40,000 ആണ് സീറ്റിങ് ശേഷി. ലോകകപ്പിനു ശേഷം സീറ്റുകളുടെ എണ്ണം 20,000 ആക്കി കുറയ്ക്കും. ഇവ വികസ്വര രാജ്യങ്ങളിലെ കായിക വികസനത്തിനായി കൈമാറും. വിഖ്യാത ഇറാഖി- ബ്രിട്ടീഷ് വാസ്തുശില്‍പിയായ സഹാ ഹാദിദാണു സ്റ്റേഡിയം ഡിസൈന്‍ ചെയ്തത്. ഖത്തറിന്റെ സമുദ്രപാരമ്പര്യവും മുത്തുവാരലും സൂചിപ്പിക്കുന്ന ദൗവിന്റെ മാതൃകയാണു സ്റ്റേഡിയം രൂപകല്‍പനയ്ക്കായി സഹ സ്വീകരിച്ചത്. 575 മില്യണ്‍ യുഎസ് ഡോളറാണ് നിര്‍മാണച്ചെലവ് പ്രതീക്ഷിക്കുന്നതെന്ന് എഎഫ്പി നേരത്തെ റിപ്പോര്‍ട്ട് ചെയ്തിരുന്നു.

വഖ്‌റ സ്റ്റേഡിയത്തിന്റെ നിര്‍മാണം വര്‍ഷാവസാനത്തിനുള്ളില്‍ പൂര്‍ത്തീകരിക്കാനാകുമെന്നും ഉപയോഗത്തിനായി സജ്ജമാകുമെന്നാണ് പ്രതീക്ഷയെന്നും അല്‍വഖ്‌റ പ്രൊജക്റ്റ് മാനേജര്‍ താനി അല്‍സഹ്‌റയും പ്രതികരിച്ചിരുന്നു. സ്റ്റേഡിയത്തിന്റെ പ്രത്യേകമായ ഉള്ളിലേക്കു മടക്കിവയ്ക്കാവുന്ന രീതിയിലുള്ളതാണ് മേല്‍ക്കൂര ഘടന. പരമ്പരാഗത പായ്ക്കപ്പലിനെ അനുസ്മരിപ്പിക്കുന്നതാണ് റൂഫ്. സ്റ്റേഡിയം നിര്‍മാണം പൂര്‍ത്തിയായി സജ്ജമാകുന്നതോടെ പരീക്ഷണ മത്സരങ്ങള്‍ക്കായി ഉപയോഗിക്കും. രാജ്യാന്തര സൗഹൃദമത്സരങ്ങളും ഇവിടെ സംഘടിപ്പിക്കുമെന്നും താനി അല്‍സാറ പറഞ്ഞു. വഖ്‌റ സ്‌പോര്‍ട്‌സ് കഌബിന്റെ ഹോം ഗ്രൗണ്ടായി ലോകകപ്പിനു ശേഷം സ്റ്റേഡിയം ഉപയോഗിക്കും. പൊതു വിനോദ സ്ഥലമായി ഉപയോഗിക്കാവുന്ന രീതിയിലാണു സ്റ്റേഡിയം ഒരുക്കുന്നത്.

വഖ്‌റ സ്‌പോര്‍ട്‌സ് കഌബ് ഓഫിസ്, സ്‌പോര്‍ട്‌സ് സെന്റര്‍, കമ്യൂണിറ്റി സെന്റര്‍, പാര്‍ക്, മസ്ജിദ്, സ്‌കൂള്‍, ഹോട്ടല്‍, തൊഴില്‍ പരിശീലന കേന്ദ്രങ്ങള്‍, വ്യാപാരകേന്ദ്രങ്ങള്‍ എന്നിവയും 60 ഹെക്ടറില്‍ ഒരുങ്ങുന്ന സ്റ്റേഡിയത്തിനോട് അനുബന്ധിച്ചുണ്ടാകും. ഫിഫ ലോകകപ്പില്‍ ക്വാര്‍ട്ടര്‍ഫൈനല്‍ വരെയുള്ള മത്സരങ്ങളായിരിക്കും വഖ്‌റ സ്റ്റേഡിയത്തില്‍ നടക്കുക.

