raj – Chandrika Daily

രാജസ്ഥാനില്‍ പാചക വാതകത്തിന് 500 രൂപ, പങ്കാളിത്ത പെന്‍ഷന്‍ നീക്കി. 2000 യൂണിറ്റ് വരെ കര്‍ഷകര്‍ക്ക് സൗജന്യവൈദ്യുതി

Chandrika Web — Sat, 11 Feb 2023 08:11:02 +0000

കോണ്‍ഗ്രസ് ഭരിക്കുന്ന രാജസ്ഥാനില്‍ പാചക വാതകത്തിന് 500 രൂപ. വന്‍ ആനുകൂല്യങ്ങളുമായാണ് മുഖ്യമന്ത്രി ഗെലോട്ട് ബജറ്റ് അവതരിപ്പിച്ചത്. കേരളത്തില്‍ നികുതിക്കൊള്ള എന്ന ആരോപണത്തിന്റെ പശ്ചാത്തലത്തില്‍ രാജസ്ഥാന്‍ ബജറ്റ് ശ്രദ്ധേയമായിരിക്കുകയാണ്. ആരോഗ്യപരിരക്ഷയുടെ സംഖ്യ 10ല്‍നിന്ന് 25 ലക്ഷമാക്കി. 2000 യൂണിറ്റ് വരെ കര്‍ഷകര്‍ക്ക് സൗജന്യവൈദ്യുതി, ഒരു കോടി കുടുംബങ്ങള്‍ക്ക് സൗജന്യറേഷനും ഭക്ഷ്യകിറ്റും. ബി.പി.എല്‍കാരായ 76 ലക്ഷം കുടുംബങ്ങള്‍ക്കാണ് 500 രൂപയുടെ സിലിണ്ടര്‍ നല്‍കുക. ദിവസവും സ്‌കൂള്‍കുട്ടികള്‍ക്ക് പാല്‍. പുതിയ പങ്കാളിത്ത പെന്‍ഷന്‍ നീക്കി. പഴയ പദ്ധതി തുടരും. പെണ്‍കുട്ടികള്‍ക്കായി 30,000 വൈദ്യുതിസ്‌കൂട്ടറുകള്‍. കര്‍ഷകര്‍ക്ക് 3000 കോടിയുടെ പലിശരഹിത വായ്പ എന്നിവയാണ് ആനുകൂല്യങ്ങള്‍.

ബി.ജെ.പിയില്‍ ചേര്‍ന്നില്ലെങ്കില്‍ ബുള്‍ഡോസര്‍ എത്തുമെന്ന് മന്ത്രി

Chandrika Web — Fri, 20 Jan 2023 10:26:35 +0000

മധ്യപ്രദേശില്‍ അടുത്തു നടക്കാനിരിക്കുന്ന നയമസഭാ തെരഞ്ഞെടുപ്പിലും വര്‍ഗീയത ആളിക്കത്തിക്കാന്‍ ബി.ജെ.പി . ബി.ജെ.പിയിലേക്ക് ചേര്‍ന്നില്ലെങ്കില്‍ ശിവരാജ് സിംഗ് സര്‍ക്കാര്‍ ബുള്‍ഡോസര്‍ ഉപയോഗിച്ച് വീടുകള്‍ തകര്‍ക്കുമെന്ന് സംസ്ഥാന തദ്ദേശമന്ത്രി മഹേന്ദ്രസിംഗ് സിസോദിയ ഭീഷണിപ്പെടുത്തി. രഘോഗഡ് തദ്ദേശ ഉപതിരഞ്ഞെടുപ്പ് പ്രചാരണത്തിനിടെയാണ് മന്ത്രിയുടെ ഭീഷണി. കോണ്‍ഗ്രസില്‍നിന്ന് പുറത്ത് വരണമെന്നും അല്ലാതിരുന്നാല്‍ ബുള്‍ഡോസര്‍ വരുമെന്നും മന്ത്രി പറഞ്ഞു.
കഴിഞ്ഞ വര്‍ഷം സര്‍ക്കാര്‍ മുസ്‌ലിംകളുടെ വീടുകള്‍ ബുള്‍ഡോസര്‍ ഉപയോഗിച്ച് തകര്‍ത്തിരുന്നു. കേസില്‍ പ്രതികളായവരെയാണ് ബുള്‍ഡോസര്‍ ഉപയോഗിച്ച് ഭീഷണിപ്പെടുത്തിയത്. ഇതിനെതിരെ സുപ്രീംകോടതി പോലും താക്കീത് ചെയ്തിരുന്നു. ഡല്‍ഹി ഉള്‍പ്പെടെ പലസംസ്ഥാനങ്ങളിലും ബി.ജെ.പി സര്‍ക്കാരുകളും തദ്ദേശസ്ഥാപനങ്ങളും ചേര്‍ന്നാണ് മുസ്‌ലിം പ്രദേശങ്ങള്‍ കേന്ദ്രീകരിച്ച് ബുള്‍ഡോസര്‍രാജ് പ്രയോഗിക്കുന്നത്.

ഗവര്‍ണറെ അറിയിച്ചില്ല; മുഖ്യമന്ത്രിയുടെ വിദേശ യാത്രയില്‍ രാജ്ഭവന് അതൃപ്തി

Test User — Tue, 04 Oct 2022 08:52:32 +0000

മുഖ്യമന്ത്രിയുടെ വിദേശയാത്ര അറിയിക്കാത്തതില്‍ രാജ്ഭവന് അതൃപ്തി. മുഖ്യമന്ത്രിമാരും മന്ത്രിമാരും ഉദ്യോഗസ്ഥരും ഔദ്യോഗികമായി വിദേശയാത്രയ്ക്ക് പോകുമ്പോള്‍ ഗവര്‍ണറെ കണ്ട് നേരിട്ട് അറിയിക്കാറാണ് പതിവ്. അതുമല്ലെങ്കില്‍ കത്തിലൂടെയോ ഉദ്യോഗസ്ഥര്‍ മുഖേനയോ യാത്രയുടെ വിശദാംശങ്ങള്‍ ഗവര്‍ണറെ അറിയിക്കാറുണ്ട്.

എന്നാല്‍ ഇക്കുറി ഗവര്‍ണറെ അറിയിക്കുന്ന പതിവ് തെറ്റിച്ചുവെന്നാണ് ആക്ഷേപം.

കോടിയേരിയുടെ അന്ത്യാഞ്ജലിയര്‍പ്പിക്കാന്‍ കണ്ണൂരില്‍ എത്തിയപ്പോള്‍ സംഭാഷണത്തിനിടെ അനൗദ്യോഗികമായി മുഖ്യമന്ത്രി വിദേശയാത്ര ഗവര്‍ണറോട് പറയുകയുണ്ടായി. ഈ രീതി സ്വീകാര്യമല്ലെന്നും രാജ്ഭവന്‍ സൂചിപ്പിച്ചു.

ഇന്ന് പുലര്‍ച്ചയോടെയാണ് യൂറോപ്പ് സന്ദര്‍ശനത്തിന് മുഖ്യമന്ത്രി ഉള്‍പ്പെടെ മന്ത്രിമാര്‍ പുറപ്പെട്ടത്.