സര്‍ക്കാര്‍ ചെലവിലാണ് ചെങ്ങന്നൂര്‍ പെരുമ പുരസ്‌കാരം വിതരണം ചെയ്യുന്നത്. സര്‍ക്കാര്‍ ചെലവില്‍ വോട്ടു കച്ചവടം വെച്ചു പൊറുപ്പിക്കില്ലെന്നും യൂത്ത് കോണ്‍ഗ്രസ് ആലപ്പുഴ ജില്ലാ പ്രസിഡണ്ട് എം പി പ്രവീണ്‍ ഫേസ്ബുക്ക് കുറിപ്പില്‍ വ്യക്തമാക്കി. കഴിഞ്ഞ ദിവസമായിരുന്നു മന്ത്രി സജി ചെറിയാന്‍ പുരസ്‌കാരങ്ങള്‍ പ്രഖ്യാപിച്ചത്.

നടന്‍ മോഹന്‍ലാലിനും ശ്രീധരന്‍ പിള്ളയ്ക്കും ആയിരുന്നു പുരസ്‌കാരങ്ങള്‍. പ്രഥമ സാഹിത്യ പുരസ്‌കാരമാണ് ശ്രീധരന്‍പിള്ളയ്ക്ക് പ്രഖ്യാപിച്ചത്.

രാജീവ് രചിച്ച ഗാന്ധി വേഴ്‌സസ് ഗോഡ്‌സെ എന്ന പുസ്തകത്തിന്റെ പരിഷ്‌കരിച്ച നാലാമത്തെ പതിപ്പിന്റെ പ്രകാശനം നിര്‍വഹിക്കുകയായിരുന്നു അദ്ദേഹം.

ഗാന്ധി എന്ന വെളിച്ചത്തെ തല്ലിക്കൊടുത്താന്‍ പാടില്ലായിരുന്നു. ഓരോ മേഖലയിലും ഗാന്ധി ചിന്തകള്‍ പ്രസക്തമായി കൊണ്ടിരിക്കുന്ന കാലമാണിതെന്നും അദ്ദേഹം പറഞ്ഞു.

‘ഗവര്‍ണറായി സന്തോഷത്തോടെ ഇവിടെ അഭിരമിക്കുമ്പോഴും ഗൃഹാതുരത്വം കറുത്ത കോട്ടിന്റെ തനിനിറം കാട്ടി മാടിവിളിക്കുന്നു എന്നൊരു തോന്നല്‍ മനസിന്റെ കോണിലെവിടെയോ അങ്കുരിച്ചുവോ? കഴിഞ്ഞ കൊല്ലം ഈ ദിവസം ബാര്‍ കൗണ്‍സിലില്‍ പോയി അഭിഭാഷകവൃത്തി ഉപേക്ഷിച്ചതായി എഴുതിക്കൊടുക്കുന്നതിനു പകരം താല്‍ക്കാലികമായി മരവിപ്പിക്കുകമാത്രം ചെയ്തത് നന്നായി എന്നും തോന്നുന്നു.’ അദ്ദേഹം കുറിച്ചു.

ഫെയ്‌സ്ബുക്ക് പോസ്റ്റിന്റെ പൂര്‍ണരൂപം:

വര്‍ഷമൊന്നു പൂര്‍ത്തിയായി:

ഗവര്‍ണര്‍ നിയമന ഉത്തരവു വന്നിട്ട് ഒരു കൊല്ലം തികയുന്നു. കാലത്തിന്റെ പ്രയാണത്തില്‍ ദൈവവും ജനങ്ങളും തന്നതൊക്കെ ധാരാളമെന്ന് ഈ വിനീതന്‍ ആത്മാര്‍ത്ഥമായും കരുതുന്നു. മഹാമാരിയ്ക്കും മൗനത്തിനുമിടയില്‍ എല്ലാവര്‍ക്കും നന്ദി ! ആരോടുമില്ല പരിഭവം. അന്ന് നിയമനം വാര്‍ത്തയായപ്പോള്‍ മിസോറാമിലെ പത്രങ്ങളും പ്രതിപക്ഷപ്പാര്‍ട്ടിയും എതിര്‍പ്പോടെ എഴുതി ‘ Mizoram , now is a dumping place for Hindu fundamentalists ‘.

