puthuppally – Chandrika Daily

പുതുപ്പള്ളി വിജയത്തിന്റെയുടെ യഥാര്‍ത്ഥ ശില്‍പി വി.ഡി. സതീശനെന്ന് യാക്കോബായ സഭാ ബിഷപ്പ്

webdesk13 — Fri, 08 Sep 2023 14:47:09 +0000

പുതുപ്പള്ളി തെരഞ്ഞെടുപ്പിലെ യഥാര്‍ഥ സ്റ്റാര്‍ വി. ഡി. സതീശനെന്ന് യക്കോബായ സഭാ ബിഷപ്പ്. അദ്ദേഹത്തിന്റെ നേതൃത്വപാടവത്തെക്കുറിച്ചും നിലപാടുകളിലെ വ്യക്തതയെക്കുറിച്ചും ഞാന്‍ മുന്‍പും എഴുതിയിട്ടുണ്ടെന്നും യക്കോബായ സഭാ ബിഷപ്പ്. എന്നാല്‍ പുതുപ്പള്ളിയിലെ യു.ഡി.എഫിന്റെ തിളക്കമാര്‍ന്ന വിജയത്തിന്റെ യഥാര്‍ത്ഥ ശില്പി സതീശന്‍ തന്നെയാണ്. എണ്ണയിട്ട യന്ത്രം പോലെ തന്റെ ടീമിനെ കൃത്യമായി പ്രവര്‍ത്തിപ്പിച്ച ‘ക്യാപ്റ്റന്‍ കൂള്‍’ ആയിരുന്നുവെന്നും സതീശന്‍. തൃക്കാക്കരയിലും നമ്മള്‍ ഇത് കണ്ടതാണ്.

‘ താന്‍ പറഞ്ഞ ഭൂരിപക്ഷം കുറഞ്ഞാല്‍ അത് തന്റെ മാത്രം ഉത്തരവാദിത്വം ആയിരിക്കും, എന്നാല്‍ ഭൂരിപക്ഷം ഉയര്‍ന്നാല്‍ അത് ടീം വര്‍ക്കിന്റെ ഫലമായിരിക്കും’ എന്ന് പറയാന്‍ കഴിയുന്നവരെയാണ് നമ്മള്‍ നേതാക്കള്‍ എന്ന് വിളിക്കേണ്ടത് സതീശന്‍ ഇരുത്തം വന്ന നേതാവാണ്… കോണ്‍ഗ്രസ് എന്ന പാര്‍ട്ടി നശിച്ചു പോകരുതെന്ന് ആഗ്രഹിക്കുന്ന ഒരു വ്യക്തി എന്ന നിലയില്‍ സതീശന്റെ നേതൃത്വം കോണ്‍ഗ്രസിനും മതേതരത്വത്തിനും മുതല്‍കൂട്ടാണെന്നും അദ്ദേഹം പറഞ്ഞു. പ്രതിപക്ഷ നേതാവിന് അഭിനന്ദനങ്ങള്‍ അയക്കാനും മറന്നില്ല യക്കോബായ സഭാ ബിഷപ്പ്. ഫെയ്‌സ്ബുക്കിലൂടെയാണ് അദ്ദേഹം അറിയിച്ചത്.

പുതുപ്പള്ളിയില്‍ കിറ്റ് വിതരണമാകാം; അതുവച്ച് രാഷ്ട്രീയ മുതലെടുപ്പ് പാടില്ലെന്ന് തിരഞ്ഞെടുപ്പ് കമ്മിഷന്‍

webdesk13 — Mon, 28 Aug 2023 14:28:05 +0000

പെരുമാറ്റച്ചട്ടം നിലവിലുണ്ടെങ്കിലും പുതുപ്പള്ളിയില്‍ കിറ്റ് വിതരണത്തിനു തടസമില്ലെന്ന് തിരഞ്ഞെടുപ്പ് കമ്മിഷന്‍. എന്നാല്‍ രാഷ്ട്രീയ മുതലെടുപ്പിന് ഇത് അവസരമാക്കരുതെന്ന് തിരഞ്ഞെടുപ്പ് കമ്മിഷന്‍ കര്‍ശന നിര്‍ദേശം നല്‍കിയതായി മുഖ്യ തിരഞ്ഞെടുപ്പ് ഓഫീസര്‍ സഞ്ജയ് കൗള്‍ അറിയിച്ചു.

