Ramnadh kovindh – Chandrika Daily

രാഷ്ട്രപതിക്ക് വ്യോമപാത ഉപയോഗിക്കാനുള്ള അനുമതി നിഷേധിച്ച് പാകിസ്താന്‍

Test User — Sat, 07 Sep 2019 15:29:23 +0000

ദില്ലി: രാഷ്ട്രപതി രാംനാഥ് കോവിന്ദിന് പാക് വ്യോമപാത ഉപയോഗിക്കുന്നതിനുള്ള അനുമതി പാകിസ്ഥാന്‍ നിഷേധിച്ചു. വിഷയത്തില്‍ ഇന്ത്യ അതൃപ്തി രേഖപ്പെടുത്തി. ഏകപക്ഷീയമായ ഇത്തരം നിലപാടുകള്‍ ഗുണം ചെയ്യില്ലെന്ന് ഇന്ത്യ പാകിസ്ഥാന് മുന്നറിയിപ്പ് നല്‍കി.

തിങ്കളാഴ്ച്ചയാണ് ഒന്‍പത് ദിവസത്തെ വിദേശ സന്ദര്‍ശത്തിന് രാഷ്ട്രപതി യാത്രതിരിക്കുന്നത്. ഐസ്‌ലാന്റ്റിന് പുറമെ സ്വിറ്റ്‌സര്‍ലാന്‍ഡ്, സ്ലോവേനിയ എന്നീ രാജ്യങ്ങളാണ് രാഷ്ട്രപതി സന്ദര്‍ശിക്കുന്നത്. ബാലക്കോട്ട് മിന്നലാക്രമണത്തിന് ശേഷം അടച്ച വ്യോമപാത ജൂലൈ പകുതിയോടെയാണ് പാകിസ്ഥാന്‍ തുറന്നത്.

പ്രളയം: കേരളത്തിന് ഐക്യദാര്‍ഢ്യം പ്രഖ്യാപിച്ച് രാഷ്ട്രപതി

chandrika — Sun, 19 Aug 2018 09:13:04 +0000

തിരുവനന്തപുരം: കേരളത്തിലുണ്ടായ പ്രളയത്തെ തുടര്‍ന്ന് നടത്തുന്ന ദുരന്തനിവാരണ പ്രവര്‍ത്തനങ്ങളെ കുറിച്ച് രാഷ്ട്രപതി രാംനാഥ് കോവിന്ദ് മുഖ്യമന്ത്രി പിണറായി വിജയനെ ഫോണില്‍ വിളിച്ച് വിവരങ്ങള്‍ അന്വേഷിച്ചു. കേരളം നടത്തുന്ന ദുരിതാശ്വാസ പ്രവര്‍ത്തനങ്ങള്‍ക്ക് രാഷ്ട്രപതി ഐക്യദാര്‍ഢ്യം പ്രഖ്യാപിച്ചതായി പിണറായി പിന്നീട് ഫേസ്ബുക്ക് പോസ്റ്റിലൂടെ അറിയിച്ചു. ഇന്നലെ പ്രധാനമന്ത്രി നരേന്ദ്രമോദി പ്രളയബാധിത പ്രദേശങ്ങളില്‍ വ്യോമനിരീക്ഷണം നടത്തിയിരുന്നു. കേരളത്തിന് അടിയന്തരമായി 500കോടി രൂപയും സഹായനിധിയായി പ്രഖ്യാപിച്ചിരുന്നു.

കുട്ടികളെ പീഡിപ്പിക്കുന്നവര്‍ക്ക് വധശിക്ഷ നിയമം ഇന്ത്യയില്‍ പ്രാബല്യത്തായി : ഓര്‍ഡിനന്‍സില്‍ രാഷ്ട്രപതി ഒപ്പുവെച്ചു

chandrika — Sun, 22 Apr 2018 08:04:23 +0000

ന്യൂഡല്‍ഹി : പന്ത്രണ്ടു വയസില്‍ താഴെയുളള കുട്ടികളെ ബലാത്സംഗം ചെയ്യുന്നവര്‍ക്ക് വധശിക്ഷ ഉറപ്പാക്കുന്ന ഓര്‍ഡിനന്‍സിന് രാഷ്ട്രപതിയുടെ അംഗീകാരം. കേന്ദ്രസര്‍ക്കാര്‍ ഇന്നലെ പുറപ്പെടുവിച്ച ഓര്‍ഡിനന്‍സില്‍ രാഷ്ട്രപതി രാംനാഥ് കോവിന്ദ് ഒപ്പുവെച്ചു. ഇതോടെ ബാലപീഡകര്‍ക്ക് മരണശിക്ഷ ഉറപ്പാക്കുന്ന നിയമം രാജ്യത്ത് പ്രാബല്യത്തിലായി.

