പ്ലാന്റ് ജീവനും സ്വത്തിനും ഭീഷണിയാകുമെന്ന വാദം അടിസ്ഥാന രഹിതമാണെന്ന് ട്രിബ്യൂണല്‍ ചൂണ്ടിക്കാട്ടി. ജനങ്ങളുടെ സ്വത്തിനും ജീവനും ഭീഷണിയുണ്ടെന്നതായിരുന്നു പ്രദേശവാസികളുടെ ഹര്‍ജിയിലെ പ്രധാന വാദം. ഇതില്‍ അടിസ്ഥാനമില്ലെന്ന് കോടതി കണ്ടെത്തി. ഈ വാദം തെളിയിക്കുന്നതിന് രേഖകളോ തെളിവുകളോ ഹാജരാക്കാന്‍ പരാതിക്കാര്‍ക്ക് സാധിച്ചിട്ടില്ലെന്നും കോടതി നിരീക്ഷിച്ചു. വേലിയേറ്റം മേഖല രൂപപ്പെടുത്തിയ 96 ലെ തീരദേശ ഭൂപടം നിലനില്‍ക്കുമെന്നും ട്രിബ്യൂണല്‍ വിധിച്ചു. കരയിടിച്ചില്‍ തടയാന്‍ വിദഗ്ധരുടെ നിര്‍ദ്ദേശം നടപ്പിലാക്കി പദ്ധതി യാഥാര്‍ത്ഥ്യമാക്കാവുന്നതാണ്. ഈ സാഹചര്യത്തില്‍ ഐ.ഒ.സി പ്ലാന്റിലെ ടാങ്ക് നിര്‍മ്മാണത്തിനു ടെര്‍മിനല്‍ നിര്‍മാണത്തിന് തടസ്സമില്ലെന്നും ട്രിബ്യൂണല്‍ വ്യക്തമാക്കി.

എന്നാല്‍ പദ്ധതിക്കെതിരായ സമരം ശക്തമാക്കാനാണ് സമരസമിതിയുടെ തീരുമാനം. ജീവിക്കാനുള്ള അവകാശത്തിന് വേണ്ടിയാണ് സമരമെന്നും, മരിക്കേണ്ടിവന്നാലും സമരം തുടരുമെന്നും സമരക്കാര്‍ വ്യക്തമാക്കി.

കഴിഞ്ഞ ദിവസമാണ് പ്ലാന്റിനെതിരെ സമരം ചെയ്ത കുട്ടികള്‍ക്കും സ്ത്രീകള്‍ക്കുമുള്‍പ്പെടെ പോലീസിന്റെ ആക്രമണം നേരിടേണ്ടി വന്നത്. സമരത്തെ മര്‍ദ്ദനത്തിലൂടെ നേരിടാന്‍ ശ്രമിച്ച പോലീസ് നടപടിക്ക് ഭരണകക്ഷികളുള്‍പ്പെടെയുള്ളവരുടെ വിമര്‍ശനം നേരിടേണ്ടി വന്നു. ഈ സാഹചര്യത്തിലാണ് സംഭവത്തില്‍ വിശദീകരണം ചോദിച്ചിരിക്കുന്നത്. അതേസമയം, സമരവുമായി മുന്നോട്ടുപോകുമെന്നാണ് സമരസമിതി അറിയിച്ചിരിക്കുന്നത്. നാളെ മുഖ്യമന്ത്രിയുമായി സമരം ഒത്തുതീര്‍ക്കാനുള്ള ചര്‍ച്ചകള്‍ നടക്കുന്നുണ്ട്.

യതീഷ് ചന്ദ്രക്കൊപ്പം കൊച്ചിയിലെ ഉന്നത പോലീസ് നേതാക്കളേയും ഡി.ജി.പി വിളിച്ചുവരുത്തിയിരുന്നു. ദൃശ്യമാധ്യമങ്ങള്‍കൂടിയുള്ളപ്പോള്‍ സമരത്തെ ഇങ്ങനെ നേരിട്ടത് ശരിയായില്ലെന്ന് വിമര്‍ശിച്ചുവെന്നാണ് അറിയുന്നത്.

