കാസർഗോഡ് മുളിയാർ ബോവിക്കാനത്ത് നടക്കുന്ന ഉപവാസ സമരം എ ഐ സി സി ജനറൽ സെക്രട്ടറി ദീപാ ദാസ്‌ മുൻഷി ഉദ്ഘാടനം ചെയ്തു. കാസർഗോഡ് ജില്ലയിൽ ഉൾപ്പടെ വന്യമൃഗ ശല്യം കൂടിവരുന്നതായി രാജ്മോഹൻ ഉണ്ണിത്താൻ എംപി പറഞ്ഞു.

“കേന്ദ്ര- കേരള സർക്കാരുകൾ വിഷയത്തിൽ വേണ്ടവിധം ഇടപെടുന്നില്ല. ജനങ്ങളുടെ ജീവന് പുല്ലുവിലയാണ്. ഭീതിജനകമായ അന്തരീക്ഷത്തിൽ കാസർഗോഡുകാർ ഉൾപ്പടെ ജീവിക്കുന്നു. വന സംരക്ഷണ നിയമം പരിഷ്കരിക്കുന്നില്ല. എന്നാൽ ഇന്ത്യയുടെ ഭരണഘടന വരെ തിരുത്തിയെഴുതുന്ന ഗവൺമെന്‍റാണ് കേന്ദ്രം ഭരിക്കുന്നതെന്നും” രാജ്മോഹൻ ഉണ്ണിത്താൻ എംപി പറഞ്ഞു.

‘ലോകത്ത് ബാക്കിയെല്ലാവരും അമ്മയില്ലാതെയാണോ ജനിച്ചത്? ഇവര്‍ കൊലപ്പെടുത്തിയ കൃപേഷിനും ശരത് ലാലിനും അമ്മയില്ലേ? കെ.വി. കുഞ്ഞിരാമന് മാത്രമേ അമ്മയുള്ളൂ? കോണ്‍ഗ്രസില്‍നിന്ന് കാലുമാറി കൊലക്കേസ് പ്രതികള്‍ക്ക് വേണ്ടി കോടതിയില്‍ ഹാജരായ അഡ്വ. സി.കെ. ശ്രീധരന്റെ ആവനാഴിയിലെ അവസാനത്തെ അടവും തീര്‍ന്നതിനാല്‍ 19ാമത്തെ അടവായാണ് കുഞ്ഞിരാമന്റെ അമ്മയെ പറയുന്നത്. ലോകത്തെല്ലാവര്‍ക്കും അമ്മയുണ്ട്. ഇനി ഒരമ്മയ്ക്കും ഈ അവസ്ഥ വരരുതെന്ന് ഉണ്ണിത്താന്‍ പറഞ്ഞു. പ്രതികള്‍ക്ക് കടുത്ത ശിക്ഷ തന്നെ ലഭിക്കുമെന്നാണ് പ്രതീക്ഷയെന്നും ഉണ്ണിത്താന്‍ പറഞ്ഞു.

ശിക്ഷ വിധിക്കുന്നതിന് മുന്നോടിയായാണ് പ്രായമായ അമ്മയുണ്ടെന്നും ശിക്ഷ പരമാവധി കുറക്കണമെന്നും കുഞ്ഞിരാമന് വേണ്ടി ഹാജരായ അഡ്വ. സി.കെ. ശ്രീധരന്‍ എറണാകുളം പ്രത്യേക സി.ബി.ഐ കോടതിയില്‍ ബോധിപ്പിചചത്. കുറ്റക്കാര്‍ക്കുള്ള ശിക്ഷ പ്രത്യേക കോടതി ജഡ്ജി എന്‍. ശേഷാദ്രിനാഥന്‍ ഇന്ന് 12.15ന് വിധിക്കും.

