ജയ്പൂര്‍ ഹെറിറ്റേജിലെ നൂറ് സീറ്റില്‍ 47 എണ്ണം സ്വന്തമാക്കി കോണ്‍ഗ്രസ് വിജയിച്ചു. ബിജെപിക്ക് ഇവിടെ 42 സീറ്റാണ് കിട്ടിയത്. 11 സീറ്റില്‍ സ്വതന്ത്രര്‍ വിജയിച്ചു. നാലു സ്വതന്ത്രരുടെ പിന്തുണയുണ്ടായാല്‍ ഇവിടെ കോണ്‍ഗ്രസ് അധികാരത്തിലേറും. ബിജെപിക്ക് വലിയ സ്വാധീനമുള്ള കോര്‍പറേഷനില്‍ വിജയിക്കാനായത് കോണ്‍ഗ്രസിന് വലിയ ആത്മവിശ്വാസം പകരും.

ബിജെപി വിജയിച്ച ജോധ്പൂര്‍ സൗത്ത് മുനിസിപ്പല്‍ കോര്‍പറേഷനില്‍ പാര്‍ട്ടിക്ക് കിട്ടിയത് 43 സീറ്റാണ്. കോണ്‍ഗ്രസ് 29 ഇടത്ത് ജയിച്ചു. എട്ടു സീറ്റ് സ്വതന്ത്രര്‍ സ്വന്തമാക്കി. കോര്‍പറേഷില്‍ 80 സീറ്റുകളാണ് ഉള്ളത്. ജോധ്പൂര്‍ നോര്‍ത്തില്‍ കോണ്‍ഗ്രസാണ് മുമ്പിട്ടു നില്‍ക്കുന്നത്. ഇവിടെയും 80 വാര്‍ഡുകളാണ് ഉള്ളത്.

ജെയ്പൂര്‍ ഗ്രേറ്ററില്‍ 150 വാര്‍ഡുകളാണ് ഉള്ളത്. കോട്ട നോര്‍ത്തില്‍ 70 ഉം കോട്ട സൗത്തില്‍ 80 ഉം വാര്‍ഡുകളുണ്ട്.

ജില്ല തിരിച്ചുള്ള കണക്കുകള്‍ പ്രകാരം, ജോധ്പൂരില്‍ കോണ്‍ഗ്രസ് 82 വാര്‍ഡില്‍ ജയിച്ചു. കോട്ടയില്‍ 81 ഇടത്തും ജയ്പൂരില്‍ 94 സീറ്റിലും കോണ്‍ഗ്രസ് സ്ഥാനാര്‍ത്ഥികള്‍ വിജയം കണ്ടു. 560 വാര്‍ഡുകളിലായി 2238 സ്ഥാനാര്‍ത്ഥികളാണ് മത്സരരംഗത്തുണ്ടായിരുന്നത്.

ജെയ്പൂര്‍ ഹെറിറ്റേജിലെ 100 സീറ്റില്‍ 20 ഇടത്ത് കോണ്‍ഗ്രസാണ് ഇതുവരെ ജയിച്ചത്. ബിജെപിക്ക് പിടിക്കാനായത് 12 സീറ്റുകള്‍ മാത്രം. മേഖലയില്‍ മൂന്ന് സ്വതന്ത്രരും വിജയിച്ചു. ജയ്പൂര്‍ ഗ്രേറ്റര്‍ മുനിസിപ്പര്‍ കോര്‍പറേഷനില്‍ 14 ഇടത്താണ് ബിജെപി ജയിച്ചത്. 12 സീറ്റുമായി കോണ്‍ഗ്രസ് തൊട്ടുപിന്നിലുണ്ട്. നാലു വാര്‍ഡുകളില്‍ സ്വതന്ത്രര്‍ വിജയിച്ചു.

വനിതകള്‍ക്ക് അമ്പത് ശതമാനം സീറ്റു നല്‍കിയാണ് ഇത്തവണ കോണ്‍ഗ്രസ് തെരഞ്ഞെടുപ്പിനെ നേരിട്ടത്. ജയ്പൂരിന് പുറമേ, ജോധ്പൂര്‍, കോട്ട എന്നിവിടങ്ങളിലും ഇന്നാണ് വോട്ടെണ്ണല്‍. ആറ് മുനിസിപ്പല്‍ കോര്‍പറേഷനുകളിലായി 560 വാര്‍ഡുകളിലാണ് വോട്ടെടുപ്പ് നടന്നത്. 2238 പേരാണ് മത്സരരംഗത്തുണ്ടായിരുന്നത്.

