കേരള, കാലിക്കറ്റ്, എം.ജി കുസാറ്റ് തുടങ്ങിയ സര്‍വകലാശാലകളിലെ വിദ്യാര്‍ത്ഥികള്‍ അപേക്ഷകര്‍ ആയിരുന്നുവെങ്കിലും നിയമനം ലഭിച്ച 38 പേര്‍ കുഫോസില്‍ നിന്നും അടുത്തിടെ പഠനം പൂര്‍ത്തിയാക്കിയവരാണ് എന്നതാണ് ദുരൂഹത വര്‍ദ്ധിക്കാനുള്ള കാരണം. റാങ്ക് പട്ടികയിലുള്ള 110 പേരില്‍ 93 പേരും കുഫോസിലെ വിദ്യാര്‍ഥികളാണ്. കുഫോസിലെ മുന്‍ രജിസ്ട്രാര്‍, നിലവിലെ രജിസ്ട്രാര്‍, കേരള സര്‍വകലാശാലയിലെ സിപിഎം അധ്യാപക സംഘടന സെക്രട്ടറി കൂടിയായ അസിസ്റ്റന്റ് പ്രൊഫസര്‍ എന്നിവരായിരുന്നു ഇന്റര്‍വ്യൂ ബോര്‍ഡിലെ അംഗങ്ങള്‍. എഴുത്തു പരീക്ഷയില്‍ കുഫോസിലെ വിദ്യാര്‍ത്ഥികള്‍ക്ക് മാത്രം കൂടുതല്‍ മാര്‍ക്ക് ലഭിച്ചതോടെ അവര്‍ റാങ്കില്‍ മുന്നിലെത്തിയതിലെ ദുരൂഹതയാണ് ആക്ഷേപങ്ങള്‍ക്ക് കാരണമായത്.
ചോദ്യപേപ്പര്‍ തയ്യാറാക്കിയത് കുഫോസിലെ തന്നെ അധ്യാപകരാണെന്നാണ് വിവരം.

വി എസിനോടുള്ള ആദര സൂചകമായി സംസ്ഥാനത്ത് മൂന്ന് ദിവസം ഔദ്യോഗിക ദുഃഖാചരണം പ്രഖ്യാപിച്ചിട്ടുണ്ട്. ഇന്ന് സംസ്ഥാനത്ത് പൊതു അവധിയാണ്.

ഡിജിറ്റല്‍ സംവിധാനത്തിലേക്ക് മാറുന്നതോടെ തപാല്‍ മാര്‍ഗം അയക്കുന്ന രീതി നിര്‍ത്തലാക്കും. ജൂലൈ 1 മുതല്‍ എല്ലാ നിയമന ശിപാര്‍ശകളും ഉദ്യോഗാര്‍ഥികളുടെ പ്രൊഫൈലില്‍ ലഭ്യമാക്കും. ക്യൂആര്‍ കോഡ് ഉള്‍പ്പെടുത്തി സുരക്ഷിതമായ നിയമന ശിപാര്‍ശകളാണ് പ്രൊഫൈലില്‍ ലഭിക്കുക.

ചെയര്‍മാന് ജില്ലാ ജഡ്ജിമാരുടെ സൂപ്പര്‍ ടൈം സ്‌കെയിലിലെ പരമാവധി തുകയ്ക്കു തുല്യമായിരിക്കും പുതുക്കിയ ശമ്പളം. കമ്മീശനിലെ അംഗങ്ങള്‍ക്ക് ജില്ലാ ജഡ്ജിമാരുടെ സെലക്ഷന്‍ ഗ്രേഡ് സ്‌കെയിലിലെ പരമാവധി തുകയ്ക്ക് തുല്യമായിരുക്കും ശമ്പളം. വ്യവസായിത ട്രിബ്യൂണലുകളില്‍ പ്രിസൈഡിങ്ങ് ഓഫീസര്‍മാരുടെ ശമ്പളവും അലവന്‍സുകളും സബോര്‍ഡിനേറ്റ് ജുഡീഷ്യറിയിലെ ജുഡീഷ്യല്‍ ഓഫീസര്‍മാരുടേതിന് സമാനമായി പരിഷ്‌ക്കരിക്കും.

