രാജസ്ഥാനിലെ തിജാര ഖായിര്‍ത്താല്‍ ജില്ലയിലെ കിസ്‌നഗാര്‍ഹ് ബാസ് ഗ്രാമത്തിലാണ് സംഭവമെന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു. ബീഫ് വില്‍പന തടയാത്തതിന് 4 പൊലീസുകാരെ സസ്‌പെന്‍ഡ് ചെയ്യുകയും ചെയ്തിട്ടുണ്ട്. ബീഫ് വിറ്റതിന് 22 പേര്‍ക്കെതിരെ നിലവില്‍ കേസെടുത്തിട്ടുണ്ട്. ഇതില്‍ 8 പേരെ അറസ്റ്റ് ചെയ്യുകയും ചെയ്തു.

റാട്ടി ഖാന്‍, സാഹുന്‍, മൗസം, ഹാരൂണ്‍, ജബ്ബാര്‍, അലീം, അസ്‌ലം, കാമില്‍, സദ്ദാം എന്നിവരാണ് അറസ്റ്റിലായത്. അനധികൃതമായി ഇവിടെ ബീഫ് വില്‍പന നടത്തുന്നതായി നിരവധി തവണ പൊലീസിന് പരാതി ലഭിച്ചുവെന്നാണ് നവഭാരത് ടൈംസ് റിപ്പോര്‍ട്ട് ചെയ്യുന്നത്. 50ഓളം കന്നുകാലികളെ അറുത്ത് 50ഓളം ഗ്രാമങ്ങളില്‍ ഇവിടെ നിന്നും ബീഫ് വിതരണം ചെയ്തിരുന്നുവെന്നും ആരോപണമുണ്ട്.

അനധികൃത ബീഫ് വില്‍പന തടയാന്‍ ശ്രമിക്കാത്തതിനാണ് 4 പൊലീസുകാര്‍ക്കെതിരെ നടപടിയെടുത്തത്. അസിസ്റ്റന്റ് സബ് ഇന്‍സ്‌പെക്ടര്‍, ഹെഡ് കോണ്‍സ്റ്റബിള്‍, രണ്ട് ബീറ്റ് കോണ്‍സ്റ്റബിള്‍ എന്നിവരെയാണ് സസ്‌പെന്‍ഡ് ചെയ്തത്.

അനധികൃത ബീഫ് വില്‍പന നടക്കുന്നുവെന്ന പരാതി ലഭിച്ചയുടന്‍ തന്നെ പ്രദേശത്ത് പരിശോധന നടത്തിയെന്ന് ജയ്പൂര്‍ ഇന്‍സ്‌പെക്ടര്‍ ജനറല്‍ ഓഫ് പൊലീസ് ഉമേഷ് ദത്ത പറഞ്ഞു.

കിസ്‌നഗാര്‍ഹ് ബാസ് ഏരിയില്‍ പരിശോധന നടത്തുകയും അവിടെ നിന്നും ഇറച്ചി പിടിച്ചെടുക്കുകും ചെയ്തിട്ടുണ്ട്. ഇത് വിദഗ്ധ പരിശോധനക്കായി അയച്ചിട്ടുണ്ടെന്നും പൊലീസ് വ്യക്തമാക്കി. സംഭവത്തില്‍ നടപടിയെടുക്കാത്തതിന് നാല് പൊലീസുകാരെ സസ്‌പെന്‍ഡ് ചെയ്യുകയും ചെയ്തുവെന്നും അദ്ദേഹം അറിയിച്ചു.

രാഹുൽ ഗാന്ധിയുടെ വസതിയിൽ ഇന്നലെയും ഇന്നും വിവിധ ഘട്ടങ്ങളിലായി നടന്ന ചര്‍ച്ചകൾക്കൊടുവിലാണ് രാജസ്ഥാനിൽ മുഖ്യമന്ത്രിയെ ചൊല്ലിയുള്ള പ്രതിസന്ധി പരിഹരിച്ചത്. അശോക് ഗലോട്ട് മുഖ്യമന്ത്രിയാകണം എന്ന ആവശ്യം ഭൂരിഭാഗം എംഎൽഎമാരും ദേശീയ നേതൃത്വത്തെ അറിയിച്ചു. രാജസ്ഥാന്‍ ഗാന്ധിയെന്ന് ജനം വിളിക്കുന്ന ഗെഹ്‌ലോട്ട് മൂന്നാം തവണയാണ് മുഖ്യമന്ത്രി പദത്തിലെത്തുന്നത്.

