ഫേസ്ബുക്ക് കുറിപ്പ്

https://www.facebook.com/rameshchennithala/posts/3481113668613781

മുഖ്യമന്ത്രിയാകാനും സ്ഥാനാര്‍ഥിയാകാനും സാധ്യതയുണ്ടോ എന്ന ചോദ്യത്തിന് ‘പാര്‍ട്ടി എനിക്ക് തന്ന അംഗീകാരവും ജനങ്ങള്‍ തന്ന സ്‌നേഹവും അര്‍ഹിക്കുന്നതിനേക്കാള്‍ കൂടുതലാണ്. ഞാന്‍ പൂര്‍ണസംതൃപ്തനാണ്’ എന്നായിരുന്നു മറുപടി.

പ്രതിപക്ഷ നേതാവ് എന്ന നിലയില്‍ രമേശ് ചെന്നിത്തല നല്ലനിലയിലുള്ള പ്രവര്‍ത്തനങ്ങളാണ് നടത്തിയത്. അക്കാര്യത്തില്‍ അദ്ദേഹം പ്രത്യേക അഭിനന്ദനം അര്‍ഹിക്കുന്നു. അദ്ദേഹം മുഖ്യമന്ത്രിയാകാനും ഏറെ അര്‍ഹനാണ്- ഉമ്മന്‍ ചാണ്ടി പറഞ്ഞു.

2016ലെ നിയമസ തെരഞ്ഞെടുപ്പിലെ തോല്‍വിയോടെ ഉമ്മന്‍ ചാണ്ടി കേരള രാഷ്ട്രീയത്തില്‍ സജീവമായിരുന്നില്ല. നിലവില്‍ കോണ്‍ഗ്രസ് പ്രവര്‍ത്തക സമിതി അംഗവും ആന്ധ്രാപ്രദേശിന്റെ ചുമതല വഹിക്കുന്ന ജനറല്‍ സെക്രട്ടറിയുമാണ്.

കണ്ണൂർ: പ്രവാസി വ്യവസായി സാജന്റെ ആത്മഹത്യക്ക് കാരണം സി.പി.എമ്മിലെ വിഭാഗീയതയാണെന്ന് പ്രതിപക്ഷ നേതാവ് രമേശ് ചെന്നിത്തല. നഗരസഭാധ്യക്ഷയുടെ ധാർഷ്ട്യവും ധിക്കാരവുമാണ് സാജന്റെ ആത്മഹത്യയിലേക്ക് നയിച്ചതെന്നും ചെന്നിത്തല പറഞ്ഞു. സാജന്റെ കുടുംബാംഗങ്ങളെ സന്ദർശിച്ച ശേഷം മാധ്യമങ്ങളോട് സംസാരിക്കുകയായിരുന്നു പ്രതിപക്ഷ നേതാവ്.

നഗരസഭാധ്യക്ഷ ശ്യാമളയെ സി.പി.എം രക്ഷിക്കാൻ ശ്രമിക്കുകയാണ്. പാർട്ടിയും സർക്കാറും അവരെ സംരക്ഷിക്കുകയാണ്. സി.പി.എമ്മിനകത്ത് എന്തൊക്കെയോ ഒത്തുകളി നടക്കുന്നുണ്ട്. സർക്കാർ വേണ്ടത്ര നടപടി സ്വീകരിച്ചില്ല. സർക്കാർ ഈ വിഷയത്തിൽ അലംഭാവം കാണിക്കുകയാണ്. അന്വേഷണ സംഘത്തിൽ തൃപ്തിയില്ലെന്നും പ്രതിപക്ഷ നേതാവ് പറഞ്ഞു. ഐ.ജി തലത്തിൽ അന്വേഷണം വേണം. ഇനിയൊരു പ്രവാസിക്കും ഇങ്ങനെ സംഭവിക്കരുതെന്നും അദ്ദേഹം സൂചിപ്പിച്ചു. 24 മണിക്കൂറിനുള്ളിൽ നീതി നടപ്പാക്കണമെന്ന് പ്രതിപക്ഷ ഉപനേതാവ് ഡോ.എം.കെ മുനീർ പറഞ്ഞു. നഗരസഭാധ്യക്ഷക്കെതിരെയും നിയമ നടപടി സ്വീകരിക്കണം. അധ്യക്ഷ സ്ഥാനത്ത് നിന്ന് പി.കെ ശ്യാമളയെ പുറത്താക്കണമെന്നും മുനീർ പറഞ്ഞു. നിഷ്പക്ഷമായ അന്വേഷണമാണ് ഞങ്ങൾ ആവശ്യപ്പെടുന്നത്. നടപടിയുണ്ടായില്ലെങ്കിൽ ശക്തമായി പ്രതികരിക്കുമെന്നും അദ്ദേഹം പറഞ്ഞു. കെ.എം ഷാജി എം.എൽ.എ, മുസ്‌ലിംലീഗ് ജില്ലാ ജനറൽ സെക്രട്ടറി അബ്ദുൽ കരീം ചേലേരി, യു.ഡി.എഫ് ചെയർമാൻ എ.ഡി മുസ്തഫ, ഡി.സി.സി പ്രസിഡന്റ് സതീശൻ പാച്ചേനി എന്നിവരും പ്രതിപക്ഷ നേതാവിനൊപ്പമുണ്ടായിരുന്നു.