ഒക്ടോബര്‍ അഞ്ചിന് നടന്ന, എറണാകുളം, വയനാട് ജില്ലകളിലേക്കുള്ള എല്‍.ഡി. ക്ലാര്‍ക്ക് (വിവിധ വകുപ്പ്) പരീക്ഷയ്ക്ക് ചോദിച്ച ഏഴ് ചോദ്യങ്ങളാണ് ഒക്ടോബര്‍ എട്ടിന് നടന്ന മത്സ്യഫെഡ് ഓഫീസ് അറ്റന്‍ഡര്‍ മുഖ്യപരീക്ഷയ്ക്ക് ആവര്‍ത്തിച്ചത്.

എന്നാല്‍ രണ്ടു പരീക്ഷകളുമെഴുതിയ ഉദ്യോഗാര്‍ത്ഥികള്‍ ധാരാളം. അതേസമയം ഇതില്‍ ഒരു ചോദ്യം തെറ്റാണെന്ന് കാണിച്ച് രണ്ട് പരീക്ഷകളില്‍ നിന്നും പിന്നീട് റദ്ദാക്കി. ഒരേക്രമത്തില്‍ ഇത്രയും ചോദ്യങ്ങള്‍ അടുത്തടുത്ത പരീക്ഷകള്‍ക്ക് ഉണ്ടാകാറില്ല.

അതേസമയം രണ്ടുപരീക്ഷകളും എഴുതിയ ഉദ്യോഗാര്‍ത്ഥികള്‍ക്കാകട്ടെ ആദ്യപരീക്ഷ മനസ്സിലാക്കിയവര്‍ക്ക് രണ്ടാംപരീക്ഷ എളുപ്പമാവും. ഒരു മാര്‍ക്കുപോലും നിര്‍ണായകമാണെന്നിരിക്കെ ചോദ്യങ്ങള്‍ ആവര്‍ത്തിച്ചത് റാങ്ക് നിര്‍ണയത്തെ ബാധിക്കുമെന്നാണ് ആശങ്ക.

ഠ

യുപി അധ്യാപിക തസ്തികയിലേക്കുള്ള അപേക്ഷയില്‍ ‘കെടെറ്റ്’ സര്‍ട്ടിഫിക്കറ്റ് അപ്ലോഡ് ചെയ്യാന്‍ വൈകിയെന്ന് ചൂണ്ടിക്കാട്ടി കാഴ്ചപരിമിതയായ കോട്ടയം സ്വദേശിനിയുടെ അപേക്ഷ 2020ല്‍ പിഎസ്സി നിരസിച്ചിരുന്നു. ഇത് തന്റെ പരിമിതികളുടെ പേരിലുള്ള വിവേചനമാണെന്ന് കാണിച്ച് ഉദ്യോഗാര്‍ഥി അഡ്മിനിസ്‌ട്രേറ്റീവ് ട്രിബ്യൂണലിനെ സമീപിച്ചു. മനുഷ്യത്വപരമായ സമീപനം സ്വീകരിക്കാനായിരുന്നു ഉത്തരവ്. ഇതിനെതിരെയാണ് പിഎസ്സി ഹൈക്കോടതിയെ സമീപിച്ചത്.

സര്‍ക്കാര്‍ സംവിധാനങ്ങളും ഡിജിറ്റല്‍ പ്ലാറ്റ്‌ഫോമുകളും കാഴ്ചയുള്ളവര്‍ക്കായി തയ്യാറാക്കിയതാണെന്നും ഡിവിഷന്‍ ബെഞ്ച് ചൂണ്ടിക്കാട്ടി. കാഴ്ചപരിമിതിയുള്ളവര്‍ക്കും അത് പ്രാപ്യമാകാന്‍ പരസഹായം വേണം. അവരുടെ വിഷമതകള്‍ തിരിച്ചറിയാന്‍ കഴിഞ്ഞില്ലെങ്കില്‍ നമ്മളും അന്ധരായി മാറും. അതിനാല്‍ സര്‍ക്കാരോ പിഎസ്സിയോ മുന്‍കൈയെടുത്ത് പ്രത്യേക സേവനകേന്ദ്രങ്ങള്‍ സജ്ജമാക്കുമെന്നാണ് പ്രതീക്ഷയെന്നും ഹൈക്കോടതി പറഞ്ഞു.

