‘ഡബിള്‍ എഞ്ചിന്‍’ സര്‍ക്കാറിന് മുന്‍കൂട്ടി കാണാനോ നിയന്ത്രിക്കാനോ സാധിക്കാത്ത തരത്തില്‍ മണിപ്പൂരില്‍ വര്‍ഗീയ ലഹള പടരുന്നു. ജമ്മുകശ്മീരില്‍ സൈനികര്‍ വെടിയേറ്റ് മരിക്കുന്നു. 2023ലെ ഏറ്റവും വലിയ തീവ്രവാദി ആക്രമണങ്ങളിലൊന്നാണ് ജമ്മു കശ്മീരില്‍ നടന്നിരിക്കുന്നത്. അഞ്ച് സൈനികര്‍ കൊല്ലപ്പെട്ടു. രാജ്യത്തിന്റെ അഭിമാനമായിമാറിയ ഗുസ്തി താരങ്ങള്‍ നീതിക്കായി രാജ്യ തലസ്ഥാനത്ത് സമരം ചെയ്യുന്നു. റോമ നഗരം കത്തുമ്പോള്‍ വീണ വായിച്ച നീറോ ചക്രവര്‍ത്തിയെക്കുറിച്ച് കേട്ടറിവ് മാത്രമേ ഉള്ളൂ. എന്നാല്‍ മണിപ്പൂര്‍ കത്തുമ്പോള്‍ പ്രൊപഗണ്ട സിനിമ ‘കേരള സ്റ്റോറി’ യുടെ പ്രമോഷന്‍ ഏറ്റെടുത്ത് നടത്തുന്ന, കര്‍ണാടക നിയമസഭ തിരഞ്ഞെടുപ്പില്‍ റോഡ് ഷോ നടത്തി ആനന്ദം കണ്ടെത്തുന്ന പ്രധാനമന്ത്രിയെ കാണുകയാണ്. സൈനികരുടെ ജീവത്യാഗമോ, രാജ്യത്തെ ജനങ്ങള്‍ കലാപത്തിലേര്‍പ്പെടുന്നതോ അല്ല അദ്ദേഹത്തെ അലട്ടുന്നതും മുന്‍ഗണനയും.

