അഞ്ചു പതിറ്റാണ്ടുകളായി തുടരുന്ന രജനികാന്ത്കമല്‍ ഹാസന്‍ സൗഹൃദത്തിന്റെയും സഹോദര്യത്തിന്റെയും പുതിയ ഉദാഹരണമായിരിക്കും ഈ ചിത്രം. തമിഴ് സിനിമയിലെ ഒരു നാഴികക്കല്ലായി മാറാനാണ് ആരാധകര്‍ പ്രതീക്ഷിക്കുന്നത്.

രാജ് കമല്‍ ഫിലിംസ് ഇന്റര്‍നാഷണല്‍ ബാനറിലാണ് ചിത്രം നിര്‍മിക്കുന്നത്. ബാനറിന്റെ 44-ാം വാര്‍ഷികാഘോഷത്തിന്റെ ഭാഗമായി തന്നെയാണ് പ്രൊജക്റ്റ് പ്രഖ്യാപിച്ചത്. ചിത്രം റെഡ് ജയന്റ് മൂവീസ് ആണ് തിയറ്ററുകളിലേക്ക് എത്തിക്കുക.

ഇപ്പോള്‍ നെല്‍സണ്‍ ഒരുക്കുന്ന ‘ജയിലര്‍ 2’-ല്‍ അഭിനയിക്കുന്ന രജനികാന്ത്, അതിന്റെ ചിത്രീകരണം പൂര്‍ത്തിയാക്കിയശേഷം ‘തലൈവര്‍ 173’-ല്‍ ജോയിന്‍ ചെയ്യും. ചിത്രത്തിന്റെ ഷൂട്ടിംഗ് അടുത്ത വര്‍ഷം ആരംഭിച്ച് 2027-ലെ പൊങ്കല്‍ റിലീസിനായി ലക്ഷ്യമിടുന്നുവെന്നാണ് റിപ്പോര്‍ട്ടുകള്‍.

‘അരമനൈ’ സിനിമാറ്റിക് യൂണിവേഴ്‌സിലൂടെ ജനപ്രീതി നേടിയ സുന്ദര്‍ സി. ഇതിനകം നാല്പതോളം തമിഴ് ചിത്രങ്ങള്‍ സംവിധാനം ചെയ്തിട്ടുള്ളവനാണ്. കമല്‍ ഹാസന്‍ നായകനായ ‘അന്‍ബേ ശിവം’ എന്ന ചിത്രത്തിലൂടെയാണ് അദ്ദേഹത്തിന് വലിയ ശ്രദ്ധ ലഭിച്ചത്. സുന്ദര്‍ സി.യുടെ അടുത്ത ചിത്രം നയന്‍താര നായികയായ ‘മൂക്കുത്തി അമ്മന്‍ 2’ ആണെന്ന് അറിയിച്ചിട്ടുണ്ട്.

pic.twitter.com/yFzE2dWbBp

— Prem 2.0 (@premrpk_) August 20, 2023

കഴിഞ്ഞ ദിവസം നടന്ന രണ്ടാം ട്വന്റി 20 മത്സരത്തിനിടെ കമന്റേറ്റര്‍ നയാല്‍ ഒബ്രിയന്‍ സഞ്ജു തന്റെ ഇഷ്ട നടന്റെ ചിത്രത്തിന് പങ്കെടുത്ത കാര്യം സൂചിപ്പിച്ചിരുന്നു. സഞ്ജുവും ഋതുരാജ് ഗെയ്ക്‌വാദും ക്രീസിലുള്ളപ്പോഴായിരുന്നു ഇക്കാര്യം പറഞ്ഞത്. താരത്തിനിത് അഭിമാന നിമിഷമായിരുന്നുവെന്നും കമന്റേറ്റര്‍ പറഞ്ഞു.

ഏഴാം ക്ലാസ് മുതല്‍ രജനികാന്തിനോടുള്ള തന്റെ കടുത്ത ആരാധനയെ കുറിച്ച് സഞ്ജു പല അഭിമുഖങ്ങളിലും പരാമര്‍ശിച്ചിട്ടുണ്ട്. സഞ്ജു കഴിഞ്ഞ മാസം രജനികാന്തിനെ വീട്ടിലെത്തി സന്ദര്‍ശിച്ച ചിത്രം വൈറലായിരുന്നു. 21 വര്‍ഷത്തെ തന്റെ ഏറ്റവും വലിയ ആഗ്രഹമാണ് കൂടിക്കാഴ്ച്ചയിലൂടെ സാധിച്ചതെന്ന് സഞ്ജു ചിത്രം പങ്കുവെച്ചുകൊണ്ട് കുറിച്ചിരുന്നു.