കഴിഞ്ഞ ഓഗസ്റ്റില്‍ എന്റെ മൂന്നു പുസ്തകങ്ങള്‍ ഐസ്വാളില്‍ പുറത്തിറക്കിക്കൊണ്ട് അഞ്ചു തവണ മുഖ്യമന്ത്രിയായിരുന്ന ഇപ്പോഴത്തെ പ്രതിപക്ഷപ്പാര്‍ട്ടി അധ്യക്ഷനും, ഒപ്പം പ്രാദേശിക പാര്‍ട്ടിക്കാരനായ മുഖ്യമന്ത്രിയും ഒക്കെ മിസോറാമിനു കിട്ടിയ വലിയ ബഹുമതിയായി ഗവര്‍ണറെ ചിത്രീകരിച്ചത് വാര്‍ത്തയായപ്പോഴും നിസ്സംഗത്വമായിരുന്നു എന്റെ പ്രതികരണം. മിസോറാമിനു സ്‌നേഹം നല്‍കാനും അവരില്‍ നിന്നു സ്‌നേഹം കിട്ടാനുമായതില്‍ ചാരിതാര്‍ത്ഥ്യം!.

കഴിഞ്ഞയാഴ്ച്ച അപ്രതീക്ഷിതമായി ഗൃഹാതുരത്വം എന്നിലുണര്‍ത്തിയത് രണ്ടു ഫോണ്‍ സന്ദേശങ്ങളായിരുന്നു. ആദ്യത്തേത് എന്റെ മകന്‍ അഡ്വ: അര്‍ജ്ജുന്റേതായിരുന്നു. കേരള ഹൈക്കോടതി ഡിവിഷന്‍ ബെഞ്ചിലെ സീനിയര്‍ പ്രോസിക്യൂട്ടര്‍മാരായ രണ്ടു പേരും അവനെ വിളിച്ച് എന്നെ അകമഴിഞ്ഞ് അഭിനന്ദിച്ചതായും, ആ വിവരം അച്ഛനെ അറിയിക്കണമെന്നും അവര്‍ പറഞ്ഞു.
ഞാന്‍ പാലക്കാട്ട് പ്രതികള്‍ക്കുവേണ്ടി ട്രയല്‍ നടത്തിയ ഒരു ഇരട്ടക്കൊലപാതക്കേസിന്റെ അപ്പീലിനായി ഫയല്‍ പഠിച്ചപ്പോഴും ,വാദം നടത്തിയപ്പോഴും അവര്‍ക്കു തോന്നിയ മതിപ്പാണ് അവരിലൂടെ പ്രതിഫലിച്ചത്. ഞാന്‍ നന്നായി പ്രതിഭാഗത്തിനായി അധ്വാനിച്ചെങ്കിലും ഹൈക്കോടതിയിലെ അപ്പീല്‍ പ്രോസിക്യൂഷനനുകൂലമാകുമെന്നു പറയാനും അവര്‍ മറന്നില്ല.
എന്നാല്‍ കേസിന്റെ വിധി വന്നപ്പോള്‍ എല്ലാ പ്രതികളെയും ബഹു: ഹൈക്കോടതി വിട്ടയച്ചു. അന്നു രാത്രി എനിക്കൊരു വിളി വന്നു . മിസോറാമിലെ കൊടും തണുപ്പിലും എന്റെ മനസ്സിന് ചൂടും ചൂരും പകര്‍ന്നു കിട്ടിയ ഫോണ്‍കോള്‍ ! പ്രശസ്ത സീനിയര്‍ ക്രിമിനല്‍ അഭിഭാഷകന്‍ ബി. രാമന്‍പിള്ള സാറായിരുന്നു മറുതലയ്ക്കല്‍.
‘വിധി അറിഞ്ഞിട്ടുണ്ടാകുമെന്നറിയാം, എന്നാല്‍ അസ്സലായി ട്രയല്‍ നടത്തിയതിനഭിനന്ദിക്കാനാണ് വിളിച്ചതെന്ന്’ സാര്‍ പറഞ്ഞപ്പോള്‍ എന്റെ സന്തോഷം ആകാശത്തോളമുയര്‍ന്നു. പാലക്കാട്ട് ആറ് മാസത്തോളം തുടര്‍ച്ചയായി ചിലവഴിച്ച് നടത്തിയ പ്രമാദമായ ഒരു കേസായിരുന്നു അത്. കേസ് അനന്തമായി നീണ്ടപ്പോള്‍ അവസാനഘട്ടത്തില്‍ നല്‍കിയ ഫീസൊക്കെയും വേണ്ടെന്നു പറഞ്ഞതും ഞാനോര്‍ത്തുപോയി !
ഗവര്‍ണറായി സന്തോഷത്തോടെ ഇവിടെ അഭിരമിക്കുമ്പോഴും ഗൃഹാതുരത്വം കറുത്ത കോട്ടിന്റെ തനിനിറം കാട്ടി മാടിവിളിക്കുന്നു എന്നൊരു തോന്നല്‍ മനസ്സിന്റെ കോണിലെവിടെയോ അങ്കുരിച്ചുവോ? കഴിഞ്ഞ കൊല്ലം ഈ ദിവസം ബാര്‍ കൗണ്‍സിലില്‍ പോയി അഭിഭാഷകവൃത്തി ഉപേക്ഷിച്ചതായി എഴുതിക്കൊടുക്കുന്നതിനു പകരം താല്‍ക്കാലികമായി മരവിപ്പിക്കുകമാത്രം ചെയ്തത് നന്നായി എന്നും തോന്നുന്നു.
എല്ലാവര്‍ക്കും നന്ദി – നമസ്‌കാരം

