറ്റമാണ് വീണ്ടും അധികാരത്തിന്റെ വഴിയിലേക്ക് കോണ്‍ഗ്രസിനെ നയിക്കുന്നത്. ഉത്തര്‍പ്രദേശില്‍ പ്രിയങ്കാ ഗാന്ധിയുടെ സാന്നിധ്യം യു.പിയില്‍ കോണ്‍ഗ്രസിന്റെ ഉയിര്‍ത്തെഴുന്നേല്‍പ്പിന് ബിജെപിയുടെ തകര്‍ച്ചക്കും വഴിയൊരുക്കുമെന്നാണ് സൂചനകള്‍.

2014ലെ ലോകസഭാ തെരഞ്ഞെടുപ്പില്‍ ബിജെപിക്ക് ലഭിച്ച വോട്ടു വിഹിതത്തിലും ഗണ്യമായ കുറവുണ്ടാവുമെന്നും ‘ദി വയര്‍” റിപ്പോര്‍ട്ട് സൂചിപ്പിക്കുന്നു.
ഉത്തര്‍പ്രദേശ് (80), മധ്യപ്രദേശ് (29), രാജസ്ഥാന്‍ (25), ഛത്തീസ്ഗഡ് (11), ഉത്തരാഖണ്ഡ് (5), ഹിമാചല്‍ പ്രദേശ് (4) എന്നീ ആറ് സംസ്ഥാനങ്ങളിലെ ലോകസഭാ സീറ്റുകളാണ് ബിജെപിക്ക് വലിയ നഷ്ടം വരുത്തുക. 2014 ലോക്‌സഭ തെരഞ്ഞെടുപ്പില്‍ ഈ 154 സീറ്റുകളില്‍ 142 സീറ്റുകളും ബിജെപി നേടിയിരുന്നു. എന്നാല്‍ കഴിഞ്ഞ വര്‍ഷങ്ങളിലായി നടന്ന നിയമസഭാ തെരഞ്ഞെടുപ്പില്‍ ബിജെപിക്ക് ഇവിടെ തിരിച്ചടിയാണ് നേരിട്ടത്.
ഈ ആറ് സംസ്ഥാനങ്ങളിലായി 2014ല്‍ ബി.ജെ.പി.ക്ക് കിട്ടിയ സീറ്റുകള്‍ തെരഞ്ഞെടുപ്പില്‍ മൊത്തം നേടിയ 283 സീറ്റിന്റെ പകുതിയാണ്. അതിനാല്‍ തന്നെ ഹിന്ദി ഹൃദയഭൂമിയില്‍ നേരിടുന്ന കനത്ത തിരിച്ചടി മാത്രംതന്നെ ബിജെപിക്ക് ഭരണത്തിലേക്ക് തിരിച്ചുവരാന്‍ സാധിക്കാത്തതാക്കുമെന്നാണ് സൂചനകള്‍.

രാജ്യത്ത് മോദി തരംഗം ഇല്ലെന്നും മോദി വിരുദ്ധ വികാരമാണ് നിലനില്‍ക്കുന്നതെന്നും റിപ്പോര്‍ട്ട് വ്യക്തമാക്കുന്നു. മെയ് 23ന് കോണ്‍ഗ്രസ് അദ്ഭുതം കാണിക്കുമെന്നും രാഷ്ട്രീയനിരീക്ഷകരും വിലയിരുത്തുന്നു.

അഞ്ചാം ഘട്ട വോട്ടെടുപ്പിലേക്ക് കടക്കുമ്പേള്‍ ഇതുവരെ വോട്ടെടുപ്പ് നടന്ന 374 ലോക്‌സഭാ മണ്ഡലങ്ങളില്‍ നൂറില്‍ താഴെ സീറ്റുകള്‍ മാത്രമേ ബി.ജെ.പിക്ക് നേടാന്‍ കഴിയുകയുള്ളൂ എന്നാണ് ദേശീയ രാഷ്ട്രീയ വിലയിരുത്തലുകള്‍ വരുന്നത്. കൂടാതെ ഗുജറാത്ത് , രാജസ്ഥാന്‍, മധ്യപ്രദേശ്, ഛത്തീസ്ഗഢ്, കര്‍ണാടക, മഹാരാഷ്ട്ര, കേരളം, ഹിമാചല്‍പ്രദേശ്, ഉത്തര്‍പ്രദേശ് എന്നീ സംസ്ഥാനങ്ങളില്‍ കോണ്‍ഗ്രസ് ഭൂരിപക്ഷത്തില്‍ കരുത്തുകാട്ടുമെന്നും ഇന്റേണല്‍ റിപ്പോര്‍ട്ട് പ്രവചിക്കുന്നു.