വടക്ക് കിഴക്കന്‍ സംസ്ഥാനങ്ങളിലെ അഭയാര്‍ത്ഥികള്‍ക്കായുള്ള പ്രവര്‍ത്തനങ്ങളിലൂടെയാണ് ഗെഹ്‌ലോട്ട് ഇന്ദിരാഗാന്ധിയുടെ ശ്രദ്ധയില്‍ പെടുന്നത്. ആദ്യകാലങ്ങളില്‍ ഗില്ലി ബില്ലി എന്ന പേരിലാണ് അദ്ദേഹം കോണ്‍ഗ്രസിനകത്ത് അറിയപ്പെട്ടിരുന്നത്. ഗെഹ്‌ലോട്ടിന്റെ പിതാവ് രാജ്യത്തുടനീളം സഞ്ചരിക്കുന്ന പ്രശസ്തനായ മാന്ത്രികനായിരുന്നു. രാഷ്ട്രീയത്തില്‍ അല്ലായിരുന്നെങ്കില്‍ താനും പിതാവിന്റെ വഴി പിന്തുടരുമായിരുന്നു എന്ന് അദ്ദേഹം പറഞ്ഞിട്ടുണ്ട്. ഗെഹ്‌ലോട്ടിനെ രാഷ്ട്രീയത്തിലേക്ക് ക്ഷണിച്ചത് അന്നത്തെ പ്രധാനമന്ത്രി ഇന്ദിരാ ഗാന്ധിയായിരുന്നു. രാജസ്ഥാനിലും ഡല്‍ഹിയിലും ചെറിയ രീതിയില്‍ പ്രവര്‍ത്തനങ്ങള്‍ നടത്തിപ്പോന്ന ഗെഹ്‌ലോട്ടിന് രാജീവ് ഗാന്ധിയുടെ രാഷ്ട്രീയ പ്രവേശനത്തിനുശേഷമാണ് ഇന്ദിര മന്തിസഭയില്‍ സ്ഥാനം ലഭിക്കുന്നത്. പിന്നീട് ഗെഹ്‌ലോട്ട് രാജീവ് ഗാന്ധിയുടെ വിശ്വസ്തനായി മാറി. ഈ ബന്ധം സോണിയയിലേക്കും രാഹുലിലേക്കും കൂടി വളര്‍ന്നു. രാജസ്ഥാന്‍ എന്‍.എസ്.യു.ഐ പ്രസിഡണ്ട്, ജില്ലാ കോണ്‍ഗ്രസ് കമ്മിറ്റി അധ്യക്ഷന്‍, പി.സി.സി ജനറല്‍ സെക്രട്ടറി എന്നിങ്ങനെ പോകുന്നു ഗെഹ്‌ലോട്ടിന്റെ രാഷ്ട്രീയ വളര്‍ച്ച. 1980 ല്‍ ആദ്യമായി പാര്‍ലമെന്റില്‍ എത്തിയ ഗെഹ്‌ലോട്ട് അഞ്ചു തവണ എം.പി യായി. 1982-1993 കാലയളവില്‍ കേന്ദ്രമന്ത്രിയുമായി. 1999 മുതല്‍ തുടച്ചയായി സര്‍ദര്‍പുരയില്‍ നിന്നും നിയമസഭയിലെത്തിയ ഗെഹ്‌ലോട്ട് 1999ലും 2008ലും മുഖ്യമന്ത്രിയായി. ഗെഹ്‌ലോട്ട് ജനങ്ങള്‍ക്കിടയിലെ സ്വാധീനവും ജീവിത രീതിയിലെ ലാളിത്യവും കൊണ്ടാണ് രാജസ്ഥാന്‍ ഗാന്ധി എന്ന് വിളിക്കപ്പെട്ടത്. ഇപ്പോള്‍ എ.ഐ.സി.സി സംഘടനാകാര്യ ജനറല്‍ സെക്രട്ടറിയും പ്രവര്‍ത്തക സമിതി അംഗവുമാണ്. ഡല്‍ഹിയുടെ ചുമതലയുണ്ട്. പാര്‍ട്ടിയുടെ തന്ത്രരൂപീകരണത്തില്‍ ഗെഹ്‌ലോട്ടിന് സുപ്രധാന പങ്കുണ്ടായിരുന്നു.

199 മണ്ഡലങ്ങളിലെ വോട്ടെണ്ണലാണ് നടക്കുന്നത്. എക്സിറ്റ് പോള്‍ ഫലങ്ങള്‍ നല്‍കിയ സൂചനകള്‍ക്കനുസരിച്ച് രാജസ്ഥാനില്‍ തുടക്കം മുതല്‍ തന്നെ കോണ്‍ഗ്രസ് മുന്നേറ്റമാണ് കാണുന്നത്.

