Rana Ayyub – Chandrika Daily https://www.chandrikadaily.com Fri, 25 May 2018 10:09:34 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg Rana Ayyub – Chandrika Daily https://www.chandrikadaily.com 32 32 റാണാ അയ്യൂബിന് അടിയന്തിര സംരക്ഷണം കൊടുക്കണമെന്ന് മോദി സര്‍ക്കാറിനോട് യു.എന്‍ https://www.chandrikadaily.com/un-experts-call-on-indian-authorities-to-provide-protection-to-rana-ayyub.html https://www.chandrikadaily.com/un-experts-call-on-indian-authorities-to-provide-protection-to-rana-ayyub.html#respond Fri, 25 May 2018 09:47:18 +0000 http://www.chandrikadaily.com/?p=86996 ന്യൂഡല്‍ഹി: മാധ്യമ പ്രവര്‍ത്തക റാണാ അയ്യൂബിന് സമൂഹമാധ്യമങ്ങളില്‍ സംഘടിതമായി വിദ്വേഷ പ്രചരണവും വധഭീഷണി നേരിടേണ്ടി വന്ന സഹചര്യത്തില്‍ അവര്‍ക്ക് അടിയന്തിരമായി സുരക്ഷ നല്‍കണമെന്ന് ആവശ്യപ്പെട്ട് യു.എന്‍ മനുഷ്യാവകാശ സംഘടന രംഗത്ത്.

“സംഘടിത ഭീഷണികളെത്തുടര്‍ന്ന് റാണ അയ്യൂബിന്റെ ജീവന്‍ വളരെ അപകടത്തിലാണെന്ന കാര്യം ഞങ്ങള്‍ ഗൗരവത്തോടെ കാണുന്നു” എന്ന സന്ദേശമാണ് ജനീവയിലെ യു.എന്‍ അധികാരികളുടെ സംയുക്ത സന്ദേശത്തില്‍ ഇന്ത്യാ ഗവണ്‍മെന്റിന്റെ ശ്രദ്ധയില്‍ പെടുത്തിയത്.

ഗുജറാത്തിലെ മുസ്‌ലിം വംശഹത്യയിലും വ്യാജ ഏറ്റുമുട്ടല്‍ കൊലപാതകങ്ങളിലും പ്രധാനമന്ത്രി നരേന്ദ്രമോദിക്കും ബി.ജെ.പി ദേശീയ അധ്യക്ഷന്‍ അമിത് ഷാ അടക്കമുള്ളവര്‍ക്കുള്ള പങ്കിനെ തുറന്നുകാട്ടി പുസ്തകമെഴുതിയ രംഗത്തുവന്ന എഴുത്തുകാരിയാണ് പ്രമുഖ മാധ്യമപ്രവര്‍ത്തകയായ റാണ അയ്യൂബ്.

സംഘപരിവാര്‍ ഭീഷണി നിലനില്‍ക്കുന്ന റാണ അയൂബിന് നേരെ സോഷ്യല്‍മീഡിയയില്‍ അടുത്തിടെയാണ് സംഘടിത ആക്രമണമാണുണ്ടായത്. റിപ്പബ്ലിക് ടിവിയുടെ പാരഡി പേജില്‍ റാണ അയൂബിന്റേതെന്ന പേരില്‍ വ്യാജ സന്ദേശം പ്രത്യക്ഷപ്പെട്ടതാണ് വധഭീഷണി അടക്കമുള്ള സൈബര്‍ ആക്രമണത്തിന് കാരണം. വ്യാജ സന്ദേശം വന്നതിന് പിന്നാലെ റാണ അയൂബിന്റേതെന്ന വ്യാജേന ഈ സന്ദേശം പിന്നീട് പല ഗ്രൂപ്പുകളിലും വ്യാപകമായി പ്രചരിക്കുകയായിരുന്നു.

