ആകെ പോള്‍ ചെയ്തത് 1402
UDF – 719
LDF – 658
BJP 25
UDF സ്ഥാനാര്‍ത്ഥി മോഹന്‍ദാസ് 61 വോട്ടിന്റെ ഭൂരിപക്ഷത്തോടെ വിജയിച്ചു.

ന്യൂഡല്‍ഹി : കഴിഞ്ഞ ഉപതെരഞ്ഞെടുപ്പ് പരാജയത്തെ തുടര്‍ന്ന് രാജസ്ഥാനിലെ ബി.ജെ.പിയില്‍ ഉടലെടുത്ത പൊട്ടിത്തെറി കൂടുതല്‍ രൂക്ഷമാകുന്നു.സംസ്ഥാനത്ത് ബി.ജെ.പി അധികാരം നിലനിര്‍ത്തണമെങ്കില്‍ സംസ്ഥാന ഘടകത്തില്‍ നേതൃമാറ്റം വേണമെന്നും അല്ലെങ്കില്‍ വരും തെരഞ്ഞെടുപ്പുകളില്‍ ബി.ജെ.പിയുടെ അടിവേരിളകുമെന്ന വാദവുമായി ഒരു വിഭാഗം നേതാക്കള്‍ രംഗത്തെത്തിയത്തോടെയാണ് പാര്‍ട്ടിയില്‍ പ്രശന്ങ്ങള്‍ കൂടുതല്‍ രൂക്ഷമായത്.

രാജസ്ഥാനില്‍ നേതൃമാറ്റം ആവശ്യപ്പെട്ട് അശോക് ചൗധരി പാര്‍ട്ടി ദേശീയ അധ്യക്ഷന്‍ അമിത് ഷായ്ക്ക് കത്തയച്ചു എന്നാണ് ഒടുവില്‍ പുറത്തു വരുന്ന റിപ്പോര്‍ട്ടുകള്‍. 2018ലെയും 2019ലെയും വരാനിരിക്കുന്ന തെരഞ്ഞെടുപ്പുകളില്‍ സംസ്ഥാനം ഭരിക്കുന്ന മുഖ്യമന്ത്രി വസുന്ധര രാജയും പാര്‍ട്ടി സംസ്ഥാന അധ്യക്ഷന്‍ അശോക് പര്‍ണമിയും തല്‍സ്ഥാനങ്ങളില്‍ തുടരുകയാണെങ്കില്‍ പാര്‍ട്ടിയുടെ അതിദയനീയമായിരിക്കുമെന്ന് അശോക് ചൗധരി കത്തില്‍ പറയുന്നു

കഴിഞ്ഞ ദിവസം ഉപതെരഞ്ഞെടുപ്പ് വിലയിരുത്തിയ നേതൃത്വത്തെ ഞെട്ടിക്കുന്നതായിരുന്ന ബൂത്തുതല കണക്കെടുപ്പ്. ഒരു ബൂത്തില്‍ ഒറ്റവോട്ടും പോലും ലഭിക്കാത്ത ബി.ജെ.പിക്ക് ചില ബൂത്തുകളില്‍ ലഭിച്ച വോട്ടാകട്ടെ ഒന്ന്, രണ്ട് എന്നിങ്ങനെ. ഇതിനു പിന്നാലെയാണ് ദേശീയ നേതൃത്വത്തിന് തലവേദന സൃഷ്ടിച്ച് നേതൃമാറ്റം എന്ന ആവശ്യവും സജീവമായി പാര്‍ട്ടിയില്‍ ഉയരുന്നത്.