കൊച്ചി: ഇന്ത്യയിലെ യഥാര്‍ഥ വൈറസ് ബിജെപിയും സംഘപരിവാറുമാണെന്നും തെരഞ്ഞെടുപ്പ് കഴിയുന്നതോടെ ജനം ഈ വൈറസുകളെ തുടച്ചു നീക്കുമെന്നും പ്രതിപക്ഷ നേതാവ് രമേശ് ചെന്നിത്തല. എറണാകുളം പ്രസ് ക്ലബ്ബിന്റെ മീറ്റ് ദ പ്രസില്‍ പങ്കെടുത്ത് സംസാരിക്കുകയായിരുന്നു അദ്ദേഹം. മുസ്‌ലിംലീഗ് വൈറസാണെന്ന യോഗി ആദിത്യനാഥിന്റെ പരാമര്‍ശം പരിഷ്‌കൃത സമൂഹത്തിന് ചേര്‍ന്നതല്ല. രാജ്യത്ത് വര്‍ഗീയ വാദം ശക്തിപ്പെടുത്താനും വര്‍ഗീയമായി ജനങ്ങള്‍ക്കിടയില്‍ ചേരിതിരിവ് സൃഷ്ടിക്കാനുമുള്ള ബോധപൂര്‍വമായ നീക്കമാണിതിനു പിന്നില്‍. മുസ്‌ലിം ലീഗ് മതേതര പാര്‍ട്ടിയാണ്, തെരഞ്ഞെടുപ്പ് കമ്മീഷന്‍ അംഗീകരിച്ചിട്ടുള്ള പാര്‍ട്ടിയാണ്. ലീഗ് പ്രതിനിധികള്‍ കേന്ദ്രമന്ത്രിസഭയില്‍ അംഗമായിട്ടുളളതാണ്. മുസ്‌ലിംലീഗിനെതിരെ അനാവശ്യ ആക്ഷേപം ഉന്നയിച്ച യോഗി ആദിത്യ നാഥിനെതിരെ തെരഞ്ഞെടുപ്പ് ചട്ടലംഘനം നടത്തിയതിന് കേന്ദ്ര തെരഞ്ഞെടുപ്പ് കമ്മീഷന്‍ കേസെടുക്കണമെന്നും രമേശ് ചെന്നിത്തല ആവശ്യപ്പെട്ടു.
തെരഞ്ഞെടുപ്പില്‍ പരാജയപ്പെടുമെന്ന് ഉറപ്പായതോടെ ബിജെപി വര്‍ഗീയത വ്യാപകമായി പ്രചരിപ്പിക്കുകായണ്. ഒരു ഭാഗത്ത് പ്രധാനമന്ത്രിയും മറുഭാഗത്ത് യോഗി ആദിത്യനാഥും വര്‍ഗീയ വിഷം ചീറ്റുന്ന പ്രസംഗം നടത്തുകയാണ്, ഇത് വലിയ ആപല്‍ക്കരമാണ്. ഭരണനേട്ടങ്ങള്‍ ഒന്നും ഉയര്‍ത്തിക്കാട്ടാനില്ലാത്ത സഹാചര്യത്തിലാണ് വര്‍ഗീയവും ജാതിയവുമായ വേര്‍തിരിവുണ്ടാക്കാനുള്ള ബോധപൂര്‍വമായ ശ്രമം നടത്തുന്നത്. രാജ്യത്ത് ജനങ്ങളെ തമ്മിലടിപ്പിക്കാനും വര്‍ഗീയമായി ചേരിതിരിവ് സൃഷ്ടിക്കാനും ശ്രമിക്കുന്നത് ബിജെപിയും സംഘപരിവാറുമാണ്. ഹിന്ദുഭൂരിപക്ഷ മേഖലയില്‍ നിന്നും ഒളിച്ചോടി കേരളത്തിലെ വയനാട്ടില്‍ മത്സരിക്കുന്നുവെന്ന പ്രധാനമന്ത്രിയുടെയും ബിജെപിയുടെയും പരമാര്‍ശം കേരളത്തിലെയും വയനാട്ടിലെയും ജനങ്ങളെ അപമാനിക്കുന്നതാണ്. വയനാട്ടില്‍ എല്ലാ വിഭാഗത്തില്‍പ്പെട്ട ആളുകളും സൗഹാര്‍ദത്തോടെയാണ് ജീവിക്കുന്നത്.അവിടെയാണ് ജാതിയുടെയും ഉപജാതിയുടെയും പേരില്‍ ചേരി തിരിവ് സൃഷ്ടിക്കാന്‍ ശ്രമിക്കുന്നത്. ഇത് പ്രതിഷേധാര്‍ഹമാണ്. രാഹൂല്‍ ഗാന്ധി വയനാട്ടില്‍ മത്സരിക്കുന്നതിനെതിരെ പറയുന്നതില്‍ ബിജെപിയും ഇടതുപക്ഷവും ഒരേ തൂവല്‍ പക്ഷിയെപ്പോലെയാണ് പ്രവര്‍ത്തിക്കുന്നത്. രണ്ടു പാര്‍ട്ടിയുടെയും മുഖപത്രങ്ങള്‍ ഒരേ അച്ചിലാണ് അടിക്കുന്നതെന്നും രമേശ് ചെന്നിത്തല പരിഹസിച്ചു.