2019 ഫെബ്രുവരി 17ന് രാത്രി 7.45നാണ് പെരിയ കല്യോട്ട് വെച്ച് യൂത്ത് കോണ്‍ഗ്രസ് പ്രവര്‍ത്തകരായ കൃപേഷ് (21), ശരത് ലാല്‍ (24) എന്നിവര്‍ കൊല്ലപ്പെട്ടത്. പെരുങ്കളിയാട്ടത്തിന്റെ സംഘാടകസമിതി യോഗത്തിനുശേഷം ബൈക്കില്‍ വീട്ടിലേക്ക് മടങ്ങുമ്പോള്‍ ജീപ്പിലെത്തിയ അക്രമിസംഘം ഇവരെ ഇടിച്ചുതെറിപ്പിച്ച ശേഷം വെട്ടുകയായിരുന്നു. ആദ്യം ലോക്കല്‍ പൊലീസും പിന്നീട് ക്രൈംബ്രാഞ്ചും അന്വേഷിച്ചശേഷമാണ് കേസ് സി.ബി.ഐ ഏറ്റെടുത്തത്. സി.ബി.ഐ അന്വേഷണത്തിനെതിരെ സംസ്ഥാന സര്‍ക്കാര്‍ സുപ്രീംകോടതിയില്‍ ഹരജി നല്‍കിയിരുന്നെങ്കിലും കോടതി അന്വേഷണം ശരിവെക്കുകയായിരുന്നു.

ഇന്നലെ സി.പി.എം പാലക്കാട് ഏരിയ കമ്മിറ്റി അംഗം അബ്ദുൽ ഷുക്കൂർ രാജിവെച്ചതുമായി ബന്ധപ്പെട്ട് പ്രതികരണം തേടിയ മാധ്യമപ്രവർത്തകരെയാണ് സി.പി.എം നേതാവ് എൻ.എൻ. കൃഷ്ണദാസ് ‘ഇറച്ചിക്കടക്ക് മുന്നിലെ പട്ടികൾ’ എന്ന് അധിക്ഷേപിച്ചത്. പ്രവർത്തകരുടെ കരഘോഷങ്ങളോടെ ഏരിയ കമ്മിറ്റി അംഗം അബ്ദുൽ ഷുക്കൂറിനെ എൽ.ഡി.എഫ് കൺവെൻഷനിൽ കൊണ്ടു വന്നപ്പോഴും എൻ.എൻ. കൃഷ്ണദാസ് അധിക്ഷേപം തുടർന്നു. ‘‘സി.പി.എമ്മിൽ പൊട്ടിത്തെറിയെന്ന് പറഞ്ഞവർ ലജ്ജിച്ച് തല താഴ്ത്തുക. രാവിലെ മുതൽ ഇപ്പോഴും ഇറച്ചിക്കടക്കു മുന്നിൽ പട്ടികൾ എന്നപോലെ ഷുക്കൂറിന്റെ വീടിനു മുന്നിൽ കാത്തുനിന്നവർ തലതാഴ്ത്തുക’’ എന്നു പറഞ്ഞാണ് സദസിലേക്ക് ഷുക്കൂറിനെ കൊണ്ടുവന്നത്.

മാധ്യമങ്ങൾക്കെതിരായ അധിക്ഷേപ പരാമർശത്തിൽ ഉറച്ചുനിൽക്കുന്നതായും മാപ്പ് പറയില്ലെന്നും എൻ.എൻ. കൃഷ്ണദാസ് ഇന്ന് വ്യക്തമാക്കി. ‘മാധ്യമങ്ങളോടുള്ള പരാമർശം അബദ്ധം പറ്റിയതല്ല. ഉത്തമബോധ്യത്തിലാണ് മാധ്യമങ്ങളോട് പ്രതികരിച്ചത്. ഷുക്കൂറിന്‍റെ വീട്ടിലെത്തിയ മറ്റ് പാർട്ടിക്കാരെ കൂടി ഉദ്ദേശിച്ചാണ് പരാമർശം നടത്തിയത്. മാപ്പ് ആവശ്യപ്പെട്ടുള്ള കേരള പത്രപ്രവർത്തക യൂണിയന്‍റെ പ്രസ്താവന നാലാക്കി മടക്കി പോക്കറ്റിലിട്ടോട്ടെ’ എന്നും കൃഷ്ണദാസ് പറഞ്ഞു.

‘പട്ടി’ പരാമർശത്തിൽ എൻ.എൻ. കൃഷ്ണദാസിനെ ന്യായീകരിച്ച് സി.പി.എം സംസ്ഥാന സെക്രട്ടറി എം.വി. ഗോവിന്ദൻ രംഗത്തെത്തി. ‘പട്ടി’ പരാമർശം ആപേക്ഷികമായി ശരിയല്ലേ എന്ന് മാധ്യമപ്രവർത്തകരോട് ഗോവിന്ദൻ ചോദിച്ചു. മാധ്യമങ്ങൾ ഉൾപ്പെടെ ഉപയോഗിക്കുന്ന പദങ്ങളാണവ. ശക്തമായ വിമർശനത്തിന് നല്ല ഭാഷ ഉപയോഗിക്കുന്നതാണ് നല്ലതെന്നും അദ്ദേഹം ചൂണ്ടിക്കാട്ടി.