കോഴിക്കോട്: പുതുവൈപ്പിനില്‍ ലാത്തിച്ചാര്‍ജിന് നേതൃത്വം നല്‍കിയ പൊലീസ് ഉദ്യോഗസ്ഥര്‍ക്കെതിരെ നടപടിയെടുക്കണമെന്ന് പ്രതിപക്ഷ നേതാവ് രമേശ് ചെന്നിത്തല. ഐ.ഒ.സി പ്ലാന്റ് വിഷയത്തില്‍ മുഖ്യമന്ത്രി നടത്തുന്ന ചര്‍ച്ചയില്‍ പ്രതീക്ഷയുണ്ട്. എന്നാല്‍, തോക്കും ലാത്തിയും ഉപയോഗിച്ചു സമരത്തെ അടിച്ചമര്‍ത്താമെന്ന് ധരിക്കരുത്. പ്രശ്‌നത്തില്‍ താന്‍ നിസഹായയാണെന്ന് മന്ത്രി ജെ. മേഴ്‌സിക്കുട്ടിയമ്മ പറയുമ്പോള്‍ ഈ സര്‍ക്കാറിന്റെ അവസ്ഥ എന്താണെന്ന് ജനങ്ങള്‍ക്ക് ബോധ്യമാകുമെന്നും ചെന്നിത്തല പറഞ്ഞു. ഐ.ഒ.സി പ്ലാന്റ് സ്ഥാപിക്കുന്നതുമായി ബന്ധപ്പെട്ടു പുതുവൈപ്പിന്‍ നിവാസികളുടെ ആശങ്ക പരിഹരിക്കണമെന്നും ചെന്നിത്തല ആവശ്യപ്പെട്ടു.
തിക്രമിച്ചിരിക്കുകയാണ്. ശുചീകരണ പ്രവര്‍ത്തനങ്ങള്‍ അടിയന്തരമായി ആരംഭിക്കണമെന്ന് പ്രതിപക്ഷം ജനുവരിയില്‍ ആവശ്യപ്പെട്ടതാണ്. രണ്ടു തവണ അടിയന്ത പ്രമേയവും അവതരിപ്പിച്ചു. അവയെല്ലാം നിസ്സാരവല്‍ക്കരിച്ച സര്‍ക്കാര്‍ മാലിന്യത്തിന്റെ പേരില്‍ മുന്‍ സര്‍ക്കാറിനെ കുറ്റപ്പെടുത്തുന്നത് പരിഹാസ്യമാണെന്നും ചെന്നിത്തല പറഞ്ഞു.
ജി എസ് ടി നടപ്പാക്കുന്നതില്‍ കേരളാ സര്‍ക്കാര്‍ അലംഭാവം കാണിക്കുകയാണ്. 173 വകുപ്പുള്ള നിയമത്തെ ലാഘവത്തോടെ കൈകാര്യം ചെയ്യുന്നത് പ്രതിഷേധാര്‍ഹമാണ്. ജി എസ് ടി പാസാക്കാന്‍ പ്രത്യേക നിയമസഭാസമ്മേളനം വിളിച്ചു ചേര്‍ക്കണം. പകരം ഓര്‍ഡിനന്‍സ് പുറത്തിറക്കാനാണ് തീരുമാനം. വിഷയത്തില്‍ മറ്റു സംസ്ഥാനങ്ങള്‍ കാണിച്ച മര്യാദ പോലും സംസ്ഥാന സര്‍ക്കാര്‍ കാണിച്ചില്ലെന്നും രമേശ് ചെന്നിത്തല ആരോപിച്ചു.

മുഖ്യമന്ത്രിയുടെ സാന്നിധ്യത്തില്‍ 21-നാണ് സര്‍ക്കാര്‍ ചര്‍ച്ച തീരുമാനിച്ചത്. എന്നാല്‍ സര്‍ക്കാര്‍ മുന്‍വിധികളോടെയാണ് ചര്‍ച്ചക്ക് വിളിക്കുന്നതെന്നും പ്രശ്‌നപരിഹാരത്തിന് യാതൊരു സാധ്യതയുമില്ലെന്നുമാണ് സമരസമിതിയുടെ നിലപാട്. പ്ലാന്റ് അടച്ചുപൂട്ടുന്നത് വരെ സമരവുമായി മുന്നോട്ട് പോകുമെന്നും അവര്‍ അറിയിച്ചു.