ഒരുപാട് ജാതികളും മതങ്ങളും സംസ്‌കാരങ്ങളുമുള്ള രാജ്യമാണ് ഇന്ത്യ. നാനാത്വത്തില്‍ ഏകത്വം എന്ന മുദ്രാവാക്യത്തിലൂടെയാണ് രാഷ്ട്രശില്‍പികള്‍ രാജ്യം കെട്ടിപ്പെടുത്തതും ഇന്ന് കാണുന്ന നിലയിലെത്തിയതും. പളുങ്ക് പാത്രം കൈകാര്യം ചെയ്യുന്നത്‌പോലെ സൂക്ഷ്മമായി കൈകാര്യം ചെയ്യേണ്ടതാണ് ഇന്ത്യയിലെ ജനവിഭാഗങ്ങള്‍ക്കിടയിലുള്ള വൈവിധ്യം. എന്നാല്‍ ഇന്ത്യയിലെ ജനങ്ങളെ ഒരുമിച്ച് നിര്‍ത്തേണ്ട പ്രധാനമന്ത്രി യാതൊരു ഉത്തരവാദിത്വവുമില്ലാതെ വര്‍ഗീയ വിഭജനത്തിന് തിരികൊളുത്തുന്ന പ്രസ്താവനകള്‍ നടത്തുന്നു. തീവ്ര വലതുപക്ഷ സംഘടനയായ ബജ്‌റംഗ്ദളിനെ നിരോധിക്കുമെന്ന കര്‍ണാടക നിയമസഭ തിരഞ്ഞെടുപ്പിലെ കോണ്‍ഗ്രസ് വാഗ്ദാനത്തെ വളച്ചോടിച്ച് അത് ഹനുമാന്‍ ഭക്തര്‍ക്കെതിരായ നീക്കമായി അവതരിപ്പിക്കുന്നു. മുപ്പത്തിരണ്ടായിരം പെണ്‍കുട്ടികളെ മതം മാറ്റി തീവ്രവാദത്തിനയച്ചു എന്ന ആരോപണം സിനിമയുടെ അണിയറക്കാര്‍തന്നെ പരസ്യമായി സമ്മതിക്കാന്‍ മടിക്കുന്ന, ഇതൊരു ഫിക്ഷന്‍ മാത്രമാണെന്ന് അവകാശപ്പെടുന്ന അവസരത്തിലും പ്രധാനമന്ത്രി ‘കേരള സ്റ്റോറി’ സിനിമയെ രാഷ്ട്രീയമായി ഉപയോഗിക്കുന്നു.
കര്‍ണാടക ബി.ജെ.പിയുടെ തലമുതിര്‍ന്ന നേതാക്കള്‍ കോണ്‍ഗ്രസിലെത്തുകയും ബി.എസ് യെദിയൂരപ്പയെ പോലുള്ള അവശേഷിക്കുന്ന നേതാക്കള്‍ ഹിജാബ്, ടിപ്പു പോലെയുള്ള വിഭാഗിയത ഉണ്ടാക്കുന്ന വിഷയങ്ങളല്ല അജണ്ടയാകേണ്ടതെന്നും തുറന്ന് പറയുമ്പോഴും പ്രധാനമന്ത്രി ‘കേരള സ്റ്റോറി’യുടെ പ്രചാരകനായിമാറുന്ന ദുഃഖകരമായ കാഴ്ച. കേരള സന്ദര്‍ശനത്തിനിടയില്‍ കേരളത്തെക്കുറിച്ച് പറഞ്ഞ നല്ല വാക്കുകള്‍ അദ്ദേഹം മറന്ന്‌പോയിരിക്കുന്നു. കശ്മീരിലും മണിപ്പൂരിലും ക്രമസമാധാന പാലനത്തില്‍ തന്റെ ഉത്തരവാദിത്വം മറക്കുകയും വരാനിരിക്കുന്ന തിരഞ്ഞെടുപ്പില്‍ കോണ്‍ഗ്രസ് ജയിച്ചാല്‍ കര്‍ണാടകയിലെ ക്രമസമാധാനം തകരുമെന്ന ആശങ്ക പടര്‍ത്തുകയും ചെയ്യുന്ന വിചിത്രമായ സമീപനമാണ് അദ്ദേഹം പിന്തുടരുന്നത്. ഉത്തരേന്ത്യയില്‍നിന്നും ഇറക്കുമതി ചെയ്യുന്ന സ്മൃതി ഇറാനി, ഹിമന്ത ബിശ്വയെ പോലുള്ള നേതാക്കള്‍ പ്രധാനമന്ത്രിയുടെ പാത പിന്തുടര്‍ന്ന് പ്രിയങ്കഗാന്ധി നമസ്‌കരിക്കും, ഡി.കെ ശിവകുമാര്‍ ടിപ്പുസുല്‍ത്താന്റെ കുടുംബക്കാരാനാണ് പോലുള്ള പ്രസ്താവനകള്‍ നടത്തി എങ്ങനെയെല്ലാം ഒരുമിച്ച് ജീവിക്കുന്ന മനുഷ്യരില്‍ വെറുപ്പിന്റെ ബീജങ്ങള്‍ നിക്ഷേപിക്കാമെന്ന് ഗവേഷണം നടത്തുകയാണ്.

