റഹീമിനെ മന്ത്രിയാക്കാനുള്ള നീക്കം തടയുന്നതിനു വേണ്ടി ജലീലുമായി ബന്ധപ്പെട്ടവരാണ് വിവാദം കത്തിച്ചതിനു പിന്നിലെന്നാണ് ഇടതുപക്ഷത്തു തന്നെയുള്ള ചിലര്‍ സംശയിക്കുന്നത്. ദിവസങ്ങള്‍ക്ക് മുമ്പ് നടന്ന അറസ്റ്റ് ഇപ്പോള്‍ ചര്‍ച്ചയാക്കിയത് ജലീല്‍ ക്യാമ്പാണെന്നാണ് പി.ടി.എ റഹീമുമായി അടുത്ത ബന്ധമുള്ളവര്‍ പറയുന്നത്. പി.ടി.എ റഹീം എം.എല്‍.എ കൂടി വിവാദത്തില്‍ അകപ്പെട്ടതോടെ ഇടതുപക്ഷത്തേക്ക് ചേക്കേറിയ സ്വതന്ത്ര എം.എല്‍.എമാരെല്ലാം സി.പി.എമ്മിന് തലവേദന ആയിരിക്കുകയാണ്.

കോഫേപോസ കോസിലെ പിടികിട്ടായായ അബ്ദുല്‍ ലെയ്‌സിനൊപ്പം ജനജാഗ്രതാ യാത്രയില്‍ കൊടിയേരി ബാലകൃഷ്ണന്‍ സഞ്ചരിച്ച മിനികൂപ്പറിന്റെ ഉടമ കാരാട്ട് ഫൈസലും ചിത്രത്തിലുണ്ട്. എന്നാല്‍ പുറത്തുവന്ന ചിത്രം അബ്ദുല്‍ ലെയ്‌സിന്റെ ഓഫീസ് ഉദ്ഘാടനച്ചടങ്ങിനിടെ എടുത്തല്ല എന്ന് പി.ടി.എ റഹീം എം.എല്‍.എ വ്യക്തമാക്കി.
തെരഞ്ഞെടുപ്പിന് ശേഷം സ്വീകരണപരിപാടികള്‍ക്കായി ഗള്‍ഫില്‍ പോയിരുന്നു അതിനിടെ ഒരു ഉദ്ഘാടനച്ചടങ്ങില്‍ പങ്കെടുത്തപ്പോള്‍ എടുത്ത ചിത്രമാണിതെന്നും പിടിഎ റഹീം പറഞ്ഞു. മോപ്പോയില്‍ എന്ന വ്യാപര സ്ഥാപനത്തിന്റെ പരിപാടിയിലാണ് താന്‍ പങ്കെടുത്തതെന്നും ഈ സ്ഥാപനം അബ്ദുല്‍ ലെയ്‌സിന്റെതല്ലെന്നും എം.എല്‍.എ പറഞ്ഞു.അബ്ദുല്‍ ലെയിസ് തന്റെ ബന്ധുവാണെന്ന് പിടി.എ റഹീം പറഞ്ഞു. കൊടുവള്ളി മുന്‍സിപ്പല്‍ കൗണ്‍സിലര്‍മാരടക്കം പങ്കെടുത്ത ചടങ്ങായിരുന്നതെന്നും ഭാവിയില്‍ ഇത്തരം സാഹചര്യങ്ങലളുണ്ടായാല്‍ ഒഴിവാക്കാന്‍ സാധിക്കില്ലെന്നും അദ്ദേഹം പ്രതികരിച്ചു.