പ്ലാന്റ് ജീവനും സ്വത്തിനും ഭീഷണിയാകുമെന്ന വാദം അടിസ്ഥാന രഹിതമാണെന്ന് ട്രിബ്യൂണല്‍ ചൂണ്ടിക്കാട്ടി. ജനങ്ങളുടെ സ്വത്തിനും ജീവനും ഭീഷണിയുണ്ടെന്നതായിരുന്നു പ്രദേശവാസികളുടെ ഹര്‍ജിയിലെ പ്രധാന വാദം. ഇതില്‍ അടിസ്ഥാനമില്ലെന്ന് കോടതി കണ്ടെത്തി. ഈ വാദം തെളിയിക്കുന്നതിന് രേഖകളോ തെളിവുകളോ ഹാജരാക്കാന്‍ പരാതിക്കാര്‍ക്ക് സാധിച്ചിട്ടില്ലെന്നും കോടതി നിരീക്ഷിച്ചു. വേലിയേറ്റം മേഖല രൂപപ്പെടുത്തിയ 96 ലെ തീരദേശ ഭൂപടം നിലനില്‍ക്കുമെന്നും ട്രിബ്യൂണല്‍ വിധിച്ചു. കരയിടിച്ചില്‍ തടയാന്‍ വിദഗ്ധരുടെ നിര്‍ദ്ദേശം നടപ്പിലാക്കി പദ്ധതി യാഥാര്‍ത്ഥ്യമാക്കാവുന്നതാണ്. ഈ സാഹചര്യത്തില്‍ ഐ.ഒ.സി പ്ലാന്റിലെ ടാങ്ക് നിര്‍മ്മാണത്തിനു ടെര്‍മിനല്‍ നിര്‍മാണത്തിന് തടസ്സമില്ലെന്നും ട്രിബ്യൂണല്‍ വ്യക്തമാക്കി.

എന്നാല്‍ പദ്ധതിക്കെതിരായ സമരം ശക്തമാക്കാനാണ് സമരസമിതിയുടെ തീരുമാനം. ജീവിക്കാനുള്ള അവകാശത്തിന് വേണ്ടിയാണ് സമരമെന്നും, മരിക്കേണ്ടിവന്നാലും സമരം തുടരുമെന്നും സമരക്കാര്‍ വ്യക്തമാക്കി.

പുതുവൈപ്പിനിലെ ഐഒസിയുടെ പാചകവാതക സംഭരണ ശാലയ്‌ക്കെതിരെ നടത്തിയ സമരത്തെ അതിക്രൂരമായാണ് യതീഷ് ചന്ദ്ര നേരിട്ടത്. കുട്ടികളും സ്ത്രീകളുമുള്‍പ്പെടെയുള്ളവര്‍ക്കെതിരെ പോലീസ് ലാത്തിച്ചാര്‍ജ്ജ് നടത്തിയത് വന്‍വിമര്‍ശനങ്ങള്‍ക്ക് വഴിവെച്ചിരുന്നു. ഡി.സി.പിക്കെതിരെ നടപടി വേണമെന്ന് ഭരണപക്ഷത്ത് നിന്നും വിഎസ് അച്യുതാനന്ദന്‍, കാനം രാജേന്ദ്രന്‍ എന്നിവര്‍ ആവശ്യപ്പെട്ടിരുന്നു. അതേസമയം പോലീസ് മേധാവി ടി.പി സെന്‍കുമാറാകട്ടെ യതീഷ് ചന്ദ്രയുടെ നടപടിയില്‍ തെറ്റില്ലെന്നാണ് പ്രതികരിച്ചത്.

ജനങ്ങളുടെ പരാതിയെക്കുറിച്ചറിയാന്‍ ഉന്നതതലസമിതിയെ നിയോഗിക്കും. ജനങ്ങളുടെ ആശങ്ക പരിഹരിക്കും. പരിസ്ഥിതി അനുമതി മാനദണ്ഡങ്ങള്‍ ലംഘിക്കുന്നുവെന്നത് ഗൗരവതരമാണെന്നും മുഖ്യമന്ത്രി പറഞ്ഞു. ചര്‍ച്ചക്കുശേഷം എസ്. ശര്‍മ്മയും സി.പി.എം എറണാകുളം ജില്ലാ സെക്രട്ടറി പി. രാജീവുമാണ് യോഗ വിവരങ്ങള്‍ മാധ്യമങ്ങളോട് വിശദീകരിച്ചത്.

അതേസമയം, സര്‍ക്കാര്‍ തീരുമാനം സ്വാഗതം ചെയ്യുന്നതായി സമരസമിതി അംഗങ്ങള്‍ വ്യക്തമാക്കി. പോലീസ് അക്രമം പരിശോധിക്കാമെന്ന് മുഖ്യമന്ത്രി ഉറപ്പുനല്‍കിയിട്ടുണ്ട്. സമരത്തിന്റെ കാര്യത്തില്‍ ആലോചിച്ച് നടപടിയെടുക്കുമെന്നും അവര്‍ വ്യക്തമാക്കി.

വെളളിയാഴ്ച ഹൈകോടതി ജംഗ്ഷനിലെ സമരപന്തലിലേക്ക് ഐക്യദാര്‍ഢ്യവുമായി എത്തിയ സമരക്കാരെ ഡെപ്യൂട്ടി കമ്മീഷണറായ യതീഷ് ചന്ദ്രയുടെ നേതൃത്വത്തില്‍ പോലീസ് തല്ലിച്ചതക്കുകയായിരുന്നു. സ്ത്രീകളും കുട്ടികളും അടക്കമുളളവര്‍ക്കെതിരെ അതിക്രൂരമായിട്ടാണ് ഇന്ന് നടന്ന സമരത്തിലും പോലീസ് പെരുമാറിയത്. പോലീസ് മര്‍ദ്ദനത്തില്‍ നിരവധിയാളുകളാണ് ആസ്പത്രിയില്‍ ചികിത്സയില്‍ കഴിയുന്നത്. യതീഷ് ചന്ദ്രയുടെ നടപടിയില്‍ സംസ്ഥാനമൊട്ടാകെ വ്യാപകമായ പ്രതിഷേധം ഉയരുന്നതിനിടെയാണ് വി.എസിന്റെ കത്ത് പ്രത്യക്ഷപ്പെടുന്നത്.