സമുദായങ്ങള്‍ തമ്മിലുള്ള പരസ്പര വിശ്വാസത്തിന് കോട്ടം തട്ടിയതാണ് മണിപ്പൂരില്‍ കലാപമായി വളര്‍ന്നത്. കര്‍ണാടകയില്‍ മുസ്‌ലിം സംവരണം എടുത്ത്കളയുകയും സംവരണ തോതില്‍ മാറ്റങ്ങള്‍ വരുത്തുകയും ചെയ്തപ്പോള്‍ പ്രതിഷേധവുമായി രംഗത്തിറങ്ങിയത് മുസ്‌ലിംകള്‍ മാത്രമായിരുന്നില്ല, മറ്റ് ജാതി സംഘടനകളും സമരവുമായി തെരുവിലിറങ്ങി. സാമുദായിക ധ്രുവീകരണം ലക്ഷ്യമിട്ട് നേതാക്കള്‍ നടത്തുന്ന പ്രസ്താവനകളും നടപടികളും രാജ്യത്തിന്റെ കെട്ടുറപ്പിനെ ബാധിക്കുന്ന തരത്തില്‍ വളരാമെന്ന ഭീതിയോ ഉത്തരവാദിത്വ ബോധമോ ബി.ജെ.പി നേതാക്കളില്‍ നിന്ന് ഉണ്ടാകുന്നില്ല.
ഹിന്ദു ഭൂരിപക്ഷമായ മെയ്‌തേയ് വിഭാഗവും ക്രിസ്ത്യാനികളായ കുക്കി ഗോത്രവിഭാഗവും തമ്മിലുള്ള സംഘര്‍ഷമാണ് മണിപ്പൂരില്‍ നടക്കുന്നത്. ഈ സമൂഹങ്ങള്‍ക്കിടയില്‍ ഉണ്ടായിരുന്ന വിശ്വാസ്യത തകര്‍ക്കുന്നതില്‍ മണിപ്പൂരിലെ ബി.ജെ.പി സര്‍ക്കാറിന് വലിയ പങ്കുണ്ടായിരുന്നു. ബി.ജെ.പി സര്‍ക്കാര്‍ തങ്ങളുടെ അസ്തിത്വത്തെ ചോദ്യം ചെയ്യുന്നു, കുടിയിറക്കാന്‍ ശ്രമിക്കുന്നു തുടങ്ങിയ കുക്കികളുടെ പരാതിക്കിടയിലാണ് മെയ്‌തെയ് വിഭാഗത്തിന് കുക്കികള്‍ക്ക് സമാനമായ ഗോത്ര പദവി നല്‍കാനുള്ള നീക്കം ഭരണകൂടത്തില്‍നിന്നും കോടതിയില്‍ നിന്നും ഉണ്ടായത്. മെയ്‌തേയ് വിഭാഗത്തിന് ഗോത്ര പദവി ലഭിക്കുന്നത് പിന്നാക്കം നില്‍ക്കുന്ന കുക്കി ഗോത്ര വിഭാഗത്തിന് തങ്ങളുടെ അവസരങ്ങള്‍ വീണ്ടും നഷ്ടപ്പെടുത്തുമെന്ന ഭീതിയുണ്ടാക്കി. സാമൂഹിക മുന്നേറ്റ സൂചികയില്‍ മുന്‍പന്തിയില്‍ നില്‍ക്കുന്ന വിഭാഗങ്ങളെ ദുര്‍ബലരുമായി താരതമ്യം ചെയ്യുന്നതിന്റെയും അരികുവത്കരിക്കുന്നതിന്റെയും സംവരണത്തിന്റെ ഉദ്ദേശ ശുദ്ധി ചോദ്യം ചെയ്യുന്നതിന്റെയും അപകട സൂചനയാണ് മണിപ്പൂരില്‍നിന്ന് മുഴങ്ങുന്നത്.

മണിപ്പൂര്‍ ജനവിഭാഗങ്ങള്‍ക്കിടയില്‍ ഭരണ ഉദ്യോഗ പ്രാതിനിധ്യത്തിലും മറ്റ് സാമൂഹിക സൂചികയിലും മുന്‍പന്തിയില്‍ നില്‍ക്കുന്ന മെയ്‌തേയ് വിഭാഗം ഗോത്രപദവിക്കായി വാദിക്കുന്നതിന്റെ കാരണങ്ങളിലൊന്നായി പറയുന്നത് മണിപ്പൂരിലെ എല്ലാ മേഖലയിലും സ്ഥലം വാങ്ങാനുള്ള അവകാശം കൂടി ലഭിക്കാന്‍ വേണ്ടിയെന്നാണ്. കശ്മീരിന്റെ പ്രത്വേക പദവി എടുത്ത്മാറ്റിയ സമയത്ത് ബി.ജെ.പി ഉയര്‍ത്തിയ പ്രധാന ചോദ്യം ഒരൊറ്റ ഇന്ത്യ ഒരൊറ്റ ജനതയാകുമ്പോള്‍ കശ്മീരിന്മാത്രം എന്തിനാണ് പ്രത്വേക പദവി എന്നതായിരുന്നു. എന്നാല്‍ ഒരു സംസ്ഥാനത്ത്തന്നെ അവിടത്തെ ചില പ്രത്യേക ജന വിഭാഗങ്ങള്‍ക്ക്‌പോലും സ്ഥലം വാങ്ങാന്‍ പറ്റാത്ത വിധത്തിലുള്ള വൈവിധ്യങ്ങള്‍ ഇപ്പോഴും രാജ്യത്ത് നിലനില്‍ക്കുന്നു എന്ന് മണിപ്പൂര്‍ കലാപം ലോകത്തിന് മുന്നില്‍ തുറന്ന്കാട്ടുന്നു. കശ്മീരിന്റെ പ്രത്യേക പദവിയിലും വൈവിധ്യത്തിലും മാത്രമായിരുന്നു ബി.ജെ.പിയുടെ പ്രശ്‌നം.