‘ബാല പീഡകരും മനുഷ്യരാണ്. അവര്‍ക്കെന്താ മനുഷ്യാവകാശമില്ലേ? മുസ്‌ലിംങ്ങളെ തൂക്കിക്കൊല്ലാന്‍ വേണ്ടിയാണ് ഈ ഹിന്ദുത്വ സര്‍ക്കാര്‍ ബാല പീഡകര്‍ക്ക് വധ ശിക്ഷ നല്‍കുന്ന ഓര്‍ഡിനന്‍സ് കൊണ്ടുവന്നത്. ഇന്ത്യയില്‍ മുസ്ലീങ്ങള്‍ സുരക്ഷിതരല്ല’ എന്ന സന്ദേശമാണ് റാണ അയൂബിന്റേതെന്ന പേരില്‍ റിപ്പബ്ലിക് ടിവിയുടെ പാരഡി പേജില്‍ പ്രത്യക്ഷപ്പെട്ടത്.

ആയിരങ്ങളാണ് ഈ ട്വീറ്റ് റീ ട്വീറ്റ് ചെയ്തത്. ഫേസ്ബുക്കിലെ യോഗി ആദിത്യനാഥ് കി സേന എന്ന പേജില്‍ മാത്രം ഈ സന്ദേശം 12500ലേറെ തവണയാണ് ഷെയര്‍ ചെയ്യപ്പെട്ടത്. വിവിധ സോഷ്യല്‍മീഡിയ സൈറ്റുകളിലും വൈകാതെ ഇതേ സന്ദേശം പ്രത്യക്ഷപ്പെട്ടു. ഇതിനൊപ്പം മറ്റു പല വിദ്വേഷ സന്ദേശങ്ങളും റാണ അയൂബിനെതിരെ സോഷ്യല്‍മീഡിയയില്‍ പ്രചരിക്കുന്നുണ്ട്.


ദിവസങ്ങളായി തനിക്കെതിരെ നടക്കുന്ന സംഘടിത വ്യാജ പ്രചരണങ്ങള്‍ക്കെതിരെ റാണ അയൂബ് തന്നെ രംഗത്തെത്തിയിട്ടുണ്ട്.
സംഭവം വിവാദമായതോടെ റാണ അയൂബിന്റേതെന്ന പേരില്‍ വ്യാജ പ്രചരണം നടത്തിയ റിപ്പബ്ലിക് ടിവിയുടെ പാരഡി പേജ് ട്വീറ്റും അക്കൗണ്ടും തന്നെ ഡിലീറ്റ് ചെയ്തിരിക്കുകയാണ്. റിപ്പബ്ലിക് ടിവിയുടെ ഔദ്യോഗിക പ്രൊഫൈല്‍ എന്ന് തോന്നിപ്പിക്കുന്ന അക്കൗണ്ടാണ് പാരഡി പേജിനുമുള്ളത്. നേരത്തെയും റിപ്പബ്ലിക് ടിവിയുടെ പാരഡി പേജിലെ വ്യാജ വാര്‍ത്തകള്‍ വലിയ തോതില്‍ പ്രചരിച്ചിട്ടുണ്ട്.

]]> https://www.chandrikadaily.com/un-experts-call-on-indian-authorities-to-provide-protection-to-rana-ayyub.html/feed 0 കോവിന്ദിനെതിരായ പരാമര്‍ശം: റാണ അയ്യൂബിനെതിരെ ബി.ജെ.പി പരാതി നല്‍കി, പേടിപ്പിക്കാനാണെങ്കില്‍ വേറെ വല്ലതും കൊണ്ടുവരൂ എന്ന് റാണ https://www.chandrikadaily.com/complaint-against-rana-ayyub-for-remarks-about-kovind.html https://www.chandrikadaily.com/complaint-against-rana-ayyub-for-remarks-about-kovind.html#respond Tue, 20 Jun 2017 08:23:39 +0000 http://www.chandrikadaily.com/?p=32916 എന്‍.ഡി.എയുടെ പ്രസിഡണ്ട് സ്ഥാനാര്‍ത്ഥി രാംനാഥ് കോവിന്ദിനെപ്പറ്റി ട്വീറ്റ് ചെയ്തതിന് മാധ്യമ പ്രവര്‍ത്തക റാണ അയ്യൂബിനെതിരെ ബി.ജെ.പി വക്താവ് നുപുര്‍ ശര്‍മ പൊലീസില്‍ പരാതി നല്‍കി. രാഷ്ട്രപതി സ്ഥാനത്തേക്കുള്ള ഏറ്റവും മോശം തെരഞ്ഞെടുപ്പായിരിക്കും രാം നാഥ് കോവിന്ദിന്റേതെന്ന റാണയുടെ പ്രസ്താവനയാണ് ബി.ജെ.പിയെ ചൊടിപ്പിച്ചത്.