തെരഞ്ഞെടുപ്പില്‍ രജനീകാന്തിന്റെ പിന്തുണ ഉറപ്പാക്കാന്‍ വേണ്ടിയാണ് അമിത്ഷാ ചെന്നെയിലെത്തിയത്. ബിജെപിയിലേക്ക് വന്നില്ലെങ്കിലും തെരഞ്ഞെടുപ്പില്‍ രജനികാന്തിന്റെ പരസ്യ പിന്തുണ നേടാനായിരുന്നു ശ്രമം. എന്നാല്‍ ആരോഗ്യ സംബന്ധമായ പ്രശ്‌നങ്ങളാല്‍ കാണാന്‍ കഴിയില്ലെന്ന തീരുമാനത്തില്‍ രജനികാന്ത് ഉറച്ചു നിന്നതോടെ അമിത്ഷാ ഡല്‍ഹിയിലേക്ക് തിരിച്ചു പോയി. രജനികാന്തിന് പനിയാണെന്നാണ് സംഘപരിവാര്‍ കേന്ദ്രങ്ങള്‍ പ്രചരിപ്പിക്കുന്നത്. എന്നാല്‍ രജനിക്ക് പനിയോ മറ്റു അസുഖങ്ങളോ ഇല്ലെന്ന് പിആര്‍ഒ റിയാസ് അറിയിച്ചു.

ദിവസങ്ങള്‍ക്കു മുമ്പാണ് സംഘപരിവാര്‍ സൈദ്ധാന്തികനും തുഗ്ലക് വാരിക എഡിറ്ററുമായ ഗുരുമൂര്‍ത്തി രജനികാന്തിനെ സന്ദര്‍ശിച്ചത്. ചര്‍ച്ചയുടെ വിശദാംശങ്ങള്‍ ഗുരുമൂര്‍ത്തി അമിത്ഷായെ കണ്ട് വിശദീകരിച്ചു. ഇതേ തുടര്‍ന്നായിരുന്നു രജനിയെ സന്ദര്‍ശിക്കാന്‍ തീരുമാനിച്ചത്.

അമിത്ഷായെ കൂടാതെ ഡിഎംകെ അധ്യക്ഷന്‍ സ്റ്റാലിന്റെ മൂത്ത സഹോദരന്‍ അഴഗിരിയെ കാണാനും അമിത്ഷാക്കായില്ല. ഇദ്ദേഹത്തെ പാര്‍ട്ടിയിലെത്തിക്കാനായിരുന്നു നീക്കം. എന്നാല്‍ കുടുംബാംഗങ്ങളുടെ എതിര്‍പിനെ തുടര്‍ന്ന് അദ്ദേഹവും വിട്ടു നിന്നു.

ഫെബ്രുവരി 21നാണ് കമല്‍ ഹാസന്‍ തന്റെ പുതിയ പാര്‍ട്ടിയെ പ്രഖ്യാപിച്ചത്. അന്നു തന്നെ പാര്‍ട്ടിയുടെ വെബ് സൈറ്റും ലോഞ്ച് ചെയ്തിരുന്നു. തുടര്‍ന്ന് പാര്‍ട്ടി അംഗ്വതത്തിനായി ആളുകള്‍ വെബ് സൈറ്റിനെ സമീപിക്കുകയായിരുന്നു. അതേസമയം അംഗത്വമെടുത്തവര്‍ തമിഴ് നാട്ടില്‍ നിന്നും മാത്രമുള്ളവരല്ല. ഇന്ത്യയിലെ വിവിധ സംസ്ഥാനങ്ങളിലെ ആളുകളും അമേരിക്ക, ദുബായ്, സിംഗപൂര്‍, ബ്രിട്ടന്‍, മലേഷ്യ സൗദി അറേബ്യ കാനഡ തുടങ്ങി രാജ്യങ്ങളിലെ ഇന്ത്യക്കാരും അംഗത്വം നേടിയതായി പാര്‍ട്ടി വൃത്തങ്ങള്‍ അറിയിച്ചു. പാര്‍ട്ടിയുടെ കണക്കു പ്രകാരം സൈറ്റ് ഓപണായ ആദ്യ 48 മണിക്കൂറില്‍ 201597 പേര്‍ ഓണ്‍ലൈനില്‍ രജിസ്ട്രര്‍ ചെയ്തു.