2023 ജൂലൈ 3ന് സംസ്‌കൃതം വേദാന്തം വിഭാഗത്തില്‍ അസിസ്റ്റന്റ് പ്രൊഫസര്‍ തസ്തികയിലേക്ക് പി.എസ്.സി എഴുത്തുപരീക്ഷ നടന്നിരുന്നു. പരീക്ഷയുടെ അടിസ്ഥാനത്തില്‍ ഈ വര്‍ഷം ആഗസ്റ്റില്‍ ചുരുക്കപ്പട്ടികയും പി.എസ്.സി പ്രസിദ്ധീകരിച്ചു. 26 പേരാണ് വിവിധ കാറ്റഗറികളിലായി പട്ടികയിലുള്ളത്. എന്നാല്‍ പട്ടികയില്‍ സംശയം തോന്നിയ ഉദ്യോഗാര്‍ഥികള്‍ നടത്തിയ അന്വേഷണത്തില്‍ ചോദ്യപേപ്പര്‍ ചോര്‍ന്നോ എന്ന സംശയത്തിലേക്ക് എത്തിക്കുകയായിരുന്നു.

‘ചോദ്യപേപ്പര്‍ തയ്യാറാക്കിയ സംഘത്തില്‍ തിരുവനന്തപുരം ആയുര്‍വേദ കോളേജിലെ സംസ്‌കൃത അധ്യാപികയായ ഡോ. ഗായത്രിദേവി ജി ഉള്‍പ്പെട്ടിരുന്നു. എന്നാല്‍ ഇവരും മറ്റ് രണ്ട് അധ്യാപകരും തയ്യാറാക്കിയ ചോദ്യപ്പേപ്പറുകള്‍ ചോര്‍ന്നതായാണ് സംശയം. ഈ ചോദ്യപ്പേപ്പറുകള്‍ ഗായത്രിദേവിയുടെ സുഹൃത്തും ഉദ്യോഗാര്‍ഥിയുമായ ഡോ. ശാന്തിനി വി.എം എന്ന ഉദ്യോഗാര്‍ഥിക്ക് നല്‍കിയോ എന്നാണ് സംശയമുള്ളത്. പരീക്ഷയുടെ തലേദിവസങ്ങളില്‍ ശാന്തിനി ഗായത്രിദേവിയുടെ വീട്ടിലാണ് താമസിച്ചത്. അതിനാല്‍ ചോദ്യപ്പേപ്പര്‍ ചോര്‍ന്നതായി തങ്ങള്‍ സംശയിക്കുന്നെന്നാണഅ ഉദ്യോഗാര്‍ഥികള്‍ പരാതിയില്‍ പറയുന്ന ആരോപണം.

ചുരുക്കപ്പട്ടികയിലും ശാന്തിനിയുടെ പേര് ഉള്‍പ്പെട്ടതും ഉദ്യോഗാര്‍ഥികള്‍ക്ക് സംശയം കൂട്ടാനിടയായി. സമഗ്രമായ അന്വേഷണം ആവശ്യപ്പെട്ട് ഉദ്യോഗാര്‍ഥികള്‍ വിജിലന്‍സ് മേധാവി, പി.എസ്.സി വിജിലന്‍സ്, പി.എസ്.സി ചെയര്‍മാന്‍, പി.എസ്.സി സെക്രട്ടറി എന്നിവര്‍ക്ക് പരാതി നല്‍കി.

സാങ്കേതിക വിഭാഗം പരിശോധന നടത്തിയെന്നും വിഷയം ഗൂഗിളിനെ അറിയിച്ചെന്നും പി.എസ്.സി അധികൃതര്‍ വ്യക്തമാക്കി. ഗൂഗിള്‍ ടൈംസ്റ്റാമ്പിന്റെ പ്രശ്നമാണ് തിയതി തെറ്റായി കാണിക്കാന്‍ കാരണമെന്നും പി.എസ്.സി വിശദീകരിച്ചു.

എറണാകുളം, മലപ്പുറം ജില്ലയില്‍ ശനിയാഴ്ചയാണ് പിഎസ്സി എല്‍ഡി ക്ളര്‍ക്കിന്റെ പരീക്ഷ നടന്നത്. എന്നാല്‍ ഉദ്യോഗാര്‍ത്ഥികള്‍ പരീക്ഷയ്ക്ക് ശേഷം ഉത്തരക്കടലാസ് പരിശോധിച്ചപ്പോഴാണ് സൈറ്റില്‍ ഒരു ദിവസം മുമ്പ് ചോദ്യപേപ്പര്‍ അപ്ലോഡ് ചെയ്തതായി കണ്ടെത്തിയത്. ബുക്ക്ലറ്റ് നമ്പര്‍ 133/2024 എം എന്ന നമ്പരിലുള്ള 100 ചോദ്യങ്ങള്‍ അടങ്ങിയ പിഡിഎഫ് ഫയലാണ് സൈറ്റില്‍ ലഭ്യമായിട്ടുള്ളത്.