വര്‍ഗീയ പരാമര്‍ശത്തില്‍ ശ്രീധരന്‍ പിള്ളക്കെതിരെ കേസെടുത്തതായി പൊലീസ് കോടതിയെ അറിയിച്ചു. കേസ് വേനലവധിക്ക് ശേഷം വീണ്ടും പരിഗണിക്കും. വിവാദ പരാമര്‍ശത്തില്‍ ശ്രീധരന്‍ പിള്ളക്കെതിരെ ആറ്റിങ്ങല്‍ പൊലീസ് നേരത്തെ കേസ് എടുത്തതിരുന്നു. പരാതിയില്‍ ജാമ്യമില്ലാ വകുപ്പ് പ്രകാരമാണ് കേസ്.

തിരുവനന്തപുരം: തെരഞ്ഞെടുപ്പ് യോഗത്തിനിടെ മുസ്ലിം വിരുദ്ധ പരാമര്‍ശം നടത്തിയ ബി.ജെ.പി സംസ്ഥാന പ്രസിഡന്റ് പി.എസ് ശ്രീധരന്‍പിള്ളക്കെതിരെ കേസ്. ജാമ്യമില്ലാ വകുപ്പു പ്രകാരം ആറ്റിങ്ങല്‍ പൊലീസ് കേസെടുത്തു.

‘ആളുകളുടെ ജാതിയും മതവും നോക്കി പരിശോധിക്കുന്ന അവസ്ഥ വരുമ്പോള്‍ ഇസ്ലാം ആണെങ്കില്‍ ചില അടയാളങ്ങള്‍, ഡ്രസ് ഒക്കെ മാറ്റി നോക്കണം’ എന്നായിരുന്നു ശ്രീധരന്‍പിള്ള ആറ്റിങ്ങലില്‍ നടത്തിയ വിവാദ പരാമര്‍ശം. ആറ്റിങ്ങലില്‍ എന്‍.ഡി.എ സ്ഥാനാര്‍ത്ഥി ശോഭാ സുരേന്ദ്രന്റെ പ്രകടന പത്രിക പുറത്തിറക്കുന്നതിനിടയിലായിരുന്നു പരാമര്‍ശം.

കഴിഞ്ഞ ദിവസം ശ്രീധരന്‍പിള്ളക്കെതിരെ നടപടി ആവശ്യപ്പെട്ട് മുഖ്യ തെരഞ്ഞെടുപ്പ് ഓഫീസര്‍ ടിക്കാറാം മീണ കേന്ദ്ര തെരഞ്ഞെടുപ്പ് കമ്മീഷനു റിപ്പോര്‍ട്ടു നല്‍കിയിരുന്നു. ജനപ്രാധിനിധ്യ നിയമത്തിന്റെ ലംഘനമാണ് ശ്രീധരന്‍ പിള്ള നടത്തിയതെന്നാണ് മുഖ്യ തെരഞ്ഞെടുപ്പ് ഓഫീസറുടെ റിപ്പോര്‍ട്ടില്‍ പറയുന്നത്.