തമിഴ്‌നാട്ടില്‍ നടന്‍ രജനികാന്തിന്റെ രാഷ്ട്രീയ പ്രവേശനത്തിന് തൊട്ടു പിന്നാലെയാണ് കമല്‍ ഹാസനും രാഷ്ട്രീയത്തില്‍ ഇറങ്ങിയത്. രാഷ്ട്രീയ പ്രഖ്യാപനത്തിന്റെ ഭാഗമായി സംസ്ഥാനത്തെ ജനങ്ങളുടെ പ്രശ്‌നങ്ങള്‍ അറിയാനും പഠിക്കാനുമായി മൊബൈല്‍ ആപ്പുമായി രംഗത്തെത്തിയിരുന്നു കമല്‍. ഇതിനു വലിയ പിന്തുണയാണ് അന്നു ലഭിച്ചിരുന്നത്.

Kerala CM, unable to attend @ikamalhaasan's rally tomorrow, agrees to send video message to veteran actor. https://t.co/BxFwXEa1CE

— The Indian Express (@IndianExpress) February 20, 2018

കേരള മുഖ്യമന്ത്രി പിണറായി വിജയന്‍ ചടങ്ങില്‍ പങ്കെടുക്കില്ലെങ്കിലും വീഡിയോ സന്ദേശം നല്‍കിയേക്കുമെന്നാണ് സൂചന. ബിഹാര്‍ മുഖ്യമന്ത്രി നിതീഷ് കുമാറിനെ റാലിയിലേക്ക് ക്ഷണിച്ചിട്ടുണ്ടെങ്കിലും അദ്ദേഹം പങ്കെടുക്കാന്‍ ഇടയില്ല.

തമിഴ്‌നാടിനെ ഗ്രസിച്ച രാഷ്ട്രീയ ജീര്‍ണതക്കെതിരെ സംസ്ഥാനത്തുടനീളം പര്യടനം നടത്തുമെന്ന് ജനുവരിയില്‍ കമല്‍ ഹാസന്‍ അറിയിച്ചിരുന്നു. ജനങ്ങളുടെ ആവശ്യങ്ങളും അവരെ ബാധിക്കുന്ന കാര്യങ്ങളും അവരുടെ ആഗ്രഹങ്ങളുമെല്ലാം നേരിട്ടറിയുകയാണ് പര്യടനത്തിന്റെ ലക്ഷ്യമെന്നും ഇതൊരു വിപ്ലവമോ ഗ്ലാമര്‍ കൂട്ടായ്മയോ അല്ലെന്നും അദ്ദേഹം പറഞ്ഞു.

നേരത്തെ, രാഷ്ട്രീയ പാര്‍ട്ടി രൂപീകരിക്കുമെന്ന് പ്രഖ്യാപിച്ച നടന്‍ രജനികാന്തിനെ കമല്‍ ഹാസന്‍ അദ്ദേഹത്തിന്റെ വസതിയില്‍ സന്ദര്‍ശിച്ചിരുന്നു. മധുരയിലെ റാലിയിലേക്ക് രജനിയെ ക്ഷണിച്ചിട്ടുണ്ടെന്നും പങ്കെടുക്കുമോ ഇല്ലയോ എന്നത് അദ്ദേഹത്തിന്റെ തീരുമാനമാണെന്നും കമല്‍ പറഞ്ഞു.

പര്യടനത്തിന്റെ ആദ്യഘട്ടത്തില്‍ മധുരക്കു പുറമെ തന്റെ നഗരമായ രാമനാഥപുരത്തും ദിണ്ഡിഗല്‍, ശിവഗംഗ ജില്ലകളിലും കമല്‍ ഹാസന്‍ പര്യടനം നടത്തും.

‘എന്റെ രാഷ്ട്രീയം ചുവപ്പല്ല. രജനികാന്തിന്റെ രാഷ്ട്രീയ നിറം കാവി ആകരുതെന്ന് ഞാന്‍ ആഗ്രഹിക്കുന്നു. ഇനി അഥവാ കാവിയാണെങ്കില്‍ അദ്ദേഹവുമായി ഒരു സഖ്യവും ഒരിക്കലും സാധ്യമല്ല’, കമല്‍ഹാസന്‍ തന്റെ നയം വ്യക്തമാക്കി.

‘എന്റെ സമകാലികരുടെ ചിത്രങ്ങളില്‍ വ്യത്യസ്തമായിരുന്നു എന്റെ സിനിമകള്‍. അതുപോലെ തന്നെയാവും എന്റെ രാഷ്ട്രീയ നിലപാടും. ഏതെങ്കിലും നിശ്ചിത രാഷ്ട്രീയ ആശയത്തോടൊപ്പം നില്‍ക്കുക എന്നത് ബുദ്ധിമുട്ടാണ്. അതിനാല്‍ അന്താരാഷ്ട്ര രാഷ്ട്രീയത്തെ വിശകലനം ചെയ്ത ശേഷമാകും എന്റെ തീരുമാനം. തമിഴ്‌നാടിനെ അഴിമതി വിരുദ്ധമാക്കുകയെന്നതാണ് ഞാനുയര്‍ത്തിപ്പിടിക്കുന്ന ലക്ഷ്യം’, അദ്ദേഹം കൂട്ടിച്ചേര്‍ത്തു.

