ചടങ്ങില്‍ പ്രതിരോധമന്ത്രി രാജ്‌നാഥ് സിങ്, ദേശീയ സുരക്ഷാ ഉപദേഷ്ടാവ് അജിത് ഡോവല്‍, സംയുക്ത സേനാമേധാവി ജനറല്‍ ബിപിന്‍ റാവത്ത്, വ്യോമസേനാ മേധാവി എയര്‍ചീഫ് മാര്‍ഷല്‍ ആര്‍.കെ.എസ്. ഭദൗരിയ, പ്രതിരോധ സെക്രട്ടറി ഡോ. അജയ്കുമാര്‍ തുടങ്ങിയവര്‍ പങ്കെടുക്കും. ജൂലായ് 27നാണ് ഫ്രാന്‍സില്‍നിന്ന് വിമാനങ്ങള്‍ ഇന്ത്യയിലെത്തിയത്. 36 വിമാനങ്ങള്‍ വാങ്ങാനാണ് ഇന്ത്യ കരാറൊപ്പിട്ടിട്ടുള്ളത്.

ന്യൂഡല്‍ഹി: റഫാല്‍ യുദ്ധ വിമാന ഇടപാട് ഉള്‍പ്പെടെ സമീപ വര്‍ഷങ്ങളില്‍ നടന്ന പ്രതിരോധ ഇടപാടുകളെക്കുറിച്ചുള്ള സി.എ.ജി റിപ്പോര്‍ട്ട് ഇന്ന് രാഷ്ട്രപതിക്കു സമര്‍പ്പിക്കും. റഫാല്‍ ഇടപാടില്‍ പ്രതിപക്ഷ പാര്‍ട്ടികള്‍ പ്രധാനമന്ത്രി നരേന്ദ്രമോദിക്കെതിരെ നേരിട്ട് അഴിമതി ആരോപണം ഉന്നയിച്ച പശ്ചാത്തലത്തില്‍ റിപ്പോര്‍ട്ടിലെ കണ്ടെത്തലുകള്‍ നിര്‍ണായകമാകും. അതേസമയം മോദിയെ രക്ഷിക്കാന്‍ സി.എ.ജി വഴിവിട്ട ശ്രമം നടത്തിയിട്ടുണ്ടെന്നും നിലവിലെ സി.എ.ജി രാജീവ് മെഹ്‌റിഷി ഓഡിറ്റ് നടപടികള്‍ക്ക് നേതൃത്വം നല്‍കിയതില്‍ നിക്ഷിപ്ത താല്‍പര്യമുണ്ടെന്നും കോണ്‍ഗ്രസ് ആരോപിച്ചു.
റഫാല്‍ ഇടാപടു നടക്കുമ്പോള്‍ മോദി സര്‍ക്കാറില്‍ ധനകാര്യ സെക്രട്ടറിയായിരുന്നു രാജീവ് മെഹ്‌റിഷി. ധനകാര്യ സെക്രട്ടറി എന്ന നിലയില്‍ റഫാല്‍ ഇടപാടുമായി ബന്ധപ്പെട്ട നടപടി ക്രമങ്ങളില്‍ നേരിട്ട് പങ്കാളിയായ ആളാണ് മെഹ്‌റിഷി. കരാര്‍ നടപടികളില്‍ പങ്കാളിയായ ആള്‍ തന്നെ ഓഡിറ്ററായി വരുന്നത് വിരുദ്ധ താല്‍പര്യം സൃഷ്ടിക്കുന്നതാണെന്നും അംഗീകരിക്കാന്‍ കഴിയാത്തതാണെന്നും മുതിര്‍ന്ന കോണ്‍ഗ്രസ് നേതാവ് കപില്‍ സിബല്‍ വ്യക്തമാക്കി.