തിരുവനന്തപുരം: ആറ്റിങ്ങലില്‍ തെരഞ്ഞെടുപ്പ് പ്രചാരണത്തിനിടെ വര്‍ഗീയ പരാമര്‍ശം നടത്തിയ ബി.ജെ.പി സംസ്ഥാന അദ്ധ്യക്ഷന്‍ പി.എസ് ശ്രീധരന്‍പിള്ളക്കെതിരെ നടപടി ആവശ്യമെന്ന് മുഖ്യ തെരഞ്ഞെടുപ്പ് ഓഫീസര്‍ ടിക്കാറാം മീണ. ഇത് സംബന്ധിച്ച് കേന്ദ്രതെരഞ്ഞെടുപ്പ് കമ്മീഷന് റിപ്പോര്‍ട്ട് നല്‍കി.

ജനപ്രാതിനിധ്യ നിയമത്തിന്റെ ലംഘനമാണ് ശ്രീധരന്‍പിള്ള നടത്തിയതെന്ന് മുഖ്യ തെരഞ്ഞെടുപ്പ് ഓഫീസറുടെ റിപ്പോര്‍ട്ടില്‍ പറയുന്നു. വര്‍ഗീയ പരാമര്‍ശത്തിന്റെ പേരില്‍ ശ്രീധരന്‍ പിള്ളക്കെതിരെ കേസെടുക്കണമെന്ന ഹര്‍ജിയില്‍ ഹൈക്കോടതി സര്‍ക്കാരിന്റെ വിശദീകരണം തേടിയിരുന്നു. മുസ്ലിംകളെ അധിക്ഷേപിക്കുന്നതാണ് പ്രസംഗമെന്ന് ചൂണ്ടിക്കാട്ടി നല്‍കിയ ഹര്‍ജിയിലാണ് നടപടി. പരാമര്‍ശം പെരുമാറ്റചട്ട ലംഘനമാണെന്ന് ചൂണ്ടിക്കാട്ടി ശിവന്‍കുട്ടി മുഖ്യ തെരഞ്ഞെടുപ്പ് ഓഫീസര്‍ക്കും പരാതി നല്‍കിയിരുന്നു. ഈ പരാതിയിലാണ് ഇപ്പോള്‍ നടപടി.

ആറ്റിങ്ങല്‍: തെരഞ്ഞെടുപ്പ് പ്രചാരണത്തിനിടെ വര്‍ഗീയ പ്രചാരണവുമായി ബി.ജെ.പി സംസ്ഥാന പ്രസിഡന്റ് പി.എസ് ശ്രീധരന്‍പിള്ള. ആറ്റിങ്ങലില്‍ ബി.ജെ.പി സ്ഥാനാര്‍ഥി ശോഭാ സുരേന്ദ്രന്റെ തെരഞ്ഞെടുപ്പ് പ്രചാരണത്തിനിടെ ബാലാക്കോട്ട് ഇന്ത്യ നടത്തിയ ആക്രമണത്തെ പറ്റി സംസാരിക്കുമ്പോഴാണ് വര്‍ഗീയമായ പരാമര്‍ശം നടത്തിയത്. ‘ആക്രമണത്തില്‍ കൊല്ലപ്പെട്ടവരുടെ ജാതിയും മതവും തിരയുന്നവരുണ്ട്. ഇസ്ലാമാണെങ്കില്‍ ചില അടയാളങ്ങള്‍ പരിശോധിക്കണം, ഡ്രസ്സെല്ലാം മാറ്റി നോക്കണമല്ലോ, അങ്ങനെ ചെയ്തിട്ട് വരണമെന്നാണ് ഇവര്‍ പറയുന്നത് ‘-എന്നായിരുന്നു ശ്രീധരന്‍പിള്ള പറഞ്ഞത്.