രാമേശ്വരത്ത് ഫെബ്രുവരി 21ന് കമല്‍ഹാസന്‍ തന്റെ രാഷ്ട്രീയ നിലപാട് പ്രഖ്യാപിക്കാനിരിക്കെയാണ് തന്റെ നിലപാട് വ്യക്തമാക്കിത്. ഇവിടെ നിന്ന് ഇദ്ദേഹം സംസ്ഥാന ജാഥയും ആരംഭിക്കും. ‘നാളൈ നമതേ’ എന്നാണ് യാത്രയുടെ പേര്. ജനങ്ങളുടെ ആവശ്യങ്ങളും ആഗ്രഹങ്ങളും മനസിലാക്കാനാണ് ഈ റാലിയിലൂടെ ഉദ്ദേശിക്കുന്നതെന്ന് അദ്ദേഹം നേരത്തേ തന്നെ വ്യക്തമാക്കിയിരുന്നു.

അധര്‍മം കളിയാടുമ്പോള്‍ സ്വാര്‍ഥതയുടെ പേരില്‍ ഉത്തരവാദിത്തം മറന്ന് മാറിനില്‍ക്കരുതെന്ന ഭഗവത്ഗീതയിലെ ശ്രീകൃഷ്ണ വരികള്‍ ഉദ്ധരിച്ചുകൊണ്ടാണ് തമിഴരുടെ സ്റ്റൈല്‍മന്നന്‍ നടന്‍ രജനീകാന്ത് പുതുവര്‍ഷത്തലേന്ന് രാഷ്ട്രീയത്തിന്റെ മരവുരി സ്വയം എടുത്തണിഞ്ഞിരിക്കുന്നത്. മതത്തിനും ജാതിക്കുമപ്പുറമുള്ള രാഷ്ട്രീയമാണ് തനിക്കുണ്ടാകുകയെന്നും

ആത്മീയതയായിരിക്കും അതിന്റെ മുഖമുദ്രയെന്നും, വരുന്ന തമിഴ്‌നാട് തെരഞ്ഞെടുപ്പിനുമുമ്പ് രാഷ്ട്രീയ കക്ഷിയുടെ പേര് പ്രഖ്യാപിച്ച് സംസ്ഥാനത്തെ നിയമസഭാ സീറ്റുകളില്‍ മുഴുവന്‍ സ്വന്തം സ്ഥാനാര്‍ത്ഥികളെ മല്‍സരിപ്പിക്കുമെന്നുമാണ് ഈ അറുപത്തേഴുകാരന്‍ തമിഴ് ജനതയോട് പ്രഖ്യാപിച്ചിരിക്കുന്നത്. മുഖ്യമന്ത്രിയായിരുന്ന അണ്ണാ ദ്രാവിഡ മുന്നേറ്റകഴകത്തിന്റെ അനിഷേധ്യ നേതാവ് ശെല്‍വി ജയലളിതയുടെ മരണത്തിനുശേഷം ഒരുവിധ രാഷ്ട്രീയ പാരമ്പര്യത്തിന്റെയും പിന്‍ബലമില്ലാതെ മറ്റൊരു താരംകൂടി സ്വയം ഇറങ്ങിപ്പുറപ്പെട്ടതിനെ സംശയ ദൃഷ്ടിയോടെ വീക്ഷിക്കുന്നവരാണധികവും. എന്നാല്‍ പൊതുവെ കലങ്ങിമറിഞ്ഞ തമിഴക രാഷ്ട്രീയ രംഗത്തേക്ക് ഇതിനെ പ്രതീക്ഷയോടെ കാത്തിരിക്കുന്നവരുമുണ്ടെന്നതാണ് യാഥാര്‍ത്ഥ്യം. എം.ജി.ആറിനെപോലെ ഏഴൈകളുടെ തോഴനായി വെള്ളിത്തിരയില്‍ കസറി എന്നതുമാത്രമാണ് രജനിയുടെ കൈമുതല്‍.