ഇത് അംഗീകരിക്കാന്‍ ആവില്ല. ആഡംബര വാഹനത്തിലെ ഉല്ലാസയാത്രയ്ക്ക് ജനം വരില്ലെന്ന് സര്‍ക്കാരിനറിയാം. പിണറായിയുടെ വികൃതമായ മുഖം മിനുക്കാനാണ് നവകേരള സദസ്. യുഡിഎഫ് അനുകൂല സംഘടനക്കാര്‍ പരിപാടി ബഹിഷ്‌കരിക്കുമെന്ന് അദ്ദേഹം പ്രതികരിച്ചു.

കേരളത്തിന്റെ പ്രശ്‌നങ്ങള്‍ കേന്ദ്ര ശ്രദ്ധയില്‍പ്പെടുത്താന്‍ എംപിമാര്‍ സര്‍ക്കാരിനൊപ്പം നില്‍ക്കും.
എന്നാല്‍ സംസ്ഥാന സര്‍ക്കാര്‍ എംപിമാരുമായി സഹകരിക്കുന്നില്ല. സംസ്ഥാനത്തിന്റെ പ്രശ്‌നങ്ങളില്‍ എംപിമാര്‍ നിസ്സഹകരിക്കുന്നില്ലെന്ന് വരുത്തി തീര്‍ക്കാനാണ് ശ്രമമെന്ന് അദ്ദേഹം പറഞ്ഞു.

കാസര്‍കോട്: ലോക്‌സഭാ തെരഞ്ഞെടുപ്പിലെ വലിയ വിജയത്തിനു പിന്നാലെ മുഖ്യമന്ത്രി പിണറായി വിജയനെതിരെ പരിഹാസമുയര്‍ത്തി കാസര്‍കോട് മണ്ഡലത്തിലെ യു.ഡി.എഫ് സ്ഥാനാര്‍ഥിയായി വിജയിച്ച രാജ്‌മോഹന്‍ ഉണ്ണിത്താന്‍. ശബരിമല വിഷയത്തിലെ പിണറായി എടുത്ത നിലപാടുകളാണ് സി.പി.എമ്മിനു തിരിച്ചടിയായതെന്നു ചൂണ്ടിക്കാട്ടിയ ഉണ്ണിത്താന്‍ ചില നിര്‍ദേശങ്ങളും മുന്നോട്ടു വെക്കുന്നുണ്ട്. 41 ദിവസം മാലയിട്ട് വ്രതമെടുത്ത് ശബരിമലയില്‍ പോകാനും പതിനെട്ടാം പടി ചവിട്ടി കയറിച്ചെന്ന് അയ്യപ്പനെ കണ്ട് ചെയ്ത അപരാധങ്ങളൊക്കെ പറഞ്ഞ് പൊറുപ്പിക്കണമെന്നുമാണ് ഉണ്ണിത്താന്‍ പിണറായിക്കു നല്‍കിയ നിര്‍ദേശം.

‘ ഞാന്‍ പിണറായി വിജയനോട് വിനയപൂര്‍വം അഭ്യര്‍ഥിക്കുകയാണ്. നിങ്ങള്‍ 41 ദിവസം മാലയിട്ട് വ്രതമെടുക്കണം. എന്നിട്ട് 41ാം ദിവസം ശബരിമലയിലേക്ക് പോകണം. 18 പടികള്‍ ചവിട്ടണം. അയ്യപ്പനെ കണ്ട്് സമസ്താപരാധങ്ങളും പൊറുക്കണം എന്നു പറയണം. ഇല്ലെങ്കില്‍ നിങ്ങളുടെ പാര്‍ട്ടി ഒരു തെരഞ്ഞെടുപ്പിലും ജയിക്കാന്‍ പോകുന്നില്ല.’-ഉണ്ണിത്താന്‍ പരിഹസിച്ചു. കേരളം വിശ്വാസികളുടെ നാടാണെന്നും സുപ്രീംകോടതിയുടെ മറവില്‍ ശബരിമലയെ അട്ടിമറിക്കാന്‍ വളരെ ഹീനമായ ശ്രമം നടത്തിയ നിരീശ്വരവാദികളായ കമ്മ്യൂണിസ്റ്റുകാര്‍ക്ക് അയ്യപ്പന്‍ കൊടുത്ത പണിയാണ് തെരഞ്ഞെടുപ്പിലെ നാണം കെട്ട തോല്‍വിയെന്നും അദ്ദേഹം പറഞ്ഞു. കാസര്‍കോട് മണ്ഡലത്തില്‍ എല്‍.ഡി.എഫ് സ്ഥാനാര്‍ഥി സതീഷ് ചന്ദ്രനെതിരെ 40,438 വോട്ടിന്റെ ഭൂരിപക്ഷത്തോടെയായിരുന്നു ഉണ്ണിത്താന്റെ വിജയം.