സര്‍ക്കാറിനെ പൂര്‍ണമായി രക്ഷിച്ചെടുക്കാനുള്ള ശ്രമമാണ് സി.എ.ജി നടത്തുന്നത്. ധനകാര്യ സെക്രട്ടറി എന്ന നിലയില്‍ രാജീവ് മെഹ്‌റിഷിയുടെ മേല്‍നോട്ടത്തിലാണ് റഫാല്‍ ഇടപാട് പൂര്‍ണമായും നടന്നത്. അദ്ദേഹം തന്നെ ഓഡിറ്ററാവുന്നത് സി.എ.ജി റിപ്പോര്‍ട്ടില്‍ നിക്ഷിപ്ത താല്‍പര്യം കടന്നുകൂടാന്‍ ഇടയാക്കും. അഴിമതി ആരോപണം സംബന്ധിച്ച് നിഷ്പക്ഷ അന്വേഷണം നടക്കണമെന്നിരിക്കെ ധനകാര്യ സെക്രട്ടറിയായിരുന്നയാള്‍ തന്നെ എങ്ങനെ ഇതേക്കുറിച്ച് അന്വേഷണം നടത്തുമെന്ന് സിബല്‍ ചോദിച്ചു. സങ്കീര്‍ണവും ക്രമക്കേടുകള്‍ നിറഞ്ഞതുമാണ് റഫാല്‍ ഇടപാട്. സി.എ.ജി നടത്തുന്ന ഓഡിറ്റ് നടപടികളില്‍നിന്ന് രാജീവ് മെഹ്‌റിഷി സ്വമേധയാ മാറി നില്‍ക്കണം. വിമാനത്തിന്റെ വില നിര്‍ണയം, പൊതുമേഖലാ സ്ഥാപനമായ എച്ച്.എ.എല്ലിനെ ഒഴിവാക്കി അനില്‍ അംബാനിയുടെ റിലയന്‍സ് ഡിഫന്‍സിനെ പങ്കാളിയാക്കിയത് എന്നിവയില്‍ കൃത്യമായ അഴിമതി നടന്നിട്ടുണ്ടെന്നും സിബല്‍ ആരോപിച്ചു.
റഫാല്‍ ഇടപാടില്‍ പ്രധാനമന്ത്രിയുടെ ഓഫീസ് നേരിട്ട് ഇടപെട്ടതിന് മാധ്യമങ്ങളിലൂടെ തെളിവുകള്‍ പുറത്തു വന്നതിനു തൊട്ടു പിന്നാലെ സി.എ.ജി റിപ്പോര്‍ട്ട് പുറത്തുവിടുന്നതിലും ദുരൂഹതയുണ്ട്. മാധ്യമ വാര്‍ത്തകളോടെ പ്രധാനമന്ത്രി നരേന്ദ്രമോദിയും ബി.ജെ.പിയും പ്രതിരോധത്തിലായിരുന്നു. ഇത് മറികടക്കാന്‍ സി.എ.ജി റിപ്പോര്‍ട്ട് ആയുധമാക്കാനാണ് ബി.ജെ.പി നീക്കമെന്ന് സൂചനയുണ്ട്. പൊതുതെരഞ്ഞെടുപ്പിന് രണ്ടു മാസം മാത്രം ശിഷിക്കെയാണ് രാജ്യത്തെ പിടിച്ചുലച്ച പ്രതിരോധ ഇടപാടിലെ സി.എ.ജി റിപ്പോര്‍ട്ട് പുറത്തു വരുന്നത്. അഴിമതി ആരോപണങ്ങള്‍ ശരിവെച്ചാല്‍ പ്രതിപക്ഷവും തള്ളിക്കളഞ്ഞാല്‍ ഭരണപക്ഷവും സി.എ.ജി റിപ്പോര്‍ട്ട് തെരഞ്ഞെടുപ്പില്‍ ആയുധമാക്കുമെന്ന് ഉറപ്പാണ്.
”രാഷ്ട്രപതിക്കു സമര്‍പ്പിക്കുന്നതിനായി റിപ്പോര്‍ട്ട് തയ്യാറായിക്കഴിഞ്ഞു. ഇതിന്റെ ഒരു പകര്‍പ്പ് കേന്ദ്ര സര്‍ക്കാറിനും കൈമാറും. രാഷ്ട്രപതിക്കു ലഭിക്കുന്ന റിപ്പോര്‍ട്ട് ലോക്‌സഭാ സ്പീക്കര്‍ക്കും രാജ്യസഭാ ചെയര്‍മാനും അയക്കുകയും അവരത് പാര്‍ലമെന്റിന്റെ മേശപ്പുറത്തു വെക്കുന്നതുമാണ് കീഴ്‌വഴക്ക”മെന്ന് പേരു വെളിപ്പെടുത്തരുതെന്ന വ്യവസ്ഥയോടെ ഉന്നത ഉദ്യോഗസ്ഥന്‍ വ്യക്തമാക്കി.
