‘ആണവായുധങ്ങള്‍ ആദ്യം ഉപയോഗിക്കില്ലെന്ന നയമാണ് ഇന്ത്യയ്ക്കുള്ളത്. ഇപ്പോഴും അത് തന്നെയാണ് തുടരുന്നത്. എന്നാല്‍ ഭാവിയില്‍ എന്താണ് സംഭവിക്കാന്‍ പോകുന്നതെന്ന് പറയാനാവില്ലെന്ന് രാജനാഥ് സിംഗ് പറഞ്ഞു.

നിലവില്‍ ആണവായുധം ആദ്യം ഉപയോഗിക്കില്ലെന്നാണ് ഇന്ത്യയുടെ നയം. ഈ നയത്തില്‍ ആവശ്യമെങ്കില്‍ മാറ്റം വരുത്തുമെന്നാണ് രാജ്‌നാഥ് സിംഗിന്റെ പരാമര്‍ശം.

കേരളത്തിന് അടിയന്തിരമായി 100 കോടി രൂപ അനുവദിച്ച് കേന്ദ്ര സര്‍ക്കാര്‍. കൂടുതല്‍ തുക അനുവദിക്കുന്നും കേന്ദ്ര രാജ്‌നാഥ് സിങ് പറഞ്ഞു. കേരളത്തിലെ മഴക്കെടുതി അതീവ ഗുരുതരമാണ്. കേന്ദ്രത്തിന്റെ എല്ലാ സഹായവും കേരളത്തിനു വാഗ്ദാനം ചെയ്യുകയാണ്. കേന്ദ്ര സംസ്ഥാന സര്‍ക്കാരുകള്‍ പ്രശനത്തെ ഒറ്റക്കെട്ടായി നേരിടുമെന്നും അദ്ദേഹം പറഞ്ഞു. ദുരന്തബാധിതര്‍ക്കൊപ്പം സര്‍ക്കാരുണ്ടെന്ന് കേന്ദ്രമന്ത്രിയോടൊപ്പം പ്രളയബാധിതര്‍ക്കൊപ്പം സര്‍ക്കാരുണ്ടെന്ന് കേന്ദ്രമന്ത്രിയോടൊപ്പം പ്രളയബാധിത പ്രദേശങ്ങള്‍ സന്ദര്‍ശിച്ച പിണറായി വിജയന്‍ പറഞ്ഞു. വെള്ളക്കെട്ട് നേരിട്ടതുപോലെ വെള്ളം ഇറങ്ങിയ ശേഷമുള്ള ദുരിതങ്ങളും പരിഹരിക്കാന്‍ ശ്രമിക്കുമെന്നും മുഖ്യമന്ത്രി വ്യക്തമാക്കി.

ന്യൂഡല്‍ഹി : പശ്ചിമ ബംഗാള്‍ ഗവര്‍ണര്‍ കേശരി നാഥ് ത്രിപാഠി സംസ്ഥാനത്തെ ഭരണകൂട കാര്യങ്ങളില്‍ അനാവശ്യമായി ഇടപെടുന്നു എന്നാരോപിച്ച് ബംഗാളിലെ 30 തൃണമൂല്‍ കോണ്‍ഗ്രസ് എം.പിമാര്‍ കേന്ദ്ര ആഭ്യന്തരമന്ത്രി രാജ്‌നാഥ് സിങിനെ നേരിട്ട് കണ്ട് പരാതിപ്പെട്ടു.

ഗവര്‍ണര്‍ കേശരി നാഥ് ത്രിപാഠി കഴിഞ്ഞ ദിവസം സംസ്ഥാന ഭരണകൂടത്തെ അറിയിക്കാതെ സംസ്ഥാന- കേന്ദ്ര വികസന പദ്ധതികള്‍ അവലോകനം ചെയ്യാന്‍ ജില്ലാ കലക്ടര്‍മാരുടേയും സര്‍ക്കാര്‍ ഉദ്ദ്യോഗസ്ഥരുടേയും യോഗം വിളിച്ചിരുന്നു. യോഗത്തില്‍ ഗ്രാമീണ മേഖലയിലെ എന്‍.ജി.ഒകളുടെ പ്രവര്‍ത്തനം, മുര്‍ഷിദാബാദ് ജില്ലയിലെ നിയമ ഭേദഗതി എന്നിവ ഗവര്‍ണര്‍ ഇവരുമായി അവലോകനം ചെയ്തു. എന്നാല്‍ നിയമവും ഉത്തരവും മറ്റ് വിഷയങ്ങളും സംസ്ഥാന ഗവണ്‍മെന്റിന്റെ പരിധിയില്‍ ഉള്‍പ്പെടുന്നതാണ്. സംസ്ഥാന സര്‍ക്കാറിനെ മറികടന്ന് ഗവര്‍ണറുടെ ഭാഗത്തുനിന്നും ഉണ്ടായ നീക്കം തെറ്റാണെന്ന് എം.പിമാര്‍ സമര്‍പ്പിച്ച പരാതിയില്‍ പറയുന്നു.