2014 ലെ ലോക്‌സഭാ തെരഞ്ഞെടുപ്പില്‍ കോണ്‍ഗ്രസിന് ലഭിച്ചത് 44 സീറ്റ്. എന്നാല്‍ 2019ല്‍ 2009 നെ ഓര്‍മ്മിപ്പിക്കുന്ന കരുത്തോടെയാവും കോണ്‍ഗ്രസ് പാര്‍ട്ടി അധികാരത്തിലെത്തുകയെന്നാണ് റിപ്പോര്‍ട്ട് പറയുന്നത്.

കര്‍ഷകരെയും യുവാക്കളെയും സ്ത്രീകളെയും സ്‌നേഹിക്കാതെയും ബഹുമാനിക്കാതെയും എങ്ങനെയാണ് നിങ്ങള്‍ക്ക് ദേശീയത ഉയര്‍ത്തി പിടിക്കാനാവുകയെന്നും പ്രിയങ്ക ചോദിച്ചു. ജനങ്ങളെ സ്‌നേഹിക്കുക എന്നത് അവരെ ബഹുമാനിക്കുന്നതിനു തുല്യമാണ്. കര്‍ഷകരുടെ ശബ്ദങ്ങള്‍ ഇന്ത്യയില്‍ മുഴങ്ങുന്നുണ്ട്. കര്‍ഷരുടെ ശക്തിയില്‍ സര്‍ക്കാര്‍ ഭയപ്പെട്ടിരിക്കുകയാണ്. നിങ്ങള്‍ അവരെ സ്‌നേഹിക്കൂ, മോദിയെ വിമര്‍ശിച്ച് പ്രിയങ്ക പറഞ്ഞു.

എന്താണ് ദേശീയ അര്‍ത്ഥമാക്കുന്നത്. എല്ലാവരും രാജ്യസ്‌നേഹികളാണ്. ജനങ്ങളുടെ ശബ്ദം കേട്ടെങ്കില്‍ മാത്രമേ ദേശിയത എന്താണെന്നു നിങ്ങള്‍ക്ക് മനസിലാകുകയുള്ളു. പബ്ലിസിറ്റിക്ക് വേണ്ടിയാണ് സര്‍ക്കാരിന്റെ പ്രവര്‍ത്തനങ്ങളെന്നും കഴിഞ്ഞ അഞ്ച് വര്‍ഷങ്ങള്‍ക്കുള്ളില്‍ ഒരു വാഗ്ദാനവും പാലിച്ചില്ലെന്ന് സര്‍ക്കാരിന് തന്നെയറിയാമെന്നും പ്രിയങ്ക തുറന്നടിച്ചു.

മോദി ഭരണ കാലത്ത് രാജ്യത്ത് നടന്ന ഭീകരാക്രമണങ്ങളുടെ കണക്കുകള്‍ നിരത്തി കഴിഞ്ഞ് ദിവസം കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയും രംഗത്തെത്തിയിരുന്നു. 2014നുശേഷം ഇന്ത്യയില്‍ സ്‌ഫോടനങ്ങള്‍ കേള്‍ക്കാനേയില്ലെന്ന പ്രധാനമന്ത്രി നരേന്ദ്ര മോദിയുടെ പ്രസ്താവനയ്‌ക്കെതിരെ പ്രധാനമന്ത്രി ചെവി തുറന്ന് കേള്‍ക്കണം എന്ന് കുറിച്ചായിരുന്നു രാഹുല്‍ ഗാന്ധിയുടെ ട്വീറ്റ്. ‘2014നും ശേഷം പുല്‍വാമയും പഠാന്‍കോട്ടും ഉറിയും ഗഡ്ചിറോളിയിലും 942 മറ്റു പ്രധാന സ്‌ഫോടനങ്ങളും നടന്നു, രാഹുല്‍ കുറിച്ചു.

The PM says since 2014 the sounds of blasts can't be heard in India.

Phulwama…
Pathankot..
Uri…
Gadchiroli….
and 942 other major bombings since 2014.