ഡി.എം.കെ, അഖിലേന്ത്യാ അണ്ണാ ഡി.എം.കെ, പി.എം.കെ, എം.ഡി.എം.കെ, കോണ്‍ഗ്രസ്, മുസ്‌ലിംലീഗ്, ഇടതുപക്ഷ കക്ഷികള്‍, ബി.ജെ.പി തുടങ്ങി ആവോളം സംഘടനകളും നേതാക്കളും നിറഞ്ഞുനില്‍ക്കുന്ന തമിഴ്‌നാട്ടില്‍ രജനികാന്തിന് പുതുതായി എന്ത് കര്‍ത്തവ്യമാണ് നിര്‍വഹിക്കാനുള്ളത്? തമിഴ്‌നാട്ടില്‍ മറ്റു സംസ്ഥാനങ്ങളെ അപേക്ഷിച്ച് ചലച്ചിത്ര രംഗത്തെ നടീനടന്മാരാണ് കഴിഞ്ഞ കുറച്ചുകാലമായി മേല്‍ക്കോയ്മ നേടിയിട്ടുള്ളത്. അണ്ണാദുരൈയുടെ വേര്‍പിരിയലിന് ശേഷം സ്വന്തമായി അദ്ദേഹമുണ്ടാക്കിയ പ്രാദേശിക രാഷ്ട്രീയ കക്ഷിയാണ് ദ്രാവിഡ മുന്നേറ്റ കഴകം. ദ്രാവിഡ രാഷ്ട്രീയത്തെ കോണ്‍ഗ്രസ് അടിത്തറപാകിയ ദേശീയ രാഷ്ട്രീയവുമായി വേര്‍പെടുത്തിയത് വിജയകരമായി പര്യവസാനിച്ചതായാണ് കഴിഞ്ഞ നാലു പതിറ്റാണ്ടുകള്‍ തമിഴ്‌നാട് കണ്ടത്.

മുത്തുവേല്‍ കരുണാനിധിയും എം.ജി രാമചന്ദ്രനും ജയലളിതയും ശിവാജി ഗണേശനുമൊക്കെ രാഷ്ട്രീയത്തില്‍ പലതലത്തില്‍ മികച്ച പാടവം സൃഷ്ടിച്ച വെള്ളിത്തിരയിലെ ഭൈമീകാമുകന്മാരായിരുന്നു. മുഖ്യമന്ത്രിയായ മുത്തുവേല്‍ കരുണാനിധി തികഞ്ഞ നിരീശ്വരവാദിയും യുക്തിവാദിയുമായിരിക്കുമ്പോള്‍, എം.ജി.ആറിലൂടെ വ്യക്ത്യാധിഷ്ഠിതവും ഈശ്വര വിശ്വാസത്തിലധിഷ്ഠിതവുമായ രാഷ്ട്രീയത്തെയും തമിഴ് ജനത താലോലിച്ചു. ഇതിന്റെ ഓരത്തുനിന്നാണ് ജയലളിതയോടുള്ള താരാരാധനയിലൂടെ കഴിഞ്ഞ രണ്ടുപതിറ്റാണ്ടുകള്‍ തമിഴകം കണ്ടതും അനുഭവിച്ചതും. കണ്ണടച്ചുള്ള ഈ താരാരാധനയില്‍ നേതാക്കള്‍ക്കും അധികാരികള്‍ക്കും യഥേഷ്ടം പൊതുസമ്പത്ത് കൊള്ളയടിക്കാന്‍ കഴിഞ്ഞു. ഇവിടേക്കാണ് കറകളഞ്ഞ ആത്മീയവാദിയും നിസ്വാര്‍ഥനുമായി രജനി പ്രവേശനം നടത്തിയിരിക്കുന്നത്. മുഖ്യമന്ത്രിക്കസേരയാണ് രജനി നോട്ടമിട്ടിരിക്കുന്നതെന്ന് എല്ലാവര്‍ക്കുമറിയാം. പൂര്‍വസൂരികളുടേതില്‍ നിന്ന് രജനിക്കുള്ള ഭിന്നത അദ്ദേഹത്തിന് രാഷ്ട്രീയത്തില്‍ പറയാന്‍ തക്ക പാരമ്പര്യമോ പരിശീലനമോ ഇല്ലെന്നതാണ്. അപ്പോള്‍ ആ കസേരയില്‍ എങ്ങനെ അദ്ദേഹം ശോഭിക്കുമെന്ന ചോദ്യം ബാക്കിനില്‍ക്കുന്നു.