പുതിയ രണ്ടു കപ്പല്‍ പാതകള്‍ സജ്ജമായതോടെ ഇരുരാജ്യങ്ങള്‍ക്കുമിടയില്‍ വ്യാപാരത്തില്‍ വലിയ മുന്നേറ്റമുണ്ടായിട്ടുണ്ട്. വ്യാപാര വാണിജ്യ പ്രവര്‍ത്തനങ്ങള്‍ ശക്തിപ്പെടുത്തുന്നതിന് സമ്മേളനം സഹായകരമാകുമെന്നാണ് പ്രതീക്ഷിക്കുന്നത്.
ഇന്ത്യയുടെ വാര്‍ഷിക വളര്‍ച്ചാനിരക്ക് 7.5 ശതമാനത്തിനും എട്ടിനും ഇടയിലാണെന്നും അടിസ്ഥാനവികസനരംഗത്ത് നിരവധി വന്‍പദ്ധതികള്‍ ഇന്ത്യയില്‍ നടക്കുന്നുണ്ടെന്നും സമ്മേളനത്തില്‍ പങ്കെടുത്ത കേന്ദ്ര വിദേശകാര്യ സഹമന്ത്രി എം.െജ. അക്ബര്‍ ചൂണ്ടിക്കാട്ടി. ലോകെത്ത വലിയ വാതക കയറ്റുമതി രാജ്യമായ ഖത്തര്‍ ഇന്ത്യയുടെ മൂല്യമേറിയ പങ്കാളിയാണെന്നും അദ്ദേഹം കൂട്ടിച്ചേര്‍ത്തു. ആഗോളതലത്തിലുള്ള നിക്ഷേപകര്‍ക്ക് ഇന്ത്യ മികച്ച സ്ഥലമാണ്. 2022ഓടെ 700 ബില്ല്യന്‍ വിദേശനിക്ഷേപം ഉള്‍ക്കൊള്ളുന്നതിനുള്ള ശേഷി രാജ്യത്തിനുണ്ട്. 100 പുതിയ നഗരങ്ങളും 200 വിമാനത്താവളങ്ങളും യാഥാര്‍ഥ്യമാക്കാന്‍ ഇന്ത്യ ലക്ഷ്യമിടുന്നു. നിലവില്‍ ആസൂത്രണം ചെയ്തതും നടപ്പാക്കിവരുന്നതുമായ പദ്ധതികള്‍ക്ക് പുറമേയാണിത്.

റിയല്‍ എസ്റ്റേറ്റ്, ആരോഗ്യം, ഭക്ഷ്യോല്‍പാദനം, ചെറുകിടമേഖല എന്നിവയില്‍ വിദേശനിക്ഷേപകര്‍ക്ക് ഇന്ത്യയില്‍ മികച്ച അവസരങ്ങളുണ്ട്. അടുത്ത അഞ്ച് വര്‍ഷത്തിനുള്ളില്‍ 400 മില്ല്യനും 500 മില്ല്യനും ഇടയിലുള്ള പുതിയ ഉപഭോക്താക്കള്‍ ഉണ്ടാകും. വരും വര്‍ഷങ്ങളില്‍ ആയിരക്കണക്കിന് ആശുപത്രികള്‍ ഇന്ത്യയില്‍ പുതുതായി ആരംഭിക്കേണ്ടത് അത്യാവശ്യമാണ്.
ഇതിനാല്‍ ഇന്ത്യന്‍ ആരോഗ്യരംഗം വിേദശനിക്ഷേപകര്‍ക്ക് നല്ല ലാഭം പ്രതീക്ഷിക്കാവുന്ന മേഖലയാണ്. ചരിത്രപരമായി തന്നെ ഇന്ത്യയും ഖത്തറും നല്ല വ്യാപാര പങ്കാളികളാണ്. ഇരുരാജ്യങ്ങളും തമ്മിലുള്ള ഊര്‍ജപങ്കാളിത്തം ഏറെ വിലപ്പെട്ടതാണ്. ഇന്ത്യയിലെ ഏറ്റവും താഴെക്കിടയിലുള്ളവരുടെ ജീവിതം മെച്ചെപ്പടുത്താന്‍ ഊര്‍ജമേഖലയിലെ പദ്ധതികള്‍ അനിവാര്യമാണെന്നും അദ്ദേഹം സൂചിപ്പിച്ചു.