https://twitter.com/mohandastg/status/1604783739221204992

ട്വീറ്റിനെതിരെ വിമര്‍ശനം ശക്തമായതിന് പിന്നാലെ ഇതൊക്കെ എന്താ വര്‍ണവെറിയാണോ? എന്ന ചോദ്യവുമായി മറ്റൊരു ട്വീറ്റും മോഹന്‍ദാസ് പങ്കുവെച്ചു. ‘ഫ്രഞ്ച്കാര് വെളുത്ത് തുടുത്ത സായ്പന്‍മാരായിരിക്കും എന്നാണ് ഞാന്‍ വിചാരിച്ചത്! ഇതിപ്പോ എന്നേക്കാള്‍ കറുത്ത പ്രേതങ്ങള്‍. ആ എംബാപ്പെയെ രാത്രിയിലെങ്ങാന്‍ വഴിയില്‍ കണ്ടാല്‍ നമ്മള് ഞെട്ടി ഏഴ് ദിവസം പനി പിടിച്ചു കിടക്കും! ഹൊ’, എന്നായിരുന്നു ടി ജി മോഹന്‍ദാസിന്റെ ആദ്യ ട്വീറ്റ്.

https://twitter.com/mohandastg/status/1604804826134892544

വിമര്‍ശനം ഉയര്‍ന്നതോടെ ട്വിറ്റര്‍ ഹാന്‍ഡിലില്‍ അദ്ദേഹം കുറിച്ചത് ഇങ്ങനെ; ‘പണ്ട് എം പി നാരായണ പിള്ള എഴുതി: ഇന്ത്യന്‍ രാഷ്ട്രീയത്തില്‍ കാണാന്‍ കൊള്ളാവുന്ന ഒരേയൊരു മുഖം ഇന്ദിരാഗാന്ധിയാണ്. മറ്റു രാഷ്ട്രീയക്കാര്‍ക്കൊന്നും ഒരു ഭംഗിയുമില്ല. ജഗജീവന്‍ റാമിന്റെ ഫോട്ടോ പത്രത്തില്‍ കണ്ടാല്‍പ്പിന്നെ അന്ന് കഞ്ഞി കുടിക്കാന്‍ തോന്നുകയില്ല! ഇതൊക്കെ എന്താ വര്‍ണവെറിയാണോ?’ നിരവധി പേരാണ് ടി ജി മോഹന്‍ദാസിന്റെ റേസിസ്റ്റ് പരാമര്‍ശത്തെ വിമര്‍ശിച്ച് പോസ്റ്റിന് താഴെ കമന്റ് ചെയ്യുന്നത്.

ഇറ്റാലിയന്‍ അമേരിക്കന്‍ ഭക്ഷണശാലയായ സ്‌കോപ റെസ്റ്ററിന്‍ഡില്‍ നിന്നാണ് ഗായികയായ അനന്യയ്ക്ക് വംശീയാധിക്ഷേപം ഏല്‍ക്കേണ്ടി വന്നത്. ഇത് ഏറെ ദുഃഖകരമാണ്. അങ്ങേയറ്റം വംശീയവും. നിങ്ങളുടെ ഉപഭോക്താക്കളോട് നന്നായി പെരുമാറുകയായിരുന്നു വേണ്ടിയിരുന്നത്. ഇത് ശരിയല്ല- അവര്‍ കുറിച്ചു.

We waited for 3 hours to eat at your restaurant. @chefantonia Your waiter Joshua Silverman was extremely rude to my mother, bordering racist. This isn’t okay.

— Ananya Birla (@ananya_birla) October 24, 2020

‘നിങ്ങളുടെ റെസ്റ്ററന്‍ഡില്‍ മൂന്നു മണിക്കൂര്‍ നേരമാണ് ഞങ്ങള്‍ കാത്തു നിന്നത്. അമ്മയോട് വെയ്റ്റര്‍ ജോഷ്വ സില്‍വര്‍മാന്‍ അങ്ങേയറ്റം പരുഷമായാണ് പെരുമാറിയത്- അവര്‍ വെളിപ്പെടുത്തി.

This restaurant @ScopaRestaurant literally threw my family and I, out of their premises. So racist. So sad. You really need to treat your customers right. Very racist. This is not okay.

— Ananya Birla (@ananya_birla) October 24, 2020

കുമാരമംഗലം ബിര്‍ലയുടെയും ഭാര്യ നീരജ ബിര്‍ലയുടെയും മൂത്ത മകളാണ് അനന്യ. നിരവധി മ്യൂസിക് ആല്‍ബങ്ങള്‍ ഇവര്‍ ചിട്ടപ്പെടുത്തിയിട്ടുണ്ട്.

