ഒന്നു മുതല്‍ 182 വരെ എന്ന ക്രമത്തിലായിരിക്കും ബൂത്തുകള്‍ എണ്ണുക. ആദ്യ റൗണ്ടില്‍ ഒന്നു മുതല്‍ പതിനാലുവരെയുള്ള ബൂത്തുകളിലെ വോട്ട് എണ്ണും. തുടര്‍ന്ന് പതിനഞ്ചു മുതല്‍ 28 വരെയും. ഇത്തരത്തില്‍ 13 റൗണ്ടുകളായി വോട്ടെണ്ണല്‍ പൂര്‍ത്തിയാക്കും. തുടര്‍ന്ന് റാന്‍ഡമൈസ് ചെയ്തു തിരഞ്ഞെടുക്കുന്ന അഞ്ചു വി.വി പാറ്റ് മെഷീനുകളിലെ സ്ലിപ്പുകള്‍ ഒന്നാം നമ്പര്‍ ടേബിളില്‍ എണ്ണും.

90,281 സ്ത്രീകളും 86,132 പുരുഷന്മാരും നാലു ട്രാന്‍സ്ജെന്‍ഡറുകളും ഉള്‍പ്പെടെ 1,76,417 വോട്ടര്‍മാരാണ് പുതുപ്പള്ളിയിലുള്ളത്. 182 പോളിങ് ബൂത്തുകളാണ് മണ്ഡലത്തില്‍ ക്രമീകരിച്ചിരിക്കുന്നത്. 182 ബൂത്തുകളിലും വെബ്കാസ്റ്റിങ് ഏര്‍പ്പെടുത്തിയിട്ടുണ്ട്. രാവിലെ 5.30 മുതല്‍ പോളിങ് അവസാനിക്കുന്നതുവരെയുള്ള നടപടികള്‍ കലക്ട്രേറ്റിലെ കണ്‍ട്രോള്‍ റൂമിലൂടെ തത്സമയം അറിയാം.

വൈകീട്ട് ആറു മണിയോടെ പോളിങ് പൂര്‍ത്തിയായാല്‍ പിന്നെ ഫലമറിയാനുള്ള കാത്തിരിപ്പാണ്. സെപ്തംബര്‍ എട്ടിനാണു വോട്ടെണ്ണല്‍. കോട്ടയം ബസേലിയോസ് കോളജ് ഓഡിറ്റോറിയത്തില്‍ സജ്ജമാക്കിയിട്ടുള്ള കൗണ്ടിങ് കേന്ദ്രത്തില്‍ രാവിലെ എട്ടു മുതല്‍ വോട്ടെണ്ണല്‍ ആരംഭിക്കും. 13 റൗണ്ടുകളായാണ് വോട്ടെണ്ണല്‍ നടക്കുക. വോട്ടെണ്ണലിന് 74 ഉദ്യോഗസ്ഥരെ നിയോഗിച്ചിട്ടുണ്ട്.

ചാണ്ടി ഉമ്മന് വേണ്ടി ശശി തരൂര്‍, എകെ ആന്റണി തുടങ്ങിയ കോണ്‍ഗ്രസ് നേതാക്കളാണ് പ്രചാരണത്തിനായി വന്നത്. അപ്പന് ലഭിച്ചതിനേക്കാള്‍ ഭൂരിപക്ഷം ചാണ്ടി ഉമ്മന് ലഭിക്കുമെന്നാണ് പ്രതീക്ഷിക്കുന്നത്. 2021ല്‍ 9000 വോട്ടിന്റെ ഭൂരിപക്ഷത്തിലാണ് ഉമ്മന്‍ ചാണ്ടി വിജയിച്ചത്. എന്നാല്‍ ഇത്തവണ ഭൂരിപക്ഷം ഇരട്ടിയാകുമെന്നാണ് യുഡിഎഫ് പറയുന്നത്. യുഡിഎഫ് സര്‍വ്വേയുടെ അടിസ്ഥാനത്തില്‍ ഏകദേശം 30,000 മുതല്‍ 35,000 വരെ ഭൂരിപക്ഷം ലഭിക്കുമെന്നാണ് പ്രതീക്ഷിക്കുന്നത്.