JUST IN: President #RamNathKovind signs ordinance to provide stringent punishment, including death penalty, for those convicted of raping girls below 12 years pic.twitter.com/TsDS1Bwequ

— Financial Express (@FinancialXpress) April 22, 2018

കഠ്‌വയില്‍ ഉന്നാവോയിലും പെണ്‍കുട്ടികള്‍ ദാരുണമായി കൊലപ്പെട്ട സംഭവത്തില്‍ രാജ്യ വ്യാപകമായ പ്രക്ഷോഭം നടന്നിരുന്നു. പ്രക്ഷോപത്തിലും ബാലപീഡകര്‍ക്ക് എതിരെ വധശിക്ഷയടക്കം ശക്തമായ നടപടി വേണമെന്ന ആവശ്യമാണ് മുഖ്യമായി ഉയര്‍ന്നത്. 12 വയസില്‍ താഴെ പ്രായമുളള കുട്ടികളെ പീഡിപ്പിക്കുന്നവര്‍ക്ക് വധശിക്ഷ ഉറപ്പാക്കണമെന്ന് വിവിധ നിയമവൃത്തങ്ങളും ആവശ്യപ്പെട്ടു. ഇതിന്റെ അടിസ്ഥാനത്തിലാണ് നടപടി. പോക്‌സോ കേസുകളില്‍ ഉടന്‍ തീര്‍പ്പുകല്‍പ്പിക്കുന്നതിന് അതിവേഗ കോടതി സ്ഥാപിക്കണമെന്ന ആവശ്യവും ഓര്‍ഡിനന്‍സില്‍ കേന്ദ്രസര്‍ക്കാര്‍ പരിഗണിച്ചതായാണ് വിവരം.

സാധാരണക്കാര്‍ക്കൊപ്പം നില്‍ക്കുമെന്ന് രാംനാഥ് കോവിന്ദ്

chandrika — Thu, 20 Jul 2017 12:09:42 +0000

ന്യൂഡല്‍ഹി: രാഷ്ട്രപതിയായി തെരഞ്ഞെടുത്തതിന് ശേഷം മാധ്യമങ്ങളോട് പ്രതികരിച്ച് രാംനാഥ് കോവിന്ദ്. ഇന്ത്യയുടെ 14-ാമത്തെ രാഷ്ട്രപതിയായാണ് രാംനാഥ് കോവിന്ദിനെ തെരഞ്ഞെടുത്തത്. ചൊവ്വാഴ്ച്ചയാണ് സത്യപ്രതിജ്ഞ.

തന്നിലര്‍പ്പിച്ച വിശ്വാസത്തിന് നന്ദിയുണ്ടെന്ന് രാംനാഥ് കോവിന്ദ് പറഞ്ഞു. വിജയം ഉത്തരവാദിത്തം കൂട്ടുന്നു. സാധാരണക്കാര്‍ക്കൊപ്പം നില്‍ക്കുമെന്നും 71-കാരനായ കോവിന്ദ് പറഞ്ഞു. 65.65 ശതമാനം വോട്ടുകള്‍ നേടിയാണ് രാംനാഥ് കോവിന്ദ് രാഷ്ട്രപതി സ്ഥാനത്തേക്കെത്തിയത്. രാഷ്ട്രപതി സ്ഥാനത്തേക്കുള്ള വിജയം ഏകദേശം ഉറപ്പിച്ചനിലയിലായിരുന്നു. പാതി സംസ്ഥാനങ്ങളിലേയും രാജ്യസഭ-ലോക്‌സഭ എം.പിമാരുടേയും വോട്ടുകളും എണ്ണിക്കഴിഞ്ഞപ്പോള്‍ വിജയിക്കാനാവശ്യമായ വോട്ടുമൂല്യം ഉറപ്പിച്ചിരുന്നു. 34.35 ശതമാനം വോട്ടുകള്‍ മീരാകുമാറിന് ലഭിച്ചിട്ടുണ്ട്.