ഖത്തര്‍ വിദേശകാര്യസഹമന്ത്രി സുല്‍താന്‍ ബിന്‍ സഅദ് അല്‍ മുറൈഖിയാണ് സമ്മേളനം ഉദ്ഘാടനം ചെയ്തത്. നയ തന്ത്രവ്യാപാരമേഖലയില്‍ ഇന്ത്യയുമായി ആഴത്തിലുള്ള ബന്ധമാണ് ഖത്തറിനുള്ളത്. ഊര്‍ജം, അടിസ്ഥാന സൗകര്യം, ആരോഗ്യം, വിദ്യാഭ്യാസം, മാധ്യമം, വിവര സാങ്കേതികവിദ്യ തുടങ്ങിയ മേഖലകളില്‍ സഹകരണം ശക്തമാക്കും.ഹമദ് രാജ്യാന്തര തുറമുഖം വഴി പുതിയ വ്യാപാര പാതക്ക് ഖത്തര്‍ തുടക്കമിട്ടിട്ടുണ്ടെന്നും അല്‍ മുറൈഖി പറഞ്ഞു.
ഇന്ത്യയും ഖത്തറും തമ്മിലുള്ള പങ്കാളിത്തം പുതിയ തലങ്ങളിലേക്കു ഉയരേണ്ടതുണ്ട്. ഇവിടത്തെ ഇന്ത്യന്‍ ബിസിനസ് സമൂഹം ഇതിന് ചാലക ശക്തിയായി പ്രവര്‍ത്തിക്കും. ഖത്തറിലെ ബിസിനസ് അന്തരീക്ഷത്തെ കുറിച്ചു വ്യക്തമായ ധാരണ ഇവര്‍ക്കുണ്ടെന്നും അദ്ദേഹം പറഞ്ഞു.ഖത്തരി ഇന്ത്യന്‍ സംയുക്ത ബിസിനസ് കൗണ്‍സിലിനു രൂപം നല്‍കാന്‍ തീരുമാനിച്ചിട്ടുണ്ട്. ഈ കൗണ്‍സിലിലേക്ക് അംഗങ്ങളെ നാമനിര്‍ദേശം ചെയ്യാനുള്ള നടപടികള്‍ പുരോഗമിക്കുന്നു. ഇന്ത്യ ഖത്തര്‍ വ്യാപാരത്തിലെ വളര്‍്ച്ച തുടരുമെന്നും അല്‍മുറൈഖി ചൂണ്ടിക്കാട്ടി.
ഖത്തറിനും ഇന്ത്യക്കും ഇടയിലെ ഉഭയകക്ഷി ബന്ധം ശക്തിപ്പെടുത്തുക, ഇരുരാജ്യങ്ങള്‍ക്കുമിടയിലെ സംരംഭങ്ങളെ പോഷിപ്പിക്കുക തുടങ്ങിയ ലക്ഷ്യങ്ങള്‍ മുന്‍നിര്‍ത്തിയാണ് സമ്മേളനം സംഘടിപ്പിക്കുന്നത്. ക്യുഎന്‍ ബി ചീഫ് ബിസിസ് ഓഫീസറും എക്‌സിക്യൂട്ടിവ് ജനറല്‍ മാനേജറുമായ അബ്ദുല്ല മുബാറക് അല്‍ ഖലീഫ, ഐ പി ബി സി പ്രസിഡന്റ് കെ.എം വര്‍ഗീസ്, ഇന്ത്യന്‍ അംബാസഡര്‍ പി.കുമരന്‍, ഇന്ത്യയിലെ ഖത്തര്‍ അംബാസഡര്‍ ഫഹദ് റാഷിദ് അല്‍ കഅ്ബി തുടങ്ങിയവരും പങ്കെടുത്തു.