ദേശീയ രാഷ്ട്രീയത്തില്‍ മാറ്റംമറിച്ചിലുകളുടെ ആണ്ടുകളാണ് കഴിഞ്ഞുപോയത്. അതിനെ ബി.ജെ.പി എന്ന വര്‍ഗീയ കക്ഷിയുമായി ചേര്‍ന്ന് തമിഴ്‌നാട്ടിലും സ്ഥാപിച്ചെടുക്കാന്‍ രജനി ആദ്യഘട്ടത്തില്‍ ശ്രമിച്ചെങ്കിലും അത് പരാജയമാണെന്നാണ് അദ്ദേഹം സ്വയം വിളിച്ചുപറയുന്നത്, വ്യംഗ്യമായെങ്കിലും. ജയലളിതക്കെതിരെ 1996ല്‍ അഴിമതിക്കും അഹങ്കാരത്തിനുമെതിരെ താനുണ്ട് എന്ന് ദ്യോതിപ്പിക്കാന്‍ രജനി ശ്രമിച്ചിരുന്നുവെന്നത് നേരാണ്. എന്നാല്‍ കരുണാനിധി ഉള്ളിടത്തോളം താന്‍ രാഷ്ട്രീയത്തിലേക്കില്ലെന്ന് അദ്ദേഹം തന്ത്രപൂര്‍വമായ പ്രഖ്യാപനം നടത്തി ഒഴിഞ്ഞുമാറി. നടന്മാരായ വിജയകാന്തും മറ്റും രാഷ്ട്രീയത്തില്‍ ഒരുകൈ നോക്കാന്‍ തുനിഞ്ഞ് പരാജയപ്പെട്ട് പിന്മാറേണ്ടിവന്നത് രജനിയുടെയും മനസ്സിലുണ്ടാകണം.

പ്രാദേശിക വാദമാണ് രജനിക്കെതിരായ മറ്റൊരു ഘടകം. കര്‍ണാടകയില്‍ ജനിച്ചെങ്കിലും താന്‍ പച്ചൈത്തമിഴനാണെന്നാണ് രജനി പറയുന്നത്. അത് മലയാളിയായ എം.ജി.ആറിന്റെയും മൈസുരുകാരിയായ ജയലളിതയുടെയും കാര്യത്തിലും ഉണ്ടായ വിവാദമാണെങ്കിലും അതിലൊക്കെ അപ്പുറമാണ് തമിഴര്‍ക്ക് സിനിമാക്കാരോടുള്ള അടിമത്ത മനോഭാവം എന്ന് കാലം തെളിയിച്ചുകഴിഞ്ഞതാണ്. സ്വന്തമായുള്ള ആരാധക വൃന്ദമാണ ്‌രജനികാന്തിന് കേഡര്‍ പടയായുള്ളത്. അവരില്‍ എത്രപേര്‍ മിനിമം നിലവാരം പുലര്‍ത്തുകയും രാഷ്ട്രീയ പരിചയവും ഉള്ളവരാണെന്ന സന്ദേഹവും നിലനില്‍ക്കുന്നു. ഇതിനൊക്കെ ഇടയില്‍ മറ്റൊരു സൂപ്പര്‍താരം കമല്‍ഹാസനും തമിഴ ്‌രാഷ്ട്രീയത്തിലേക്ക് ചുവടുവെക്കാന്‍ തയ്യാറായി നില്‍പുണ്ട്. അങ്ങനെ വന്നാല്‍ ഉണ്ടാകാവുന്ന വെല്ലുവിളിയെ ആത്മീയതകൊണ്ട് നേരിടാമെന്നാണ് രജനി കണക്കുകൂട്ടുന്നത്. കമല്‍ യുക്തിവാദ -ഇടതുപക്ഷ മനസ്സുള്ളയാളാണെന്ന് എല്ലാവര്‍ക്കും അറിയാവുന്നതാണ്. കമലും അണ്ണാ ഡി.എം.കെ വിമതന്‍ ടി.ടി.വി ദിനകരന്‍ എം.എല്‍.എയും ബി.ജെ.പിയും ആര്‍.എസ്.എസ്സുമൊക്കെ രജനിയുടെ തീരുമാനത്തെ പിന്തുണച്ചിട്ടുണ്ടെങ്കിലും ബി.ജെ.പിയുടെ കയ്യിലേക്ക് പോകാന്‍ രജനി വിഡ്ഢിത്തം കാട്ടില്ലെന്നുതന്നെയാണ് പ്രതീക്ഷ. കാരണം ദ്രാവിഡ രാഷ്ട്രീയത്തില്‍ വര്‍ഗീയ രാഷ്ട്രീയത്തിന് ഒട്ടും പ്രസക്തിയില്ലെന്നുള്ളതിന്റെ തെളിവാണ് ഇതുവരെയും ഒരു എം.എല്‍.എയെ പോലും ജയിപ്പിക്കാനാകാത്തതും ആര്‍.കെ നഗര്‍ ഉപതെരഞ്ഞെടുപ്പില്‍ നോട്ടക്ക് താഴെ മാത്രം വോട്ടുകള്‍ നേടാന്‍ ബി.ജെ.പിക്ക് കഴിഞ്ഞതും.