പെരിയയില്‍ കൊല്ലപ്പെട്ടവരുടെ ബന്ധുക്കള്‍ അടക്കമുള്ള കല്യോട്ടുകാരാണ് തെരഞ്ഞെടുപ്പിന് കെട്ടിവയ്ക്കാനുള്ള തുക നല്‍കിയത്. മണ്ഡലത്തില്‍ വിജയം ഉറപ്പിക്കാന്‍ ലക്ഷ്യമിട്ടാണ് മത്സരമെന്ന് ആവര്‍ത്തിച്ചാണ് രാജ്‌മോഹന്‍ ഉണ്ണിത്താന്റെ പ്രചാരണം.

കേരളത്തിലെ ജനങ്ങളെ എല്ലാ തലത്തിലും ദുരിതത്തിലേക്ക് തള്ളിവിടുന്ന പിണറായി വിജയന് ‘മീശമാധവന്‍’ സിനിമയില്‍ ജഗതി ശ്രീകുമാറിന്റെ കഥാപാത്രമായ പിള്ളേച്ചന് കാണിക്കുന്ന ‘കണി’ കാണിക്കാന്‍ സമയമായി.’ കേരളം കണ്ട കോര്‍പ്പറേറ്റ് കമ്മ്യൂണിസ്റ്റ് കാരനാണ് പിണറായി വിജയന്‍.മുതലാളിമാര്‍ക്ക് വേണ്ടിയാണ് വിജയന്റെ ഭരണം. പാവപ്പെട്ടവന്റെ ദുരിതം മനസ്സിലാക്കാന്‍ കഴിയാത്ത സര്‍ക്കാരാണ് കേരളം ഭരിക്കുന്നത്. വിശപ്പടക്കാന്‍ ഒരുപിടി അരിമോഷ്ടിച്ചവനെ കള്ളനെന്നു പറഞ്ഞ് അടിച്ചു കൊല്ലുന്നു. എന്നാല്‍ അറബിയുടെ പതിമൂന്നു കോടി രൂപ തട്ടിച്ചുവന്ന കോടിയേരിയുടെ മകന്‍ കള്ളനല്ല. ഇതാണ് ഇന്ന് കേരളത്തില്‍ നടക്കുന്നത്, ഉണ്ണിത്താന്‍ പറഞ്ഞു.

മോദിയുടെ ഫാസിസ്റ്റ് ഭരണം അവസാനിപ്പിക്കാന്‍ എല്ലാ ജനാധിപത്യ മതേതര പാര്‍ട്ടികളെയും ഒരു കുടക്കീഴില്‍ കൊണ്ടുവരാനാണ് കോണ്‍ഗ്രസും രാഹുല്‍ ഗാന്ധിയും ശ്രമിക്കുന്നതെന്നു പറഞ്ഞ ഉണ്ണിത്താന്‍ സിപി.ഐ.എം കരുതുന്നത് മോദിയെ തങ്ങള്‍ക്ക് ഒറ്റയ്ക്ക് പരാജയപ്പെടുത്താമെന്നാണെന്നും വിമര്‍ശിച്ചു.

കണ്ണൂര്‍ പയ്യന്നൂരില്‍ കെ.പി.സി.സി അധ്യക്ഷന്‍ എം.എം ഹസന്‍ നയിക്കുന്ന ജനമോചന യാത്രയ്ക്ക് നല്‍കിയ സ്വീകരണയോഗത്തില്‍ സംസാരിക്കുകയായിരുന്നു ഉണ്ണിത്താന്‍.