കേരളത്തിലെ ജനങ്ങള്‍ക്ക് കിട്ടിയ സുവര്‍ണ്ണാവസരമാണ് രാഹുലിന്റെ സ്ഥാനാര്‍ത്ഥിത്വം. എതിര്‍ കക്ഷി ബിജെപിയാണെങ്കില്‍ വയനാട്ടില്‍ രാഹുലിനെതിരായ പോരാട്ടത്തില്‍ നിന്ന് പിന്‍മാറാന്‍ ഇടത് മുന്നണി ഒരുക്കമുണ്ടോ എന്നും ചെന്നിത്തല ചോദിച്ചു. രാഹുല്‍ മത്സരിക്കാന്‍ എത്തുമെന്ന് അറിഞ്ഞതോടെ ഇടത് മുന്നണിയും ബിജെപിയും വിറളി പിടിച്ച അവസ്ഥയിലാണ്. ഇടത് പക്ഷത്തോടല്ല ബിജെപിയോടാണ് രാഹുല്‍ മത്സരിക്കേണ്ടതെന്ന് പറയുന്ന മുഖ്യമന്ത്രിയുടെ വാക്കുകള്‍ ഇതിന് തെളിവാണെന്നും രമേശ് ചെന്നിത്തല പറഞ്ഞു.

ഇരുപതില്‍ ഇരുപതും സീറ്റും കോണ്‍ഗ്രസ് പിടിച്ചെടുക്കുമെന്നാണ് ഇടത് മുന്നണിയുടെ ആശങ്കയെന്നും അതുകൊണ്ടാണ് രാഹുല്‍ മത്സരിക്കുന്നതിനെതിരെ ഇടത് മുന്നണി രംഗത്തെത്തുന്നതെന്നും രമേശ് ചെന്നിത്തല കൂട്ടിച്ചേര്‍ത്തു. അതേസമയം, രാഹുലിന്റെ സ്ഥാനാര്‍ത്ഥിത്വവുമായി ബന്ധപ്പെട്ടുള്ള അനിശ്ചിതത്വം നീങ്ങിയിട്ടില്ല.