കോണ്‍ഗ്രസ് അധ്യക്ഷന്‍ സച്ചിന്‍ പൈലറ്റ് ടോംഗ് മണ്ഡലത്തില്‍ ലീഡ് ചെയ്യുന്നു. എ.ഐ.സി.സി ജനറല്‍ സെക്രട്ടറി ശാരദാപൂരില്‍ ലീഡ് ചെയ്യുന്നു. സച്ചിന്‍ പൈലറ്റിന്റെ വീടിന് മുന്നില്‍ കോണ്‍ഗ്രസ് പ്രവര്‍ത്തകര്‍ ആഘോഷം തുടങ്ങി.

മുഖ്യമന്ത്രി വസുന്ധര രാജെയും ലീഡ് ചെയ്യുന്നുണ്ട്. 1998 മുതല്‍ സംസ്ഥാനത്ത് ആരും തുടര്‍ച്ചയായി ഭരിച്ചിട്ടില്ല.

135 സീറ്റില്‍ ബി.ജെ.പി- കോണ്‍ഗ്രസ് നേര്‍ക്കുനേര്‍ പോരാട്ടമാണെങ്കില്‍ മറ്റ് സീറ്റുകളില്‍ വിമതന്‍മാര്‍, ബിഎസ്പി, മൂന്നാം മുന്നണി, പ്രാദേശിക പാര്‍ട്ടികള്‍ എന്നിവയുടെ സാന്നിധ്യം വിധിയില്‍ നിര്‍ണ്ണായകമാകും. രാംഘട്ട് മണ്ഡലമൊഴിച്ച് 4.74 കോടി വോട്ടര്‍മാരാണ് ഇന്ന് പോളിംഗ് ബൂത്തിലെത്തുക. കനത്ത സുരക്ഷയാണ് സംസ്ഥാനത്ത് ഒരുക്കിയിരിക്കുന്നത്. വിവിധ സേനാംഗങ്ങളില്‍നിന്നായി 110000 പേരെയാണ് സുരക്ഷാ ചുമതലകള്‍ക്കായി വിന്യസിച്ചിരിക്കുന്നത്.

തെലങ്കാനയിലെ 119 മണ്ഡലങ്ങളിലേക്കും ഇന്ന് വോട്ടെടുപ്പ് നടക്കുകയാണ്. രാവിലെ 7 മുതല്‍ 5 വരെയാണ് പോളിംഗ്. പ്രശ്‌ന സാധ്യതയുള്ള 13 മണ്ഡലങ്ങളില്‍ ഒരു മണിക്കൂര്‍ മുന്‍പ് വോട്ടെടുപ്പ് അവസാനിക്കും. 2.8 കോടി വോട്ടര്‍മാര്‍ക്കായി 32815 പോളിംഗ് ബൂത്തുകള്‍ സജ്ജീകരിച്ചിട്ടുണ്ട്. 1821 സ്ഥാനാര്‍ത്ഥികളാണ് മത്സര രംഗത്തുള്ളത്. മാവോയിസ്റ്റ് സ്വാധീന ജില്ലകളില്‍ കനത്ത സുരക്ഷയിലാണ് വോട്ടെടുപ്പ് നടക്കുന്നത്. ടി.ആര്‍.എസ് മുഴുവന്‍ സീറ്റുകളിലും മത്സരിക്കുന്നുണ്ട്. 99 സ്ഥാനാര്‍ത്ഥികളാണ് കോണ്‍ഗ്രസിനുള്ളത്.

जालोर के स्टेडियम मैदान में कांग्रेस अध्यक्ष श्री @RahulGandhi जी लोगों से रूबरू हुए तथा विशाल जनसभा को सम्बोधित किया| कांग्रेस की जनसभाओं में आ रहा ऐतिहासिक जन सैलाब अब भाजपा के कुशासन को उखाड़कर कांग्रेस की सरकार को सत्ता में लाने के लिए पूरी तरह से कमर कस चुका है| @INCIndia pic.twitter.com/vVTcQ8ocTE

— Rajasthan PCC (@INCRajasthan) November 26, 2018

കര്‍ണാടകയിലും പഞ്ചാബിലും കോണ്‍ഗ്രസ് അധികാരത്തിലെത്തി. അവിടെ ദിവസങ്ങള്‍ക്കുള്ളില്‍ കാര്‍ഷിക വായ്പകള്‍ എഴുതി തള്ളിയെന്നും രാഹുല്‍ പറഞ്ഞു. വിശ്വാസം വരുന്നില്ലെങ്കില്‍ ആ സംസ്ഥാനത്തെ കര്‍ഷകരോട് നിങ്ങള്‍ക്ക് ചോദിക്കാം. എന്താണ് ഞാന്‍ ഉറപ്പ് നല്‍കുന്നത്. അതു നടപ്പാക്കും. രാജസ്ഥാനില്‍ കോണ്‍ഗ്രസ് ്അധികാരത്തില്‍ വരും. കാര്‍ഷിക പ്രശ്‌നങ്ങള്‍ക്ക് സര്‍ക്കാര്‍ പരിഹാരം കാണുമെന്നും അദ്ദേഹം കൂട്ടിച്ചേര്‍ത്തു.

