തൊട്ടടുത്ത ദിവസങ്ങളിൽ പത്തനംതിട്ടയ്ക്ക് പുറമേ തിരുവനന്തപുരം ഇടുക്കി ജില്ലകളിൽ കൂടി യെല്ലോ അലർട്ട് പ്രഖ്യാപിച്ചിട്ടുണ്ട്. എന്നാൽ ഈ ദിവസങ്ങളിലെല്ലാം സംസ്ഥാനത്തിന്റെ വിവിധ ഭാഗങ്ങളിൽ ഒറ്റപ്പെട്ട ശക്തമായ ഇടിയോടുകൂടിയ മഴയുണ്ടാകുമെന്നാണ് മുന്നറിയിപ്പ്. നഗരപ്രദേശങ്ങളിലും മലയോര മേഖലകളിലും ഇടനാടുകളിലും കനത്ത മഴ ലഭിച്ചേക്കും. ഇടിമിന്നലോടു കൂടിയ മഴയായതിനാൽ കാലാവസ്ഥാ വകുപ്പ് ഇടിമിന്നൽ ജാഗ്രത നിർദ്ദേശവും പുറപ്പെടുവിച്ചിട്ടുണ്ട്.

അതേസമയം ഇന്ന് കള്ളക്കടൽ പ്രതിഭാസത്തിന്റെ ഭാഗമായി കേരളതീരത്ത് രാത്രി 11.30 വരെ ഉയർന്ന തിരമാലയ്ക്കും ശക്തമായ കടലാക്രമണത്തിനും സാധ്യതയുണ്ടെന്നാണ് സമുദ്ര സ്ഥിതി പഠന ഗവേഷണ കേന്ദ്രത്തിന്റെ മുന്നറിയിപ്പ്. മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണം.

കേരളതീരത്തിന് അരികെയായി ചക്രവാതച്ചുഴി പ്രത്യക്ഷപ്പെട്ടതിനാലാണിത്. തിരുവനന്തപുരം മുതല്‍ വടക്ക് വയനാട് വരെയാണ് യെല്ലോ അലര്‍ട്ട്.

കണ്ണൂര്‍, കാസര്‍കോട് ജില്ലകളില്‍ യെല്ലോ അലര്‍ട്ടില്ല.നാളെ എട്ടുജില്ലകളില്‍ യെല്ലോ അലര്‍ട്ടുണ്ട്. ചൊവ്വാഴ്ചവരെ കനത്തതും വ്യാപകമായതുമായ മഴക്ക് സാധ്യതയുണ്ടെന്നാണ് കാലാവസ്ഥാപ്രവചനം.

പടിഞ്ഞാറ് വടക്ക് പടിഞ്ഞാറ് ദിശയില്‍ സഞ്ചരിച്ച് തീവ്ര ന്യൂനമര്‍ദ്ദമായി ഇന്ന് വൈകുന്നേരത്തോടെ വടക്കന്‍ ആന്ധ്രാപ്രദേശിന്റെയും തെക്കല്‍ ഒഡിഷ തീരത്തിനുമിടയില്‍ കരയില്‍ പ്രവേശിക്കാന്‍ സാധ്യതയുണ്ട്.ഒഡീഷ, തീരദേശ ആന്ധ്ര, ബംഗാള്‍, തെലങ്കാന സംസ്ഥാനങ്ങളില്‍ കനത്ത മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്‍കിയിട്ടുണ്ട്.

തിരുവനന്തപുരം: സംസ്ഥാനത്ത് തകര്‍ത്തു പെയ്തു കൊണ്ടിരുന്ന മഴയുടെ ശക്തി ഇന്നു മുതല്‍ കുറയുമെന്ന് കാലാവസ്ഥാ നിരീക്ഷണ കേന്ദ്രം. ഓറഞ്ച് അലര്‍ട്ട് പിന്‍വലിച്ചു. കാസര്‍കോട്, കണ്ണൂര്‍, കോഴിക്കോട്, മലപ്പുറം, തൃശൂര്‍, എറണാകുളം, ഇടുക്കി ജില്ലകളില്‍ ശക്തമായ മഴയ്ക്കു സാധ്യതയുള്ളതിനാല്‍ യെലോ അലര്‍ട്ട് തുടരും.

അതേസമയം ഷോളയാര്‍, കല്ലാര്‍കുട്ടി, കുണ്ടള, പെരിങ്ങല്‍ക്കുത്ത്, ലോവര്‍ പെരിയാര്‍, മൂഴിയാര്‍, പൊന്മുടി, ഇരട്ടയാര്‍, ബാണാസുര ഡാമുകളില്‍ ജലനിരപ്പ് അപകട നിലയില്‍ ഉയര്‍ന്നതിനാല്‍ റെഡ് അലെര്‍ട്ട് തുടരുകയാണ്.