The PM needs to open his ears and listen. https://t.co/gj1ngrZm5i

— Rahul Gandhi (@RahulGandhi) May 1, 2019

തന്റെ കാലത്ത് ഒരു ഭീകരാക്രമണവും ഉണ്ടായിട്ടില്ലെന്ന പ്രധാനമന്ത്രിയുടെ അവകാശവാദത്തിനെതിരെ മുതിര്‍ന്ന കോണ്‍ഗ്രസ് നേതാവ് പി. ചിദംബരവും രംഗത്തെത്തിയിരുന്നു. മൊഹ്‌റ, ദണ്ഡേവാഡ, പലാമു, ഔറംഗബാദ്, കൊരാപുട്, സുക്മ, അവാപള്ളി, ഛത്തിസ്ഗഢ് തുടങ്ങിയ സ്‌ഫോടനങ്ങള്‍ നടന്ന സ്ഥലങ്ങളുടെ പട്ടികയും ചിദംബരം പുറത്തുവിട്ടിരുന്നു. ‘ഓര്‍മ നഷ്ടപ്പെടുകയോ സ്ഥിര സ്വഭാവമോ കാരണമാണ് ഇങ്ങനെ സംഭവിക്കുന്നത്. ആരെങ്കിലും പ്രധാനമന്ത്രിക്കുവേണ്ടി ഇതൊന്നു വായിച്ചുകൊടുക്കുമോ, എന്നും ചിദംബരം പരിഹസിച്ചു.

യോഗി സര്‍ക്കാറിന് കടുത്ത എതിരാളിയായി ഉത്തര്‍പ്രദേശ് കോണ്‍ഗ്രസ് നേതൃത്വത്തിലേക്ക് എത്തിയ ജനറല്‍ സെക്രട്ടറി പ്രിയങ്കാ ഗാന്ധി തന്നെ മോദിക്കെതിരെ മത്സരിച്ചാല്‍ മണ്ഡലത്തില്‍ വലിയ അത്ഭുതം തന്നെ സംഭവിക്കുമെന്നാണ് രാഷ്ട്രീയ നിരീക്ഷകരുടെ വിലയിരുത്തലുകള്‍.

ഇലക്ഷന് കമ്മീഷന്‍ കണക്കില്‍ 2014 ലില്‍ 17 ലക്ഷം വോട്ടര്‍മാരില്‍ 10 ലക്ഷം പേര്‍ മാത്രമാണ് മണ്ഡലത്തില്‍ വോട്ട് ചെയ്തത്. മോദി ട്രെന്റിനിടയിലും ഇതില്‍ രണ്ട് ലക്ഷത്തിലേറെ വോട്ടുകള്‍ കെജ്രിവാളിന് പിടിക്കാന്‍ കഴിഞ്ഞിരുന്നു. മുക്കാല്‍ ലക്ഷം വോട്ടുകള്‍ കോണ്‍ഗ്രസിന്റെ സ്ഥാനാര്‍ഥിയായ അജയ് റായിയും പിടിച്ചു. കൂടാതെ എസ്പിയും ബിഎസ്പിയും കൂടി ഒരു ലക്ഷത്തില്‍ പരം വോട്ടുകളും നേടി. 37 സ്ഥാനാര്‍ഥികളാണ് 2014ല്‍ വാരണസിയില്‍ മത്സരിച്ചത്. ഈ വോട്ടു വീതംവെക്കലിനിടയിലായിരുന്നു മോദിയുടെ വമ്പന്‍ ജയം.

തെരഞ്ഞെടുപ്പില്‍ പ്രിയങ്ക മത്സരിക്കുകയും എസ്പിയും ബിഎസ്പിയും പിന്മാറുകയും ചെയ്താല്‍ മോദി വെള്ളം കുടിക്കുമെന്നാണ് തെഹല്‍ക്കയിലെ മുന്‍ മാധ്യമപ്രവര്‍ത്തകനായി മാത്യു സാമുവലിന്റെ കണക്കുകള്‍ നിരത്തിയുള്ള വിലയിരുത്തല്‍.

15 ലക്ഷമാണ് ആകെ വോട്ടുകള്‍. അഞ്ചു നിയമസഭാ മണ്ഡലങ്ങള്‍ അവിടെയുണ്ട്. അതില്‍ രണ്ടെണ്ണം റൂറല്‍. ബാക്കിയുള്ള മൂന്നെണ്ണം അര്‍ബന്‍. ഏറ്റവും വോട്ടുകള്‍ ഉള്ള കമ്മ്യൂണിറ്റി മുസ്ലിം സമുദായമാണ്. 3 ലക്ഷം വോട്ടുകള്‍. യാദവ 1.5 ലക്ഷവും ദളിതര്‍ക്ക് 80000 വോട്ടുകളുമുണ്ട്. അപ്പര്‍ കാസറ്റ് ബ്രാഹ്മിന്‍സ് 2.5 ലക്ഷം, കയസ്ത 60000, വൈശ്യ 2 ലക്ഷം, ഭൂമിയാര്‍ 1.5 ലക്ഷം, ചൗറസിയ 80000- ഇതാണ് കണക്കുകള്‍.