ബി.ജെ.പി സ്ഥാനാര്‍ഥി പട്ടിക പ്രഖ്യാപിച്ചതോടെ നിരവധി നേതാക്കളാണ് പാര്‍ട്ടി വിട്ടത്. ഞായറാഴ്ച്ച ബി.ജെ.പി പാളയംവിട്ട എം.എല്‍.എ ഗ്യാന്‍ദേവ് അഹുജ സ്വതന്ത്രമായി മത്സരിക്കുമെന്ന് പ്രഖ്യാപിച്ചിരുന്നു. പാര്‍ട്ടി സീറ്റ് നിഷേധിച്ച സാഹചര്യത്തിലാണ് സ്വതന്ത്രനായി മത്സരിക്കുന്നതെന്നും അദ്ദേഹം വ്യക്തമാക്കിയിരുന്നു.

കഴിഞ്ഞ ദിവസം ബി.ജെ.പി വിട്ട റഹ്മാന്‍ അഷ്‌റഫ് കോണ്‍ഗ്രസ്സില്‍ ചേര്‍ന്നിരുന്നു. ഡിസംബര്‍ ഏഴിനാണ് രാജസ്ഥാനില്‍ വോട്ടെടുപ്പ്.

മുന്‍ മുഖ്യമന്ത്രി അശോക് ഗെഹ് ലോട്ട്്, പിസിസി അധ്യക്ഷന്‍ സച്ചിന്‍ പൈലറ്റ് എന്നിവര്‍ ചടങ്ങില്‍ പങ്കെടുത്തു. ഹരീഷ് മീണയെ അശോക് ഗെഹ്‌ലോട് സ്വാഗതം ചെയ്തു. നിയമസഭ തെരഞ്ഞെടുപ്പിന് നാമനിര്‍ദ്ദേശ പത്രിക സമര്‍പ്പിക്കാനുളള രണ്ടാം ദിവസത്തിലാണ് രാജസ്ഥാനില്‍ ഹരീഷ് മീണയുടെ ചുവടുമാറ്റം. ശക്തമായ ഭരണ വിരുദ്ധ വികാരമാണ് രാജസ്ഥാനില്‍ നിലവിലുള്ളത്. ഇവിടെ കോണ്‍ഗ്രസ് വിജയിപ്പിക്കുമെന്നാണ് അഭിപ്രായ സര്‍വ്വേ ഫലം.

രാജസ്ഥാനിലെ സംസ്ഥാന പൊലീസ് മേധാവിയായിരുന്നു ഹരീഷ് മീണ. 2014 ലാണ് ഇദ്ദേഹം ബിജെപിയില്‍ ചേര്‍ന്നത്. പിന്നാലെ വന്ന പാര്‍ലമെന്റ് തെരഞ്ഞെടുപ്പില്‍ മത്സരിച്ച് വിജയിക്കുകയും ചെയ്തു.

രാജസ്ഥാന്‍, മധ്യപ്രദേശ്, മിസോറാം, ഛത്തീസ്ഗഡ്, തെലങ്കാന സംസ്ഥാനങ്ങളിലേക്ക് നവംബര്‍, ഡിസംബര്‍ മാസങ്ങളിലാണ് തെരഞ്ഞെടുപ്പ് നടക്കുന്നത്. ഛത്തീസ്ഗഡിലെ ആദ്യ ഘട്ട തിരഞ്ഞെടുപ്പ് നടന്നു. മധ്യപ്രദേശിലും ഛത്തീസ്ഗഡിലും ഭരണ വിരുദ്ധ വികാരം ഉണ്ടെങ്കിലും ബിജെപിക്ക് കനത്ത ക്ഷീണം ഉണ്ടാകില്ലെന്നാണ് അഭിപ്രായ സര്‍വ്വേ. എന്നാല്‍ രാജസ്ഥാനില്‍ കോണ്‍ഗ്രസിന് പിന്തുണ ഏറെയാണ്. മിസോറാമില്‍ ആര്‍ക്കും ഭൂരിപക്ഷമുണ്ടാവില്ലെന്നാണ് പ്രവചനം. തെലങ്കാന ടിഡിപി-കോണ്‍ഗ്രസ് ചേരിക്ക് ഒപ്പം ചേരുമെന്നും സര്‍വ്വേ ഫലങ്ങള്‍ പറയുന്നു.