മഴയുടെ ശക്തി കുറഞ്ഞൈങ്കിലും അറബിക്കടല്‍ പ്രക്ഷുബ്ധമായതിനാല്‍ മത്സ്യ തൊഴിലാളികള്‍ക്ക്് ഇന്നും കടലില്‍ പോകാന്‍ അനുമതിയില്ല. കൊല്ലം അഴീക്കലില്‍ വിലക്കു ലംഘിച്ച് മീന്‍ പിടിക്കാന്‍ പോയ ബോട്ട് ഇന്നു രാവിലെ തകര്‍ന്ന് ഒരാള്‍ മരിച്ചിട്ടുണ്ട്. ഒരാളെ കാണാതായി. ആകെ അഞ്ചു പേരുണ്ടായിരുന്ന ബോട്ടിലെ മൂന്നു പേര്‍ നീന്തി രക്ഷപ്പെട്ടു. ശ്രായിക്കാട് സ്വദേശി സുധന്‍ ആണ് മരിച്ചത്. ബോട്ടിന്റെ ഉടമ അശോകനു വേണ്ടിയുള്ള തിരച്ചില്‍ തുടരുന്നു.

തിരുവനന്തപുരം:അറബിക്കടലിലെ തീവ്ര ന്യൂനമര്‍ദ്ദം, ചുഴലിക്കാറ്റായി മാറിയെന്ന് കേന്ദ്ര കാലാവസ്ഥ നിരീക്ഷണ കേന്ദ്രം. സംസ്ഥാനത്ത് വരും ദിവസങ്ങളില്‍ ശക്തമായ കാറ്റും മഴയും തുടരും. 40 മുതല്‍ 50 കീലോമീറ്റര്‍ വരെ വേഗതയില്‍ കാറ്റ് വീശിയേക്കും. കേരള തീരത്ത് ശനിയാഴ്ച വരെ മീന്‍പിടുത്തം പൂര്‍ണ്ണമായും നിരോധിച്ചു. എറണാകുളത്ത് തീരദേശ താലൂക്കുകളായ കൊച്ചിയിലും പറവൂരിലും തൃശ്ശൂരിലെ ചാവക്കാട്, കൊടുങ്ങല്ലൂര്‍ താലൂക്കുകളിലും ഇന്ന് വിദ്യാഭ്യാസ സ്ഥാപനങ്ങള്‍ക്ക് അവധി പ്രഖ്യാപിച്ചു. ആലപ്പുഴ ജില്ലയില്‍ വെള്ളക്കെട്ട് മൂലം പ്രയാസം നേരിടുന്ന സ്‌കൂളുകള്‍ക്ക് അവധി നല്‍കുന്നതിന് വിദ്യാഭ്യാസ ഉപഡയറക്ടറെ ചുമതലപ്പെടുത്തിയതായി ജില്ലാ കളക്ടര്‍ അറിയിച്ചു

ശനിയാഴ്ച ശക്തമായ കാറ്റിന് സാധ്യത
ശ്രീലങ്കന്‍ തീരത്ത് രൂപപ്പെട്ട്, ലക്ഷദ്വീപ് ഭാഗത്തേക്ക് നീങ്ങുന്ന തീവ്രന്യൂനമര്‍ദ്ദം അടുത്ത 24 മണിക്കൂറിനുള്ളില്‍ അതിതീവ്രമാകും. ലക്ഷദ്വീപിന് കുറുകെ സഞ്ചരിച്ച് ഇത് മഹാ എന്ന് പേരുള്ള ചുഴലിക്കാറ്റായി മാറിയെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. ശനിയാഴ്ച ചുഴലിക്കാറ്റ് കൂടുതല്‍ ശക്തി പ്രാപിക്കും. ഇതിന്റെ പ്രഭാവത്തില്‍ ശനിയാഴ്ച സംസ്ഥാനത്ത് മണിക്കൂറില്‍ 90 കിലോ മീറ്റര്‍ വേഗതയില്‍ വരെ കാറ്റ് വീശാന്‍ സാധ്യതയുണ്ട്.