ഭക്ഷണ വിതരണ പദ്ധതികള്‍, റിലീഫ് സാധനങ്ങള്‍, ബേക്കറികള്‍ എന്നിവയുടെ സഹായം ലഭിച്ചത് 8,584,755 പേര്‍ക്കാണ്. 20,012704 പേര്‍ക്ക് വീട് വെക്കുന്നതിനും മറ്റ് ഭക്ഷ്യേതര സഹായങ്ങളും ലഭിച്ചു. 2,769,085 പേര്‍ക്ക് ആരോഗ്യ സഹായങ്ങളും 2,841,046 പേര്‍ക്ക് വിദ്യാഭ്യാസ സഹായങ്ങളും ഇക്കാലയളവില്‍ ലഭിച്ചു.

സിറിയക്കകത്തും പുറത്തും കഴിയുന്ന നിരവധി സിറിയന്‍ അഭയാര്‍ഥികള്‍ക്കും സഹായം എത്തിക്കാന്‍ തങ്ങള്‍ക്ക് കഴിഞ്ഞിട്ടുണ്ടെന്ന് ഖത്തര്‍ ചാരിറ്റി വ്യക്തമാക്കി. തുര്‍ക്കി, ലബനാന്‍, ജോര്‍ദാന്‍, ഇറാഖ് എന്നിവിടങ്ങളില്‍ കഴിയുന്ന സിറിയന്‍ അഭയാര്‍ഥികള്‍ക്കെല്ലം സഹായമെത്തിക്കാന്‍ ഖത്തര്‍ ചാരിറ്റിക്ക് കഴിഞ്ഞിട്ടുണ്ട്. മുന്‍ വര്‍ഷങ്ങളെ അപേക്ഷിച്ച് 2017ലാണ് സിറിയക്കകത്തും പുറത്തുമുള്ള അഭയാര്‍ഥികളില്‍ കൂടുതല്‍ പേര്‍ക്ക് സഹായം എത്തിക്കാന്‍ കഴിഞ്ഞതായും ഖത്തര്‍ ചാരിറ്റി അറിയിച്ചു.

ഖത്തറും അമേരിക്കയും തുടരുന്ന ചര്‍ച്ചകളുടെ വിജയകരമായ ആദ്യ പ്രതിഫലനമാണ്, ഖത്തറിനെതിരെയുള്ള ഒരു തരത്തിലുള്ള സൈനിക നടപടിയും അനുവദിക്കില്ലെന്ന അമേരിക്കയുടെ ഔദ്യോഗിക പ്രഖ്യാപനമെന്ന് റിപ്പോര്‍ട്ടില്‍ വ്യക്തമാക്കുന്നു. ഖത്തര്‍ അമേരിക്കയുടെ സ്ഥിരവും ശക്തവുമായ പങ്കാളിയാണെന്ന് വൈറ്റ് ഹൗസ് ഇതിനകം വ്യക്തമാക്കി കഴിഞ്ഞു. മേഖലയിലെ സുരക്ഷയുമായി ബന്ധപ്പെട്ടും ഭീകരവാദം തടയുന്നതിനും ഈ പങ്കാളിത്തത്തിന് വലിയ പ്രധാന്യമുണ്ടെന്നും വൈറ്റ്ഹൗസ് മനസ്സിലാക്കിയതായും റിപ്പോര്‍ട്ടില്‍ വശദീകരിക്കുന്നു. വാഷിങ്ടണ്‍ ഡി.സിയില്‍ ജനുവരി 30നാണ് ഖത്തറും അമേരിക്കയും തമ്മിലുള്ള സ്റ്റാറ്റര്‍ജിക്കല്‍ ഡയലോഗിന് തുടക്കം കുറിച്ചത്.