തൃശൂര്‍: സി.പി.എമ്മിനെതിരെ രൂക്ഷവിമര്‍ശനവുമായി പ്രതിപക്ഷ നേതാവ് രമേശ് ചെന്നിത്തല. സി.പി.എമ്മിന്റെ പാര്‍ട്ടി ഓഫീസുകള്‍ പീഡനകേന്ദ്രങ്ങളായി മാറിയെന്ന് രമേശ് ചെന്നിത്തല. പാര്‍ട്ടി ഓഫീസുകളില്‍ സ്ത്രീകളെ പീഡിപ്പിക്കുന്നതാണോ സി.പി.എം പറയുന്ന നവോത്ഥാനമെന്നും ചെന്നിത്തല ചോദിച്ചു.

ബി.ജെ.പിയും സി.പി.എമ്മും ഒന്നിച്ചു ചേര്‍ന്ന് കോണ്‍ഗ്രസ് വോട്ട് കുറക്കാനാണെന്ന് ലക്ഷ്യമിടുന്നത്. ശത്രുവിന്റെ ശത്രു മിത്രമെന്ന രീതിയില്‍ സി.പി.എമ്മും ബി.ജെ.പിയും കൈകോര്‍ക്കുന്ന സ്ഥിതിയാണ് കേരളത്തിലുള്ളതെന്നും അദ്ദേഹം പറഞ്ഞു.

ആലത്തൂരിലെ യു.ഡി.എഫ് സ്ഥാനാര്‍ഥി രമ്യാ ഹരിദാസിന്റെ തെരഞ്ഞെടുപ്പു കണ്‍വന്‍ഷന്‍ പാലക്കാട് വടക്കഞ്ചേരിയില്‍ ഉദ്ഘാടനം ചെയ്യുകയായിരുന്നു അദ്ദേഹം.

യു.ഡി.എഫിന്റെ സീറ്റ് കുറക്കാന്‍ എല്‍.ഡി.എഫും ബി.ജെ.പിയും ചേര്‍ന്ന് പരിശ്രമിച്ചു കൊണ്ടിരിക്കുകയാണ്. അതിനെ തുടര്‍ന്നാണ് കോലീബി സഖ്യമെന്ന കോടിയേരിയുടെ പ്രസ്താവന പുറത്തുവന്നത്. എന്നാല്‍ അരിയാഹാരം കഴിക്കുന്നവര്‍ ഇത് വിശ്വസിക്കില്ലെന്നും ചെന്നിത്തല പറഞ്ഞു. കേരളത്തില്‍ ഇരുപതു സീറ്റും നേടുന്ന രീതിയിലാണ് യു.ഡി.എഫ് മുന്നോട്ട് പോകുന്നതെന്നും അദ്ദേഹം പറഞ്ഞു. യു.ഡി.എഫ് സ്ഥാനാര്‍ഥി രാജ്മോഹന്‍ ഉണ്ണിത്താന്റെ തെരഞ്ഞെടുപ്പ് കണ്‍വന്‍ഷനില്‍ കാസര്‍കോട്ട് പ്രസംഗിക്കുകയായിരുന്നു അദ്ദേഹം.

തൃശൂര്‍: പെരിയയിലെ ഇരട്ടക്കൊലപാതക കേസിലെ പൊലീസ് അന്വേഷണത്തിനെതിരെ രൂക്ഷവിമര്‍ശനവുമായി പ്രതിപക്ഷ നേതാവ് രമേശ് ചെന്നിത്തല. കേസില്‍ കൂടുതല്‍ തെളിവുകള്‍ കണ്ടെത്താനോ കൂടുതല്‍ പ്രതികളെ പിടികൂടാനോ പൊലീസ്് ശ്രമിക്കുന്നില്ല. കൊലപാതകത്തിലെ കണ്ണൂര്‍ ബന്ധം അന്വേഷിക്കാന്‍ പോലീസ് ഇതുവരെ തയ്യാറായിട്ടില്ല. പൊലീസിന്റെ അനാസ്ഥ കാരണം അന്വേഷണം നിലച്ച മട്ടാണ്- ചെന്നിത്തല പറഞ്ഞു.