നാല് ജില്ലകളില്‍ ഓറഞ്ച് അലേര്‍ട്ട്
തിരുവനന്തപുരത്ത് ശക്തമായ കാറ്റിലും മഴയിലും പലയിടങ്ങളിലും മരങ്ങള്‍ ഒടിഞ്ഞു വീണു. ശക്തമായ തിരമാലകള്‍ക്കും കാറ്റിനും സാധ്യതയുള്ളതിനാല്‍ കടലില്‍ പോയ മത്സ്യതൊഴിലാളികള്‍ ഉടന്‍ മടങ്ങിയെത്തണമെന്നും നിര്‍ദ്ദേശമുണ്ട്.

പൊതുജനങ്ങളും കൂടുതല്‍ ജാഗ്ര പാലിക്കണമെന്ന് ദുരന്ത നിവാരണ അതോറിറ്റി ആവശ്യപ്പെട്ടു. എറണാകുളം, തൃശ്ശൂര്‍, മലപ്പുറം, കോഴിക്കോട് ജില്ലകളില്‍ ഇന്ന് ഓറഞ്ച് അലേര്‍ട്ട് പ്രഖ്യാപിച്ചു. ലക്ഷദ്വീപില്‍ അതീവ ജാഗ്രതാ നിര്‍ദ്ദേശമാണ് നല്‍കിയിരിക്കുന്നത്. മൂന്നാം തീയതിയോടെ ബംഗാള്‍ ഉള്‍ക്കടലില്‍ ആന്‍ഡമാന്‍ തീരത്ത് മറ്റൊരു ന്യൂനമര്‍ദ്ദം രൂപപ്പെടാനും സാധ്യതയുണ്ട്.അറബിക്കടലില്‍ ലക്ഷദ്വീപ് മേഖലയിലായി രൂപം കൊണ്ട ‘മഹ’ എന്ന് പേരിട്ടിരിക്കുന്ന ചുഴലിക്കാറ്റ് സിസ്റ്റം മണിക്കൂറില്‍ 24 കിമീ വേഗതയില്‍ കഴിഞ്ഞ 6 മണിക്കൂറായി സഞ്ചരിച്ചു കൊണ്ടിരിക്കുന്നു.

ബസുകള്‍ മാത്രമാണ് പലയിടത്തും റോഡുകളിലൂടെ സഞ്ചരിക്കുന്നത്. എം.ജി. റോഡിലെ പലകടകളിലും വെള്ളം കയറി. ഞായറാഴ്ച വൈകീട്ട് മുതലാണ് എറണാകുളം ജില്ലയില്‍ ശക്തമായ മഴ തുടങ്ങിയത്.

കനത്ത മഴയെ തുടര്‍ന്ന് എറണാകുളം സൗത്തിലെ റെയില്‍വേ ട്രാക്കുകളില്‍ വെള്ളം കയറിയതിനാല്‍ പല ട്രെയിനുകളും വിവിധ സ്‌റ്റേഷനിലുകളായി പിടിച്ചിട്ടിരിക്കുകയാണ്. ഇതുവഴിയുള്ള ട്രെയിന്‍ ഗതാഗതം താത്കാലികമായി നിര്‍ത്തിവെച്ചു. എറണാകുളംആലപ്പുഴ പാസഞ്ചര്‍ റദ്ദാക്കി.

ദൃശ്യം സിനിമയിൽ ഐ ജി ഗീത പ്രഭാകർ പറയുന്ന ഒരു ഡയലോഗുണ്ട്. “അവരുടെ കഥകളെല്ലാം വിശ്വസിച്ചു എന്ന രീതിയിൽ വേണം അവരെ പറഞ്ഞു വിടാൻ.” അത് കഴിഞ്ഞു വീട്ടിൽ ചെന്ന് റാണി ജോർജ് കുട്ടിയോട് പറയുന്നു. “എന്തായാലും എല്ലാം കഴിഞ്ഞല്ലോ…ആശ്വാസം.” അപ്പോൾ ജോർജ് കുട്ടി തിരിച്ചു പറയുന്നു. “റാണീ, ഒന്നും കഴിഞ്ഞിട്ടില്ല. അവരിനിയും വരും.” പിന്നീടൊരിക്കൽ റാണിയുടെ സഹോദരൻ രാജേഷ് ജോർജ് കുട്ടിയോട് ചോദിക്കുന്നു. ഇനിയും വരുമെന്നോ? എന്തിന്? എന്നോടെങ്കിലും പറയ്…” വാചകങ്ങളൊക്കെ ഏകദേശമാണ്. എന്തായാലും ഉദ്ദേശിച്ചത് മനസ്സിലായല്ലോ. ഒന്നും കഴിഞ്ഞിട്ടില്ല. അവർ വീണ്ടും വരും! അതെ മഴ വീണ്ടും വരും.