ഖത്തറിന്റെ ആഭ്യന്തര, പരമാധികാര സുരക്ഷയ്ക്ക് എതിരെ വരുന്ന ഏത് ഭീഷണിയെയും സംയുക്തമായി നേരിടും എന്നതായിരുന്നു ചര്‍ച്ചയില്‍ ഇരുവിഭാഗവും തീരുമാനമെടുത്തത്.
ഖത്തറിനെ ഒറ്റപ്പെടുത്താനുള്ള നീക്കം അധിക കാലം അനുവദിക്കാനാവില്ലെന്ന് ശക്തമായ സന്ദേശമാണ് സ്റ്റാറ്റര്‍ജിക് ഡയലോഗിലൂടെ അമേരിക്ക, സഊദിക്കും യു.എ.ഇക്കും നല്‍കിയതെന്നും അമേരിക്കയിലെ വിദഗ്ധര്‍ അഭിപ്രായപ്പെടുന്നു. ഉപരോധവും തുടര്‍ന്നുള്ള സംഭവങ്ങളും ഗള്‍ഫ് മേഖലയിലെയും മിഡില്‍ ഈസ്റ്റിലെയും തങ്ങളുടെ താത്പര്യങ്ങള്‍ക്ക് വിഘാതമാണെന്ന വിലയിരുത്തലിലാണ് നിലവില്‍ അമേരിക്ക.
ഗള്‍ഫ് പ്രതിസന്ധിക്ക് എത്രയും പെട്ടന്ന് പരിഹാരം കാണണമെന്നാണ് സ്റ്റാറ്റര്‍ജിക്് ഡയലോഗില്‍ അമേരിക്കന്‍ വിദേശ, പ്രതിരോധ സെക്രട്ടറിമാര്‍ ശക്തമായി വാദിച്ചത്. എല്ലാവരും പ്രശ്‌നം പരിഹരിക്കാനാണ് ശ്രമിക്കേണ്ടതെന്നും വഷളാക്കാനുള്ള ഒരു ശ്രമവും ഉണ്ടാവരുതെന്നും ചര്‍ച്ചകളിലൂടെ പരിഹാരം കണ്ടെത്തണമെന്നുമാണ് വിദേശകാര്യ സെക്രട്ടറി റെക്‌സ് ടില്ലേഴ്‌സണ്‍ വ്യക്തമാക്കിയത്. ഖത്തറിന്റ പരമാധികാരത്തെ ബഹുമാനിച്ചും ജി.സി.സിയുടെ ഐക്യം നിലനിര്‍ത്തിയുമുള്ള പ്രശ്‌നപരിഹാരം എത്രയും പെട്ടന്ന് ഉണ്ടാവണമെന്നും മേഖലയുടെയും മേഖലയിലെ ജനങ്ങളുടെയും നേരെയുണ്ടാവുന്ന ഭീഷണികളെ നേരിടുന്നതിനും ജനങ്ങളുടെ സന്തോഷത്തോടെയുള്ള ജീവിതത്തിന് സാഹചര്യമൊരുക്കുന്നതിന് ഇത് അനിവാര്യമാണെന്നും ചര്‍ച്ചയില്‍ വ്യക്തമാക്കപ്പെട്ടതായും റിപ്പോര്‍ട്ടില്‍ പറയുന്നു.

ദോഹ: മൊബൈല്‍ ഫോണ്‍ സാങ്കേതിക സംവിധാനത്തില്‍ 5ജി ശൃംഖലയിലേക്ക് മാറുന്ന ആദ്യ ലോക രാഷ്ട്രമായി ഖത്തര്‍ മാറുന്നു. ഇതിനുള്ള സജ്ജീകരണങ്ങള്‍ ഖത്തര്‍ പൂര്‍ത്തീകരിച്ചിട്ടുണ്ടെന്നും വോഡഫോണ്‍ ഉള്‍പ്പെടെ ഓപ്പറേറ്റര്‍മാര്‍ക്ക് ഈ സൗകര്യം ഉപഭോക്താക്കള്‍ക്ക് നല്‍കാനാവുമെന്നും വോഡഫോണ്‍ ഖത്തര്‍ സി.ഇ.ഒ ഇയാന്‍ ്രേഗ അറിയിച്ചു. ഫോര്‍സീസണ്‍ ഹോട്ടലില്‍ വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം. നേരത്തെ ഊരിദുവും തങ്ങളുടെ ഉപഭോക്താക്കള്‍ക്ക് 5ജി സേവനം നല്‍കുമെന്ന് അറിയിച്ചിരുന്നു.