പാകിസ്ഥാനെതിരെ ഇന്ത്യ ബാലാക്കോട്ടില്‍ നടത്തിയ പ്രത്യാക്രമണത്തില്‍ 300 പേര്‍ കൊല്ലപ്പെട്ടതായി അവകാശപ്പെട്ടിരുന്നു. എന്നാല്‍ എത്ര പേര് കൊല്ലപ്പെട്ടു എന്നതിന്റെ കണക്ക് പരിശോധിക്കണമെന്ന് രാഹുല്‍ ഗാന്ധിയും സീതാറാം യെച്ചൂരിയും പറഞ്ഞിരുന്നു. ഈ പശ്ചാത്തലം ചൂണ്ടിക്കാട്ടിയാണ് ശ്രീധരന്‍പിള്ളയുടെ വിദ്വേഷ പ്രസംഗം.

വാസുദേവന്‍ കുപ്പാട്ട്
കോഴിക്കോട്

സ്ഥാനാര്‍ത്ഥി നിര്‍ണയവുമായി ബന്ധപ്പെട്ട പടലപ്പിണക്കങ്ങള്‍ ബി.ജെ.പിക്കകത്ത് രൂക്ഷമായ യുദ്ധത്തിന് വഴിമാറുമ്പോള്‍ ലോക്്‌സഭാ തെരഞ്ഞെടുപ്പ് പ്രചാരണം മന്ദഗതിയില്‍. പത്തനംതിട്ട സീറ്റ് കെ. സുരേന്ദ്രന് വിട്ടുകൊടുക്കേണ്ടി വന്നതിന്റെ മന:പ്രയാസം പ്രസിഡണ്ട് അഡ്വ. പി.എസ് ശ്രീധരന്‍പിള്ള പരസ്യമായി സൂചിപ്പിച്ചതോടെ ഇരുനേതാക്കളും തമ്മിലുള്ള ശീതസമരം മറനീക്കി പുറത്തുവന്നിരിക്കുകയാണ്. ശബരിമല വിഷയം തെരഞ്ഞെടുപ്പില്‍ ചര്‍ച്ചയാക്കുമെന്ന് സുരേന്ദ്രനും അങ്ങനെ തീരുമാനിച്ചിട്ടില്ലെന്ന് ശ്രീധരന്‍പിള്ളയും പ്രതികരിച്ചതോടെ ഇരുനേതാക്കളും രണ്ടുവഴിക്ക് നീങ്ങുന്ന കാഴ്ചയാണ് കാണുന്നത്. ശ്രീധരന്‍പിള്ള പിന്നീട് തിരുത്തിയെങ്കിലും പ്രധാന വിഷയത്തില്‍ രണ്ടഭിപ്രായം വന്നത് അണികളെ ആശയക്കുഴപ്പത്തിലാക്കുകയാണ്. ഇത് തെരഞ്ഞെടുപ്പ് പ്രചാരണത്തെ പ്രതികൂലമായി ബാധിക്കുമെന്നാണ് തെരഞ്ഞെടുപ്പ് കമ്മിറ്റിയുടെ വിലയിരുത്തല്‍. താനാണ് സംസ്ഥാന പ്രസിഡണ്ട് എന്ന് പരസ്യമായി സുരേന്ദ്രനെ വെല്ലുവിളിച്ച ശ്രീധരന്‍പിള്ള പക്ഷെ പാര്‍ട്ടിയില്‍ ഒറ്റപ്പെട്ട അവസ്ഥയിലാണ്. ശബരിമല വിഷയം സുവര്‍ണാവസരമാണെന്ന് നേരത്തെ പ്രഖ്യാപിച്ച ശ്രീധരന്‍പിള്ള തന്നെയാണ് ഇപ്പോള്‍ വ്യത്യസ്തമായ അഭിപ്രായം മുന്നോട്ടുവെക്കുന്നത്. ഇത് സുരേന്ദ്രനെ അടിക്കാനുള്ള വടി മാത്രമാണെന്ന് പാര്‍ട്ടിക്കാര്‍ തിരിച്ചറിയുന്നു.
കുമ്മനം രാജശേഖരന്‍ ഗവര്‍ണര്‍ പദവിയിലേക്ക് പോയ സാഹചര്യത്തില്‍ പുതിയ പ്രസിഡണ്ടിനെ തെരഞ്ഞെടുക്കുന്ന സന്ദര്‍ഭത്തില്‍ തന്നെ ശ്രീധരന്‍പിള്ളയും കെ. സുരേന്ദ്രനും തമ്മിലുള്ള പോരാട്ടത്തിന് തുടക്കമായിരുന്നു. പ്രസിഡണ്ട് സ്ഥാനത്തേക്ക് മുരളീധര വിഭാഗം സുരേന്ദ്രനെയായിരുന്നു കണ്ടിരുന്നത്. എന്നാല്‍ ദേശീയ നേതൃത്വം ഇടപെട്ട് ശ്രീധരന്‍പിള്ളക്ക് രണ്ടാമൂഴം നല്‍കുകയായിരുന്നു. എന്നാല്‍ രണ്ടാമതും പ്രസിഡന്റ് പദത്തിലെത്തിയ ശ്രീധരന്‍പിള്ളക്ക് തൊട്ടതെല്ലാം