അടുത്തിടെ ചെല്‍സി മാഞ്ചസ്റ്റര്‍ സിറ്റി മത്സരത്തില്‍ സിറ്റി താരം റഹീം സ്റ്റേര്‍ലിംങിനെ അധിക്ഷേപിച്ചതുകൊണ്ട് ആരാധകനെ മത്സരം കാണാന്‍ സ്റ്റേഡിയത്തില്‍ പ്രവേശിക്കുന്നതില്‍ നിന്ന് ഒരു വര്‍ഷം വിലക്ക് ഏര്‍പ്പെടുത്തിയിരുന്നു. കഴിഞ്ഞ മാസം ഫിഫയും അധിക്ഷേപിക്കുന്നവരുടെ വിലക്ക് ഇരട്ടിയാക്കിയിരുന്നു. അഞ്ചില്‍ നിന്ന് പത്ത് മത്സരങ്ങളായാണ് ഫിഫ ഉയര്‍ത്തിയിരുന്നത്.

ആദ്യ സിനിമയിലൂടെ പ്രേക്ഷകരുടെ മനം കവര്‍ന്ന സാമുവല്‍ സുഡാനി ഫ്രം നൈജീരിയ സൂപ്പര്‍ ഹിറ്റായതോടെ തന്റെ കേരളത്തോടുള്ള സ്‌നേഹവും ഫേസ്ബുക്കിലൂടെയും ഇന്‍സ്റ്റഗ്രാമിലൂടേയും തുടര്‍ച്ചയായി പ്രകടിപ്പിച്ചതാണ്. എന്നാല്‍ ഇപ്പോള്‍ മലയാളികളിലെ വംശീയത തുറന്ന് കാണിക്കുകയാണ് സാമുവല്‍ തന്റെ ഏറ്റവും പുതിയ ഫേസ്ബുക്ക് പോസ്റ്റിലൂടെ.

താരത്തെ വംശീയമായി അധിക്ഷേപിച്ചുകൊണ്ടുള്ള പോസ്റ്റുമായി ‘ഒഫന്‍സീവ് മലയാളം മെമെ’ എന്ന ട്രോള്‍ പേജാണ് രംഗത്തെത്തിയത്്. സുഡാനി ഫ്രം നൈജീരിയ സിനിമയില്‍ കാലിന് പരുക്കേറ്റ സാമുവലിന്റേയും നായകന്‍ സൗബിന്‍ ഷാഹിറിന്റേയും ചിത്രത്തിന് മുകളില്‍ ‘ഒരു മൃഗത്തേയും ചിത്രത്തിന്റെ ഷൂട്ടിങിനിടയില്‍ അപായപ്പെടുത്തിയിട്ടില്ല. പക്ഷെ ഇതിനെ കുറിച്ച് മറന്നേക്കു’ എന്ന് എഴുതിയാണ് വംശീയാധിക്ഷേപമുള്ള ട്രോള്‍ നിര്‍മിച്ചിരിക്കുന്നത്. ഫേസ്ബുക്കിലും ഇന്‍സ്റ്റഗ്രാമിലും ഈ പോസ്റ്റ് നിരവധി പേര്‍ ഷെയര്‍ ചെയ്തിട്ടുണ്ട്. പല ആളുകളും സാമുവലിനെ ടാഗ് ചെയ്താണ് ചിത്രം ഷെയര്‍ ചെയ്തിട്ടുള്ളത്.

ഇതോടെയാണ് സാമുവല്‍ പ്രതിഷേധവുമായി രംഗത്തെത്തിയത്.

”ഞാന്‍ അനുഭവിച്ചതില്‍ ഏറ്റവും പൈശാചികമായുള്ള വംശീയാധിക്ഷേപമാണിത്. ഇവിടത്തെ ചില മനുഷ്യര്‍ എന്നെ മൃഗത്തോട് താരതമ്യം ചെയ്യുന്നത് സങ്കടകരമാണെന്ന്” ട്രോളിന് പ്രതികരണമായി സാമുവല്‍ ഫേസ്ബുക്കില്‍ കുറിച്ചു.

ഇത് തമാശയായി കാണാനാവുന്നില്ല. വംശത്തിന്റേയും നിറത്തിന്റേയും പേരില്‍ കളിയാക്കുന്നത് ശരിയല്ല. നല്ലൊരു ദിവസം ഇതുപോലെയുളള വംശീയ പോസ്റ്റ് കണ്ട് ആരംഭിക്കുന്നതിനെകുറിച്ചൊന്നു ആലോചിച്ച് നോക്കുവെന്ന് പറഞ്ഞാണ് സാമുവല്‍ പോസ്റ്റ് അവസാനിപ്പിക്കുന്നത്.