ജയ്പൂര്‍ : രാജസ്ഥാനില്‍ നടന്ന ഉപതെരഞ്ഞെടുപ്പില്‍ ബി.ജെ.പിയുടെ പരാജയം അറിഞ്ഞതിലും ദയനീയമെന്ന്
കണക്കുകള്‍. തെരഞ്ഞെടുപ്പ് നടന്ന മണ്ഡലങ്ങളിലെ ബൂത്തുതല കണക്ക് പരിശോധിച്ചപ്പോളാണ് ബി.ജെ.പിയെ ഞെട്ടിക്കുന്ന കണക്കുകള്‍ പുറത്തു വരുന്നത്. ഒരു ബൂത്തില്‍ ഒരു വോട്ടുപോലും ലഭിക്കാത്ത പാര്‍ട്ടിക്ക് മറ്റു ചില ബൂത്തുകളില്‍ ലഭിച്ച വോട്ടാകാട്ടെ ഒന്ന്, രണ്ട് എന്നിങ്ങനെ. രാജസ്ഥാനില്‍ ജനപ്രതിനിധികളുടെ മരണത്തെ തുടര്‍ന്ന് രണ്ട് ലോക്‌സഭാ മണ്ഡലങ്ങളിലും ഒരു നിയമസഭാ മണ്ഡലത്തിലുമാണ് തെരഞ്ഞെടുപ്പ് നടന്നത്
എന്നാല്‍ മൂന്നു മണ്ഡലത്തിലും ബി..െജപി ദയനീയ പരാജയം ഏറ്റുവാങ്ങുകയായിരുന്നു.

അജ്മീര്‍ മണ്ഡലത്തിലെ ഡുദു തെഹ്‌സില്‍ 49-ാം നമ്പര്‍ ബൂത്തില്‍ ബി.ജെ.പി സംപൂജ്യരായപ്പോള്‍ കോണ്‍ഗ്രസിന് ലഭിച്ച വോട്ടാകട്ടെ 337. നസീറാബാദ് മണ്ഡലത്തിലെ 223-ാം നമ്പര്‍ ബൂത്തില്‍ കോണ്‍ഗ്രസ് 582 വോട്ട് നേടിയപ്പോള്‍ ബി.ജെ.പിക്ക് ലഭിച്ചത് ഒറ്റ വോട്ടാണ്. 224-ാമത്തെ ബൂത്തില്‍ കോണ്‍ഗ്രസിന് 500 പേര്‍ വോട്ട് രേഖപ്പെടുത്തിയപ്പോള്‍ രണ്ട് വോട്ട് നേടാനെ ബിജെപിക്കായുള്ളു.

2014 ലോക്‌സഭാ തിരഞ്ഞെടുപ്പില്‍ ബിജെപിക്ക് 2.5 ലക്ഷം വോട്ടിന്റെ ഭൂരിപക്ഷം സമ്മാനിച്ച അല്‍വാര്‍ മണ്ഡലത്തില്‍ ഇത്തവണ കോണ്‍ഗ്രസിന്റെ ഡോ.കരണ്‍ സിങ് യാദവ് രണ്ട് ലക്ഷത്തോളം വോട്ടിന്റെ ഭൂരിപക്ഷത്തിലാണ് വിജയിച്ചത്.അജ്മീര്‍ ലോക്‌സഭാ മണ്ഡലത്തില്‍ കോണ്‍ഗ്രസ് സ്ഥാനാര്‍ത്ഥി രഘുശര്‍മ ജയിച്ചു കയറിയത് 85,000 വോട്ടുള്‍ക്കാണ്. എട്ട് നിയമസഭാ മണ്ഡലങ്ങളുള്ള അജ്മീര്‍ ലോക്‌സഭാ മണ്ഡലത്തില്‍ ഒരിടത്ത് പോലും മുന്നിലെത്താന്‍ ബി.ജെ.പിക്കായില്ല എന്നതും ശ്രദ്ധേയമാണ്. മണ്ഡല്‍ഗഢ് നിയമസഭാ മണ്ഡലത്തില്‍ 12,000 വോട്ടിന്റെ ഭൂരിപക്ഷത്തിലാണ് കോണ്‍ഗ്രസ് വിജയിച്ചത്്.