4 ജിയില്‍ നിന്ന് 5 ജിയിലേക്കുള്ള മാറ്റം ഉപഭോക്താക്കള്‍ക്ക് ഏറെ പ്രയോജനപ്രദമാവുമെന്നും അദ്ദേഹം വിശദീകരിച്ചു. ലാന്റ്‌ലൈന്‍ സംവിധാനവും സ്മാര്‍ട് സൊല്യൂഷന്‍ ഉള്‍പ്പെടെ പുതിയ സൗകര്യവും വിപുലീകരിക്കാന്‍ വോഡഫോണ്‍ തീരുമാനിച്ചിട്ടുണ്ട്. ലാന്റ്‌ലൈന്‍ ചില കേന്ദ്രങ്ങളില്‍ ഇപ്പോഴുണ്ട്. ഭീമമായ ലൈസന്‍സ് ഫീസ് നല്‍കുന്നത് കമ്പനിയെ ഭാരിച്ച ഉത്തരവാദിത്വത്തിലേക്കെത്തിച്ചിരുന്നു.

ഇക്കാര്യത്തില്‍ ഇപ്പോള്‍ ഇളവ് കിട്ടിയിട്ടുണ്ട്. 403 മില്യണ്‍ ഖത്തര്‍ റിയാലായിരുന്നു ഇതിന് വര്‍ഷത്തില്‍ നല്‍കേണ്ടിയിരുന്നത്. അത് 100 മില്യണായി കുറച്ചത് ഏറെ ആശ്വാസകരമാണ്. ഇരുപതു വര്‍ഷത്തേക്ക് നല്‍കിയിരുന്ന ലൈസന്‍സ് കമ്മ്യൂണിക്കേഷന്‍സ് ലൈസന്‍സ് അഥോറിറ്റി (സി ആര്‍ എ) നാല്‍പ്പതു വര്‍ഷമാക്കി പുതുക്കിയിട്ടുണ്ട്. ലൈസന്‍സ് ഫീസ് കുറയുന്നതിലൂടെ കമ്പനിക്ക് ലാഭകരമായ സാഹചര്യത്തിലേക്ക് വരാന്‍ എളുപ്പത്തിലാവുമെന്നാണ് കരുതുന്നതെന്നും ഇയാന്‍ േ്രഗ അറിയിച്ചു.

അതിനിടെ വോഡാഫോണ്‍ ഖത്തറിലെ ഓഹരി പങ്കാളിയായ ഖത്തര്‍ ഫൗണ്ടേഷന് തങ്ങളുടെ ഓഹരി വില്‍ക്കാന്‍ വൊഡാഫോണ്‍ തീരുമാനിച്ചതായി റിപ്പോര്‍ട്ട്. 371 മില്യണ്‍ ഡോളറിനാണ് വൊഡാഫോണ്‍ ഓഹരി പങ്കാളിത്തം വില്‍ക്കുന്നത്. അതേസമയം ഭാവി പങ്കാളിത്ത സഹകരണാടിസ്ഥാനത്തില്‍ ഖത്തറില്‍ വൊഡാഫോണിന്റെ റെഡ് ബ്രാന്‍ഡ് തുടരുമെന്നും റോയിട്ടേഴ്‌സ് റിപ്പോര്‍ട്ട് ചെയ്തു. വൊഡാഫോണും ഖത്തര്‍ ഫൗണ്ടേഷനും ഉള്‍പ്പെട്ട സംയുക്ത സംരംഭത്തിന് 45ശതമാനമാണ് ഓഹരിപങ്കാളിത്തം. അവശേഷിക്കുന്ന ഓഹരികള്‍ ഖത്തര്‍ സര്‍ക്കാരിനും മറ്റു നിക്ഷേപകര്‍ക്കുമാണ്.

സംയുക്ത സംരംഭത്തില്‍ 51ശതമാനം ഓഹരി വോഡാഫോണിനും 49ശതമാനം ഖത്തര്‍ ഫൗണ്ടേഷനുമാണ്. തങ്ങളുടെ ഓഹരി ഖത്തര്‍ ഫൗണ്ടേഷന് വില്‍ക്കാനാണ് വോഡാഫോണിന്റെ തീരുമാനം. അഞ്ചുവര്‍ഷത്തേക്ക് ഒപ്പുവയ്ക്കുന്ന പങ്കാളിത്തകരാര്‍ പ്രകാരം വില്‍പ്പനയ്ക്കുശേഷവും വൊഡാഫോണിന്റെ ബ്രാന്‍ഡ് ഖത്തറില്‍ തുടരും. മൊബൈല്‍, ഫിക്‌സഡ് ലൈന്‍ വിഭാഗങ്ങളിലായി 14 ലക്ഷം ഉപഭോക്താക്കളാണ് വോഡാഫോണിനുള്ളത്. വ്യവസായ മൂല്യം 1.45ബില്യണ്‍ യൂറോയാണ്. ഖത്തര്‍ ഫൗണ്ടേഷനുമായി ശക്തമായ പ്രവര്‍ത്തനബന്ധമാണുള്ളതെന്നും സംയുക്ത സംരംഭത്തില്‍ വലിയ വിജയങ്ങള്‍ കൈവരിക്കാനായിട്ടുണ്ടെന്നും വോഡാഫോണ്‍ ആഫ്രിക്ക മിഡില്‍ഈസ്റ്റ് ഏഷ്യ പസഫിക് മേഖലാ തലവന്‍ വിവേക് ബദരീനാഥ് പറഞ്ഞു.