ഇന്ന് രാത്രി അല്ലെങ്കിൽ നാളെ പുലർച്ചെയായി ശക്തമായ മഴ വീണ്ടും വരും. ഇനിയുള്ളത് തരംഗമഴയുടെ ദിവസങ്ങളാണ്. മഴ തിര കണക്കെ വന്നു കൊണ്ടിരിക്കും. ബുധൻ, വ്യാഴം ദിവസങ്ങളിൽ കൂടുതൽ മഴ വരും. വിയറ്റ്നാം ഭാഗത്ത് ശക്തമായി രൂപപ്പെടുന്ന ന്യൂനമർദ്ദവും ഒഡിഷ തീരത്തുള്ള ന്യൂനമർദ്ദവും കാറ്റിനെ ആകർഷിക്കും എന്നതിനാലും വിയറ്റ്നാം കടലിലെ ന്യൂനമർദ്ദം കൂടുതൽ ശക്തിയുള്ളതായതിനാലും കാറ്റിന്റെ ദിശ കിഴക്കോട്ട് തന്നെയാവാനാണ് സാധ്യത. അങ്ങനെ വന്നാൽ, കിഴക്കോട്ട് തരംഗങ്ങളായി വരുന്ന മഴ മലമ്പ്രദേശങ്ങളിൽ തടഞ്ഞു നിന്ന് കൂടുതൽ മഴ കിട്ടാൻ സാധ്യത തെളിയുന്നു. ഡാമുകളിൽ വെള്ളം നിറയാൻ ഇത് സഹായിക്കും.

സുഡാനിൽ നിന്നുള്ള മേഘങ്ങൾ അറബിക്കടലിൽ എത്തുകയും അതിപ്പോൾ കേരളതീരത്തേക്ക് ലാക്കാക്കി നീങ്ങുകയും ചെയ്യുന്നുണ്ടെന്നത് വ്യക്തമാണ്. ആദ്യം നമുക്ക് കിട്ടുക സുഡാനി മഴയാണ്. മിക്കവാറും അത് ഇന്ന് രാത്രിയിലോ നാളെ പുലർച്ചെയോ കാലത്തോ ആയി കിട്ടും. വരുന്ന മണിക്കൂറുകളിൽ ഇതേപ്പറ്റി കൂടുതൽ വ്യക്തതയുണ്ടാവും. സുഡാനിൽ മേഘങ്ങൾ ഇപ്പോഴും ഉണ്ടെങ്കിലും അതിന്റെ ശക്തി അവിടെ വളരെ കുറഞ്ഞിരിക്കുന്നതിനാൽ കൂടുതൽ സുഡാനി മേഘങ്ങൾ പ്രതീക്ഷിക്കുന്നില്ല. എങ്കിലും, വരും ദിവസങ്ങളിൽ ഈ റൂട്ട് ശ്രദ്ധാപൂർവ്വം വീക്ഷിക്കേണ്ടതുണ്ട്.

സുഡാനി മഴയ്ക്ക് പിന്നാലെ അന്റാർട്ടിക്ക മഴ വരുന്നുണ്ട്. അന്റാർട്ടിക്കയുടെയും ഓസ്‌ട്രേലിയയുടെയും അടുത്ത് നിന്നുള്ള കനത്ത മേഘപാളികളിൽ നിന്നുള്ള മേഘങ്ങൾ ഇപ്പോൾ ആഫ്രിക്കൻ തീരം വിട്ടു. സുഡാനി മഴയുടെ പിറകെ പിടിച്ചു അത് കേരളത്തിലേക്ക് തന്നെ എത്തുമെന്നാണ് കരുതപ്പെടുന്നത്. ഇതേപ്പറ്റി ഇന്ന് വൈകീട്ട്, അല്ലെങ്കിൽ നാളെ കൂടുതൽ പറയാം. അന്റാർട്ടിക്ക മഴ എന്തായാലും നാളെയേ എത്തൂ. മിക്കവാറും നാളെ വൈകീട്ട്. അതിനാൽ ഇന്ന് വൈകീട്ടത്തെ കാര്യം പിന്നീട് പറയാം, പക്ഷെ, നാളെയും മറ്റന്നാളും മഴ ദിവസമാകാനുള്ള സാധ്യത ഏറെയാണ്.