പിഴക്കുന്നതാണ് പിന്നെ കണ്ടത്. ശബരിമല സമരവുമായി ബന്ധപ്പെട്ട് തുടര്‍ച്ചയായി രണ്ടുതവണ ഹര്‍ത്താല്‍ പ്രഖ്യാപിച്ചത് പാര്‍ട്ടിക്ക് തിരിച്ചടിയായി. ‘സുവര്‍ണാവസര’ പ്രസംഗവും ഗുണത്തെക്കാളേറെ ദോഷം ചെയ്തു. നിലക്കലിലെ സമരം സെക്രട്ടറിയേറ്റിലേക്ക് മാറ്റിയത് വലിയ ക്ഷീണമായാണ് ദേശീയ നേതൃത്വം വിലയിരുത്തിയത്. ഇവിടെയും പ്രതിസ്ഥാനത്ത് ശ്രീധരന്‍പിള്ളയായിരുന്നു. ശബരിമല സംഭവത്തില്‍ ഏറെ നാള്‍ ജയിലില്‍ കഴിഞ്ഞ സുരേന്ദ്രനെ മോചിപ്പിക്കാന്‍ പാര്‍ട്ടിസംവിധാനം വേണ്ടപോലെ ഉപയോഗിച്ചില്ല എന്ന പരാതിയും ശക്തമായിരുന്നു. പാര്‍ട്ടിതലത്തിലുള്ള എതിര്‍പ്പ് രൂക്ഷമായപ്പോഴാണ് ശ്രീധരന്‍പിള്ള സുരേന്ദ്രന്റെ വസതി സന്ദര്‍ശിക്കാന്‍ തയാറായത്. സുരേന്ദ്രനെ പിന്തുണക്കുന്ന വിഭാഗം സേവ് കെ.എസ് ഫോറം രൂപീകരിച്ച് രംഗത്തെത്തിയതും ശ്രീധരന്‍പിള്ളക്ക് പ്രഹരമായി. ജയില്‍മോചിതനായ സുരേന്ദ്രന് വിവിധ കേന്ദ്രങ്ങളില്‍ സ്വീകരണം നല്‍കാന്‍ ഫോറമാണ് മുന്‍കയ്യെടുത്തത്.
തെരഞ്ഞെടുപ്പ് അടുത്തതോടെ തിരുവനന്തപുരം, പത്തനംതിട്ട മണ്ഡലങ്ങളില്‍ ഏതെങ്കിലുമൊന്ന് സ്വന്തമാക്കാന്‍ ശ്രീധരന്‍പിള്ള കരുക്കള്‍ നീക്കിയിരുന്നു. തിരുവനന്തപുരത്ത് നിര്‍മലാ സീതാരാമന്‍ വരുമെന്ന പ്രചാരണം അഴിച്ചുവിട്ടു. അല്ലെങ്കില്‍ കുമ്മനം രാജശേഖരന്‍ എത്തുമെന്ന് പ്രഖ്യാപിച്ചു. കുമ്മനം തിരിച്ചെത്തുമെന്ന് ശ്രീധരന്‍പിള്ള പ്രതീക്ഷിച്ചിരുന്നില്ല. ആര്‍.എസ്.എസ് ഇടപെട്ട് കുമ്മനം വന്നതോടെ പിള്ളയുടെ പ്രതീക്ഷ മങ്ങി. പത്തനംതിട്ടയില്‍ എന്‍.എസ്.എസിനെ പിടിച്ച് മത്സരരംഗത്ത് നില്‍ക്കാമെന്ന പിള്ളയുടെ കണക്കുകൂട്ടലും തെറ്റി. ഇവിടെ കെ. സുരേന്ദ്രനെ മത്സരിപ്പിക്കാന്‍ ആര്‍.എസ്.എസിന്റെ ആശീര്‍വാദത്തോടെ ദേശീയ നേതൃത്വം തീരുമാനിക്കുകയായിരുന്നു. പാലക്കാട് ശോഭാസുരേന്ദ്രനെ രംഗത്തിറക്കാന്‍ ശ്രീധരന്‍പിള്ള ശ്രമിച്ചിരുന്നെങ്കിലും മുരളീധര പക്ഷത്തിന്റെ സമ്മര്‍ദം കാരണം സി. കൃഷ്ണകുമാറിന് സീറ്റ് കിട്ടി. ശോഭാസുരേന്ദ്രന് ആറ്റിങ്ങലിലേക്ക് മാറേണ്ടി വന്നു. കഴിഞ്ഞതവണ പത്തനംതിട്ടയില്‍ മത്സരിച്ച എം.ടി രമേശിനും ഇത്തവണ സീറ്റ് കിട്ടിയില്ല. ഏതായാലും തെരഞ്ഞെടുപ്പിന് മുമ്പുതന്നെ ശ്രീധരന്‍പിള്ളക്കെതിരെ പാര്‍ട്ടിക്കകത്ത് എതിര്‍പ്പ് അനുദിനം കൂടി വരികയാണ്. ഇത്തവണ താമര വിരിയാതെ പോയാല്‍ ശ്രീധരന്‍പിള്ള മറുപടി പറയേണ്ടിവരും.

