ഫേസ്ബുക്ക് പോസ്റ്റില്‍ താന്‍ പറഞ്ഞകാര്യങ്ങളാണ് ഇപ്പോഴും പറയുന്നത്. സിനിമയൊരു കൂട്ടായ്മയാണ്. നല്ല സിനിമകള്‍ വിജയിക്കുക എന്നത് മലയാള സിനിമയുടെ ആവശ്യമാണെന്നും നടി പറഞ്ഞു. എല്ലാ സിനിമകളും ഒരു കൂട്ടായ്മയാണ്. ഉദാഹരണം സുജാതയും ഒരു കൂട്ടായ വര്‍ക്കാണ്. എല്ലാ സിനിമകള്‍ക്കും അത് അര്‍ഹിക്കുന്ന അംഗീകാരം കിട്ടണമെന്നാണ് ആഗ്രഹം. സിനിമയില്‍ പ്രവര്‍ത്തിക്കുന്ന ഒരാളെന്ന നിലയില്‍ രാമലീലക്ക് പിന്തുണ നല്‍കിയതും നല്ല ഉദ്ദേശത്തോടുകൂടിയാണെന്നും മഞ്ജുവാര്യര്‍ പറഞ്ഞു.

സിനിമ റിലീസ് ചെയ്ത വേളയില്‍ സിനിമയിലെ വനിതാ കൂട്ടായ്മയായ വുമണ്‍ ഇന്‍ കളക്ടീവും രാമലീലക്കെതിരെ പ്രതിഷേധവുമായി രംഗത്തെത്തിയിരുന്നു. രാമലീലക്കുള്ള പിന്തുണ മഞ്ജുവിന്റെ പിന്തുണ വ്യക്തിപരമാണെന്നായിരുന്നു നടി രമ്യാനമ്പീശന്റെ പ്രതികരണം.

കഴിഞ്ഞ ദിവസം സംവിധായകന്‍ ലാല്‍ജോസ് ദിലീപിന്റെ രാമലീലക്കൊപ്പമാണ് പ്രഖ്യാപിച്ച് രംഗത്തെത്തിയിരുന്നു. ആക്രമിക്കപ്പെട്ട പെണ്‍കുട്ടിക്കൊപ്പം കേസിന്റെ ആദ്യഘട്ടത്തില്‍ തന്നെ നിലയുറപ്പിച്ച ഡബ്ബിംഗ് ആര്‍ട്ടിസ്റ്റ് ഭാഗ്യലക്ഷ്മിയും രാമലീല റിലീസ് ദിവസം തന്നെ കാണുമെന്ന് വ്യക്തമാക്കി. ഈ ചിത്രം ദിലീപിന്റെത് മാത്രമല്ലെന്ന് ഭാഗ്യലക്ഷ്മി പറഞ്ഞു. മറ്റുപലരും ഈ ചിത്രത്തിന്റെ ഭാഗമാണ്. ദിലീപിനെ മുന്‍നിര്‍ത്തി മാത്രം ഈ ചിത്രത്തെ കാണരുത്. കേരളീയ സമൂഹം ഒന്നടങ്കം സിനിമയ്ക്ക് എതിരാണെങ്കില്‍ അത് സിനിമയെ ബാധിച്ചിട്ടുണ്ടെന്നാണ് വ്യക്തമാക്കുന്നത്. ഈ സിനിമയുടെ പരാജയവും വിജയവും ഒരു നടനിലേക്ക് മാത്രം ഒതുങ്ങരുതെന്നും ഭാഗ്യലക്ഷ്മി പറഞ്ഞു.

