ക്രിക്കറ്റര്‍ ഓഫ് ദി ഇയര്‍ കൂടാതെ കഴിഞ്ഞ വര്‍ഷത്തെ ടെസ്റ്റ് താരം, ഏകദിന താരം, കളിക്കാര്‍ തെരഞ്ഞെടുത്ത മികച്ച താരം, ആരാധകര്‍ തെരഞ്ഞെടുത്ത താരം, ഡെലിവറി ഓഫ് ദി ഇയര്‍ എന്നീ പുരസ്‌കാരങ്ങളാണ് റബാഡ സ്വന്തമാക്കിയത്. അതേസമയം കഴിഞ്ഞവര്‍ഷത്തെ അന്താരാഷ്ട്ര ടി-20 താരമായി തെരഞ്ഞെടുക്കപ്പെട്ടത് അടുത്തിടെ വിരമിച്ച എ ബി ഡിവില്ലിയേഴ്സാണ്.

ഓസ്ട്രേലിയക്കെതിരായ പരമ്പരയില്‍ മികച്ച പ്രകടനം പുറത്തെടുത്താണ് പുരസ്‌കാരത്തിന് റബാഡയെ യോഗ്യനാക്കിയത്. കഴിഞ്ഞ വര്‍ഷം 12 ടെസ്റ്റ് മത്സരങ്ങളില്‍ നിന്നായി റബാഡ 72 വിക്കറ്റുകളാണ് വാരിക്കൂട്ടിയത്. 2016-ലാണ് റബാഡയെ ഇതിന് മുമ്പ് ദക്ഷിണാഫ്രിക്കന്‍ ക്രിക്കറ്റര്‍ ഓഫ് ദി ഇയറായി തിരഞ്ഞെടുത്തത്.

ഹാഷിം അംല, ജാക് കാലിസ്, മഖായ എന്റിനി, എബി ഡിവില്ലേഴ്സ് എന്നിവരാണ് ഇതിന് മുമ്പ് ഈ നേട്ടം രണ്ടുതവണ സ്വന്തമാക്കിയവര്‍. 19-ാം വയസ്സില്‍ ദക്ഷിണാഫ്രിക്കായി അരങ്ങേറിയ താരം 30 ടെസ്റ്റുകളില്‍ നിന്നായി 143 വിക്കറ്റ് സ്വന്തമാക്കി. നിലവില്‍ ടെസ്റ്റ് ബോളിങ് റാങ്കില്‍ ഒന്നാമനാണ് റബാഡ. മോശം പെരുമാറ്റത്തെ തുടര്‍ന്ന് ഓസ്ട്രേലിയന്‍ പര്യടനത്തിനിടെ അച്ചടക്ക നടപടിയുടെ ഭാഗമായി ഒരു ടെസ്റ്റ് മത്സരത്തില്‍ നിന്ന് താരത്തെ വിലക്കയിരുന്നു.

മറ്റു അവാര്‍ഡുകള്‍:

കെ എഫ് സി കേണല്‍സ് ഓള്‍വേയ്സ് ഒറിജിനല്‍ അവാര്‍ഡ്: ഡേവിഡ് മില്ലര്‍ (ബംഗ്ലാദേശിനെതിരെ വേഗമേറിയ ടി20 സെഞ്ചുറി നേടിയതിന്)

പുതുമുഖതാരം: അയ്ഡന്‍ മര്‍ക്രം

വനിതാ താരം : ഡെയ്ന്‍ വാന്‍ നീകെര്‍ക്ക്

വനിതാ താരങ്ങളുടെ താരം: ലോറ വോള്‍വാര്‍ഡ്റ്റ്

വനിതാ ഏകദിന താരം : ലോറ വോള്‍വാര്‍ഡ്റ്റ്

വനിതാ ടി20 താരം: ക്ലോ ടൈറോണ്‍

ഓസീസിനെതിരെ അവസാന ടെസ്റ്റിലെ രണ്ടാം ഇന്നിങ്‌സില്‍ പരിക്കിനെ തുടര്‍ന്ന് വെറും എട്ടു ഓവര്‍മാത്രമാണ് താരത്തിന് പന്തെറിയാന്‍ സാധിച്ചത്. പരിക്കേറ്റ റബാഡയ്ക്ക് ഒരുമാസം പൂര്‍ണ വിശ്രമം വേണമെന്നും അതിനു ശേഷം മാത്രമേ അദ്ദേഹത്തിന് കായിയ ക്ഷമത വീണ്ടെടുക്കാനുള്ള പരിശീലനത്തില്‍ ഇറങ്ങാനാവുമെന്നും ക്രിക്കറ്റ് ഓഫ് സൗത്താഫ്രിക്ക വാര്‍ത്തക്കുറിപ്പില്‍ അറിയിച്ചു. വരുന്ന ജൂലൈയിലെ ശ്രീലങ്കന്‍ പര്യടനത്തില്‍ അദ്ദേഹം ടീമിനൊപ്പം ചേരുമെന്നും കുറിപ്പില്‍ പറയുന്നു.

