നവംബര്‍ 28ന് ദോഹയില്‍ നടക്കാനിരുന്ന പരിപാടി മാറ്റിവച്ചു. ഡിസംബര്‍ 12നേക്കാണ് നിലവില്‍ പരിപാടി മാറ്റിവെച്ചിരിക്കുന്നത്.

‘വിയര്‍പ്പ് തുന്നിയിട്ട കുപ്പായം’ എന്ന വരികള്‍ ഉദാത്തമാണെന്നും എന്നാല്‍ ഇരുളിന്റെ മറവില്‍ ആ പരാതിക്കാര്‍ക്കേറ്റ മുറിവില്‍ നിന്നൊഴുകിയ ചോരയില്‍ ആ പുരസ്‌കാരം ഒരന്യായമാണെന്നും ദീദി ഫേസ്ബുക്കില്‍ പങ്കുവെച്ച കുറിപ്പില്‍ പറയുന്നു.

‘വിയര്‍പ്പ് തുന്നിയിട്ട കുപ്പായം’ എന്ന വരികള്‍ ഉദാത്തമാണ്. എന്നാല്‍ ഇരുളിന്റെ മറവില്‍ ആ പരാതിക്കാര്‍ക്കേറ്റ മുറിവില്‍ നിന്നൊഴുകിയ ചോരയില്‍ ആ പുരസ്‌കാരം ഒരന്യായമാണ്. ഒരു വാഴ്ത്തുപാട്ടുകള്‍ക്കും ആ പാതകം മായ്ക്കാനോ മറയ്ക്കാനോ ആവില്ല. സ്ത്രീ പീഢകരെ സംരക്ഷിക്കില്ല എന്ന് ഫിലിം കോണ്‍ക്ലേവില്‍ സര്‍ക്കാര്‍ നടത്തിയ നയപ്രഖ്യാപനങ്ങളുടെ breach of trust ആണ് ജൂറി തീരുമാനം . കോടതി കയറിയാല്‍ പോലും ഇനി റദ്ദാക്കാനാവാത്ത ആ തീരുമാനം ചലച്ചിത്ര ചരിത്രത്തില്‍ എഴുതിച്ചേര്‍ത്തതിന് ഫിലിം ജൂറി പെണ്‍കേരളത്തോട് മാപ്പ് പറയാന്‍ ബാദ്ധ്യസ്ഥരാണ്,” കുറിപ്പില്‍ പറയുന്നു.

അതേസമയം പരാതികളില്ലാതെ അഞ്ച് വര്‍ഷം സിനിമ അവാര്‍ഡ് പ്രഖ്യാപനം നടത്തിയെന്നും വേടനെ പോലും സ്വീകരിച്ചെന്നുമുള്ള മന്ത്രി സജി ചെറിയാന്റെ പരാമര്‍ശം വിവാദമായിരുന്നു.

‘മഞ്ഞുമ്മല്‍ ബോയ്സ് എന്ന ചിത്രത്തിലെ കുതന്ത്രം എന്ന ഗാനത്തിനാണ് ഗാനരചയിതാവിനുള്ള പുരസ്‌കാരം വേടന് ലഭിച്ചത്.

ഓഗസ്റ്റ് 21ന് ഗവേഷക വിദ്യാര്‍ത്ഥിനി മുഖ്യമന്ത്രിയ്ക്ക് മെയില്‍ മുഖേന നല്‍കിയ പരാതിയാണ് എറണാകുളം സെന്‍ട്രല്‍ പൊലീസ് കേസ് എടുത്തത്. പോലീസ് പ്രതികരണത്തില്‍, തങ്ങള്‍ക്കു മുന്നില്‍ മെയില്‍ ഐഡിയില്‍നിന്നുള്ള വിവരങ്ങള്‍ മാത്രമാണ് ഉണ്ടായിരുന്നത്, അതുകൊണ്ടു മാത്രം അന്വേഷണം മുന്നോട്ട് കൊണ്ടുപോകാന്‍ സാധിക്കില്ലെന്ന് വ്യക്തമാക്കി. ഇതിന്റെ പശ്ചാത്തലത്തിലാണ് മൊഴിയെടുക്കാന്‍ നോട്ടീസ് അയച്ചത്.