പതിനാറാം ലോക്‌സഭയുടെ അവസാന സമ്മേളനത്തിലെ അവസാന ദിനമായ ബുധനാഴ്ച റിപ്പോര്‍ട്ട് സഭയില്‍ വെച്ചേക്കുമെന്നാണ് വിവരം. റിപ്പോര്‍ട്ട് പാര്‍ലമെന്റില്‍ ചര്‍ച്ചയാകുന്നത് ഒഴിവാക്കുന്നതിനാണ് അവസാന നിമിഷത്തിലേക്ക് നീട്ടിവെക്കുന്നത്.

മോദി ഭരണകൂടത്തെ ചോദ്യങ്ങളിലൂടെ കടന്നാക്രമിച്ച് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി രംഗത്ത്. റാഫേല്‍ യുദ്ധവിമാന കരാറിലെ അഴിമതി സംബന്ധിച്ചുള്ള രാഹുലിന്റെ ചോദ്യങ്ങള്‍ മോദി സര്‍ക്കാരിന് തിരിച്ചടിയാകുന്നതാണ്.

മോദി സര്‍ക്കാര്‍ ഫ്രാന്‍സില്‍ നിന്ന് റാഫേല്‍ യുദ്ധ വിമാനങ്ങള്‍ വാങ്ങാനുള്ള കരാറില്‍ വന്‍ അഴിമതി നടത്തിയെന്ന് രാഹുല്‍ ചൂണ്ടികാട്ടി. ഖത്തറും മന്‍മോഹന്‍ സര്‍ക്കാരും വിമാനം വാങ്ങാന്‍ ഉപയോഗിച്ച തുക താരതമ്യം ചെയ്തുകൊണ്ടാണ് രാഹുലിന്റെ വിമര്‍ശനം.

മന്‍മോഹന്‍ സര്‍ക്കാര്‍ 570 കോടി രൂപക്ക് വിമാനം വാങ്ങാനുള്ള കരാറില്‍ ഒപ്പിട്ടപ്പോള്‍ മോദി അത് 1700 കോടിയാക്കി വര്‍ദ്ധിപ്പിക്കുകയായിരുന്നു. ഇതിലൂടെ 1,100 കോടി അധികം നല്‍കേണ്ടിവരുന്നതും രാഹുല്‍ ചൂണ്ടികാട്ടി. പച്ചയായ അഴിമതിയാണ് നടന്നിരിക്കുന്നതെന്നും കോണ്‍ഗ്രസ് അധ്യക്ഷന്‍ അഭിപ്രായപ്പെട്ടു.

ഡസ്സോള്‍ട്ട് ഏവിയേഷന്റെ 2016ലെ വാര്‍ഷിക റിപ്പോര്‍ട്ട് ആധാരമാക്കിയാണ് രാഹുലിന്റെ കടന്നാക്രമണം. ഖത്തര്‍ ഈ വിമാനം വാങ്ങിയത് 1319 കോടി രൂപക്കാണെന്നും റിപ്പോര്‍ട്ടിലുണ്ട്. ട്വിറ്ററിലൂടെയാണ് രാഹുല്‍ ചോദ്യങ്ങളുമായി രംഗത്തെത്തിയത്.