അമ്മയിലെ ഒരു താരത്തെ പീഢിപ്പിച്ചതിന് പിന്നില്‍ പ്രവര്‍ത്തിച്ചെന്ന് വിശ്വസിക്കുന്നയാളെ അവസാനശ്വാസം വരെ രക്ഷപ്പെടുത്താന്‍ ശ്രമിച്ചു. എന്നാല്‍ അയാള്‍ അറസ്റ്റിലാവുന്നതോടെ രക്ഷിക്കാന്‍ പറ്റാത്ത സാഹചര്യമുണ്ടായി. ഈ സാഹചര്യത്തിലാണ് എക്‌സിക്യൂട്ടീവ് യോഗം വിളിച്ചുചേര്‍ത്ത് പുറത്താക്കാന്‍ മമ്മുട്ടി തീരുമാനിക്കുന്നത്. ഇക്കാര്യത്തില്‍ ആരും മമ്മുട്ടിയെ കുറ്റ പറയേണ്ട ആവശ്യമില്ല. ഒരു സംഘടനയുടെ തലപ്പത്തിരിക്കുമ്പോള്‍ ഉണ്ടാവുന്ന ബുദ്ധിമുട്ടുകള്‍ മറ്റൊരു സംഘടനയുടെ തലപ്പത്തിരിക്കുന്നയാള്‍ക്കേ മനസ്സിലാവൂ. അത് ഏത് സംഘടനയായാലും അങ്ങനെ തന്നെയാണെന്ന് ഉണ്ണിത്താന്‍ പറഞ്ഞു.

ദിലീപിനെ പുറത്താക്കിയ മമ്മുട്ടിയുടെ നടപടി ശരിയായില്ലെന്ന് ഗണേഷ്‌കുമാര്‍ പറഞ്ഞിരുന്നു. പൃഥ്വിരാജിന്റെ സമ്മര്‍ദ്ദം മൂലമാണ് മമ്മുട്ടി ഇത്തരത്തിലൊരു തീരുമാനത്തിലെത്തിയതെന്നും ഗണേഷ്‌കുമാര്‍ ആരോപിച്ചു.

അദ്ദേഹം എത്തിയ വാഹനം ഡി.സി.സി ഓഫീസ് വളപ്പിനുള്ളിലേക്ക് കടക്കും മുമ്പ് മുദ്രാവാക്യം വിളിച്ചെത്തിയ ഒരു സംഘം കാര്‍ തടയുകയായിരുന്നു. ഡോര്‍ വലിച്ചുതുറന്ന് ഉണ്ണിത്താനെ പുറത്തിറക്കി കയ്യേറ്റം ചെയ്യാനും ചില പ്രവര്‍ത്തകര്‍ ശ്രമിച്ചു. അപ്പോഴേക്കും ഡി.സി.സി ഓഫീസില്‍ നിന്നും പ്രവര്‍ത്തകരെത്തി അദ്ദേഹത്തിന് സംരക്ഷണ വലയം തീര്‍ത്ത് ഓഫീസിന് ഉള്ളിലേക്ക് കൂട്ടിക്കൊണ്ടുപോയി. ഇതിനിടെ ഉണ്ണിത്താനെതിരെ മുദ്രവാക്യം വിളിച്ചവര്‍ അദ്ദേഹത്തിന്റെ കാറിന് നേര്‍ക്ക് ചീമുട്ട എറിയുകയും ചെയ്തു.