പ്രെഷർ മാപ്പിൽ നോക്കിയാൽ, ന്യൂനമർദ്ദങ്ങൾ ഉണ്ടാവുന്നത് ഏകദേശം ഒരേ നിരയിലാണെന്ന് കാണാം. ഈ നിറയെ കേന്ദ്രീകരിച്ചു തന്നെയാണ് ഇപ്പോൾ മഴയുടെയും നീക്കം. ഭൂമിയുടെ ഈ അക്ഷാംശത്തിലാണ് മഴ മേഘങ്ങൾ കറങ്ങുന്നത്. കേരളത്തിന് അനുകൂലമാണ് ഈ മേഘനീക്കം. ഇത് വടക്കോട്ട് നീങ്ങിയിരുന്നത് കൊണ്ടാണ് ഈ വര്ഷം ജൂൺ മാസത്തിൽ നമുക്ക് കിട്ടിയ മഴ കുറവായത്. എന്തായാലും ഈ ന്യൂനമർദ്ദങ്ങളെ നിരീക്ഷിച്ചു കൊണ്ടിരിക്കണം.

ഇപ്പോൾ കടലിലുള്ള മേഘങ്ങൾ കടലിൽ പെയ്തൊഴിയാനുള്ള സാധ്യത തള്ളിക്കളയാൻ പറ്റില്ല. കാരണം, കേരളതീരത്തുള്ള കാറ്റിന്റെ വേഗത ഇപ്പോൾ കുറവാണ്. ഇരുപതുകളിലാണ് അവ ഇപ്പോൾ. കൊല്ലം തിരുവനന്തപുരം ഭാഗത്തു കാറ്റ് രണ്ടു കിലോമീറ്റര് മുതൽ അഞ്ചു കിലോമീറ്റര് വരെയും വേഗതയിലേക്ക് കുറഞ്ഞതിനാൽ അങ്ങോട്ട് മഴ എത്തുക ബുദ്ധിമുട്ടാവും. ഇപ്പോഴത്തെ നിലയിൽ വടക്കൻ കേരളത്തിലാണ് മഴമേഘങ്ങൾക്ക് എത്താൻ പറ്റിയ അന്തരീക്ഷം. എങ്കിലും സൂര്യാസ്തമനത്തോടെ കാറ്റിന്റെ വേഗത മാറാമെന്നതിനാൽ മാറ്റം പ്രതീക്ഷിക്കാവുന്നതാണ്. സുഡാനി മഴ നേരത്തെ എത്തുകയാണെങ്കിൽ കനത്ത മഴ ഉണ്ടാവും. അതായത്, ഇന്ന് വൈകീട്ടോ നാളെ പുലർച്ചെയോ ആയി ഈ മഴ കിട്ടുന്നുണ്ടെങ്കിൽ അത് ശക്തമായിരിക്കും. അതല്ല, നാളെ പകലാണ് പെയ്തു തുടങ്ങുന്നതെങ്കിൽ മഴ ശക്തി കുറവായിരിക്കും. അത് പോലെ തന്നെ, അന്റാർടിക്ക മഴ നാളെ വൈകുന്നേരം കിട്ടുന്നുണ്ടെങ്കിൽ ശക്തമായിരിക്കും. അത് വിട്ട് പോവുകയാണെങ്കിൽ ശക്തി കുറവായിരിക്കും. (അന്റാർട്ടിക്ക മഴ ഇപ്പോൾ തന്നെ കടലിൽ ശക്തമായാണ് പെയ്യുന്നത്.) ഈ മഴക്കാലത്ത് പഠിച്ചു പരീക്ഷ എഴുതുന്ന കുട്ടികളെ ഓർത്തു സഹതാപമുണ്ട്. അല്ലാത്തവർക്ക് ഇത് രണ്ടു നല്ല മഴ ദിവസം വരുന്നു എന്ന് കരുതാനേ ഉള്ളൂ.

അതിനാൽ ജോർജ് കുട്ടി പറഞ്ഞത് തന്നെ വീണ്ടും ആവർത്തിക്കുന്നു. അവർ വീണ്ടും വരും. അവർ മാറ്റിയും മറിച്ചും ഒക്കെ ചോദിക്കും. അപ്പൻ അങ്ങനെ പറഞ്ഞല്ലോ, ‘അമ്മ ഇങ്ങനെ പറഞ്ഞല്ലോ എന്നൊക്കെ പറയും. പക്ഷെ, നിങ്ങൾ പറഞ്ഞതിൽ ഉറച്ചു നിൽക്കണം. അപ്പോൾ, ചോദ്യം, “പള്ളിയിൽ ചെന്ന് എത്ര സമയം കഴിഞ്ഞാണ് ധ്യാനം തുടങ്ങിയത്?”