കഴിഞ്ഞ പ്രാവശ്യം ഒബിസി പൂര്‍ണമായി നരേന്ദ്രമോദിയെ പിന്താങ്ങി. എസ്പിയും ബിഎസ്പിയും കേജരിവാളും വെവ്വേറെ മത്സരിച്ചു. അതായത് ചതുഷ്‌കോണ മത്സരം. മോദിക്ക് മുന്‍പ് മുരളി മനോഹര്‍ ജോഷി 17000 വോട്ടിന് കഷ്ടിച്ചാണ് ജയിച്ചു കയറിയത്. അതായത് പ്രിയങ്ക മത്സരിക്കുകയും എസ്പിയും ബിഎസ്പിയും പിന്മാറുകയും ചെയ്താല്‍ ഈ ചൂടത്തു മോദി വെള്ളം കുടിക്കും..!

ചിലപ്പോള്‍ പ്രിയങ്ക ജയ്ന്റ് കില്ലര്‍ ആകും. കാത്തിരുന്നു കാണാം. ഗംഗാജി ആരെ പുണരുമെന്ന്!

ചിലപ്പോള്‍ പ്രിയങ്ക മോദിയുടെ കട്ടയും പടവും മടക്കും… അതോടെ മോദി ഇന്ത്യന്‍ രാഷ്ട്രീയത്തില്‍ നിന്ന് പുറത്താക്കപ്പെടും…, മാത്യു സാമുവലിന്റെ ഫെയ്‌സ് ബുക്ക് പോസ്റ്റില്‍ പറയുന്നു.

കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയെക്കാളും ജനങ്ങളോട് അടുപ്പം കാട്ടുന്ന പ്രിയങ്ക പത്തു ദിവസം പദയാത്ര നടത്തിയാല്‍ ഇളകി മറിയാവുതേയുള്ളൂ ഇപ്പോഴത്തെ വാരണാസി മണ്ഡലം. ഇന്ദിരാ ഗാന്ധിയെ ഓര്‍മ്മിപ്പിക്കുന്ന പ്രിയങ്കയുടെ ബോഡി ലാംഗ്വേജ് കോണ്‍ഗ്രസിന് മുതല്‍ കൂ
ട്ടാവും. പ്രിയങ്കയില്‍ കൂടി ഇന്ദിരയെ കാണുന്നവര്‍ ഉത്തര്‍പ്രദേശില്‍ കൂടുതലാണ്. ഒപ്പം ബിജെപിയിലെ മോദി-ഷാ സഖ്യവിരുദ്ധര്‍, ന്യൂനപക്ഷ യോഗി വിരുദ്ധത, ബിജെപിയിലെ ജോഷി-അദ്വാനി അനുയായികള്‍ എന്നിവര്‍ ചേര്‍ന്നാല്‍ വാരാണസി മോദിക്കൊകു കത്രികപ്പൂട്ട് ആവും.

അതേസമയം വരാണസിയില്‍ ബിജെപി ദേശീയ നേതൃത്വം തിരക്കിട്ട ചര്‍ച്ചകള്‍ നടത്തുന്നതായും റിപ്പോര്‍ട്ട്.

BJP President Amit Shah leaves after attending a party meeting in Varanasi. UP Chief Minister Yogi Adityanath, Union Minister J P Nadda, and BJP UP President Mahendra Nath Pandey also attended the meeting. pic.twitter.com/433N8efsEY

— ANI UP (@ANINewsUP) April 12, 2019

ബി.ജെ.പി ദേശീയ അധ്യക്ഷന്‍ അമിത് ഷായുടെ നേതൃത്വത്തിലാണ് വാരണാസിയില്‍ പാര്‍ട്ടി യോഗം ചേര്‍ന്നതെന്ന് എഎന്‍ഐ റിപ്പോര്‍ട്ട് ചെയ്തു. യുപി മുഖ്യമന്ത്രി യോഗി ആദിത്യനാഥ്, കേന്ദ്രമന്ത്രി ജെപി നഥാ, യു.പി ബി.ജെ.പി അധ്യക്ഷന്‍ മഹേന്ദ്ര നാഥ് പാണ്ഡെ എന്നിവരും യോഗത്തില്‍ പങ്കെടുത്തതായാണ് വിവരം. വാരാണസിയില്‍ പ്രിയങ്ക മത്സരിക്കാന്‍ സന്നദ്ധത അറിയിച്ചത് മോദിക്ക് വന്‍ വല്ലുവിളി ഉയര്‍ത്തുമെന്ന റിപ്പോര്‍ട്ട് പുറത്തുവന്നതോടെയാണ് മണ്ഡലത്തില്‍ ബിജെപിയുടെ തിരക്കിട്ട ചര്‍ച്ചകള്‍ നടക്കുന്നത്.