ഇനി അണ്ണാ ഡി.എം.കെയുടെ അണികള്‍ എങ്ങോട്ടുപോകുമെന്ന ചോദ്യമാണ് ഒന്നാം തരമായി മുന്നില്‍വന്നുനില്‍ക്കുന്നത്. അവരില്‍ പലരും കളംമാറിത്തുടങ്ങിതായാണ് റിപ്പോര്‍ട്ടുകള്‍. ദിനകരനും ജയയുടെ തോഴി ശശികലക്കും രജനി ഉയര്‍ത്തിയിരിക്കുന്ന വെല്ലുവിളി മുഖ്യമന്ത്രി പളനിസ്വാമിക്കും ഉപമുഖ്യന്‍ പനീര്‍ശെല്‍വത്തിനുമുള്ളതാണ്. എം.ജി.ആറിന്റെ മരണശേഷമുണ്ടായ രാഷ്ട്രീയ അനിശ്ചിതാവസ്ഥയിലേക്കാണ് കാര്യങ്ങളുടെ പോക്കെന്നാണ് ഇപ്പോഴത്തെ സംഭവവികാസങ്ങള്‍ ഓര്‍മിപ്പിക്കുന്നത്. ജനുവരി എട്ടിന് ആരംഭിക്കുന്ന തമിഴ്‌നാട് നിയമസഭാ സമ്മേളനത്തിലുണ്ടായേക്കാവുന്ന ബഹളങ്ങളിലേക്കാണ് ഭാവിയുടെ ചൂണ്ടുപലക കിടക്കുന്നത്. എങ്ങനെയും ഭരണത്തെ മറിച്ചിടുക എന്നതാണ് രജനിയുടെയും ബി.ജെ.പിയുടെയും ദിനകരന്റെയുമൊക്കെ ഉന്നം. അത് സംഭവിച്ചാല്‍ രാഷ്ട്രപതി ഭരണവും 2019നൊപ്പം നിയമസഭാ തെരഞ്ഞെടുപ്പുമാണ് കാണാന്‍ പോകുന്നത്. സ്രാവുകളെ പിടിക്കാനുള്ള പരിശ്രമമാകും പതിവുപോലെ കേന്ദ്ര ഭരണകക്ഷി നടത്തുക. അതിന് വീണുകൊടുക്കുന്നവര്‍ക്കായിരിക്കും ജനകീയ കോടതിയിലെ തിരിച്ചടി. തല്‍കാലം കാത്തിരുന്നുകാണുക തന്നെ.

എന്നാല്‍ ബി.ജെ.പിയുടെ നീക്കത്തോട് സ്‌റ്റൈല്‍ മന്നന്‍ ഇതുവരെ പ്രതികരിച്ചിട്ടില്ല. ‘സമയമാകുമ്പോള്‍ എല്ലാമറിയാം’ എന്നതാണ് അദ്ദേഹത്തിന്റെ നിലപാട്. കഴിഞ്ഞ ദിവസമായിരുന്നു പുതിയ പാര്‍ട്ടിയുടെ പ്രഖ്യാപനവുമായി രജനികാന്ത് രംഗത്തെത്തിയത്. വരുന്ന നിയമസഭാ തെരഞ്ഞെടുപ്പില്‍ എല്ലാ സീറ്റുകളിലും മത്സരിക്കുമെന്നും അദ്ദേഹം അറിയിച്ചിരുന്നു. നിലവില്‍ ഒറ്റയ്ക്ക് നിന്ന് മത്സരിക്കാനാണ് രജനിയുടെ തീരുമാനമെങ്കിലും ബി.ജെ.പിയുമായി ചേര്‍ന്ന് പ്രവര്‍ത്തിക്കാനായിരിക്കും രജനിയുടെ നീക്കമെന്നാണ് രാഷ്ട്രീയ നിരീക്ഷകര്‍ ചൂണ്ടിക്കാട്ടുന്നത്. രജനിയെ തമിഴ്‌നാട് സ്വീകരിച്ചാലും ബി.ജെ.പിക്കൊപ്പം ചേര്‍ന്നാല്‍ എത്രകണ്ട് ഉള്‍ക്കൊള്ളുമെന്നത് കണ്ടറിയണം.