ലുഖ്മാന്‍ മമ്പാട്
കോഴിക്കോട്

തോല്‍ക്കാന്‍ ഇഷ്ട സീറ്റിനായി കേരളത്തില്‍ പിടിവലിയും വടംവലിയും കുതില്‍കാല്‍വെട്ടുമായി രംഗം കൊഴുപ്പിച്ച ബി.ജെ.പി മത്സര സീറ്റുകളുടെ ഫലം വന്നപ്പോള്‍ ഗ്രൂപ്പ് പോര് വഴിത്തിരിവില്‍. കേരളത്തില്‍ മത്സരിക്കാനുള്ള ‘സുവര്‍ണ്ണാവസരം’ ഇല്ലാതെ സംസ്ഥാന പ്രസിഡന്റ് അഡ്വ.പി.എസ് ശ്രീധരന്‍പിള്ള പുകഞ്ഞ കൊള്ളിയായി.
ആദ്യം തിരുവനന്തപുരം മണ്ഡലത്തില്‍ പിടിമുറുക്കിയ പിള്ളയെ കുമ്മനം രാജശേഖരനെ ഇറക്കിയാണ് തടയിട്ടത്. ബി.ജെ.പി മികച്ച പ്രകടനം പ്രതീക്ഷിക്കുന്ന രണ്ടു മണ്ഡലങ്ങളില്‍ ഒന്നായ പത്തനംതിട്ടയില്‍ സ്ഥാനാര്‍ത്ഥിയാക്കണമെന്നായിരുന്നു ശ്രീധരന്‍ പിള്ളയുടെ ആവശ്യം. പത്തനംതിട്ട ജന്മദേശമാണെന്നതും മുമ്പ് നിയമ സഭയിലേക്ക് അവിടെ പലപ്പോഴായി മത്സരിച്ചിട്ടുണ്ട് എന്നതുമായിരുന്നു അവകാശവാദത്തിനുള്ള കാരണം നിരത്തിയിരുന്നത്. മതേതരത്വത്തിന്റെ മട്ടുപ്പാവായ ശബരിമലയെ സംഘര്‍ഷ ഭൂമിയാക്കിയ ബി.ജെ.പി അതു വോട്ടായി മാറുമെന്നാണ് കണക്കു കൂട്ടുന്നത്. അതിന്റെ ഫലം കൂടുതല്‍ ലഭിക്കുക പത്തനംതിട്ടയിലാണെന്നും വിലയിരുത്തുന്നു. ഇതാണ് പത്തനംതിട്ടക്കായി കെ. സുരേന്ദ്രന്‍ മുതല്‍ അല്‍ഫോണ്‍സ് കണ്ണന്താനം വരെയുള്ളവര്‍ പിള്ളക്കൊപ്പം കടിപിടി കൂടാന്‍ ഇടയാക്കിയത്. ശ്രീധരന്‍പിള്ളക്ക് പുറമെ കെ.സുരേന്ദ്രന്‍, എം.ടി രമേശ്, അല്‍ഫോണ്‍സ് കണ്ണന്താനം തുടങ്ങിയവരൊക്കെ പത്തനംതിട്ടക്കായി രംഗത്തെത്തിയതാണ് കീറാമുട്ടിയായത്.