ദുബൈ: ഖത്തര്‍ പ്രതിസന്ധി പരിഹരിക്കാന്‍ അമേരിക്കന്‍ പ്രസിഡന്റ് ഡോണള്‍ഡ് ട്രംപ് നേരിട്ട് ഇടപെടുന്നു. അടുത്ത രണ്ട് മാസങ്ങള്‍ക്കുള്ളില്‍ സഊദി, യുഎഇ, ഖത്തര്‍ നേതാക്കളുമായി ട്രംപ് ചര്‍ച്ച നടത്തുമെന്ന് യു.എസ് ഉദ്യോഗസ്ഥരെ ഉദ്ധരിച്ച് റോയിട്ടേഴ്‌സ് റിപ്പോര്‍ട്ട് ചെയ്തു. ഗള്‍ഫ് രാജ്യങ്ങളും ഖത്തറുമായി നിലനില്‍ക്കുന്ന തര്‍ക്കങ്ങള്‍ പരിഹരിക്കലാണ് മുഖ്യ ലക്ഷ്യമെന്നും റിപ്പോര്‍ട്ട് വ്യക്തമാക്കുന്നു. സഊദി കിരീടാവകാശിയും മന്ത്രിസഭാ ഉപാധ്യക്ഷനും പ്രതിരോധ മന്ത്രിയുമായ മുഹമ്മദ് ബിന്‍ സല്‍മാന്‍ ബിന്‍ അബ്ദുല്‍ അസീസ്, അബുദാബി കിരീടാവകാശിയും യുഎഇ സായുധ സേനാ ഉപ സര്‍വ സൈന്യാധിപനുമായ ശൈഖ് മുഹമ്മദ് ബിന്‍ സായിദ് അല്‍ നഹ്‌യാന്‍, ഖത്തര്‍ അമീര്‍ ശൈഖ് തമീം ബിന്‍ ഹമദ് അല്‍ഥാനി എന്നിവരുമായി മാര്‍ച്ച,് ഏപ്രില്‍ മാസങ്ങളില്‍ ട്രംപ് ചര്‍ച്ച നടത്താനാണ് പദ്ധതി. ഇതിനായി ഗള്‍ഫ് സഹകരണ കൗണ്‍സില്‍ ഉച്ചകോടിയും വിളിച്ചു ചേര്‍ക്കും. മധ്യപൗരസ്ത്യ മേഖലയിലെ സമാധാനവും ഇറാന്‍ വിഷയവുമായിരിക്കും പ്രധാന അജണ്ട. ഖത്തര്‍ വിഷയം പരിഹരിക്കാന്‍ നടപടികള്‍ തേടും. കഴിഞ്ഞ ജൂണിലാണ് ഖത്തറുമായുള്ള യാത്രാ-വ്യാപാര ബന്ധങ്ങള്‍ യുഎഇ, സഊദി, ബഹ്‌റൈന്‍, ഈജിപ്ത് എന്നീ രാജ്യങ്ങള്‍ വിഛേദിച്ചത്. മേഖലയിലെ തീവ്ര വാദ പ്രവര്‍ത്തനങ്ങളെയും ഇറാനെയും ഖത്തര്‍ പിന്തുണച്ചുവെന്ന കുറ്റത്തിനായിരുന്നു ഉപരോധം ഏര്‍പ്പെടുത്തിയത്.