തമിഴ് വികാരം സൂക്ഷിക്കുന്ന വോട്ടര്‍മാര്‍ ഈ സഖ്യത്തില്‍ എത്രമാത്രം വിശ്വാസമര്‍പ്പിക്കും എന്നതും ചോദ്യചിഹ്‌നമാണ്. ആത്മീയ രാഷ്ട്രീയമാണു തന്റെ ലക്ഷ്യമെന്നു പ്രഖ്യാപിച്ചതിലൂടെ ദ്രാവിഡ രാഷ്ട്രീയത്തിന്റെ വഴിയിലൂടെയല്ല പ്രവര്‍ത്തനമെന്ന് രജനി വ്യക്തമാക്കിയിരുന്നു. ഇതാണ് ബി.ജെ.പിയുടെ പ്രതീക്ഷകള്‍ക്കു ഊര്‍ജമേകുന്നത്. ജയലളിതയുടെ മരണവും കരുണാനിധിയുടെ അസാന്നിധ്യവും സൃഷ്ടിച്ച ശൂന്യതയിലാണു രജനി രാഷ്ട്രീയഭാവി നെയ്യുന്നത്.

ബി.ജെ.പിയുടെ വര്‍ഗീയ ഫാസിസ്റ്റ് നയങ്ങള്‍ രജനി ആരാധകരില്‍ സ്വാധീനമുണ്ടാക്കില്ലെന്നാണ് വിലയിരുത്തല്‍. അതേസമയം രജനിയുടെ പാര്‍ട്ടിക്കും ബി.ജെ.പിക്കും തമിഴ് ജനതക്കിടയില്‍ ഒരു സ്വാധീനവും ഉണ്ടാക്കാനാകില്ലെന്ന് ഡി.എം.കെ വര്‍ക്കിങ് പ്രസിഡന്റ് എം.കെ സ്റ്റാലിന്‍ പ്രതികരിച്ചു. ആര്‍.കെ നഗര്‍ ഉപതെരഞ്ഞെടുപ്പ് ഫലം ബി.ജെ.പി മറക്കരുതെന്നും അദ്ദേഹം കൂട്ടിച്ചേര്‍ത്തു.

ചെന്നൈ: തന്റെ രാഷ്ട്രീയപ്രവേശനം സംബന്ധിച്ച തീരുമാനം ഡിസംബര്‍ 31ന് അറിയിക്കുമെന്ന് നടന്‍ രജനികാന്ത്. യുദ്ധത്തിന് ഇറങ്ങുകയാണെങ്കില്‍ വിജയിക്കണം. അതിന് തന്ത്രങ്ങള്‍ ആവശ്യമാണെന്നും താരം പറഞ്ഞു.

ചെന്നൈയില്‍ നടക്കുന്ന ആരാധക സംഗമത്തിലാണ് രാഷ്ട്രീയപ്രവേശനത്തിനെ കുറിച്ച് സംസാരിച്ചത്. ആരാധക സംഗമം ഡിസംബര്‍ മുപ്പത്തിയൊന്നുവരെ നീണ്ടുനില്‍ക്കും. എല്ലാ ജില്ലകളില്‍ നിന്നുമുള്ള തിരഞ്ഞെടുക്കപ്പെട്ട പ്രതിനിധികളെയാണ് രജനീകാന്ത് കാണുക. രാവിലെ എട്ട് മുതല്‍ വൈകിട്ട് മൂന്ന് വരെ നടക്കുന്ന ചടങ്ങില്‍ ദിവസവും ആയിരം പേരാണ് പങ്കെടുക്കുക.

തമിഴ്‌നാട് രാഷ്ട്രീയത്തില്‍ രജനികാന്ത് പ്രവേശിക്കുന്നതോടെ സംസ്ഥാനത്തെ രാഷ്ട്രീയം മറ്റൊരു തലത്തിലേക്ക് മാറുമെന്നാണ് നിരീക്ഷകരുടെ വിലയിരുത്തല്‍. തമിഴ്‌നാട്ടില്‍ ഏറ്റവും കൂടുതല്‍ ആരാധകരുള്ള രജനി പുതിയ പാര്‍ട്ടി രൂപികരിക്കുമോ എന്നാണ് ഏവരും ഇപ്പോള്‍ ഉറ്റുനോക്കുന്നത്. ആര്‍.കെ നഗര്‍ ഉപതെരുഞ്ഞെടുപ്പില്‍ ടി.ടി.വി ദിനകരന്റെ വിജയ ആഹ്ലാദം അടങ്ങും മുമ്പാണ് മറ്റൊരു ശ്രദ്ധേയമായ രാഷ്ട്രീയ ചുവടുവെപ്പിന് തമിഴ്‌നാട് ഒരുങ്ങുന്നത്. നേരത്തെ നടന്‍ കമല്‍ഹാസനും രാഷ്ട്രീയത്തിലിറങ്ങുമെന്ന് അറീയിച്ചിരുന്നു. മുന്‍മുഖ്യമന്ത്രി ജയലളിതയുടെ മരണത്തോടെ തമിഴ് രാഷ്ട്രീയം മാറ്റത്തിന്റെ പാതയിലാണ്.