സിറ്റിങ് സീറ്റിലെ ഉപതെരഞ്ഞെടുപ്പില്‍ സഹതാപ തരംഗം ഉണ്ടാകുമെന്ന പ്രതീക്ഷിച്ച് ബന്ധുക്കളെ സ്ഥാനാര്‍ത്ഥികളാക്കിയ ബി.ജെ.പിക്ക് ഞെട്ടിക്കുന്ന തോല്‍വിയാണ് ഏറ്റുവാങ്ങേണ്ടി വന്നത്. ബൂത്തുതല വോട്ടു കണക്കുകള്‍ പുറത്തുവന്നതോടെ ബിജെപിക്കുള്ളില്‍ തന്നെ വലിയ പൊട്ടിത്തെറിയാണ് ഉണ്ടായിരിക്കുന്നത്. മുഖ്യമന്ത്രി വസുന്ധര രാജെയെ മാറ്റണമെന്ന ആവശ്യവുമായി ഒരു വിഭാഗം സംസ്ഥാന നേതാക്കള്‍ രംഗത്തെത്തി കഴിഞ്ഞു.

രാജസ്ഥാനിലെ ഉപതെരഞ്ഞെടുപ്പില്‍ ബി.ജെ.പിക്കേറ്റ തിരിച്ചടിക്കു പിന്നാലെ പാര്‍ട്ടിയെ കടന്നാക്രാമിച്ച് നടനും ബിജെപി നേതാവ് ശത്രുഘ്‌നന്‍ സിന്‍ഹ രംഗത്ത്. ബി.ജെ.പിയെ മുത്തലാഖ് ചൊല്ലിയ ആദ്യ സംസ്ഥാനമാണ് രാജസ്ഥാനെന്നും. റെക്കോര്‍ഡ് ഭൂരിപക്ഷത്തോടെയാണ് പ്രതിപക്ഷം വിജയം. ഇതു ബി.ജെ.പിക്ക് ഞെട്ടല്‍ ഉണ്ടാക്കിയിരിക്കുന്നു. വരാനിരിക്കുന്ന തെരഞ്ഞെടുപ്പില്‍ പാര്‍ട്ടിയെ കാത്തിരിക്കുന്നത് വലിയ പരാജയമാണ്. ഉണരൂ ബി.ജെ.പി. ശത്രുഘ്‌നന്‍ സിന്‍ഹ ട്വിറ്ററില്‍ കുറിച്ചു.

Breaking news with record breaking disastrous results for ruling party – Rajasthan becomes first state to give BJP Triple Talaq. Ajmer: Talaq,Alwar : Talaq ,Mandalgarh: Talaq. Our opponents winning the elections with record margins, giving our party a jolt. 1>2

— Shatrughan Sinha (@ShatruganSinha) February 2, 2018

രാജസ്ഥാനില്‍ ബിജെപിയുടെ സിറ്റിങ് സീറ്റായ അജ്മര്‍, ആള്‍വാര്‍, മണ്ഡല്‍ഗഡ് എന്നീ മണ്ഡലങ്ങളിലേക്കാണ് ഉപതെരഞ്ഞെടുപ്പ് നടന്നത്. മൂന്നു മണ്ഡലങ്ങളിലും കോണ്‍ഗ്രസിനോട് പരാജയം ഏറ്റുവാങ്ങുകയായിരുന്നു ബി.ജെ.പി. ഉപതെരഞ്ഞെടുപ്പിലെ പരാജയം പാര്‍ട്ടി സംസ്ഥാന നേതൃത്വത്തിന് തലവേദന സൃഷ്ടിച്ചിരിക്കുകയാണ്. പാര്‍ട്ടി ദേശീയ അധ്യക്ഷന്‍ അമിത് ഷാ തെരഞ്ഞെടുപ്പ് പ്രവര്‍ത്തനങ്ങളുടെ റിപ്പോര്‍ട്ടുകള്‍ ആവശ്യപ്പെട്ടതായും റിപ്പോര്‍ട്ടുകളുണ്ട്. ഇതിനിടയിലെ ശത്രുഘ്‌നന്‍ സിന്‍ഹയുടെ പരിഹാസം പാര്‍ട്ടിയെ കൂടുതല്‍ സമര്‍ദ്ദത്തിലാക്കും.