PM Narendra Modi and President of France Emmanuel Macron at CEOs’ Forum in #Delhi. pic.twitter.com/kXLHG4z9m6

— ANI (@ANI) March 10, 2018

ഡല്‍ഹിയിലെ ഹൈദരാബാദ് ഭവനില്‍ വച്ചായിരുന്നു മോദി-മാക്രോണ്‍ കൂടികാഴ്ച. പിന്നാലെ ഇരുവരും മാധ്യമങ്ങള്‍ക്ക് മുന്‍പില്‍ സംയുക്ത പ്രസ്ഥാവന നടത്തി. ലോകത്തിലെ ഏറ്റവും കരുത്തരായ രാണ്ട് സ്വതന്ത്ര രാഷ്ട്രങ്ങളാണ് ഇന്ത്യയും ഫ്രാന്‍സുമെന്ന് മോദി പറഞ്ഞു. രണ്ട് രാജ്യങ്ങള്‍ തമ്മിലുള്ള കൂടികാഴ്ചയല്ല. മറിച്ച് സമാന ചിന്താഗതിക്കാരായ രണ്ട് സംസ്‌കാരങ്ങളാണ് ഇവിടെ സമ്മേളിച്ചതെന്നും പ്രധാനമന്ത്രി കൂട്ടിച്ചേര്‍ത്തു. പ്രതിരോധ മേഖലയില്‍ മേക്ക് ഇന്‍ ഇന്ത്യ പദ്ധതിയുടെ ഭാഗമായി നിക്ഷേപം നടത്താന്‍ പ്രധാനമന്ത്രി ഫ്രാന്‍സിനെ ക്ഷണിച്ചു.

French President #EmmanuelMacron met President Ram Nath Kovind at Rashtrapati Bhavan. #Delhi pic.twitter.com/BVF4uPkRl7

— ANI (@ANI) March 10, 2018

തീവ്രവാദത്തിനെതിരെ ഒന്നിച്ചു പോരാടുമെന്ന് മാക്രോണ്‍ വ്യക്തമാക്കി. ഇരുരാഷ്ട്രങ്ങളും തമ്മില്‍ പ്രതിരോധ മേഖലയിലെ സഹകരണത്തിന് പ്രധാന്യം വന്നിരിക്കുകയാണ്. ഇന്ത്യയെ ഫ്രാന്‍സിന്റെ ഒന്നാമത്തെ നയതന്ത്ര പങ്കാളിയാക്കാനാണ് ആഗ്രഹിക്കുന്നത്. ഇന്ത്യയുടെ യൂറോപ്പിലെ ആദ്യ നയതന്ത്ര പങ്കാളിയാകാനും ഫ്രാന്‍സും ആഗ്രഹിക്കുന്നുവെന്നും മാക്രോണ്‍ കൂട്ടിച്ചേര്‍ത്തു. ഇന്തോ-പസഫിക് മേഖലയിലെ സഹകരണവും കൂടികാഴ്ചയില്‍ ചര്‍ച്ചയായി. ഇന്ത്യന്‍ മഹാസമുദ്രത്തിലെ സ്ഥിരത ദക്ഷിണേഷ്യയുടെ സ്ഥിരതയ്ക്കും സുരക്ഷയ്ക്കും ഇരു രാജ്യങ്ങളും തമ്മിലുള്ള സഹകരണം അത്യന്താപേക്ഷിതമാണെന്നും അദ്ദേഹം പറഞ്ഞു. 40തോളം വ്യവസായ പ്രമുഖരാണ് മാക്രോണിനൊപ്പം ഇന്ത്യയിലെത്തിയിട്ടുള്ളത്.

തന്റെ രാഷ്ട്രീയ ജീവിതത്തിലെ ഏറ്റവും വലിയ അഴിമതി ആരോപണത്തിന്റെ മുനയിലാണ് ഇപ്പോള്‍ പ്രധാനമന്ത്രി നരേന്ദ്ര മോദി. റാഫേല്‍ യുദ്ധ വിമാനം വാങ്ങുന്നതുമായി ബന്ധപ്പെട്ട ഇടപാടില്‍ അഴിമതി നടന്നെന്നു കോണ്‍ഗ്രസ് നേതാവ് രാഹുല്‍ ഗാന്ധി ഉന്നയിച്ചതോടെ പ്രശ്‌നത്തിന് രാഷ്ട്രീയ മാനം കൈവരുകയും ചെയ്തു. മുന്‍ പ്രധാനമന്ത്രി ഡോ. മന്‍മോഹന്‍ സിങ് 526 കോടി രൂപക്ക് വാങ്ങാമെന്നേറ്റ ഒരു യുദ്ധ വിമാനത്തിന് മോദി നല്‍കുന്നത് 1570 കോടി രൂപയാണ്. 54,000 കോടി രൂപക്ക് 126 വിമാനങ്ങള്‍ സമ്മതിച്ചിരുന്ന കമ്പനി ഇപ്പോള്‍ നല്‍കാമെന്നേറ്റത് 36 വിമാനങ്ങളാണ്. ഇതിനായി നല്‍കേണ്ടത് 59,000 കോടിയും.