പോലീസില്‍ പരാതി നല്‍കിയ വാര്‍ത്ത നുപുര്‍ ട്വിറ്ററിലൂടെ പുറത്തുവിട്ടതിനു പിന്നാലെ, പരിഹാസവുമായി റാണ അയ്യൂബ് രംഗത്തെത്തി. നുപുറിന്റേത് ശ്രദ്ധ പിടിച്ചുപറ്റാനുള്ള നാടകമാണെന്നും വേണമെങ്കില്‍ ബി.ജെ.പി നേതാക്കളെപ്പറ്റി ഗുരുതരമായ നിരവധി കാര്യങ്ങള്‍ പറഞ്ഞ തന്റെ ‘ഗുജറാത്ത് ഫയല്‍സ്’ എന്ന പുസ്തകം അയച്ചുതരാമെന്നും റാണ പ്രതികരിച്ചു.

നിലവിലെ ബിഹാര്‍ ഗവര്‍ണറും എന്‍.ഡി.എയുടെ രാഷ്ട്രപതി സ്ഥാനാര്‍ത്ഥിയുമായ രാംനാഥ് കോവിന്ദിനെ രാഷ്ട്രപതി സ്ഥാനത്തേക്കുള്ള മോശം തെരഞ്ഞെടുപ്പാണെന്ന പരാമര്‍ശം പട്ടികജാതിക്കാര്‍ക്കെതിരായ പരാമര്‍ശമാണെന്നാണ് നുപുര്‍ ശര്‍മ ട്വിറ്ററില്‍ കുറിച്ചത്. ഡല്‍ഹി ഐ.ടി.ഒ പോലീസ് ആസ്ഥാനത്താണ് പരാതി നല്‍കിയത്. എന്നാല്‍ ‘ജോലിയൊന്നുമില്ലാതെ ഇരിക്കുന്ന’ ബി.ജെ.പി വക്താവിന്റെ കേസിനെ അവഗണിക്കുന്നതായി റാണ വ്യക്തമാക്കി. ‘എന്നെ പേടിപ്പിക്കാനാണ് ഉദ്ദേശ്യമെങ്കില്‍ കുറച്ചുകൂടി മികച്ച വല്ലതും കൊണ്ട് വരണം എന്ന് ആരെങ്കിലും ബി.ജെ.പി വക്താക്കളോട് പറയൂ…’ എന്നും റാണ ട്വീറ്റ് ചെയ്തു. തന്റെ പരാമര്‍ശം പട്ടിക ജാതിക്കാര്‍ക്കെതിരാവുമെങ്കില്‍ മന്‍മോഹന്‍ സിങ് കോട്ടിട്ട് കുളിക്കുന്നയാളാണെന്ന മോദിയുടെ പ്രസ്താവന സിഖ് ജനതയെ അവഹേളിക്കുന്നതായി കാണേണ്ടി വരുമെന്നും അവര്‍ ചൂണ്ടിക്കാട്ടി.

2002 ഗുജറാത്ത് കലാപത്തില്‍ ബി.ജെ.പി നേതാക്കള്‍ക്കുള്ള പങ്ക് വ്യക്തമാക്കുന്ന ഗുജറാത്ത് ഫയല്‍സ് എന്ന കൃതിയിലൂടെയാണ് റാണ അയ്യൂബ് ശ്രദ്ധ നേടിയത്. നിരവധി പ്രസാധകര്‍ നിരസിച്ചതിനെ തുടര്‍ന്ന് സ്വന്തം നിലയ്ക്കാണ് റാണ ആ പുസ്തകം പ്രസിദ്ധീകരിച്ചത്. മണിക്കൂറുകള്‍ക്കകം പുസ്തകം ബെസ്റ്റ് സെല്ലറായി മാറുകയും ചെയ്തു.

]]> https://www.chandrikadaily.com/complaint-against-rana-ayyub-for-remarks-about-kovind.html/feed 0