Better late than never, otherwise the disastrous results could or would be soon reformed as Tata-Bye-Bye results. Wake up BJP. Jai Hind.@>2,

— Shatrughan Sinha (@ShatruganSinha) February 2, 2018

പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള കേന്ദ്രസര്‍ക്കാരിനെതിരെ ശത്രുഘ്‌നന്‍ സിന്‍ഹ ഇതിനു മുമ്പും വിമര്‍ശച്ചിരുന്നു. അതേസമയം യശ്വന്ത് സിന്‍ഹയുടെ രാഷ്ട്ര മഞ്ച് എന്ന സംഘടനയെ അനൂകൂല നിലപാടാണ് ശത്രുഘ്‌നന്‍ സിന്‍ഹ സ്വീകരിച്ച് വരുന്നത്

രാജസ്ഥാനിലെ രണ്ട് മണ്ഡലങ്ങളിലും പശ്ചിമബംഗാളിലെ ഒരു മണ്ഡലത്തിലും ജനുവരി 29-നാണ് തെരഞ്ഞെടുപ്പ് നടക്കുക. രാജസ്ഥാനിലെ ആള്‍വാര്‍, അജ്‌മേര്‍, ബംഗാളിലെ ഉലുബേരിയ എന്നിവിടങ്ങളിലാണ് തെരഞ്ഞെടുപ്പ് നടക്കുന്നത്. അതേസമയം, ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിന്റെ മണ്ഡലമായ ഗൊരഖ്പൂര്‍, ഉപമുഖ്യമന്ത്രി കേശവ് പ്രസാദ് മൗര്യയുടെ മണ്ഡലം ഫൂല്‍പൂര്‍, അരാരിയ എന്നീ മണ്ഡലങ്ങളില്‍ തെരഞ്ഞെടുപ്പ് പ്രഖ്യാപിക്കാതെ കമ്മീഷന്‍ നീട്ടിവെച്ചിരിക്കുകയാണ്. ഇത് വിവാദമാവുകയും ചെയ്തു. ആര്‍.ജെ.ഡി നേതാവിന്റെ മരണത്തെ തുടര്‍ന്നാണ് അരാരിയില്‍ സീറ്റൊഴിവ് വന്നത്. യോഗിയും കേശവ് പ്രസാദും നിയമസഭയിലേക്കെത്തിയതോടെ ആ മണ്ഡലങ്ങളിലും ഒഴിവുവരികയായിരുന്നു. തെരഞ്ഞെടുപ്പ് കമ്മീഷന്റെ ഈ നടപടിക്കെതിരെ വിവാദം ശക്തമാവുകയാണ്. തെരഞ്ഞെടുപ്പ് കമ്മീഷന്റെ പ്രവര്‍ത്തനങ്ങള്‍ ഏകപക്ഷീയമാവുന്നുവെന്ന് സി.പി.എം ജനറല്‍ സെക്രട്ടറി സീതാറാം യെച്ചൂരി പറഞ്ഞു.

നേരത്തെ, ഗുജറാത്ത് തെരഞ്ഞെടുപ്പ് തിയ്യതി പ്രഖ്യാപിക്കുന്നതുമായി ബന്ധപ്പെട്ട് വിവാദങ്ങള്‍ ഉടലെടുത്തിരുന്നു. ബി.ജെ.പിക്ക് അനുകൂലമായി തെരഞ്ഞെടുപ്പ് നീട്ടിവെക്കുന്നുവെന്നായിരുന്നു ഉയര്‍ന്ന വിവാദം.

27 പഞ്ചായത്ത് സമിതികളില്‍ 16ലും കോണ്‍ഗ്രസ് തന്നെയാണ് ജയിച്ചത്. രാജസ്ഥാനിലെ ഭരണകക്ഷിയായ ബി.ജെ.പിക്ക് വെറും 10 പഞ്ചായത്ത് സമിതി സീറ്റുകള്‍ മാത്രമാണ് നേടാന്‍ കഴിഞ്ഞത്. എന്നാല്‍ നഗരസഭകളില്‍ കോണ്‍ഗ്രസിനേക്കാള്‍ നേരിയ മുന്നേറ്റം കാഴ്ചവെക്കാന്‍ ബി.ജെ.പിക്ക് കഴിഞ്ഞു. ഏഴു വാര്‍ഡുകളാണ് ഇവിടെ അവര്‍ വിജയിച്ചത്.