ജനപ്രതിനിധികളെ കിറ്റ് വിതരണത്തിലോ അനുബന്ധ പ്രവര്‍ത്തനത്തിലോ പങ്കെടുപ്പിക്കരുത്. വിതരണം ചെയ്യുന്ന കിറ്റിലോ അനുബന്ധ സാമഗ്രികളിലോ രാഷ്ട്രീയ പാര്‍ട്ടികളുടെ ചിഹ്നമോ പേരോ മറ്റു സൂചനകളോ പാടില്ലെന്നും തിരഞ്ഞെടുപ്പ് കമ്മിഷന്‍ നിര്‍ദ്ദേശിച്ചു.

തിരഞ്ഞെടുപ്പ് കമ്മഷിന്റെ നിര്‍ദേശമില്ലാത്തതിനാല്‍ പുതുപ്പള്ളി മണ്ഡലത്തില്‍ ഇതുവരെ കിറ്റ് വിതരണം നടന്നിരുന്നില്ല. ഏകദേശം 3500ലധികം കുടുംബങ്ങള്‍ക്കാണ് പുതുപ്പള്ളി മണ്ഡലത്തില്‍ കിറ്റ് ലഭിക്കുക.

ജെയ്ക് സി തോമസ് എന്‍.എസ്.എസ് ജനറല്‍ സെക്രട്ടറി സുകുമാരനെ കണ്ടു

webdesk13 — Sun, 13 Aug 2023 07:08:16 +0000

പുതുപ്പള്ളിയിലെ എല്‍.ഡി.എഫ് സ്ഥാനാര്‍ത്ഥി ജെയ്ക് സി തോമസ് ചങ്ങനാശ്ശേരി പെരുന്നയില്‍ എത്തി എന്‍എസ്എസ് ജനറല്‍ സെക്രട്ടറി ജി സുകുമാരന്‍ നായരെ സന്ദര്‍ശിച്ചു. ഗണപതി വിഷയത്തില്‍ ഭരണപക്ഷവും എന്‍.എസ്.എസും തമ്മില്‍ അകല്‍ച്ചയില്‍ തുടരുന്നതിനിടെയാണ് ജെയ്ക്കിന്റെ സന്ദര്‍ശനം. രാവിലെ 9.30ന് മന്ത്രി വി എന്‍ വാസനമൊപ്പമാണ് ജെയ്ക് പെരുന്നയിലെത്തിയത്. സുകുമാരന്‍ നായരുമായുള്ള കൂടിക്കാഴ്ച 9.45വരെ നീണ്ടു, പുതുപ്പള്ളി ഉപതെരഞ്ഞെടുപ്പില്‍ ജെയ്ക്ക് പിന്തുണ തേടി. എന്നാല്‍ സമദൂരമാണ് എന്‍എസ്എസ് നിലപാടെന്ന് സുകുമാരന്‍ നായര്‍ അറിയിച്ചു.

ഗണപതിയെ അധിക്ഷേപിച്ചുകൊണ്ടുള്ള ഷംസീറിന്റെ പരാമര്‍ശത്തിന് പിന്നാലെ സി.പി.എമ്മിനെതിരെ ശക്തമായ നിലപാട് എന്‍.എസ്.എസ് സ്വീകരിച്ചിരുന്നു. ഷംസീര്‍ മാപ്പുപറയണമെന്ന എന്‍.എസ്.എസിന്റെ ആവശ്യവും സിപിഎം അംഗീകരിച്ചിരുന്നില്ല. മാത്രമല്ല, സുകുമാരന്‍ നായര്‍ക്കെതിരെ എ കെ ബാലന്‍ അടക്കമുള്ള നേതാക്കള്‍ രംഗത്ത് വന്നതോടെ എന്‍എസ്എസ് നിലപാട് കര്‍ശനമാക്കി. നാമജപഘോഷയാത്ര അടക്കം സംഘടിപ്പിക്കുകയും ചെയ്തു. തിരുവനന്തപുരത്ത് നാമജപ ഘോഷയാത്രക്കെതിരെ പൊലീസ് കേസെടുക്കുകകൂടി ചെയ്തതോടെ എന്‍.എസ്.എസ് ഹൈക്കോടതിയെയും സമീപിച്ചു.