രാഷ്ട്രപതിയായി തെരഞ്ഞെടുത്ത രാംനാഥിനെ പ്രധാനമന്ത്രി നരേന്ദ്രമോദി അഭിനന്ദിച്ചു. മീരാകുമാറിനേയും അഭിനന്ദിച്ച മോദി രാംനാഥിന്റെ വിജയം ജനാധിപത്യത്തിന്റെ വിജയമാണെന്നും പറഞ്ഞു. മീരാകുമാറിന് ഏറ്റവും കൂടുതല്‍ വോട്ടുകള്‍ ലഭിച്ചത് കേരളത്തില്‍ നിന്നാണ്. രാംനാഥ് കോവിന്ദിന് ഒരോട്ടു മാത്രമാണ് കേരളത്തില്‍ നിന്നു ലഭിച്ചത്.

രാംനാഥ് കോവിന്ദ് ഇന്ത്യന്‍ രാഷ്ട്രപതി

chandrika — Thu, 20 Jul 2017 11:02:42 +0000

ന്യൂഡല്‍ഹി: രാംനാഥ് കോവിന്ദിനെ ഇന്ത്യയുടെ 14-ാമത് രാഷ്ട്രപതിയായി തെരഞ്ഞെടുത്തു. 65.65 ശതമാനം വോട്ടുകള്‍ നേടിയാണ് രാംനാഥ് കോവിന്ദ് രാഷ്ട്രപതി സ്ഥാനത്തേക്കെത്തിയത്. രാംനാഥ് കോവിന്ദിനെ രാഷ്ട്രപതിയായി തെരഞ്ഞെടുത്തുള്ള ഔദ്യോഗിക പ്രഖ്യാപനം ഇപ്പോള്‍ നടക്കുകയാണ്. രാഷ്ട്രപതിയായി അദ്ദേഹം ചൊവ്വാഴ്ച്ച സത്യപ്രതിജ്ഞ ചെയ്യും.

രാഷ്ട്രപതി സ്ഥാനത്തേക്കുള്ള വിജയം ഏകദേശം ഉറപ്പിച്ചനിലയിലായിരുന്നു. പാതി സംസ്ഥാനങ്ങളിലേയും രാജ്യസഭ-ലോക്‌സഭ എം.പിമാരുടേയും വോട്ടുകളും എണ്ണിക്കഴിഞ്ഞപ്പോള്‍ വിജയിക്കാനാവശ്യമായ വോട്ടുമൂല്യം ഉറപ്പിച്ചിരുന്നു. 34.35 ശതമാനം വോട്ടുകള്‍ മീരാകുമാറിന് ലഭിച്ചിട്ടുണ്ട്. വിജയമുറപ്പിച്ചതോടെ നിരവധി നേതാക്കള്‍ അദ്ദേഹത്തിന് അഭിനന്ദനമറിയിക്കാന്‍ രംഗത്തെത്തി. പശ്ചിമ ബംഗാള്‍ മുഖ്യമന്ത്രി മമതബാനര്‍ജിയടക്കമുള്ള നേതാക്കള്‍ രാംനാഥിനെ ഫോണില്‍ വിളിച്ച് അഭിനന്ദനമറിയിച്ചു.

അതേസമയം, ഗോവയിലും ഗുജറാത്തിലും കോണ്‍ഗ്രസിന്റെ വോട്ട് ചോരുകയാണുണ്ടായത്. ഗുജറാത്തില്‍ 60 ല്‍ 49ഉം, ഗോവയില്‍ 17 ല്‍ 11ഉം.എല്‍.എമാരുടെ വോട്ട് മാത്രമാണ് മീരാകുമാറിന് ലഭിച്ചത്. 21 എം.പിമാരുടെയും 16 എം.എല്‍.എമാരുടെയും ഉള്‍പ്പെടെ 37 വോട്ടുകള്‍ അസാധുവായി.