ബന്‍സ്വാര, ബില്‍വാര, ജാലോര്‍, കാരൗളി എന്നീ നാല് ജില്ലാ പഞ്ചായത്ത് സീറ്റുകളില്‍ ഒന്നുപോലും നിലനിര്‍ത്താന്‍ ബി.ജെ.പിക്ക് കഴിഞ്ഞില്ല.19 ജില്ലകളിലായി 27 പഞ്ചായത്ത് സമിതികളിലും 14 നഗരപാലികകളിലും 13 ജില്ലകളിലും നാലു ജില്ലാ പഞ്ചായത്തുകളിലേക്കുമുള്ള തെരഞ്ഞെടുപ്പ് നടന്നത് ഡിസംബര്‍ 17നാണ്. പഞ്ചായത്ത് സമിതിയിലും മുനിസിപ്പാലിറ്റിയിലും ഓരോ സീറ്റുവീതം സ്വതന്ത്ര്യ സ്ഥാനാര്‍ത്ഥികള്‍ നേടി.

രാജസ്ഥാനില്‍ ബി.ജെ.പിയുടെ ദിനങ്ങള്‍ എണ്ണപ്പെട്ടുകഴിഞ്ഞുവെന്നതിന്റെ തെളിവാണ് ഈ ഫലമെന്ന് രാജസ്ഥാന്‍ കോണ്‍ഗ്രസ് പ്രസിഡന്റ് സച്ചിന്‍ പൈലറ്റ് പറഞ്ഞു. ‘അവരുടെ തകര്‍ച്ചയുടെ കൗണ്ട് ഡൗണ്‍ തുടങ്ങിക്കഴിഞ്ഞു’ അദ്ദേഹം പറഞ്ഞു. 2013ലെ രാജസ്ഥാന്‍ സംസ്ഥാന തെരഞ്ഞെടുപ്പിനുശേഷം നടന്ന നാല് നിയമസഭാ ഉപതെരഞ്ഞെടുപ്പുകളില്‍ മൂന്നിലും കോണ്‍ഗ്രസാണ് ജയിച്ചതെന്നും സച്ചിന്‍ പറഞ്ഞു. 24 എം.എല്‍.എമാരാണ് കോണ്‍ഗ്രസിന് രാജസ്ഥാനിലുളളത്.

ഗുജറാത്ത് നിയമസഭാ തെരഞ്ഞെടുപ്പില്‍ കഷ്ടിച്ച് കടന്നുകൂടിയ ബിജെപിക്ക് സ്വന്തം തട്ടകമായ രാജസ്ഥാനില്‍ കാലിടറിയത് ബി.ജെ.പിക്ക് തിരിച്ചടിയാകും.  വസുന്ധര രാജെ സര്‍ക്കാര്‍ സ്വീകരിക്കുന്ന കര്‍ഷകവിരുദ്ധ നിലപാടുകളും ന്യൂനപക്ഷ വേട്ടയും തിരിച്ചടിക്കുകയാണ്. നിയമസഭാ തെരഞ്ഞെടുപ്പില്‍ ഗുജറാത്തിലെ നഗരപ്രദേശങ്ങള്‍ ബിജെപിയെ തുണച്ചെങ്കില്‍ രാജസ്ഥാനില്‍ ഗ്രാമങ്ങളും നഗരങ്ങളും ഒരുപോലെ കൈവിടുകയാണ്. രണ്ട് ലോക്‌സഭാ സീറ്റിലേക്കും ഒരു നിയമസഭാ സീറ്റിലേക്കും നടക്കാനിരിക്കുന്ന ഉപതെരഞ്ഞെടുപ്പില്‍ വിജയം ആവര്‍ത്തിക്കാനുള്ള ശ്രമത്തിലാണ് കോണ്‍ഗ്രസ്.

ം