ഫ്രാന്‍സിലെ ദസാള്‍ട് ഏവിയേഷനുമായി റാഫേല്‍ യുദ്ധവിമാനങ്ങള്‍ വാങ്ങാന്‍ ഉണ്ടാക്കിയ കരാറാണ് നരേന്ദ്ര മോദിയെയും ബി.ജെ.പിയെയും പ്രതിക്കൂട്ടില്‍ നിര്‍ത്തുന്നത്. ഇന്ത്യന്‍ രാഷ്ട്രീയത്തില്‍ എല്ലാ കാലത്തും വന്‍ കോളിളക്കങ്ങള്‍ക്കു തിരികൊടുത്തത് പ്രതിരോധ മേഖലയിലെ അഴിമതികള്‍ ആണെന്നിരിക്കെ, റാഫേല്‍ വിമാനക്കരാര്‍ സര്‍ക്കാരിനുണ്ടാക്കാന്‍ പോകുന്ന പ്രതിച്ഛായാ നഷ്ടം ചെറുതാകില്ല. വിമാനം വാങ്ങാന്‍ നല്‍കിയ തുക വെളിപ്പെടുത്താനാകില്ല എന്ന പ്രതിരോധ മന്ത്രി നിര്‍മല സീതാരാമന്റെ പ്രഖ്യാപനമാണ് വിവാദങ്ങളെ പുതിയ തലത്തിലേക്ക് എത്തിച്ചത്. ബംഗളൂരു ആസ്ഥാനമായ ഹിന്ദുസ്ഥാന്‍ എയ്‌റോനോട്ടിക്‌സിന് (എച്ച്.എ.എല്‍) ലഭിക്കേണ്ടിയിരുന്ന നിര്‍മാണ കരാര്‍ എന്തുകൊണ്ട് ഈ രംഗത്ത് പറയത്തക്ക യാതൊരു പരിചയവും ഇല്ലാത്ത റിലയന്‍സ് എയ്‌റോസ്‌പേസിന് കൊടുത്തു എന്നതായിരുന്നു ഒരു ചോദ്യം. 126 വിമാനങ്ങള്‍ വാങ്ങാന്‍ മന്‍മോഹന്‍ സിങ് സര്‍ക്കാര്‍ കരാര്‍ ഒപ്പിട്ടത് 60000 കോടി രൂപക്കായിരുന്നു. എന്നാല്‍ വെറും 36 വിമാനങ്ങള്‍ക്ക് 54000 കോടി രൂപ നല്‍കി പൊതു ഖജനാവിന് നഷ്ടം വരുത്തി എന്നതായിരുന്നു കോണ്‍ഗ്രസ് അംഗങ്ങള്‍ രാജ്യസഭയില്‍ ഉന്നയിച്ചത്.
