അതേസമയം, സംഭവത്തില്‍ സിബിഐ അന്വേഷണം വേണമെന്ന് പ്രതിപക്ഷ നേതാവ് രമേശ് ചെന്നിത്തല ആവര്‍ത്തിച്ചു. മുഖ്യമന്ത്രി ആഭ്യന്തര വകുപ്പ് ഒഴിയണമെന്നും അദ്ദേഹം ആവശ്യപ്പെട്ടു. പത്തനംതിട്ടയില്‍ എസ്പി ഓഫീസ് മാര്‍ച്ച് ഉദ്ഘാടനം ചെയ്യുകയായിരുന്നു അദ്ദേഹം.

കൊല്ലപ്പെട്ട രാജ്കുമാറിന്റെ അമ്മയും സംഭവത്തില്‍ സിബിഐ അന്വേഷണം വേണമെന്ന് ആവശ്യപ്പെട്ടു. ഇനിയങ്ങോട്ട് എങ്ങനെ ജീവിക്കുമെന്നറിയില്ലെന്നും അവര്‍ പറഞ്ഞു.

കഴിഞ്ഞ മാസം 21നാണ് രാജ്കുമാര്‍ പീരുമേട് സബ്ജയിലില്‍ മരിച്ചത്. മേലുദ്യോഗസ്ഥരില്‍ നിന്നുണ്ടായ സമ്മര്‍ദ്ദം മൂലമാണ് രാജ്കുമാര്‍ ക്രൂരമായി പീഡിപ്പിക്കപ്പെട്ടതെന്നാണ് കുടുംബത്തിന്റെ വാദം.

മര്‍ദ്ദനത്തിന്റെ വിവരങ്ങള്‍ ഇടുക്കി എസ്പിയെ അറിയിച്ച ജില്ലാ സ്‌പെഷല്‍ ബ്രാഞ്ച് ഉദ്യോഗസ്ഥനെ നെടുങ്കണ്ടം എസ്‌ഐ കെഎ സാബു ഭീഷണിപ്പെടുത്തിയെന്നും അന്വേഷണ സംഘത്തിന് വിവരം ലഭിച്ചു. എന്നാല്‍ നെടുങ്കണ്ടം സ്‌റ്റേഷനില്‍ നടന്ന കാര്യങ്ങള്‍ ഡിജിപി ഉള്‍പ്പെടെയുള്ള ഉന്നതരെ അറിയിക്കുന്നതില്‍ സ്‌റ്റേറ്റ് ഇന്റലിജന്‍സ് ഗുരുതരമായ വീഴ്ച്ചവരുത്തിയതായും കണ്ടെത്തി.

ഭരണകക്ഷിയുടെ ആജ്ഞാനുവര്‍ത്തിയായി എസ്പി പ്രവര്‍ത്തിച്ചുവെന്ന ആരോപണം നിലനില്‍ക്കേയാണ് സിപിഎം നിലപാട് വ്യക്തമാക്കുന്നത്.
അതേസമയം കേസില്‍ നിര്‍ണായകമായേക്കാവുന്ന നെടുങ്കണ്ടം പോലീസ് സ്‌റ്റേഷനിലെ സിസിടിവി ദൃശ്യങ്ങള്‍ സംബന്ധിച്ച ആശയക്കുഴപ്പം തുടരുകയാണ്.

സിസിടിവിയില്‍ പെടാതിരിക്കാനുള്ള മനപൂര്‍വമായ ശ്രമമോ സാങ്കേതിക തകരാറോ ആയേക്കാം ഇതിന് കാരണമെന്നാണ് അന്വേഷണ സംഘം നല്‍കുന്ന വിശദീകരണം. അതേസമയം ജയിലിലും കസ്റ്റഡിയിലും രാജ്കുമാറിന് നിയമപരമായ വൈദ്യസഹായം നല്‍കുന്നതില്‍ വീഴ്ചയുണ്ടായെന്ന് അന്വേഷണ സംഘം കണ്ടെത്തിയിട്ടുണ്ട്.