സംസ്ഥാന സര്‍ക്കാറിന്റെ അധികാര പരിതിയിലെ കാര്യങ്ങള്‍ സര്‍ക്കാറിനെ മറികടന്ന് ഗവര്‍ണറിന്റെ ഭാഗത്തു നിന്നുണ്ടാവുന്ന നീക്കങ്ങള്‍ തെറ്റാണ്. കേന്ദ്രമന്ത്രി രാജ്‌നാഥ് സിങിനെ കണ്ട് കാര്യങ്ങള്‍ അറിയിച്ചിട്ടുണ്ട്. ഇതു സംബന്ധിച്ച വിശദമായ റിപ്പോര്‍ട്ട് മന്ത്രിക്ക് സമര്‍പ്പിച്ച പരാതിയില്‍ വ്യക്തമാക്കിയിട്ടുണ്ട്. പരാതികള്‍ പരിശോധിച്ച് വേണ്ട നടപടികള്‍ കൈക്കൊളാമെന്ന് രാജ്‌നാഥ് സിങ് ഉറപ്പു നല്‍കിയതായും തൃണമൂല്‍ കോണ്‍ഗ്രസ് എം.പിയും പ്രമുഖ നേതാവുമായ ദീപക് ഓബ്രിയന്‍ രാജ്‌നാഥ് സിങിനെ സന്ദര്‍ശിച്ചതിനു ശേഷം മാധ്യമങ്ങളോട് പറഞ്ഞു.

രാജ്യത്തെ അഞ്ചു പതിറ്റാണ്ടുകളായി അസ്വസ്ഥപ്പെടുത്തിക്കൊണ്ടിരിക്കുന്ന പ്രശ്‌നങ്ങള്‍ക്ക് പരിഹാരമെന്ന മോഹന വാഗ്ദാനവുമായി ബി.ജെ.പി അടുത്ത ലോക്‌സഭാ തെരെഞ്ഞെടുപ്പിലേക്കുള്ള നമ്പറും ഒരുക്കി കഴിഞ്ഞു. 2022 ഓടെ കശ്മീര്‍ പ്രശ്‌നത്തിനും തീവ്രവാദത്തിനും നക്‌സലിസത്തിനും രാജ്യത്തെ അസ്വസ്ഥപ്പെടുത്തിക്കൊണ്ടിരിക്കുന്ന മറ്റു പ്രശ്‌നങ്ങള്‍ക്കും പരിഹാരം കാണുമെന്നാണ് കേന്ദ്ര ആഭ്യന്ത മന്ത്രി രാജ് നാഥ് സിംഗ് നല്‍കുന്ന വാഗദാനം. അതിനു വേണ്ടത് അധികാരത്തിലിരിക്കാന്‍ ഒരു അവസരം കൂടി മാത്രമാണ്. ന്യു ഇന്ത്യ പരിപാടിയില്‍ സംസാരിക്കവെയാണ് രാജ് നാഥ് സിംഗിന്റെ പുതിയ വാഗ്ദാനങ്ങള്‍.

ഡല്‍ഹിയില്‍ സംഘടിപ്പിച്ച സങ്കല്‍പ് സേ സിദ്ധി(വാഗ്ദാനത്തില്‍ നിന്ന് യാഥാര്‍ത്ഥ്യത്തിലേക്ക്) എന്ന പരിപാടിയില്‍ സംബന്ധിച്ചു സംസാരിക്കുകയായിരുന്നു രാജ് നാഥ് സിംഗ്.

‘രാജ്യത്ത ഒരുപാട് പ്രശ്‌നങ്ങള്‍ ഉണ്ട്. തീവ്രവാദം നക്‌സലിസം, കശ്മീര്‍ പ്രശ്‌നം, ഇതേ കുറിച്ചൊന്നും ഒരുപാട് പറയേണ്ടതില്ല. പക്ഷേ ഞാന്‍ നിങ്ങള്‍ക്ക് ഉറപ്പു നല്‍കുന്നു, 2022 ആവുമ്പോഴേക്കും ഒരു ന്യൂ ഇന്ത്യ നിര്‍മ്മിക്കുമെന്ന് ഞങ്ങളിതാ പ്രതിജ്ഞ ചെയ്യുന്നു. അതോടെ എല്ലാത്തിനും പരിഹാരം കാണും’ രാജ്‌നാഥ് സിംഗ് പറഞ്ഞു.