പത്തനംതിട്ടയോ, തൃശൂരോ നല്‍കിയില്ലെങ്കില്‍ മല്‍സരിക്കാനില്ലെന്ന നിലപാടിലായിരുന്നു സുരേന്ദ്രന്‍. എന്നാല്‍ തൃശൂര്‍ സീറ്റ് ബി.ഡി.ജെ.എസിന് നല്‍കിയതോടെ പത്തനംതിട്ട പിള്ളക്ക് പുളിക്കുന്ന മുന്തിരിയായി. പത്തനംതിട്ട നിഷേധിച്ചപ്പോള്‍ കര്‍മ്മമേഖലയായ കോഴിക്കോടോ മറ്റോ നല്‍കണമെന്ന ആവശ്യം മുന്നോട്ടു വെച്ചെങ്കിലും അതും അംഗീകരിച്ചില്ല. ഗവര്‍ണര്‍ സ്ഥാനം രാജിവെച്ച് തിരിച്ചെത്തിയ കുമ്മനം രാജശേഖരനോട് തിരുവനന്തപുരത്ത് മത്സരിക്കണമെന്നതും തോല്‍ക്കുന്ന പക്ഷം ബി.ജെ.പി സംസ്ഥാന പ്രസിഡന്റ് സ്ഥാനം നല്‍കാമെന്നുമാണ് അറിയിച്ചത്. കീഴ്ഘടകങ്ങളിലെ അഭിപ്രായത്തിന്റെ അടിസ്ഥാനത്തില്‍ സംസ്ഥാന ഘടകം തയ്യാറാക്കിയ സ്ഥാനാര്‍ത്ഥി പട്ടികയില്‍ പല മണ്ഡലങ്ങളിലും ഒന്നാമതായി ശ്രീധരന്‍പിള്ളയുടെ പേരുണ്ടെന്ന് പരസ്യമാക്കിയതും അദ്ദേഹം തന്നെയായിരുന്നു. പിള്ളയെ ഒതുക്കാനുള്ള വി മുരളീധര-കൃഷ്ണദാസ് വിഭാഗങ്ങളുടെ അന്തര്‍ധാരയും സജീവമായിരുന്നു.
ബി.ജെ.പി സംസ്ഥാന പ്രസിഡന്റ് പദവിയിലേക്കുള്ള രണ്ടാം വരവില്‍ പിള്ളക്ക് ഇതുവരെ കാര്യമായൊന്നും ചെയ്യാനായില്ല. ഗ്രൂപ്പുകളുടെ അതിപ്രസരമുള്ള ബി.ജെ.പിയിലെ വിവിധ വിഭാഗങ്ങളെ ഒന്നിച്ചു നിര്‍ത്താനോ ഒപ്പം നിര്‍ത്താനോ പിള്ളക്കായില്ല. പാര്‍ട്ടിക്കുള്ളില്‍ ചര്‍ച്ച ചെയ്യാതെ സ്ഥാനാര്‍ത്ഥി പട്ടിക അയച്ചതടക്കം എല്ലാ കാര്യങ്ങളും പിള്ള തനിഷ്ടപ്രകാരം ചെയ്യുകയാണെന്ന സംസ്ഥാന നേതാക്കളുടെ പരാതി ദേശീയ നേതൃത്വത്തിന് മുന്നിലെത്തിയതോടെ സംസ്ഥാന പ്രസിഡന്റു പദവി പോലും തുലാസിലായി.