ഈ വിജയം കേരളത്തിന്റെ ദുര്‍ഭരണത്തിനെതിരെയുള്ള വിധിയെഴുത്താകും. ഈ ഉപതിരഞ്ഞെടുപ്പ് സര്‍ക്കാരിനെ ജനങ്ങള്‍ വിലയിരുത്തുമെന്ന് മുഖ്യമന്ത്രി തന്നെ പറഞ്ഞതാണ്. എന്നാല്‍ തൃക്കാക്കരയില്‍ എന്താണോ സംഭവിച്ചത് അതുതന്നെയായിരിക്കും പുതുപ്പള്ളിയിലും സംഭവിക്കുക അദ്ദേഹം പറഞ്ഞു.

അതേസമയം ഇന്ത്യയില്‍ പ്രതീക്ഷയുള്ള ഒരു മുന്നണിയായി ഇന്ത്യ വളരുന്നു. അതില്‍ മുസ്‌ലിം ലീഗിന് കൃത്യമായ സ്ഥാനവും പരിഗണനയും കിട്ടിയിട്ടുണ്ട്. ഇന്ത്യ എന്ന മുന്നണി ഇന്ത്യന്‍ ജനാധിപത്യത്തിനും മതേതരത്വത്തിനും പ്രതീക്ഷയുള്ള ഒരു കാര്യമാവുമെന്നും വര്‍ഗീയതയും മതങ്ങളുടെ പേരിലുള്ള സംഘര്‍ഷങ്ങളും ഉണ്ടാക്കുന്ന ഇന്നത്തെ ഗവണ്‍മെന്റിനെ താഴെയിറക്കാന്‍ ഇന്ത്യ എന്ന മുന്നണിക്ക് ആകുമെന്നും അദ്ദേഹം പറഞ്ഞു.

തികഞ്ഞ പ്രതീക്ഷയോടെയാണ് യുഡിഎഫ് മത്സരത്തിനിറങ്ങിയിട്ടുള്ളത്. കൊട്ടിക്കലാശത്തിന്റെ അവസാന നിമിഷത്തില്‍ ആവേശത്തിന്റെ കൊടുമുടിയിലായിരുന്നു പ്രവര്‍ത്തകര്‍. യുഡിഎഫ്,എല്‍ഡിഎഫ്, ബിജെപി തുടങ്ങി എല്ലാവരും അവസാന നിമിഷം കടുത്ത പ്രചരണത്തിലായിരുന്നു.

പരസ്യ പ്രചാരണത്തിന്റെ അവസാന മണിക്കൂറുകളില്‍ റോഡ് ഷോകളുമായി മൂന്ന് മുന്നണികളുടെയും നേതാക്കള്‍ പുതുപ്പള്ളിയില്‍ ആവേശം അലയടിപ്പിച്ചു. കൊട്ടിക്കലാശം നടന്ന പാമ്പാടിയിലേക്ക് കൊടികളും തോരണങ്ങളുമായി പ്രവര്‍ത്തകര്‍ ഒഴുകിയെത്തി. പരസ്യ പ്രചാരണം അവസാനിച്ച ആറ് മണിക്ക് വെടിക്കെട്ടിന്റെ ആവേശവും പുതുപ്പള്ളിയില്‍ കാണാനായി. അനിഷ്ട സംഭവങ്ങളൊന്നും ഉണ്ടായില്ലെന്നതും കൊട്ടിക്കലാശത്തെ ശ്രദ്ധേയമാക്കി. പരസ്യപ്രചാരണം അവസാനിച്ചതോടെ നാളെ പുതുപ്പള്ളിയില്‍ നിശ്ശബ്ധ പ്രചാരണത്തിനുള്ള സമയമാണ്.