അതേസമയം, ആക്രമിക്കപ്പെട്ട നടി രാമലീല കാണുമോ എന്ന ചോദ്യത്തിനും ഭാഗ്യലക്ഷ്മി പ്രതികരിച്ചു. ഈ വിഷയം നടന്നിട്ടില്ലെങ്കില്‍ ആ നടി ഈ സിനിമ കാണണമെന്നില്ലായിരുന്നുവെന്ന് ഭാഗ്യലക്ഷ്മി മറുപടി പറഞ്ഞു. ഈ സിനിമയുടെ ലൊക്കേഷനില്‍ വെച്ചല്ല ആ പെണ്‍കുട്ടിക്ക് ഇത്തരം ദുരനനുഭവം ഉണ്ടായത്. അതുകൊണ്ട് ആ പെണ്‍കുട്ടിയെ ഈ സിനിമയുമായി ബന്ധപ്പെടുത്തേണ്ടതില്ലെന്നും ഭാഗ്യലക്ഷ്മി പറഞ്ഞു. സിനിമയുടെ കഥ പറയുമ്പോഴോ സിനിമയുടെ ഷൂട്ടിംഗ് തുടരുമ്പോഴോ ഒന്നും ഇങ്ങനെയൊരു സംഭവം ഉണ്ടായിട്ടില്ല. സിനിമയുടെ പ്രദര്‍ശനം തീരുമാനിച്ച ശേഷമാണ് ദിലീപിനെതിരെ ആരോപണം ഉയര്‍ന്നത്. എന്നാല്‍ സിനിമ കാണുന്നത് കൊണ്ട് ജയിലില്‍ കഴിയുന്ന ദിലീപിനോടുള്ള നിലപാടില്‍ മാറ്റമില്ല. കോടതി നിരപരാധിയാണെന്ന് പറയുന്നത് വരെ ദിലീപിനെ ന്യായികരിക്കില്ലെന്നും അതുവരെ തന്റെ നിലപാടില്‍ മാറ്റമില്ലെന്നും അവര്‍ കൂട്ടിച്ചേര്‍ത്തു.

സെപ്തംബര്‍ 8നുള്ള ഫേസ്ബുക്ക് പോസ്റ്റിലാണ് രാമലീലക്കെതിരെ രാമചന്ദ്രന്‍ തിരിഞ്ഞത്. രാമലീല പ്രദര്‍ശിപ്പിക്കുന്ന തിയ്യേറ്ററുകള്‍ തകര്‍ക്കണമെന്ന് അദ്ദേഹം പോസ്റ്റിലൂടെ ആഹ്വാനം ചെയ്തിരുന്നു. തമിഴ് റോക്കേഴ്‌സ് വെബ്‌സൈറ്റിനോട് ദിലീപിന്റെ രാമലീല ഉടന്‍ വെബ്‌സൈറ്റിലൂടെ പ്രദര്‍ശിപ്പിക്കണമെന്നും ആവശ്യപ്പെടുന്നുണ്ട്. കൂടാതെ രാമലീല അശ്ലീല സിനിമയാണെന്നും പോസ്റ്റില്‍ പറയുന്നു. ഇതിനെതിരെ സംവിധായകന്‍ അരുണ്‍ഗോപിയും ടോമിച്ചന്‍ മുളകുപാടവുമാണ് രേഖാമൂലം പരാതി നല്‍കിയിരിക്കുന്നത്. പരാതി സിറ്റി കമ്മീഷ്ണര്‍ക്ക് നല്‍കി. പരാതിയില്‍ പോലീസ് നിയമനടപടി സ്വീകരിച്ചുവരികയാണ്.

28-നാണ് ചിത്രം റിലീസിനെത്തുന്നത്. ദിലീപിന്റെ അറസ്റ്റുണ്ടായ സാഹചര്യത്തില്‍ റിലീസ് തിയ്യതി മാറ്റിവെക്കുകയായിരുന്നു. ഏറെ അനിശ്ചിതത്വത്തിനൊടുവില്‍ രാമലീല റിലീസ് ചെയ്യുമ്പോള്‍ അനുകൂലിച്ചും പ്രതികൂലിച്ചും ആളുകള്‍ രംഗത്തെത്തുന്നുണ്ട്.

പോസ്റ്റിന്റെ പൂര്‍ണ്ണരൂപം:

കുറ്റം ആരോപിക്കപ്പെട്ടയാളെ കൂവിത്തെറിവിളിക്കുന്ന, അയാളുടെ സിനിമകളെ ആക്രമിക്കുന്ന രീതി ഒട്ടും തന്നെ പരിഷ്‌കൃതമല്ല. ഈ അതിവൈകാരിക പ്രകടനങ്ങള്‍ വിപരീതഫലമുണ്ടാകും എന്നലാതെ ഒരുതരത്തിലും സത്യം പുറത്തുവരുന്നതിന് ഹേതുവാകില്ല.