ഐ.പി.എല്ലില്‍ കന്നി കിരീടം ലക്ഷ്യമിടുന്ന ഡെല്‍ഹി താരലേലത്തില്‍ പ്രമുഖരെയാണ് ടീമിലെത്തിച്ചത്. മുന്‍ കൊല്‍ക്കത്ത നൈറ്റ് റൈഡേഴ്‌സ് നായകന്‍ ഗൗതം ഗംഭീറാണ് പുതിയ സീസണില്‍ ഡല്‍ഹിയെ നയിക്കുക.

ലണ്ടന്‍:ഇന്ത്യക്കെതിരെ കേപ്ടൗണില്‍ നടന്ന ഒന്നാം ടെസ്റ്റില്‍ 72 റണ്‍സിന്റെ തകര്‍പ്പന്‍ വിജയം സ്വന്തമാക്കിയതിന് പിറകെ ദക്ഷിണാഫ്രിക്കയെ തേടി മറ്റൊരു സന്തോഷ വാര്‍ത്ത. ഐ.സി.സി ടെസ്റ്റ് ബൗളിംഗ് റാങ്കിംഗില്‍ ദക്ഷിണാഫ്രിക്കന്‍ സീമര്‍ കാഗിസോ റബാദ ഒന്നമനായി തെരഞ്ഞെടുക്കപ്പെട്ടു. ഇത് വരെ ഒന്നാം സ്ഥാനത്തുണ്ടായിരുന്നു ഇംഗ്ലീഷ് സീമര്‍ ജെയിംസ് ആന്‍ഡേഴ്‌സണെ പിറകിലാക്കിയാണ് റബാദ എന്ന 22 കാരന്‍ ആദ്യമായി ബൗളിംഗ് റാങ്കിംഗില്‍ ഒന്നാം സ്ഥാനത്തേക്ക് എത്തിയിരിക്കുന്നത്.

കേപ്ടൗണില്‍ ഇന്ത്യക്കെതിരെ രണ്ട് ഇന്നിംഗ്‌സിലുമായി അഞ്ച് വിക്കറ്റ് നേടിയിരുന്നു റബാദ. ആദ്യ ഇന്നിംഗ്‌സില്‍ 34 റണ്‍സ് മാത്രം നല്‍കി മൂന്ന് പേരെ പുറത്താക്കിയ റബാദ രണ്ടാം ഇന്നിംഗ്‌സില്‍ 41 റണ്‍സിന് രണ്ട് പേരെ പുറത്താക്കിയിരുന്നു. അതേ സമയം ഒന്നാം ടെസ്റ്റില്‍ കളിയിലെ കേമനായി തെരഞ്ഞെടുക്കപ്പെട്ട വെര്‍നോണ്‍ ഫിലാന്‍ഡര്‍ പുതിയ റാങ്കിംഗില്‍ ആറാം സ്ഥാനത്ത് എത്തി. അവസാന റാങ്ക് പട്ടികയില്‍ ഫിലാന്‍ഡര്‍ പന്ത്രണ്ടാം സ്ഥാനത്തായിരുന്നു. ഇന്ത്യക്കെതിരായ പ്രകടനം വഴി റബാദ റാങ്കിംഗില്‍ അഞ്ച് പോയന്റ് സ്വന്തമാക്കിയപ്പോള്‍ അതേ സമയത്ത് തന്നെ നടന്ന ആഷസ് പരമ്പരയില്‍ സിഡ്‌നിയില്‍ ഓസ്‌ട്രേലിയക്കെതിരെ മെച്ചപ്പെട്ട പ്രകടനം നടത്താന്‍ ആന്‍ഡേഴ്‌സണ് കഴിഞ്ഞിരുന്നില്ല. 56 റണ്‍സിന് ഒരു വിക്കറ്റായിരുന്നു ആന്‍ഡേഴ്‌സന്റെ നേട്ടം. പുതിയ നേട്ടത്തില്‍ അതിയായ സന്തോഷമുണ്ടെന്ന് റബാദ പറഞ്ഞു. ക്രിക്കറ്റ് ടീം ഗെയിമാണ്. എന്റെ നേട്ടത്തിന് പിറകില്‍ ടീമിലെ സഹതാരങ്ങളാണ്. അവര്‍ക്കാണ് ഈ നേട്ടം സമര്‍പ്പിക്കുന്നതെന്ന് റബാദ പറഞ്ഞു.

ബാറ്റിംഗ് റാങ്കിംഗില്‍ ഓസ്‌ട്രേലിയന്‍ നായകന്‍ സ്റ്റീവന്‍ സ്മിത്ത് തന്നെ ഒന്നാമന്‍. 947 പോയന്റുണ്ട് അദ്ദേഹത്തിന്. രണ്ടാം സ്ഥാനത്തായിരുന്ന ഇന്ത്യന്‍ നായകന്‍ വിരാത് കോലിയുടെ സ്ഥാനം ഇംഗ്ലീഷ് നായകന്‍ ജോ റൂട്ട് തട്ടിയെടുത്തു. കോലി മൂന്നാമതും ന്യൂസിലാന്‍ഡ് ബാറ്റ്‌സ്മാന്‍ കെയിന്‍ വില്ല്യംസണ്‍ നാലാമതും ഇന്ത്യയുടെ ചേതേശ്വര്‍ പൂജാര അഞ്ചാമനുമാണ്.