ഉമ്മന്‍ചാണ്ടിയെ അധിക്ഷേപിച്ചുകൊണ്ടുള്ള ഇടതുനേതാക്കളുടെ പ്രസ്താവന തിരിച്ചടിയാകുമെന്ന വിലയിരുത്തലാണ് സി.പി.എം നേതൃത്വത്തിനുള്ളത്. പുതുപ്പള്ളിയില്‍ ഉമ്മന്‍ചാണ്ടിക്കെതിരായ പറയുന്ന വാക്കുകള്‍ ഫലത്തില്‍ യു.ഡി.എഫ് സ്ഥാനാര്‍ത്ഥിക്ക് ഗുണം ചെയ്യുമെന്ന് സി.പി.എം വിലയിരുത്തുന്നു. എം.എം മണി അടക്കമുള്ള നേതാക്കളോട് അവസാന ദിവസങ്ങളില്‍ സൂക്ഷ്മതയോടെ സംസാരിക്കണമെന്ന് സി.പി.എം നിര്‍ദേശിച്ചതായാണ് സൂചന. ആദ്യം മുതല്‍ തന്നെ പ്രചാരണത്തിലെ ‘അതിവേഗം’ കൊണ്ട് ചാണ്ടി ഉമ്മന്‍ ബഹുദൂരമെത്തിയെന്ന് യു.ഡി.എഫ് വിലയിരുത്തുമ്പോള്‍ എല്‍.ഡി.എഫ് ക്യാമ്പില്‍ നിന്ന് തുടക്കത്തിലുണ്ടായിരുന്ന അവകാശവാദങ്ങള്‍ ഇപ്പോള്‍ ഉയരാത്തത് ശ്രദ്ധേയമാണ്. ജെയ്ക് സി തോമസ് മണ്ഡലത്തിന്റെ എല്ലാഭാഗത്തും ഓടിയെത്തിയിട്ടുണ്ട്. എന്നാല്‍ ചില മുതിര്‍ന്ന സി.പി.എം നേതാക്കള്‍ ചര്‍ച്ചകള്‍ വഴിതിരിച്ചുവിട്ടതിലും അച്ചുഉമ്മനെതിരായ സൈബര്‍ അക്രമത്തിലും അദ്ദേഹത്തിന് നീരസമുണ്ട്. പരമാവധി വോട്ടുറപ്പിക്കാന്‍ ശ്രമിക്കുന്നതിനിടെ അനാവശ്യ വിവാദങ്ങള്‍ ഉയര്‍ത്തിക്കൊണ്ടുവന്നത് തനിക്ക് അനുകൂലമാകില്ലെന്ന് സ്ഥാനാര്‍ത്ഥി നേതൃത്വത്തോട് പരാതി പറഞ്ഞിട്ടുണ്ട്.യു.ഡി.എഫ് ചരിത്രത്തിലെ തന്നെ ഏറ്റവും ചിട്ടയായ പ്രവര്‍ത്തനമാണ് പുതുപ്പള്ളിയില്‍ കാഴ്ചവെക്കുന്നത്. പ്രതിപക്ഷ നേതാവ് വി.ഡി സതീശന്റെ നേതൃത്വത്തില്‍ വിവിധ ഘട്ടങ്ങളിലായി നടന്ന പ്രവര്‍ത്തനങ്ങള്‍ ചാണ്ടി ഉമ്മന് കൂടുതല്‍ കരുത്തായിട്ടുണ്ട്. യു.ഡി.എഫിന്റെ താരപ്രചാരകരായി എ.കെ ആന്റണിയും ഡോ. ശശി തരൂരും മണ്ഡലത്തിലെത്തുന്നതോടെ ഇനിയുള്ള ദിവസങ്ങള്‍ ആവേശകരമാകും. ആന്റണി പൊതുയോഗങ്ങളില്‍ പ്രസംഗിക്കുമ്പോള്‍ റോഡ്‌ഷോകളും കുടുംബയോഗങ്ങളുമായി തരൂര്‍ കളം നിറയും. പുതുപ്പള്ളിയുടെ വികസനം ചര്‍ച്ച ചെയ്യാന്‍ താന്‍ തയാറാണെന്ന ചാണ്ടി ഉമ്മന്റെ പ്രസ്താവന വന്നതോടെ തുടക്കത്തില്‍ വെല്ലുവിളിച്ച സി.പി.എം നേതാക്കള്‍ തടിതപ്പി. അതേസമയം മുഖ്യമന്ത്രിയെ കൂടാതെ ആറു മന്ത്രിമാരും 15 എം.എല്‍.എമാരും നാല് വനിതാ നേതാക്കളും ഇന്നുമുതല്‍ പുതുപ്പള്ളിയിലെത്തും. സര്‍ക്കാരിനെതിരായ വിമര്‍ശനങ്ങളും മുഖ്യമന്ത്രിക്കും കുടുംബത്തിനുമെതിരായ വിവാദങ്ങളും ചര്‍ച്ചയായിട്ടും അതിന് മറുപടി നല്‍കാന്‍ മുഖ്യമന്ത്രിയും മന്ത്രിമാരും ഇനിയും തയാറായിട്ടില്ല. ഈ സാഹചര്യത്തിലും ഇനിയുള്ള ഓരോ മിനുട്ടും ഇരുമുന്നണികള്‍ക്കും നിര്‍ണായകമാണ്. ഇതിനിടെ ഒട്ടുംതന്നെ പ്രതീക്ഷയില്ലാത്ത മണ്ഡലമായിട്ടും ബി.ജെ.പിയും പ്രമുഖ നേതാക്കളും രംഗത്തിറക്കുന്നു. കേന്ദ്രമന്ത്രി വി. മുരളീധരന്‍, അല്‍ഫോണ്‍സ് കണ്ണന്താനം, ടോം വടക്കന്‍, അനില്‍ ആന്റണി തുടങ്ങി പ്രകാശ് ജാവദേക്കര്‍ വരെയുള്ള നേതാക്കള്‍ മണ്ഡലത്തിലെത്തുന്നുണ്ട്.