മഞ്ജുവാര്യരെ പ്രധാന കഥാപാത്രമാക്കി നവാഗതനായ പ്രവീണ്‍ ജോസഫാണ് സുജാത സംവിധാനം ചെയ്യുന്നത്. സുജാതയുടെ കഥയും തിരക്കഥയും ഒരുക്കിയിരിക്കുന്നത് മാര്‍ട്ടിന്‍ പ്രക്കാട്ടും നവീന്‍ ഭാസ്‌കറും ചേര്‍ന്നാണ്. ദ് സീന്‍ സ്റ്റുഡിയോസിന്റെ ബാനറില്‍ മാര്‍ട്ടിന്‍ പ്രക്കാട്ടും ജോജു ജോര്‍ജും ചേര്‍ന്നാണ് ചിത്രം നിര്‍മിച്ചിരിക്കുന്നത്. മഞ്ജുവിനൊപ്പം നെടുമുടി വേണു, മംമ്ത മോഹന്‍ദാസ്, ജോജു ജോര്‍ജ്, അനശ്വര, അലെന്‍സിയര്‍, സുധി കോപ്പ എന്നിവരും അഭിനയിക്കുന്നുണ്ട്. ഒട്ടേറെ തവണ റിലീസ് മാറ്റിവെച്ച ചിത്രമാണ് രാമലീല. ട്രെയിലറുകളിലൂടെയും വിവാദത്തിന് മറുപടി നല്‍കിയ ചിത്രം പുറത്തിറങ്ങുന്നത് ഏറെ പ്രതീക്ഷയോടെയാണ് ദിലീപ് അനുകൂലികള്‍ കാണുന്നത്.

പുതുമുഖ സംവിധായകനായ അരുണ്‍ ഗോപിയാണ് ചിത്രത്തിന്റെ സംവിധായകന്‍. പ്രയാഗ മാര്‍ട്ടിന്‍ ആണ് നായിക. 15 കോടി രൂപ ചെലവില്‍ ടോമിച്ചന്‍ മുളകുപാടമാണ് ചിത്രം നിര്‍മ്മിച്ചിരിക്കുന്നത്.

.

‘പ്രതി ഞാന്‍ ആകണം എന്നൊരു തീരുമാനമുള്ളതുപോലെ’ദിലീപ് പറയുന്ന ഈ ഡയലോഗ് ആണ് ടീസറിന്റെ മുഖ്യ ആകര്‍ഷണം. ദിലീപിനെ കൂടാതെ വിശമിച്ചു നില്‍ക്കുന്ന മുകേഷിനെയും ടീസറില്‍ ഉള്‍പ്പെടുത്തിയിട്ടുണ്ട്.

ദിലീപിന്റെ നിലവിലെ ജീവിതം സൂചിപ്പിക്കുന്നതാണ് ടീസറിന്റെ എടുപ്പും സംഭാഷണങ്ങളും. കൂടാതെ ശക്തമായ കഥാപാത്രത്തെയാണ് ദിലീപ് ചിത്രത്തില്‍ അവതരിപ്പിക്കുന്നത്. പ്രേക്ഷകരെ ആകര്‍ഷിക്കുന്ന രീതിയില്‍ അണിയിച്ചൊരുക്കിയിരിക്കുന്ന ടീസര്‍ തരംഗമാകുമെന്ന് ഉറപ്പ്.

നവാഗതനായ അരുണ്‍ ഗോപി സംവിധാനം ചെയ്യുന്ന ചിത്രത്തില്‍ കലാഭവന്‍ ഷാജോണ്‍, വിജയരാഘവന്‍, രാധിക ശരത്കുമാര്‍ തുടങ്ങി പ്രമുഖതാരങ്ങള്‍ അണിനിരക്കുന്നു. ടോമിച്ചന്‍ മുളകുപാടം ആണ് നിര്‍മാണം.
ഈ വര്‍ഷത്തെ വമ്പന്‍ റിലീസുകളില്‍ ഒന്നാണ് രാമലീല. ജൂലൈ 21ന് ചിത്രം തിയറ്ററുകളില്‍ എത്തിക്കാനായിരുന്നു തീരുമാനിച്ചിരുന്നത്. എന്നാല്‍ നടിയെ ആക്രമിച്ച കേസില്‍ ദിലീപ് അറസ്റ്റിലായതോടെ റിലീസ് നീട്ടിവെക്കുകയായിരുന്നു.

എന്നാല്‍ കേസില്‍ ദിലീപിന് ജാമ്യം ലഭിക്കുന്നതോടെ സിനിമയുടെ റിലീസ് ഉണ്ടാകുമെന്നാണ് സൂചന. ദിലീപിന്റെ ഡബ്ബിങ് ഉള്‍പ്പെടെയുള്ള മിനുക്കുപണികള്‍ ഇനിയും പൂര്‍ത്തിയാകാനുണ്ട്. വ്യാഴാഴ്ചയാണ് ദിലീപിന്റെ ജാമ്യാപേക്ഷ ഹൈക്കോടതി പരിഗണിക്കുന്നത്