Prof.AbidHussainThangal – Chandrika Daily https://www.chandrikadaily.com Thu, 14 May 2026 05:54:36 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg Prof.AbidHussainThangal – Chandrika Daily https://www.chandrikadaily.com 32 32 കോട്ടക്കലിന്റെ സ്വപ്ന പദ്ധതി ആയുര്‍വേദ സര്‍വകലാശാലക്ക് വേണ്ടി ശ്രമിക്കുന്നതിന് ആദ്യ പരിഗണന https://www.chandrikadaily.com/kottakals-dream-project-is-the-first-consideration-to-try-for-ayurvedic-university.html https://www.chandrikadaily.com/kottakals-dream-project-is-the-first-consideration-to-try-for-ayurvedic-university.html#respond Thu, 14 May 2026 05:54:36 +0000 https://www.chandrikadaily.com/?p=381123 കോട്ടക്കല്‍: കേരളത്തിന്റെ വമ്പന്‍ ഭൂരിപക്ഷത്തില്‍ മൂന്നാമതായാണ് മൂന്നാം തവണയും കോട്ടക്കലില്‍ മത്സരിച്ച പ്രൊഫ.കെ ആബിദ് ഹുസൈന്‍ തങ്ങളെ കോട്ടക്കലിന്റെ ജനത നിയമസഭയിലേക്ക് പറഞ്ഞയക്കുന്നത്. പത്ത് വര്‍ഷത്തെ ദുര്‍ഭരണത്തിനിടയില്‍ ജനകീയമായതും ഏറെ കാലത്തെ ആവശ്യവുമായ നിരവധി പദ്ധതികള്‍ സ്വപ്നമായി മാത്രം അവശേഷിക്കുകയാണ്. പുതിയ യു.ഡി.എഫ് ഭരണത്തില്‍ തികഞ്ഞ പ്രതീക്ഷയാണ് കോട്ടക്കലിനും കൈവന്നത്. കഴിഞ്ഞ യു.ഡി.എഫ് സര്‍ക്കാരിന്റെ കാലത്ത് ബജറ്റില്‍ ഉള്‍പ്പെടുത്തി അനുവദിക്കുകയും സ്‌പെഷല്‍ ഓഫീസറെ വരെ നിയമിക്കുകയും ചെയ്ത കോട്ടക്കല്‍ ആയുര്‍വേദ സര്‍വകലാശാല ആരംഭിക്കുന്നതിനുള്ള നടപടികള്‍ സ്വീകരിക്കും. കോട്ടക്കല്‍ നിയോജക മണ്ഡലത്തില്‍ ഒരു സര്‍ക്കാര്‍ കോളേജ് എന്നത് ദീര്‍ഘ കാലത്തെ ആവശ്യമാണ്. പുതുതായി നിലവില്‍ വരുന്ന സര്‍ക്കാര്‍ നയങ്ങള്‍ക്കനുസരിച്ച് ഒരു ഗവണ്മെന്റ് ആര്‍ട്‌സ് ആന്റ് സയന്‍സ് കോളേജ് തുടങ്ങുന്നതിനായി പരിശ്രമിക്കും.

പതിറ്റാണ്ടുകളായി നിലച്ച് പോയ പുത്തൂര്‍ ചെനക്കല്‍ ബൈപ്പാസ് മൂന്നാംഘട്ടം നിര്‍മ്മാണത്തിന്റെ സാങ്കേതിക തടസ്സങ്ങള്‍ ഒഴിവാക്കി ബൈപ്പാസ് പ്രവൃത്തി പൂര്‍ത്തീകരിക്കും. നിയോജക മണ്ഡലത്തില്‍ സാങ്കേതിക വിദ്യാഭ്യാസപരിജ്ഞാന സൗകര്യങ്ങള്‍ വര്‍ധിപ്പിക്കുന്നതിനുള്ള സ്ഥാപനങ്ങള്‍, ഗവ പോളിടെക്‌നിക്ക് എന്നിവ നടപ്പിലാക്കുവാനും ശ്രമിക്കും. സംസ്ഥാന തലത്തില്‍ പ്രശസ്തവും മണ്ഡലത്തില്‍ ഉള്‍ക്കൊള്ളുന്നതുമായ പ്രധാന തീര്‍ത്ഥാടന കേന്ദ്രങ്ങളായ കാടാമ്പുഴ ക്ഷേത്രം, മൂന്നാക്കല്‍ മസ്ജിദ്, ആയുര്‍വ്വേദ രംഗത്ത് പ്രശസ്തമായ ആര്യവൈദ്യശാല, ഭാരതപ്പുഴ എന്നിവയെ കുട്ടിയോജിപ്പിച്ച് ഹെല്‍ത്ത് & പില്‍ഗ്രിം ടൂറിസം പദ്ധതി ആവിഷ്‌ക്കരിക്കും.

വളാഞ്ചേരി റിങ് റോഡ്, വളാഞ്ചേരി ഫയര്‍‌സ്റ്റേഷന്‍ എന്നിവ കാലങ്ങളായുള്ള ആവശ്യമാണ്. അതിന്റെ തുടര്‍പ്രവര്‍ത്തനങ്ങള്‍ മുന്നോട്ട് കൊണ്ട് പോയി അവ യാഥാര്‍ത്ഥ്യമാക്കുന്നതിനായി ശ്രമിക്കും. മണ്ഡലത്തിലെ ആവശ്യമായ പഞ്ചായത്തുകള്‍ക്ക് സൗകര്യപ്രദമായ കെട്ടിടങ്ങള്‍, വിദ്യാലയങ്ങളുടെ നവീകരണം എന്നിവക്ക് മുന്‍ഗണന നല്‍കും. കോട്ടക്കല്‍, വളാഞ്ചേരി എന്നിവിടങ്ങളില്‍ മിനി സിവില്‍ സ്റ്റേഷനുകള്‍ യാഥാര്‍ത്ഥ്യമാക്കും.

]]> https://www.chandrikadaily.com/kottakals-dream-project-is-the-first-consideration-to-try-for-ayurvedic-university.html/feed 0