നേതാക്കള്‍
പുതുപ്പള്ളിയില്‍

പുതുപ്പള്ളി: ഓണാഘോഷങ്ങള്‍ക്കുശേഷം പുതുപ്പള്ളി പ്രചാരണ തിരക്കിലേക്ക്. യുഡിഎഫ് സ്ഥാനാര്‍ത്ഥി ചാണ്ടി ഉമ്മന്റെ തെരഞ്ഞെടുപ്പ് പ്രചരണാര്‍ത്ഥം കോണ്‍ഗ്രസ് പ്രവര്‍ത്തക സമിതിയംഗം എ കെ ആന്റണി ഇന്ന് മണ്ഡലത്തിലെത്തും. പുതുപ്പള്ളിയില്‍ വൈകിട്ട് നാലിനും അയര്‍ക്കുന്നത്ത് വൈകിട്ട് ആറിനുമാണ് എ കെ ആന്റണി പങ്കെടുക്കുന്ന പൊതുയോഗങ്ങള്‍. 2നും മൂന്നിനും പ്രവര്‍ത്തക സമിതിയംഗം ശശി തരൂരും മണ്ഡലത്തിലെത്തും.

2ന് പാമ്പാടിയില്‍ വൈകിട്ട് ആറുമണിക്ക് അദ്ദേഹം പൊതുയോഗത്തില്‍ സംസാരിക്കും. മണര്‍കാട് മുതല്‍ പാമ്പാടി വരെ റോഡ് ഷോയും സംഘടിപ്പിച്ചിട്ടുണ്ട്. 3നും തരൂര്‍ മണ്ഡലത്തിലുണ്ട്. മുസ്‌ലിം ലീഗ് ദേശീയ സീനിയര്‍ വൈസ് പ്രസിഡന്റ് എം പി അബ്ദുള്‍സമദ് സമദാനി എം പി നാളെയും സംസ്ഥാന സെക്രട്ടറി കെ എം ഷാജി ഇന്നും പുതുപ്പള്ളി മണ്ഡലത്തിലെ വിവധ യോഗങ്ങളില്‍ പങ്കെടുത്ത് പ്രസംഗിക്കും. എഐസിസി ജനറല്‍ സെക്രട്ടറി കെസി വേണുഗോപാല്‍ നാളെ മീനടം മാളികപ്പടിയില്‍ പ്രസംഗിക്കും. കെ മുരളീധരന്‍ എംപി ഇന്ന് പാമ്പാടി കുറ്റിക്കലിലെ പ്രചാരണ യോഗത്തില്‍ പങ്കെടുക്കും. വൈകിട്ട് അഞ്ചിനാണ് പരിപാടി. കെപിസിസി അധ്യക്ഷന്‍ കെ സുധാകന്‍ ഇന്ന് വൈകിട്ട് അഞ്ചിന് കൂരോപ്പടയില്‍ സംസാരിക്കും.

എല്‍ഡിഎഫ് സര്‍ക്കാരിന്റെ നേട്ടങ്ങള്‍ എണ്ണിപ്പറഞ്ഞായിരുന്നു മുഖ്യമന്ത്രിയുടെ പ്രഭാഷണം നീണ്ടത്.