വംശീയ വിദ്വേഷവും വിദേശികളോടുള്ള വെറുപ്പും ഡയറിയിലെ പല വരികളിലും പ്രകടമാണ്. വിദേശികളെക്കുറിച്ചുള്ള പല നിഗമനങ്ങളും നെഗറ്റീവാണ്. ചൈനക്കാരെ മന്ദബുദ്ധികളും നിന്ദ്യരുമായാണ് ഐന്‍സ്റ്റീന്‍ പരിചയപ്പെടുത്തുന്നത്. ജീവിത കാലത്ത് വെള്ളക്കാരുടെ വംശീയ വിദ്വേഷത്തെ കടന്നാക്രമിച്ചിരുന്ന അദ്ദേഹത്തിന്റെ സ്വകാര്യ ഡയറിക്കുറിപ്പിലെ പരാമര്‍ശങ്ങള്‍ ഞെട്ടിക്കുന്നവയാണ്.

വെള്ളക്കാരുടെ രോഗമാണ് വംശീയതയെന്ന്് ഐന്‍സ്റ്റീന്‍ ഒരിക്കല്‍ കുറ്റപ്പെടുത്തിയിരുന്നു. ഈജിപ്തിലെ പോര്‍ട് സെയ്ദ് തുറമുഖത്ത് കപ്പലില്‍നിന്ന് ഇറങ്ങിയ കച്ചവടക്കാരെക്കുറിച്ചും മോശപ്പെട്ട ഭാഷയിലാണ് അദ്ദേഹം വിവരിക്കുന്നത്. ശ്രീലങ്കയിലെ കൊളംബോയില്‍ ആളുകള്‍ വൃത്തികെട്ട പ്രദേശങ്ങളില്‍ ദുര്‍ഗന്ധം വമിക്കുന്ന അന്തരീക്ഷത്തിലാണ് ജീവിക്കുന്നതെന്ന് ഐന്‍സ്റ്റീന്‍ പറയുന്നു.

ചൈനീസ് കുട്ടികള്‍ ഊര്‍ജസ്വലതയില്ലാത്ത മന്ദബുദ്ധികളെപ്പോലെയാണെന്നാണ് അദ്ദേഹത്തിന്റെ മറ്റൊരു കണ്ടെത്തല്‍.
മനുഷ്യത്വത്തിന്റെയും നീതിയുടെയും വക്താവായി വാഴ്ത്തപ്പെടുന്ന ഈ ശാസ്ത്രപ്രതിഭ അഡോള്‍ഫ് ഹിറ്റ്‌ലറുടെയും നാസി പാര്‍ട്ടിയുടെയും ആവിര്‍ഭാവത്തിനുശേഷം 1933ല്‍ അമേരിക്കയിലേക്ക് കുടിയേറുകയായിരുന്നു. പ്രിന്‍സ്ടണ്‍ യൂനിവേഴ്‌സിറ്റി പ്രസാണ് ഡയറിക്കുറിപ്പ് പ്രസിദ്ധീകരിച്ചിരിക്കുന്നത്.

വാഷിങ്ടണ്‍: മുസ്‌ലിം വിരുദ്ധ പ്രസ്താവനകള്‍ക്ക് പിന്നാലെ വംശീയ വിഷം തുപ്പി യു.എസ് പ്രസിഡന്റ് ഡൊണാള്‍ഡ് ട്രംപ്. ആഫ്രിക്കന്‍ രാജ്യങ്ങള്‍ക്കെതിരെയാണ് പരസ്യമായി ട്രംപിന്റെ അസഭ്യ പരാമര്‍ശം. കുടിയേറ്റ നിയമ പരിഷ്‌കരണവുമായി ബന്ധപ്പെട്ട് യു.എസ് പാര്‍ലമെന്റ് അംഗങ്ങളുമായി നടത്തിയ ചര്‍ച്ചകള്‍ക്കിടെയാണ് ട്രംപ് സഭ്യേതരമായ വാക്കുപയോഗിച്ചത്. ‘ഷിറ്റ് ഹോള്‍’ രാജ്യങ്ങള്‍ എന്നായിരുന്നു പരാമര്‍ശം. പ്രസ്താവനക്കെതിരെ വ്യാപക പ്രതിഷേധം ഉയര്‍ന്നിട്ടുണ്ട്.

പാര്‍ലമെന്റ് അംഗങ്ങളുമായി നടത്തിയ ചര്‍ച്ചയില്‍ എന്തിനാണ് ഇത്തരം ഷിറ്റ്‌ഹോള്‍ രാജ്യങ്ങളില്‍ നിന്നുള്ള പൗരന്മാരെ അമേരിക്ക സ്വീകരിക്കുന്നതെന്നായിരുന്നു പരാമര്‍ശം. യോഗത്തില്‍ പങ്കെടുത്ത ചിലരെ ഉദ്ധരിച്ച് വാഷിങ്ടണ്‍ പോസ്റ്റ് ആണ് ഇക്കാര്യം റിപ്പോര്‍ട്ട് ചെയ്തത്. ആഫ്രിക്കന്‍ രാജ്യങ്ങളെ ഉദ്ദേശിച്ചാണ് ട്രംപ് പരാമര്‍ശം നടത്തിയതെന്നും റിപ്പോര്‍ട്ട് വ്യക്തമാക്കുന്നു.