‘വേദികളില്‍ പ്രസംഗിക്കുന്നതിന് മുമ്പ് മോദി ഭാരത് മാതാ കീ ജയ് എന്നായിരിക്കും അഭിസംബോധന ചെയ്യുന്നത്. പക്ഷേ അദ്ദേഹം പണിയെടുക്കുന്നത് അനില്‍ അംബാനിക്ക് വേണ്ടിയാണ്. അതു കൊണ്ട് അനില്‍ അംബാനി കീ ജയ് എന്നോ നീരവ് മോദി കീ ജയ് എന്നോ വിളിക്കുന്നതായിരിക്കും നല്ലതെന്ന്’- രാഹുല്‍ ഗാന്ധി പരിഹസിച്ചു.

രണ്ട് കോടി യുവാക്കള്‍ക്ക് തൊഴില്‍ നല്‍കുമെന്ന വാഗ്ദാനം നല്‍കിയാണ് മോദി സര്‍ക്കാര്‍ അധികാരത്തിലെത്തിയത്. ആ വാഗ്ദാനം അദ്ദേഹം പാലിച്ചിരുന്നുവെങ്കില്‍ കഴിഞ്ഞ ദിവസം അല്‍വാറില്‍ എന്തിനാണ് നാല് യുവാക്കള്‍ ആത്മഹത്യ ചെയ്തതെന്ന് രാഹുല്‍ ചോദിച്ചു. കഴിഞ്ഞ ദിവസം അല്‍വാറില്‍ നാല് യുവാക്കള്‍ ട്രെയിനിന് മുന്നില്‍ ചാടി ആത്മഹത്യ ചെയ്തിന് കാരണം തൊഴിലില്ലായ്മയാണെന്ന് കണ്ടെത്തിയതിന് പിന്നാലെയാണ് രാഹുലിന്റെ രൂക്ഷ വിമര്‍ശനം. വിഷയത്തില്‍ മോദി മറുപടി പറയണമെന്നും രാഹുല്‍ പറഞ്ഞു.
നമ്മുടെ മന്‍ കി ബാത്ത് പറയാന്‍ ഇവിടെ അവസരമില്ല. മറിച്ച് മോദിയുടെ മന്‍ കി ബാത്ത് അദ്ദേഹം പറഞ്ഞുകൊണ്ടിരിക്കുകയാണ്. എന്നാല്‍ ഞങ്ങള്‍ അതല്ല ഉദ്ദേശിക്കുന്നത്. യുവാക്കളിലേക്ക് കടന്ന് ചെന്ന് അവരുടെ മനസിലുള്ളത് അറിയാനാണ് ശ്രമിക്കുന്നത്.

മോദി തന്റെ പ്രസംഗങ്ങളില്‍ റഫാല്‍ വിഷയത്തെ കുറിച്ച് ഒന്നും പറയാറില്ലെന്നും അക്കാര്യത്തെ പറ്റി എന്തെങ്കിലും പറഞ്ഞാല്‍ കാവല്‍ക്കാരന്‍ കള്ളനാണെന്ന് ജനങ്ങള്‍ വിളിച്ചു പറയുമെന്ന ഭയമാണെന്നും രാഹുല്‍ കുറ്റപ്പെടുത്തി.

110 സീറ്റുകളുമായി കോണ്‍ഗ്രസ് അധികാരത്തിലെത്തുമെന്നാണ് പറയുന്നത്. ബി.ജെ.പി 84 സീറ്റുകളില്‍ ഒതുങ്ങും. മറ്റു പാര്‍ട്ടികള്‍ ആറു സീറ്റുകളില്‍ വിജയിക്കുമെന്നും സര്‍വേ റിപ്പോര്‍ട്ടില്‍ പറയുന്നു. മുഖ്യമന്ത്രി വസുന്ധരാ രാജെയുടെ നേതൃത്വത്തിലുള്ള സര്‍ക്കാറില്‍ ജനങ്ങള്‍ക്ക് അതൃപ്തിയാണെന്നാണ് വിവരം.