അതേസമയം സംസ്ഥാനത്ത് കത്തിപ്പടരുന്ന ഒരു വിവാദങ്ങള്‍ക്കും മുഖ്യമന്ത്രി പ്രഭാഷണത്തില്‍ മറുപടി പറഞ്ഞില്ല. പ്രതിപക്ഷ നേതാവ് ഇന്ന് ഉന്നയിച്ച 7 ചോദ്യങ്ങള്‍ക്കും മുഖ്യമന്ത്രിയുടെ പ്രഭാഷണത്തില്‍ ഇടം കണ്ടെത്താനായില്ല.

അഡ്വ. ചാണ്ടി ഉമ്മന്‍ (ഇന്ത്യന്‍ നാഷണല്‍ കോണ്‍ഗ്രസ്), ജെയ്ക് സി. തോമസ് (കമ്യൂണിസ്റ്റ് പാര്‍ട്ടി ഓഫ് ഇന്ത്യ(മാര്‍ക്സിസ്റ്റ്), ലിജിന്‍ ലാല്‍ (ഭാരതീയ ജനതാ പാര്‍ട്ടി), ലൂക്ക് തോമസ് (ആം ആദ്മി പാര്‍ട്ടി), പി.കെ. ദേവദാസ് (സ്വതന്ത്രന്‍), ഷാജി(സ്വതന്ത്രന്‍), സന്തോഷ് പുളിക്കല്‍ (സ്വതന്ത്രന്‍) എന്നിവരാണ് മത്സരരംത്ത് ഉള്ളത്. നാല് അംഗീകൃത രാഷ്ട്രീയപാര്‍ട്ടികള്‍ക്ക് അവരുടെ ചിഹ്നവും മൂന്നുസ്വതന്ത്ര സ്ഥാനാര്‍ഥികള്‍ക്ക് വരണാധികാരി അനുവദിച്ച ചിഹ്നങ്ങളുമാണ് നല്‍കിയിരിക്കുന്നത്.

സ്ഥാനാര്‍ഥികളും പാര്‍ട്ടിയും ചിഹ്നവും

1 അഡ്വ. ചാണ്ടി ഉമ്മന്‍ (ഇന്ത്യന്‍ നാഷണല്‍ കോണ്‍ഗ്രസ്)- കൈ

2 ജെയ്ക് സി. തോമസ്((കമ്യൂണിസ്റ്റ് പാര്‍ട്ടി ഓഫ് ഇന്ത്യ(മാര്‍ക്സിസ്റ്റ്), – ചുറ്റിക, അരിവാള്‍, നക്ഷത്രം

3 ലിജിന്‍ ലാല്‍(ഭാരതീയ ജനതാ പാര്‍ട്ടി)- താമര

4 ലൂക്ക് തോമസ് (ആം ആദ്മി പാര്‍ട്ടി) -ചൂല്

5 പി.കെ. ദേവദാസ് (സ്വതന്ത്രസ്ഥാനാര്‍ഥി )- ചക്ക

6 ഷാജി(സ്വതന്ത്രസ്ഥാനാര്‍ഥി)- ബാറ്ററി ടോര്‍ച്ച്

7 സന്തോഷ് പുളിക്കല്‍ (സ്വതന്ത്ര സ്ഥാനാര്‍ഥി) -ഓട്ടോറിക്ഷ

സമരപരിപാടികളുമായി ബന്ധപ്പെട്ട മുന്നൊരുക്കങ്ങള്‍ ചര്‍ച്ച ചെയ്യാന്‍ വിളിച്ചിരുന്ന ജില്ലാ നേതൃയോഗങ്ങളും മാറ്റിവെച്ചു. ആറു ജില്ലകളിലെ നേതൃയോഗങ്ങള്‍ നേരത്തെ നടന്നിരുന്നു.ശേഷിക്കുന്ന 8 ജില്ലകളിലെ നേതൃയോഗങ്ങളാണ് മാറ്റിവെച്ചത്.പുതിയ തീയതി പിന്നീട് അറിയിക്കുമെന്നും ഹസ്സന്‍ പറഞ്ഞു.