കൊലപാതകത്തില്‍ നിഷ്പക്ഷമായ അന്വേഷണം സാധ്യമാവണമെങ്കില്‍ കേസ് സി.ബി.ഐക്ക് വിടണം. സര്‍ക്കാര്‍ എന്തിന് സി.ബി.ഐ അന്വേഷണത്തെ ഭയപ്പെടണമെന്നും ചെന്നിത്തല ചോദിച്ചു. കുടുങ്ങുമെന്ന പേടി മൂലമാണ് സി.പി.എം കേസ് സി.ബി.ഐക്ക് വിടാത്തത്. കൊലപാതകികള്‍ക്ക് വീരപരിവേഷം നല്‍കുന്ന നിലപാടാണ് സി.പി.എമ്മിനെന്നും പ്രതിപക്ഷ നേതാവ് കുറ്റപ്പെടുത്തി.

കൊല്ലപ്പെട്ട കൃപേഷിന്റെയും ശരത്‌ലാലിന്റെയും കുടുംബത്തിന് കോണ്‍ഗ്രസ് പ്രവര്‍ത്തകരുടെ നേതൃത്വത്തില്‍ ഫണ്ട് ശേഖരിച്ചു നല്‍കുമെന്നും ചെന്നിത്തല അറിയിച്ചു.

കോഴിക്കോട്: ആര്‍എസ്എസും ബിജെപിയും ശബരിമലയെ സാമൂഹ്യവിരുദ്ധരുടെ താവളമാക്കി മാറ്റുമ്പോള്‍ മറുഭാഗത്ത് സിപിഎം ശബരിമലയെ ദുര്‍ബലമാക്കാന്‍ ശ്രമിക്കുന്നുവെന്നുവെന്ന് പ്രതിപക്ഷ നേതാവ് രമേശ് ചെന്നിത്തല. പൊറുക്കാനാവാത്ത തെറ്റാണ് ബിജെപിയുടെ ഇന്നത്തെ ഹര്‍ത്താല്‍. രാത്രി മൂന്ന് മണിക്ക് ഹര്‍ത്താല്‍ പ്രഖ്യാപിച്ച് ശബരിമല തീര്‍ത്ഥാടകരെയടക്കം പെരുവഴിയിലാക്കി. ഭക്ഷണവും വാഹനവും ലഭിക്കാതെ പാവപ്പെട്ട ജനങ്ങള്‍ വലഞ്ഞു. പ്രതിഷേധം അറിയിക്കാന്‍ മറ്റു ധാരാളം വഴികളുണ്ടായിരുന്നു.
ശശികലയെ അറസ്റ്റ് ചെയ്തു വലിയ ആളാക്കിയ സര്‍ക്കാരിന് വലിയ നമസ്‌കാരം. ഭക്ത ആയിട്ടല്ല അവര്‍ ശബരിമലയില്‍ പോയതെന്നാണ് കരുതുന്നത്. ആര്‍ക്കും അറിയാത്ത ശശികലയെ അറസ്റ്റ് ചെയ്ത് സര്‍ക്കാര്‍ ആളാക്കി മാറ്റിയത് ബിജെപിയും സിപിഎമ്മും തമ്മിലുള്ള ഒത്തുകളിയുടെ ഭാഗമെന്നും പ്രതിപക്ഷ നേതാവ് പറഞ്ഞു.

ചിത്തിര ആട്ട വിശേഷകാലത്ത് ആര്‍എസ്എസിന്റെ നേതൃത്വത്തിലായിരുന്നു സന്നിധാനം. അതിന് സഹായമൊരുക്കിയത് പോലീസാണ്. അതിന്റെ പേരില്‍ ഇപ്പോള്‍ തീര്‍ത്ഥാടകര്‍ക്ക് ശബരമിലയില്‍ പോകാന്‍ പറ്റാത്ത സ്ഥിതിയാണ്. പോലീസ് രാജ് നടപ്പാക്കാന്‍ സര്‍ക്കാര്‍ ശ്രമിക്കുന്നുവെന്നും അദ്ദേഹം പറഞ്ഞു.