വാഹനം തടഞ്ഞ് തന്നെ ആക്രമിക്കാന്‍ ശ്രമിച്ചത് കോണ്‍ഗ്രസ് പ്രവര്‍ത്തകര്‍ അല്ലെന്നും പ്രീപെയ്ഡ് ഗുണ്ടകളാണെന്നും ഉണ്ണിത്താന്‍ പ്രതികരിച്ചു.തന്റെ ജീവന് ഭീഷണി ഉണ്ടായാല്‍ തിരിച്ചടിക്കുമെന്നും തനിക്കും ഗുണ്ടകളെ കിട്ടുമെന്നും ഉണ്ണിത്താന്‍ പറഞ്ഞു.
ഉണ്ണിത്താന്റെ വാഹനം തടഞ്ഞ് അദ്ദേഹത്തെ കയ്യേറ്റം ചെയ്യാന്‍ ശ്രമിച്ച സംഭവത്തില്‍ ആറു പ്രവര്‍ത്തകരെ സസ്‌പെന്റ് ചെയ്തതായി കോണ്‍ഗ്രസ് നേതൃത്വം അറിയിച്ചു.
ആറു പ്രവര്‍ത്തകര്‍ക്ക് സസ്‌പെന്‍ഷന്‍
കൊല്ലം: ജില്ലാ കോണ്‍ഗ്രസ് കമ്മിറ്റി ഓഫീസില്‍ ജന്മദിനാഘോഷ ചടങ്ങിനിടെ അക്രമം നടത്തിയ കോണ്‍ഗ്രസ് പ്രവര്‍ത്തകരായ ആര്‍.എസ് അബിന്‍, വിനു മംഗലത്ത്, എം.എസ് അജിത്ത്കുമാര്‍, വിഷ്ണുവിജയന്‍, ബി.ശങ്കരനാരായണപിള്ള, അതുല്‍ എസ്.പി എന്നിവരെ കെ.പി.സി.സി നിര്‍ദേശ പ്രകാരം പാര്‍ട്ടിയില്‍ നിന്നും അന്വേഷണ വിധേയമായി സസ്‌പെന്‍ഡ് ചെയ്തതായി ഡി.സി.സി പ്രസിഡന്റ് ബിന്ദു കൃഷ്ണ അറിയിച്ചു. സംഭവത്തെക്കുറിച്ച് വിശദമായ അന്വേഷണം നടത്തി റിപ്പോര്‍ട്ട് സമര്‍പ്പിക്കാന്‍ ഡി.സി.സി ഭാരവാഹികളായ ചിറ്റുമൂല നാസര്‍, പി.രാജേന്ദ്രപ്രസാദ് എന്നിവരെ ചുമതലപ്പെടുത്തിയതായും ഡി.സി.പി പ്രസിഡന്റ് അറിയിച്ചു.

നേരത്തെ, കെ.മുരളീധരനെതിരെ വിമര്‍ശനവുമായി ഉണ്ണിത്താന്‍ രംഗത്തെത്തിയിരുന്നു. ഉടനെ മുരളീധരന്റെ പ്രത്യാരോപണം വന്നു. എന്നാല്‍ മുരളീധരന്‍ ഉന്നയിച്ച വിമര്‍ശനങ്ങള്‍ക്ക് അതിരൂക്ഷമായ മറുപടിയുമായാണ് കോണ്‍ഗ്രസ് വക്താവ് രാജ്മോഹന്‍ ഉണ്ണിത്താന്‍ രംഗത്ത് വന്നത്. കെ മുരളീധരനെതിരെ താന്‍ സഭ്യത വിട്ട് പെരുമാറിയിട്ടില്ലെന്നും കോണ്‍ഗ്രസിനെ അധിക്ഷേപിച്ചത് കൊണ്ടാണ് പ്രതികരിച്ചതെന്നും ഉണ്ണിത്താന്‍ വാര്‍ത്താസമ്മേളനത്തില്‍ പറഞ്ഞു.

കോണ്‍ഗ്രസ് വക്താവിന്റെ ജോലിയാണ് താന്‍ ചെയ്യുന്നത്. പാര്‍ട്ടിയില്‍ നിന്ന് പലതവണ പീഡനം ഏറ്റുവാങ്ങിയിട്ടുണ്ട്. സോളര്‍ കേസിലടക്കം ചര്‍ച്ചകളില്‍ പാര്‍ട്ടിയെ പ്രതിരോധിച്ച ആളാണ് താനെന്നും എന്നാല്‍ തനിക്ക് നീതി ലഭിച്ചില്ലെന്നും അദ്ദേഹം പറഞ്ഞു.

ഈ വക്താവ് സ്ഥാനം കാരണം തന്റെ വാ മൂടുക്കെട്ടിയ നിലയാണെന്നും സ്ഥാനം പോയാല്‍ മുരളീധരനെ കുറിച്ച് ഇതിലുമധികം പറയുമെന്നും ഉണ്ണിത്താന്‍ പറഞ്ഞു.

അതേസമയം, കെ.മുരളീധരന്‍ എംഎല്‍എയുമായുള്ള പരസ്യപ്പോരിന് പിന്നാലെ, രാജ്മോഹനെ നിയന്ത്രിക്കണം എന്നാവശ്യപ്പെട്ട് എ ഗ്രൂപ്പ് നേതാവ് കെസി ജോസഫ് കത്ത് നല്‍കിയിരുന്നു.