‘ചില പ്രത്യേക രാജ്യങ്ങളില്‍ നിന്നുള്ളവരെയും പ്രത്യേക നിറമുള്ളവരെയും ട്രംപിന് ഇഷ്ടമല്ലെന്ന കാര്യം എല്ലാവര്‍ക്കും അറിയാം. ഭരണഘടനയുടെ മൂല്യങ്ങള്‍ ഉള്‍കൊള്ളാത്ത, വംശീയമായി ചിന്തിക്കുന്ന ഒരാളാണ് പ്രസിഡന്റ് ട്രംപ്’- പാര്‍ലമെന്റ് അംഗം ലൂയിസ് ഗട്ടിയേറസ് വിമര്‍ശിച്ചു.

വിദേശ പൗരന്മാര്‍ അമേരിക്കയിലേക്ക് കുടിയേറുന്നത് നിയന്ത്രിക്കുന്നതിനുള്ള നിയമം അവതരിപ്പിക്കുന്നതിന്റെ ഭാഗമായാണ് പാര്‍ലമെന്റ് അംഗങ്ങളുമായി ട്രംപ് വൈറ്റ്ഹൗസില്‍ ചര്‍ച്ച നടത്തിയത്. യു.എസിലുള്ള വിദേശ പൗരന്മാര്‍ അവരുടെ കുടുംബാംഗങ്ങളെ കൊണ്ടുവരുന്നതും ഗ്രീന്‍കാര്‍ഡ് വിസയും നിയന്ത്രിക്കുന്നതിനാണ് ട്രംപിന്റെ നീക്കം. ട്രംപിന്റെ പ്രസ്താവനക്കെതിരെ യുഎന്നും ആഫ്രിക്കന്‍ യൂണിയനും രംഗത്തെത്തി. പ്രസ്താവന വംശീയമെന്ന് യു.എന്‍ വക്താവ് റൂബര്‍ട്ട് കോള്‍വില്ലെ പറഞ്ഞു. ‘ട്രംപിനെ ഓര്‍ത്ത് ദുഖിക്കുന്നു. ഇത്തരം മോശമായ പദങ്ങള്‍ പ്രയോഗിക്കുന്ന ട്രംപ് ഇരിക്കുന്ന പദവി ദുരുപയോഗം ചെയ്യുകയാണ്. മനുഷ്യത്വത്തിനെതിരെയുള്ള വാതില്‍ ട്രംപ് തുറന്നിടുകയാണ്’-അദ്ദേഹം ആരോപിച്ചു.

ട്രംപിന്റേത് വംശീയ നിലപാടെന്ന് നോര്‍വെ പ്രധാനമന്ത്രി എര്‍ണ സോള്‍ബര്‍ഗ് വ്യക്തമാക്കി. ‘നൈജീരിയയിലെ ജനങ്ങള്‍ക്കൊപ്പം ഒരിക്കലെങ്കിലും ട്രംപ് ജീവിക്കണം. അവരുടെ സംസ്‌കാരം മനസിലാക്കണം. ഹെയ്തിയന്‍സിനെ കുറിച്ച് ട്രംപ് ആരോപണം ഉന്നയിച്ചിരിക്കുന്നു. യുഎസില്‍ നിന്നാണ് ഹെയ്തിയന്‍സിന് എയ്ഡ്‌സ് രോഗം പിടിപെട്ടത്’. നോര്‍വെ പ്രസിഡന്റ് കൂട്ടിച്ചേര്‍ത്തു.

ട്രംപിന്റെ വാക്കുകള്‍ വരാന്‍ പോകുന്ന അപകടങ്ങളുടെ സൂചനയാണെന്നു ആഫ്രിക്കന്‍ യൂണിന്‍ ആരോപിച്ചു. യുഎസില്‍ ആഫ്രിക്കക്കാര്‍ അനുഭവിച്ച അടിമത്തം ചരിത്രത്തില്‍ ഇന്നും കാണാം. ആ വ്യവസ്ഥിതിയുടെ മറ്റൊരു മുഖമാണ് ട്രംപ് പ്രകടമാക്കിയത്. ആഫ്രിക്കന്‍ യൂണിയന്‍ വക്താവ് ഇബ്ബാ കലോഡോ വ്യക്തമാക്കി.
ട്രംപിന്റെ പ്രസ്ഥാവന അങ്ങേയറ്റം നിന്ദ്യമാണെന്നു ആഫ്രിക്കന്‍ ഭരണ പാര്‍ട്ടി ആരോപിച്ചു. ആഫ്രിക്കയോട് ഇപ്പോഴും വിവേചനം കാട്ടുന്നതിന്റെ പ്രതിഫലനമാണ് ട്രംപിന്റെ പ്രസ്ഥാവനയെന്ന് ആഫ്രിക്കന്‍ സംഘടനകള്‍ ആരോപിച്ചു.