ഇതിനു മറുപടിയായാണ് വില വെളിപ്പെടുത്താനാകില്ല എന്ന വാദം പ്രതിരോധ മന്ത്രി നിര്‍മല സീതാരാമന്‍ ഉന്നയിച്ചത്. അതേസമയം, കേന്ദ്ര സര്‍ക്കാര്‍ സ്ഥാപനമായ എച്ച്.എ.എല്ലിനെയോ അതിന്റെ പ്രതിനിധികളെയോ അന്നത്തെ പ്രതിരോധമന്ത്രി മനോഹര്‍ പരീക്കറേയോ സംഘത്തില്‍ ഉള്‍പ്പെടുത്തിയില്ല എന്നതും ദുരൂഹമാണ്. മോദിയും അനില്‍ അംബാനിയും മാത്രം ചേര്‍ന്ന് നടത്തിയ ഇടപാടാണെന്നാണ് കോണ്‍ഗ്രസ് ആരോപിക്കുന്നത്. 2007 ലാണ് വ്യോമസേനയുടെ പ്രഹര ശേഷി വര്‍ധിപ്പിക്കുന്നതിന്റെ ഭാഗമായി 126 അത്യന്താധുനിക യുദ്ധ വിമാനങ്ങള്‍ വാങ്ങാന്‍ പ്രതിരോധമന്ത്രാലയം തീരുമാനിക്കുന്നത്. സുതാര്യമായ ടെണ്ടര്‍ നടപടിക്രമങ്ങളുടെ ഭാഗമായി ആറ് കമ്പനികളെ ആദ്യ ഘട്ടത്തില്‍ തെരഞ്ഞെടുത്തു. ഫ്രാന്‍സിലെ റാഫേല്‍, യൂറോപ്യന്‍ യൂണിയന്റെ യുദ്ധവിമാനമായ യൂറോഫൈറ്റര്‍ ടൈഫോണ്‍, സ്വീഡന്റെ സാബ്‌സ് ഗ്രിപ്പന്‍, അമേരിക്കന്‍ കമ്പനിയായ ലോക്ഹീഡ് മാര്‍ട്ടിന്റെ വിഖ്യാതമായ എഫ് -16, മറ്റൊരു അമേരിക്കന്‍ കമ്പനിയായ ബോയിങിന്റെ എഫ് – 18 സൂപ്പര്‍ ഹോര്‍നെറ്റ്, റഷ്യയുടെ മിഗ് 35. ഇവയില്‍ നിന്നും റാഫേലിനെയും യൂറോ ഫൈറ്ററിനെയും ഏറ്റവും മികച്ച വില നല്‍കുന്നവയായതിനാല്‍ അവസാന വട്ട ചര്‍ച്ചകള്‍ക്ക് ക്ഷണിക്കുകയും 2012 ല്‍ റാഫേലുമായി കരാര്‍ ഒപ്പിടുകയും ചെയ്തു. 126 യുദ്ധ വിമാനങ്ങള്‍ക്കായിരുന്നു കരാര്‍. ഇതില്‍ 18 എണ്ണം യുദ്ധ സജ്ജമായവയും ബാക്കി എച്ച്.എ.എല്ലില്‍ വച്ച് ഫ്രഞ്ച് സാങ്കേതിക സഹായത്തോടെ തദ്ദേശീയമായി നിര്‍മ്മിക്കാനുമായിരുന്നു വ്യവസ്ഥ. ഏതാണ്ട് 20000 പുതിയ സാങ്കേതിക തൊഴിലവസരങ്ങള്‍ സൃഷ്ടിക്കുന്നതുള്‍പ്പെടെ ഉള്ളതായിരുന്നു 2012 ലെ കരാര്‍. ഏതാണ്ട് അഞ്ചു വര്‍ഷത്തോളം സാങ്കേതിക പ്രതിരോധ മേഖലയിലെ വിദഗ്ധരും വ്യോമസേനയില്‍ ഉന്നത ഉദ്യോഗസ്ഥരും ചേര്‍ന്നായിരുന്നു കൂടിയാലോചനകള്‍ക്ക് ഉണ്ടായിരുന്നത്.
2014 ല്‍ മോദി സര്‍ക്കാര്‍ അധികാരമേറ്റതോടെ റാഫേലുമായുണ്ടാക്കിയ പഴയ കരാര്‍ പുനഃപരിശോധിക്കാന്‍ തീരുമാനിച്ചു. ഇതിനു പിന്നാലെ 2015 ല്‍ തന്റെ പാരീസ് സന്ദര്‍ശനത്തിനിടെ ഏവരെയും അത്ഭുതപ്പെടുത്തി ഇന്ത്യ 36 വിമാനങ്ങള്‍ വാങ്ങാന്‍ കരാര്‍ ഒപ്പിട്ടതായി അറിയിക്കുകയായിരുന്നു. എച്ച്.എ.എല്ലുമായുള്ള ധാരണ അവസാനിക്കുകയും രണ്ടു മാസം മുമ്പ് മാത്രം രൂപീകൃതമായ റിലയന്‍സ് എയ്‌റോസ്‌പേസ് ലിമിറ്റഡ് എന്ന കമ്പനിക്ക് പുറം പണി കരാര്‍ നല്‍കാനും ധാരണയായി. (യുദ്ധസാമഗ്രികള്‍ വാങ്ങുമ്പോള്‍, മൊത്തം ചെലവാക്കിയ തുകയുടെ മുപ്പതു ശതമാനം ജോലികള്‍ ഒരു ഇന്ത്യന്‍ കമ്പനിക്ക് നല്‍കണം എന്ന് വ്യവസ്ഥയുണ്ട്.)