ഇന്നലെയാണ് പുതുപ്പള്ളിയില്‍ ജെയ്ക് സി തോമസിനെ എല്‍ഡിഎഫ് സ്ഥാനാര്‍ത്ഥിയായി ഔദ്യോഗിക പ്രഖ്യാപനം സി.പി.എം സംസ്ഥാന സെക്രട്ടറി എം.വി ഗോവിന്ദന്‍ നടത്തിയത്. 33കാരനായ ജെയ്ക്കിന്റെ പുതുപ്പള്ളിയിലെ മൂന്നാമത്തെ മത്സരമാണ് ഇത്തവണത്തേത്.

പുതുപ്പള്ളിയില്‍ ബി.ജെ.പി സ്ഥാനാര്‍ഥി അനില്‍ ആന്റണിയോ?

webdesk13 — Thu, 03 Aug 2023 06:29:08 +0000

കോണ്‍ഗ്രസ് നോതാവ് ഉമ്മന്‍ചാണ്ടിയുടെ നിര്യാണത്തോടെ ഉപതെരഞ്ഞെടുപ്പിനൊരുങ്ങുന്ന പുതുപ്പള്ളി മണ്ഡലവുമായി രാഷ്ട്രീയ അഭ്യൂഹങ്ങള്‍ ബലപ്പെടുന്നു. അനില്‍ ആന്റണിയെ ബി.ജെ.പി പുതുപ്പള്ളിയില്‍ രംഗത്തിറങ്ങുമെന്നതാണ് പുതിയ വാര്‍ത്ത. അതിന് ശക്തി പകരുന്ന വിധം ചില സി.പി.എം നേതാക്കളുടെ സമൂഹമാധ്യമ പോസ്റ്റുകളും അപ്രത്യക്ഷപ്പെട്ടു. കഴിഞ്ഞ തെരഞ്ഞെടുപ്പില്‍ ബി.ജെ.പി ഈ മണ്ഡലത്തില്‍ 11,000ത്തിലധികം വോട്ട് നേടിയിരുന്നു. അനില്‍ വന്നാല്‍ അതില്‍ കൂടുതല്‍ വോട്ട് എന്നതാണ് ബി.ജെ.പി ലക്ഷ്യം. വരുംദിവസങ്ങളില്‍ പുതുപ്പള്ളി കടുത്ത രാഷ്ട്രീയ ചൂടിലേക്കാണെന്നതിന്റെ സൂചനകളായാണ് ഇതെല്ലാം വിലയിരുത്തപ്പെടുന്നത്. ഉപതെരഞ്ഞെടുപ്പിന്റെ സംഘടനാപരമായ ഒരുക്കങ്ങളിലേക്കും കോണ്‍ഗ്രസ് കടന്നിട്ടുണ്ട്.

ജില്ലയിലെ മുതിര്‍ന്ന നേതാക്കളായ തിരുവഞ്ചൂര്‍ രാധാകൃഷ്ണനും കെ.സി. ജോസഫിനുമാണ് തെരഞ്ഞെടുപ്പ് ചുമതല. ഉമ്മന്‍ ചാണ്ടിയുടെ മരണാനന്തര ചടങ്ങുകള്‍ പൂര്‍ത്തിയാകുന്ന നാല്‍പതാം നാളിനുശേഷം പരസ്യപ്രചാരണ പ്രവര്‍ത്തനങ്ങള്‍ തുടങ്ങാനും പാര്‍ട്ടിയില്‍ ധാരണയായിട്ടുണ്ട്. അതേസമയം, മണ്ഡലത്തിലെ 8 പഞ്ചായത്തുകളില്‍ ആറെണ്ണവും എല്‍.ഡി.എഫാണ് ഭരിക്കുന്നത്. ആ പഞ്ചായത്തുകള്‍ കേന്ദ്രീകരിച്ച് പ്രവര്‍ത്തനം ശക്തമാക്കാനാണ് കോണ്‍ഗ്രസ് നീക്കം.