മരാമത്ത് സ്ഥിരം സമിതി അധ്യക്ഷ പദവി ഒന്നര വര്‍ഷത്തിന് ശേഷം വെച്ചുമാറണമെന്നായിരുന്നു പ്രതിപക്ഷ കക്ഷികളായ കോണ്‍ഗ്രസും ആര്‍.എസ്.പിയും തമ്മിലെ ധാരണ. രണ്ട്‌വര്‍ഷം കഴിഞ്ഞ് പാര്‍ട്ടി ആവശ്യപ്പെട്ടിട്ടും സ്ഥാനമൊഴിഞ്ഞില്ലെന്ന ആരോപണമാണ് പൊതുമരാമത്ത് അധ്യക്ഷ സുനിത ഡിക്സനെതിരെ ഉയര്‍ന്നത്. സംസ്ഥാന സെക്രട്ടേറിയറ്റ് എടുത്ത തീരുമാനമാണ് ഇതെന്നാണ് ജില്ലാ നേതൃത്വം വ്യക്തമാക്കുന്നത്. എന്നാല്‍ ഇതുവരെ രേഖാമൂലം തന്നോട് പദവി ഒഴിയണമെന്ന് പാര്‍ട്ടി ആവശ്യപ്പെട്ടിട്ടില്ലെന്ന് സുനിത ഡിക്സന്‍ പ്രതികരിച്ചു. പ്രതിപക്ഷത്തിന് ലഭിച്ച പ്രധാന പദവി പങ്കുവെക്കുന്നതില്‍ ധാരണ തെറ്റിച്ചാല്‍ അതിനെ മറികടക്കുമെന്ന് പ്രതിപക്ഷ നേതാവും വ്യക്തമാക്കി.