അഞ്ച് പതിറ്റാണ്ടിലേറെ ഉമ്മന്‍ചാണ്ടിയെ തുണച്ച മണ്ഡലം നിലനിര്‍ത്താനായി സ്ഥാനാര്‍ത്ഥിയെ കണ്ടെത്താന്‍ യു.ഡി.എഫിന് തിരഞ്ഞെടുപ്പ് പ്രഖ്യാപിച്ച് മൂന്നു മണിക്കൂര്‍ മാത്രമാണ് വേണ്ടി വന്നത്. ഉമ്മന്‍ ചാണ്ടിയുടെ പിന്‍ഗാമിയാവാന്‍ ആരെന്ന ചോദ്യത്തിന് കോണ്‍ഗ്രസിന് മുന്നില്‍ ഒറ്റ ഉത്തരം മാത്രമേ ഉണ്ടായിരുന്നുള്ളൂ, ചാണ്ടി ഉമ്മന്‍. ഉമ്മന്‍ ചാണ്ടിയുടെ ചേതനയറ്റ ശരീരവുമായി, അദ്ദേഹത്തിന്റെ മൃതദേഹം ഒരുനോക്കു കാണാന്‍ കാത്തിരുന്ന ജനങ്ങള്‍ക്കു മുന്നില്‍ കൂപ്പുകൈയുമായി തലസ്ഥാന നഗരം മുതല്‍ പുതുപ്പള്ളി വരെ സഞ്ചരിച്ച ചാണ്ടി ഉമ്മന്‍ എന്ന മകനെ കേരളക്കര മറക്കാനിടയില്ല. ഇപ്പോള്‍ അച്ഛന്റെ രാഷ്ട്രീയ പാരമ്പര്യം നിലനിര്‍ത്താനായി പുതുപ്പള്ളിക്കാരിലേക്ക് ജനവിധി അറിയാന്‍ ഇറങ്ങുകയാണ് കരോട്ട് വള്ളക്കാലില്‍ വീട്ടില്‍ നിന്ന് ചാണ്ടി ഉമ്മന്‍. ഉമ്മന്‍ ചാണ്ടിയുടെ മകന്‍ എന്നതിനേക്കാളുപരി കെ.എസ്.യുവിലൂടെ രാഷ്ട്രീയത്തിലെത്തിയ ചാണ്ടി ഉമ്മന്‍ നിലവില്‍ യൂത്ത് കോണ്‍ഗ്രസ് ദേശീയ ഔട്ട് റീച്ച് സെല്‍ ചെയര്‍മാനാണ്. യു.ഡി.എഫിന്റെ വിജയാരവത്തിനായി ഇനി അരയും തലയും മുറുക്കിയുള്ള പ്രചാരണത്തിന്റെ 27 നാളുകളാണ് പുതുപ്പള്ളിക്കാര്‍ക്ക്. ജനജീവിതം ഇത്രമേല്‍ ദുഷ്‌കരമാക്കിയ ഇടതു സര്‍ക്കാറിനെതിരെ ജനങ്ങളുടെ മനസാക്ഷിയുടെ കോടതിയില്‍ വിചാരണ ചെയ്യാനുള്ള അവസരം കൂടിയാണിത്. രണ്ടുവര്‍ഷം മുന്‍പ് നടന്ന നിയമസഭാ തിരഞ്ഞെടുപ്പില്‍ 9,044 വോട്ടിന്റെ ഭൂരിപക്ഷത്തിനാണ് ഉമ്മന്‍ചാണ്ടി സിപിഎമ്മിലെ ജെയ്ക് സി തോമസിനെ തോല്‍പ്പിച്ചത്. ഉമ്മന്‍ചാണ്ടിക്ക് 63,372 വോട്ടും ജെയ്ക്കിന് 54,328 വോട്ടും ലഭിച്ചു. ബിജെപിക്ക് ആകെ നേടാനായത് 11,694 വോട്ട്. 1970ലാണ് ഉമ്മന്‍ചാണ്ടി പുതുപ്പള്ളിയില്‍ ആദ്യമായി മല്‍സരിച്ചത്. ഇ.എം.ജോര്‍ജിനെതിരെ 7,288 വോട്ടായിരുന്നു ഭൂരിപക്ഷം. 2011ല്‍ സുജ സൂസന്‍ ജോര്‍ജ് എതിരാളിയായെത്തിയപ്പോള്‍ ലഭിച്ച 33,255 വോട്ടിന്റെ ഭൂരിപക്ഷമാണ് ഏറ്റവും ഉയര്‍ന്നത്. 2016ല്‍ ജെയ്ക്കിനെതിരെ ജയം 27,092 വോട്ടിന്. കന്നിയങ്കത്തിലേതിനുശേഷം ഏറ്റവും കുറഞ്ഞ ഭൂരിപക്ഷം കഴിഞ്ഞ തിരഞ്ഞെടുപ്പിലായിരുന്നു. പുതുപ്പള്ളിയില്‍ ഉപതിരഞ്ഞെടുപ്പ് ഒരുക്കം യു.ഡി.എഫ് ആരംഭിച്ചിട്ടുണ്ട്. വിജയിക്കാന്‍ വേണ്ടി മാത്രമല്ല,