എന്നാല്‍ സമരത്തിന് നേതൃത്വം കൊടുക്കുന്നവര്‍ക്ക് തീവ്രവാദബന്ധമുണ്ടെന്ന് ഐ.ജി പി വിജയന്‍ പറയുന്നു. ഇത്തരക്കാരുടെ സാന്നിധ്യം സമരപ്പന്തലിലും പുറത്തും കണ്ടെത്തിയിട്ടുണ്ട്. ഇവര്‍ നിരീക്ഷണത്തിലാണ്. അന്വേഷണം നടക്കുന്നുണ്ട്. പുതുവൈപ്പിലെ സംഘര്‍ഷത്തില്‍ കാര്യമറിയാതെയാണ് കുറ്റപ്പെടുത്തുന്നത്. ഹൈക്കോടതിയുടേയും ദേശീയ ഹരിത ട്രിബ്യൂണലിന്റേയും ഉത്തരവുകള്‍ ഐ.ഒ.സിക്ക് അനുകൂലമാണെന്നിരിക്കെ അതിനെ തടയാനെത്തുന്നവരെ പോലീസിന് നിയന്ത്രിക്കേണ്ടി വരും. തങ്ങള്‍ നിയമപരമായ ഉത്തരവാദിത്തമാണ് ചെയ്യുന്നതെന്നും ഐ.ജി പി.വിജയന്‍ പറഞ്ഞു.

പുതുവൈപ്പില്‍ ഐ.ഒ.സിയുടെ എല്‍. പി.ജി പ്ലാന്റിനെതിരായ ജനകീയ സമര ശക്തിപ്പെടുന്നതിനിടെ നാളെ പ്രദേശത്ത് ഹര്‍ത്താല്‍ പ്രഖ്യാപിച്ചു.
ഞായറാഴ്ച രാവിലെ പ്ലാന്റെിന്റെ ജോലികള്‍ പുനരാരംഭിക്കുന്നത് തടയാനുള്ള നാട്ടുകാരുടെ ശ്രമം സംഘര്‍ഷത്തില്‍ കലാശിച്ചു. പ്ലാന്റിലേക്ക് ഇരച്ചുകയറാന്‍ ശ്രമിച്ച സമരക്കാര്‍ക്ക് നേരെ പോലീസ് ലാത്തി വീശി. സ്ത്രീകളടക്കം നിരവധി പേര്‍ക്ക് പരിക്കേറ്റു. ഇവരെ ആശുപത്രിയിലേക്ക് മാറ്റി. സമരക്കാരെ പോലീസ് അറസ്റ്റു ചെയ്തു നീക്കികൊണ്ടിരിക്കുകയാണ്.
മുഖ്യമന്ത്രിയുടെ സാനിദ്ധ്യത്തില്‍ വിഷയം ചര്‍ച്ച ചെയ്ത് തീരുമാനിക്കുന്നതുവരെ പ്ലാന്റ് നിര്‍മ്മാണം നിര്‍ത്തിവെക്കാമെന്ന് വെള്ളിയാഴ്ച മന്ത്രി ജെ. മേഴ്‌സിക്കുട്ടിയമ്മ സമരക്കാരെ കണ്ട് ഉറപ്പ് നല്‍കിയിരുന്നു. എന്നാല്‍ ഈ ഉറപ്പ് ലംഘിച്ചാണ് പോസലീസ് സംരക്ഷണത്തില്‍ തൊഴിലാളികള്‍ ഞായറാഴ്ച രാവിലെ പ്ലാന്റില്‍ നിര്‍മ്മാണ് ജോലികള്‍ക്ക് എത്തിയപ്പോഴായിരുന്നു നാട്ടുകാരുടെ പ്രതിഷേധം.

പോലീസ് ബാരിക്കേഡ് തള്ളി മാറ്റ പ്രതിഷേധക്കാര്‍ ഐ.ഒ.സി യിലേക്ക് തള്ളിക്കയറാന്‍ ശ്രമിച്ചപ്പോഴായിരുന്നു സംഘര്‍ഷം തുടങ്ങിയത്. പോലീസ് ലാത്തി വീശി സമരക്കാര്‍ക്കെതിരെ തിരിയുകയായിരുന്നു.