പുനലൂര്‍ പ്ലാച്ചേരിയിലെ ലൈഫ് മിഷന്‍ ഫ്‌ലാറ്റ് സമുച്ചയത്തിന് സമീപം താമസിക്കുന്ന കുടുംബങ്ങളാണ് പ്രതിഷേധവുമായി എത്തിയിരിക്കുന്നത്. താക്കോല്‍ദാനം കഴിഞ്ഞു ആഴ്ചകള്‍ മാത്രമായ ഫ്‌ലാറ്റിന്റെ സെപ്റ്റിക് ടാങ്ക് മാലിന്യ പ്ലാന്റ് തകര്‍ന്ന നിലയിലായി. പ്രദേശമാകെ മാലിന്യം പടര്‍ന്നു കിടക്കുന്നു. രൂക്ഷ ഗന്ധവും വ്യാപകമാണ്.

മാലിന്യ പ്ലാനിലെ ചോര്‍ച്ചയെ സംബന്ധിച്ച് കരാറുകാരനെ അറിയിച്ചെങ്കിലും നിഷേധ നിലപാടാണെന്ന് പ്രദേശവാസി പറയുന്നു. മാലിന്യ പ്രശ്‌നത്തിന് പരിഹാരം ആവശ്യപ്പെട്ട് നഗരസഭയ്ക്ക് പരാതി നല്‍കുവാന്‍ പ്രദേശവാസികള്‍ ഒപ്പുശേഖരണം നടത്തിയിട്ടുണ്ട്.