രാഷ്ട്രീയമായി സംസ്ഥാന കേന്ദ്ര സര്‍ക്കാരുകളെ വിചാരണ ചെയ്യാനുള്ള അവസരമായാണ് യുഡിഎഫ് തിരഞ്ഞെടുപ്പിനെ കാണുന്നത്. ഉമ്മന്‍ ചാണ്ടി പ്രതിനിധീകരിച്ച മണ്ഡലത്തില്‍ ശക്തമായ മത്സരം കാഴ്ചവയ്ക്കുന്നതുപോലും നിലവിലെ സാഹചര്യത്തില്‍ എല്‍ഡിഎഫിനു വെല്ലുവിളിയാണ്. ഉമ്മന്‍ ചാണ്ടിയുടെ പുതുപ്പള്ളി പള്ളിയിലെ കല്ലറ കാണാന്‍ കേരളത്തിന്റെ വിവിധ ഭാഗങ്ങളില്‍നിന്നു ജനം കൂട്ടത്തോടെ എത്തുന്നത് നേതാവിനോടുള്ള ജനങ്ങളുടെ സ്‌നേഹത്തിന്റെ തെളിവായി മാറുന്നു. 1970ല്‍ ഉമ്മന്‍ ചാണ്ടി മത്സരിക്കാനെത്തും മുന്‍പ് രണ്ടു തവണ പുതുപ്പള്ളിയില്‍ ഇടത് പക്ഷം വിജയിച്ചിട്ടുണ്ട്. 1965ലും 67 ലുംസിപിഎമ്മിലെഇ. എം.ജോര്‍ജാണ് വിജയിച്ചത്. ഇ.എം.ജോര്‍ജിനെ തോല്‍പിച്ചാണ് ഉമ്മന്‍ ചാണ്ടി 1970ല്‍ ആദ്യമായി നിയമസഭയിലെത്തിയത്. ഉമ്മന്‍ ചാണ്ടി, എ.കെ.ആന്റണിയുടെ നേതൃത്വത്തില്‍ ഇടതുപക്ഷത്തിനൊപ്പമായിരുന്ന 1980ലും പുതുപ്പള്ളി ഇടതുപക്ഷത്തേക്കു തിരിഞ്ഞു. അല്ലാത്തപ്പോഴെല്ലാം പുതുപ്പള്ളി ഉമ്മന്‍ ചാണ്ടിയിലൂടെ കോണ്‍ഗ്രസിന്റെ സ്വന്തമായിരുന്നു. കോട്ടയം താലൂക്കിലെ അകലക്കുന്നം, അയര്‍ക്കുന്നം, കൂരോപ്പട, മണര്‍കാട്, മീനടം, പാമ്പാടി, പുതുപ്പള്ളി, ചങ്ങനാശേരി താലൂക്കിലെ വാകത്താനം പഞ്ചായത്തുകളാണ് മണ്ഡലത്തിലുള്ളത്. മുന്‍പ് മണ്ഡലത്തിന്റെ ഭാഗമായിരുന്ന പനച്ചിക്കാടും പള്ളിക്കത്തോടും 2011ലെ പുനര്‍നിര്‍ണയത്തില്‍ പുതുപ്പള്ളി വിട്ടുപോയപ്പോള്‍ മണര്‍കാടും വാകത്താനവും മണ്ഡലത്തിലേക്കു വന്നു.