മോദിക്കെതിരെ പ്രിയങ്ക ഗാന്ധിയെ മല്‍സരിപ്പിക്കണമെന്ന് പാര്‍ട്ടിയുടെ യുപി ഘടകം നേരത്തെ തന്നെ ആവശ്യപ്പെട്ടിരുന്നു. എന്നാല്‍ ഇക്കാര്യത്തില്‍, ഔദ്യോഗികമായി കോണ്‍ഗ്രസ് നേതൃത്വം പ്രതികരിച്ചിരുന്നില്ല. കൂടാതെ പ്രിയങ്ക താല്‍പര്യമറിയിച്ചാല്‍ മല്‍സരിക്കാന്‍ അനുവദിക്കുമെന്ന് രാഹുല്‍ ഗാന്ധി വ്യക്തമാക്കുകയും ചെയ്തിരുന്നു. ഇപ്പോള്‍ പ്രിയങ്ക തന്നെ നേരിട്ട് മല്‍സര സന്നദ്ധത അറിയിച്ചെതോടെയാണ് വീണ്ടും വാരാണസി ചര്‍ച്ചയാവുന്നത്. ഇക്കാര്യത്തില്‍ അന്തിമ തീരുമാനം എടുക്കേണ്ടത് ഹൈക്കമാന്‍ഡാണ്. കൂടാതെ സോണിയ ഗാന്ധിയുടെ നിലപാടും നിര്‍ണായകമാവും. പത്രികാ സമര്‍പ്പണത്തിന്റെ അവസാനദിനം അപ്രതീക്ഷിതമായി പ്രിയങ്കയെ കളത്തിലിറക്കാനാണ് കോണ്‍ഗ്ര്‌സിന്റെ ആലോചന. പ്രയങ്കയെ രംഗത്തിറക്കുന്നതോടെ ബിജെപി നേതൃത്വം വാരാണസിയില്‍ ഒതുങ്ങുമെന്ന് വിലയിരുത്തലും കോണ്‍ഗ്രസിലുണ്ട്.

അതേസമയം വാരാണസിയില്‍ നിലവില്‍ കോണ്‍ഗ്രസും എസ്പി – ബിഎസ്പി സഖ്യവും തങ്ങളുടെ സ്ഥാനാര്‍ഥികളെ ഇതുവരെ പ്രഖ്യാപിച്ചിട്ടില്ല. മോദിക്കെതിരെ പൊതു സ്ഥാനാര്‍ഥിയെ നിര്‍ത്തുന്നതു സംബന്ധിച്ച് കക്ഷികള്‍ക്കിടയില്‍ അണിയറ ചര്‍ച്ചകള്‍ സജീവമാണ്. വാരാണസിയില്‍ പ്രിയങ്ക കളത്തിലിറങ്ങിയാല്‍ മോദിക്കു പ്രചാരണത്തിനായി കൂടുതല്‍ സമയം അവിടെ ചെലവഴിക്കേണ്ടി വരും. രാഹുല്‍ രാജ്യത്തുടനീളം പ്രചാരണം നടത്തുമ്പോള്‍, മോദിയെ വാരാണസിയില്‍ തളച്ചിടുന്നതു തങ്ങള്‍ക്കു നേട്ടമാകുമെന്ന ചിന്തയും കോണ്‍ഗ്രസിലുണ്ട്.

ഗാസിയാബാദിലെ റോഡ്‌ഷോയില്‍ പങ്കെടുത്തു സംസാരിക്കുമ്പോഴാണ് പ്രിയങ്ക ഗാന്ധി മോദിക്കെതിരെ വിമര്‍ശനം ഉയര്‍ത്തിയത്. നിങ്ങള്‍ നല്‍കിയ അധികാരത്തിലാണ് ഭരണത്തിലേറിയതെന്നു പോലും അവര്‍ മറന്നു. അതുകൊണ്ട് നന്നായി ചിന്തിച്ചു മാത്രം വോട്ടു ചെയ്യുക. നെഹ്രുവും ഇന്ദിരയും എന്തു ചെയ്തു എന്ന് അന്വേഷിക്കുന്നതിനു മുമ്പ് അഞ്ചു കൊല്ലം കൊണ്ട് താന്‍ എന്തു ചെയ്തു എന്ന് മോദി പറയട്ടെയെന്നും പ്രിയങ്ക കൂട്ടിച്ചേര്‍ത്തു.