രണ്ടു മാസങ്ങള്‍ക്കു മുമ്പ് വിര്‍ജിനിയയിലെ ചാര്‍ലറ്റ്‌സ്‌വില്ലില്‍ സ്‌പെന്‍സറുടെ പ്രഭാഷണത്തിനിടെയുണ്ടായ സംഘര്‍ഷത്തില്‍ ഒരു വനിത കൊല്ലപ്പെട്ടിരുന്നു. ലോക ശ്രദ്ധയാകര്‍ഷിച്ച ഈ സംഭവത്തിനു ശേഷമുള്ള സ്‌പെന്‍സറുടെ ആദ്യ പ്രധാന പ്രഭാഷണമായിരുന്നു ഫ്‌ളോറിഡയിലേത്. യൂണിവേഴ്‌സിറ്റി ഓഫ് ഫ്‌ളോറിഡയിലെ ഓഡിറ്റോറിയത്തിലായിരുന്നു പരിപാടി. സ്‌പെന്‍സര്‍ക്ക് വേദി അനുവദിക്കാന്‍ തയാറല്ലായിരുന്നെങ്കിലും നിയമം മൂലം അതിന് സാധിക്കാത്തതിനാല്‍ വിട്ടു നല്‍കുകയാണെന്ന് യൂണിവേഴ്‌സിറ്റി അറിയിച്ചിരുന്നു. കലാപ സാധ്യത മുന്നില്‍ക്കണ്ട് ഹെലികോപ്റ്ററുകളും ഡ്രോണുകളുമടക്കം വന്‍ സുരക്ഷാ സന്നാഹങ്ങളാണ് ഒരുക്കിയിരുന്നത്.

Crowd chanting “Go Home Spencer” So proud of the peaceful protestors. #TheResistance ROCKS! #Resist#SpencerAtUF pic.twitter.com/zxsacxxnNm

— Scott Dworkin (@funder) October 19, 2017

സ്‌പെന്‍സര്‍ പ്രഭാഷണം തുടങ്ങിയ ഉടന്‍ തന്നെ പ്രതിഷേധക്കാര്‍ ശബ്ദമുയര്‍ത്തി. സ്‌പെന്‍സര്‍ അനുകൂലികളും ശബ്ദമുയര്‍ത്തിയെങ്കിലും പ്രതിഷേധക്കാരുടെ ബഹളത്തില്‍ മുങ്ങിപ്പോയി. ഗോബാക്ക് വിളിക്കും നടുവിരലുയര്‍ത്തിയും പ്രക്ഷോഭകര്‍ പ്രതിഷേധം തുടര്‍ന്നതോടെ സ്‌പെന്‍സര്‍ക്ക് പ്രഭാഷണം ചുരുക്കേണ്ടി വന്നു.

സംഭവത്തിനു ശേഷം മാധ്യമ പ്രവര്‍ത്തകരെ കണ്ട സ്‌പെന്‍സര്‍, ഓഡിറ്റോറിയം അനുവദിച്ചതിന് യൂണിവേഴ്‌സിറ്റി പ്രസിഡണ്ട് കെന്റ് ഫുക്‌സിന് നന്ദി പറഞ്ഞു. എന്നാല്‍, വര്‍ഗീയവാദിയായ സ്‌പെന്‍സര്‍ക്കൊപ്പമല്ലെന്നും അയാളുടെ വിദ്വേഷ പ്രചരണങ്ങളെ എതിര്‍ക്കുന്നവര്‍ക്കൊപ്പമാണെന്നും ഫ്ക്‌സ് ട്വീറ്റ് ചെയ്തു.

അമേരിക്കയില്‍ രഹസ്യമായി പ്രവര്‍ത്തിച്ചിരുന്ന വലതുപക്ഷ, വിദ്വേഷ സംഘങ്ങള്‍ ഡൊണാള്‍ഡ് ട്രംപ് പ്രസിഡണ്ടായതിനെ തുടര്‍ന്നാണ് സജീവമായി രംഗത്തു വന്നു തുടങ്ങിയത്.