rain in kerala – Chandrika Daily

സംസ്ഥാനത്ത് ഇന്നും പരക്കെ മഴ സാധ്യത; നാല് ജില്ലകളില്‍ യെല്ലോ അലര്‍ട്ട്

webdesk11 — Sun, 17 Sep 2023 02:37:25 +0000

സംസ്ഥാനത്ത് ഇന്നും പരക്കെ മഴ സാധ്യത. നാല് ജില്ലകളില്‍ ഇന്ന് യെല്ലോ അലര്‍ട്ടാണ്. ഇടുക്കി, മലപ്പുറം, കണ്ണൂര്‍, കാസര്‍കോട് എന്നീ ജില്ലകളിലാണ് യെല്ലോ അലര്‍ട്ട് പ്രഖ്യാപിച്ചിരിക്കുന്നത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് ഈ ജില്ലകളില്‍ പ്രവചിക്കപ്പെട്ടിരിക്കുന്നത്.

സംസ്ഥാനത്ത് അതിശക്തമായ മഴ തുടരും; 7 ജില്ലകളില്‍ മഞ്ഞ അലര്‍ട്ട്

webdesk11 — Mon, 11 Sep 2023 10:21:18 +0000

കേരളത്തില്‍ അടുത്ത ദിവസങ്ങളിലും മഴ തുടരുമെന്ന് കേന്ദ്ര കാലാവസ്ഥാവകുപ്പ്. ഇതിന്റെ അടിസ്ഥാനത്തില്‍ ഇന്ന് കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, മലപ്പുറം എന്നീ ജില്ലകളില്‍ മഞ്ഞ അലര്‍ട്ട് പ്രഖ്യാപിച്ചു.

നാളെ എറണാകുളം, ഇടുക്കി, മലപ്പുറം എന്നീ ജില്ലകളിലാണ് മഞ്ഞ അലര്‍ട്ട് പ്രഖ്യാപിച്ചിട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില്‍ 64.5 മില്ലിമീറ്റര്‍ മുതല്‍ 115.5 മില്ലിമീറ്റര്‍ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്‍ത്ഥമാക്കുന്നത്.

സംസ്ഥാനത്ത് ഇന്ന് വ്യാപക മഴയ്ക്ക് സാധ്യത

webdesk11 — Fri, 14 Jul 2023 01:56:13 +0000

സംസ്ഥാന ഇന്ന് വ്യാപക മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ്. ഒറ്റപ്പെട്ട ഇടങ്ങളില്‍ ശക്തമായ മഴയ്ക്കും സാധ്യത. ഇടുക്കി,കണ്ണൂര്‍,കാസര്‍കോട് ജില്ലകളില്‍ മഞ്ഞ അലര്‍ട്ട് പ്രഖ്യാപിച്ചു. വടക്കന്‍ ജില്ലകളിലാണ് കൂടുതല്‍ മഴക്ക് സാധ്യത.

സംസ്ഥാനത്ത് മഴയുടെ ശക്തി കുറഞ്ഞു; ഇന്ന് ഒരു ജില്ലയില്ലും മഴ മുന്നറിയിപ്പില്ല

webdesk11 — Sun, 09 Jul 2023 02:52:10 +0000

കേരളത്തില്‍ മഴയുടെ ശക്തി കുറഞ്ഞതായി കേന്ദ്ര കാലാവസ്ഥ വകുപ്പ്. വടക്കന്‍ കേരളത്തില്‍ ഇടവിട്ട് മഴയുണ്ടാകും.സംസ്ഥാനത്ത് ഒട്ടാകെ ഇന്ന് ഒറ്റപ്പെട്ട മഴയ്ക്കും സാധ്യതയുണ്ട്. ഇന്ന് ഒരു ജില്ലയിലും മഴ മുന്നറിയിപ്പില്ല.

പന്ത്രണ്ടാം തീയതിയോടെ മഴ വീണ്ടും കനക്കാന്‍ സാധ്യതയുണ്ട്.

സംസ്ഥാനത്ത് വേനല്‍ മഴയില്‍ 34 ശതമാനം കുറവ്

webdesk11 — Thu, 01 Jun 2023 10:44:57 +0000

കൊച്ചി: സംസ്ഥാനത്ത് ഇക്കുറിയും പ്രതീക്ഷിച്ച തോതില്‍ വേനല്‍ മഴ ലഭിച്ചില്ല. 34 ശതമാനത്തിന്റെ കുറവാണ് വേനല്‍മഴയില്‍ രേഖപ്പെടുത്തിയത്. 359.1 മില്ലി മീറ്റര്‍ മഴ ലഭിക്കേണ്ട സ്ഥാനത്ത് 236.4 മി.മീ മഴ മാത്രമാണ് ലഭിച്ചതെന്ന് കണക്കുകള്‍ വ്യക്തമാക്കുന്നു. കാസര്‍കോട് ജില്ലയിലാണ് ഏറ്റവും കുറഞ്ഞ വേനല്‍മഴ രേഖപ്പെടുത്തിയത് 76.1 മിമീ. 71 ശതമാനം മഴയുടെ കുറവാണ് ജില്ലയില്‍ രേഖപ്പെടുത്തിയിട്ടുള്ളത്.

മലപ്പുറം, കോഴിക്കോട് ജില്ലകളാണ് മഴ കുറവ് രേഖപ്പെടുത്തിയിട്ടുളള മറ്റ് സ്ഥലങ്ങള്‍. ഇവിടങ്ങളില്‍ യഥാക്രമം 61, 60 ശതമാനത്തിന്റെ കുറവ് രേഖപ്പെടുത്തി. കണ്ണൂര്‍ തൃശൂര്‍ ജില്ലകളിലും സാധാരണ ലഭിക്കേണ്ടിയിരുന്ന മഴയുടെ പകുതി മാത്രമാണ് വേനലില്‍ പെയ്തത്. അതേസമയം പത്തനംതിട്ട ജില്ലയില്‍ കൂടുതല്‍ മഴ ലഭിച്ചു, 558.4 മി.മീ. 235.8 മി.മീ മഴ ലഭിച്ച വയനാട് ജില്ലയിലും സാധാരണ നിലയിലുള്ള മഴയാണ് പെയ്തത്. കോട്ടയം, ഇടുക്കി ജില്ലകളില്‍ ഉച്ചകഴിഞ്ഞ് ഇടിയോടുകൂടിയ മഴ ഇപ്പോഴും തുടരുന്നുമുണ്ട്. മുമ്പെങ്ങുമില്ലാത്ത വിധം കടുത്ത ചൂടാണ് ഇത്തവണ സംസ്ഥാനത്ത് രേഖപ്പെടുത്തിയത്. സംസ്ഥാന വ്യാപകമായി വേനല്‍ക്കാല ചര്‍മ രോഗങ്ങളും റിപ്പോര്‍ട്ട് ചെയ്തിരുന്നു. എന്നാല്‍ വേനല്‍ മഴയില്‍ കുറവുണ്ടായെങ്കിലും ഇത്തവണ കാലവര്‍ഷം കനക്കുമെന്നാണ് കാലാവസ്ഥ വകുപ്പിന്റെ പ്രവചനം.