പ്രതിരോധമന്ത്രിയായിരുന്ന മലയാളിയായ എ.കെ ആന്റണിയുടെ കീഴില്‍ അഞ്ചു വര്‍ഷത്തെ കൂടിയാലോചനകള്‍ക്ക് ശേഷം സുതാര്യമായ പ്രക്രിയയിലൂടെയാണ് റാഫേല്‍ കരാര്‍ മന്‍മോഹന്‍ സര്‍ക്കാര്‍ ഉറപ്പിച്ചതെങ്കില്‍ അത്തരം വിപുലമായ കൂടിയാലോചനകള്‍ ഒന്നുമില്ലാതെയാണ് മോദി പഴയ കരാര്‍ തള്ളി പുതിയ ധാരണാപത്രം ഒപ്പിട്ടത്. ഇത്തരമൊരു ധാരണ ഒപ്പിടുന്ന വേളയില്‍ രാജ്യത്തിന്റെ പ്രതിരോധ മന്ത്രി ഒപ്പം ഉണ്ടായിരുന്നില്ലെന്നതാണ് ഏറ്റവും വിചിത്രമായ കാര്യം. 2015 ഏപ്രിലില്‍ മോദി ഫ്രഞ്ച് കമ്പനിയുമായി കരാറില്‍ ഏര്‍പ്പെടുമ്പോള്‍ അന്നത്തെ പ്രതിരോധ മന്ത്രി മനോഹര്‍ പരീക്കര്‍ ഗോവയിലെ പനാജിയില്‍ മൊബൈല്‍ മത്സ്യ മാര്‍ക്കറ്റ് ഉദ്ഘാടനം ചെയ്യുകയായിരുന്നു. പ്രതിരോധ മന്ത്രാലയത്തിലെ ഉന്നത ഉദ്യോഗസ്ഥരോ വ്യോമസേനയിലെയോ എച്ച്.എ.എല്ലിലെ ഉദ്യോഗസ്ഥരോ ചടങ്ങില്‍ സംബന്ധിച്ചിരുന്നില്ല. അതേസമയം പ്രതിരോധ മേഖലയുമായി അത്രയധികം ബന്ധമൊന്നുമില്ലാത്ത അനില്‍ അംബാനിയുടെ സജീവ സാന്നിധ്യം ഉണ്ടായിരുന്നു.
2015 മാര്‍ച്ച് മാസത്തില്‍ മാത്രം രൂപീകൃതമായ റിലയന്‍സ് എയ്‌റോസ്‌പേസിനാണ് പുറം പണി കരാര്‍ ലഭിച്ചത്. ഈ മേഖലയില്‍ പ്രത്യേകിച്ച് യാതൊരു മുന്‍ പരിചയവും ഇല്ലാത്ത കമ്പനിക്ക് ഏതാണ്ട് 20000 കോടി രൂപയുടെ കരാര്‍ ലഭിച്ചുവെന്നര്‍ത്ഥം. ഒപ്പം സര്‍ക്കാരിനുണ്ടായ വന്‍ സാമ്പത്തിക നഷ്ടം വേറെയും. ഉറപ്പുവരുത്താമെന്നു പറഞ്ഞ 20000 ത്തില്‍ അധികം പുതിയ ജോലികളെക്കുറിച്ചും വിവരമൊന്നുമില്ല. തീര്‍ച്ചയായും ഇത് ഇന്ത്യന്‍ രാഷ്ട്രീയത്തില്‍ വന്‍ വിവാദത്തിനു തിരികൊളുത്തുമെന്ന് ഉറപ്പാണ്. ഇത്തരം വിഷയങ്ങളില്‍ ബി.ജെ.പിയുടെ ‘ധാര്‍മിക’ പ്രതിരോധമായിരുന്ന സുബ്രഹ്മണ്യം സ്വാമി കരാര്‍ അഴിമതി നിറഞ്ഞതാണെന്ന് പറയുകകൂടി ചെയ്തിരിക്കുന്നു.