നോട്ടീസ് ചട്ടാനുസൃതമായി അയച്ചതാണ്, മൊഴിയെടുക്കാതെ അന്വേഷണം തുടരാന്‍ കഴിയില്ലന്ന് പോലീസ് വ്യക്തമാക്കി. നിലവില്‍, ജില്ലാകോടതി വേടന്‍ ജാമ്യം അനുവദിച്ചിരുന്നു. കൊച്ചിയിലെ ഫ്ലാറ്റിലേക്ക് വിളിച്ചുവരുത്തി ലൈംഗിക അതിക്രമം നടന്നുവെന്നാണ് പരാതി. എന്നാല്‍, പോലീസിന്റെ ചോദ്യംചെയ്യലില്‍ വേടന്‍ ഈ ആരോപണങ്ങളെല്ലാം നിഷേധിച്ചു.

”ആദ്യമായിട്ടാണ് ഇത്തരത്തിലുള്ള പ്രശ്‌നങ്ങള്‍ നേരിടുന്നത്. പരാതികള്‍ കുടുംബത്തെ ഇല്ലാതാക്കുന്ന രീതിയിലാണ് വരുന്നത്. വേടന്റെ രാഷ്ട്രീയ നിലപാടുകള്‍ ചിലരെ അസ്വസ്ഥരാക്കുന്നു. പുതിയ തലമുറക്ക് അറിയരുതെന്ന് ചിലര്‍ ആഗ്രഹിക്കുന്ന കാര്യങ്ങളാണ് വേടന്‍ പറയുന്നത്. അതിനാല്‍ തന്നെയാണ് പ്രതിരോധം ഉണ്ടാകുന്നത്,” ഹരിദാസ് പറഞ്ഞു.

ഇന്‍ഡസ്ട്രിയിലെ സുഹൃത്തുക്കള്‍ ആശ്വാസം നല്‍കിയെന്നും, പൊലീസുകാര്‍ മാന്യമായി പെരുമാറുകയാണെന്നും അദ്ദേഹം കൂട്ടിച്ചേര്‍ത്തു. എന്നാല്‍ വാര്‍ത്തകളിലൂടെ കുടുംബം നേരിടുന്ന മാനസിക ബുദ്ധിമുട്ടുകള്‍ ഗുരുതരമാണെന്നും സഹോദരന്‍ ചൂണ്ടിക്കാട്ടി. വേടന്റെ പരിപാടികള്‍ നടത്തുന്നത് സാമ്പത്തികമായി വലിയ ലോബികളല്ലാത്തവരാണെന്നും, അവര്‍ക്കും ബുദ്ധിമുട്ടുണ്ടാകുന്ന രീതിയിലാണ് കാര്യങ്ങള്‍ പോകുന്നതെന്നും അദ്ദേഹം പറഞ്ഞു.

വേടനെതിരെ ഗൂഢാലോചനയുണ്ടെന്നും, അന്വേഷണം വേണമെന്നും ആവശ്യപ്പെട്ടാണ് കുടുംബം മുഖ്യമന്ത്രിക്ക് പരാതി നല്‍കിയിരിക്കുന്നത്. രാഷ്ട്രീയ ഗൂഢാലോചനയുടെ സാധ്യതയും പരാതിയില്‍ ഉയര്‍ത്തിയിട്ടുണ്ട്.

അതേസമയം, ബലാത്സംഗക്കേസില്‍ വേടനെ തൃക്കാക്കര പൊലീസ് ബുധനാഴ്ച അറസ്റ്റ് ചെയ്തിരുന്നു. മുന്‍കൂര്‍ ജാമ്യമുള്ളതിനാല്‍ വൈദ്യപരിശോധനയ്ക്കുശേഷം വിട്ടയച്ചു. വേടനെതിരെ ഡിജിറ്റല്‍ തെളിവുകള്‍ അടക്കം ഉണ്ടെന്ന് പൊലീസ് വ്യക്തമാക്കിയിരുന്നു.

എറണാകുളം സെന്‍ട്രല്‍ പൊലീസ് രജിസ്റ്റര്‍ ചെയ്ത കേസില്‍ വേടന് മുന്‍കൂര്‍ ജാമ്യം അനുവദിച്ചിട്ടുണ്ട്. ലൈംഗിക ആരോപണങ്ങള്‍ക്കിടെ വേടന്‍ സംഗീത പരിപാടികളില്‍ പങ്കെടുത്തുകൊണ്ടിരിക്കുകയാണ്.

പരാതിക്കാരിക്ക് കൂടുതല്‍ തെളിവുകള്‍ ഹാജരാക്കാന്‍ തിങ്കളാഴ്ച വരെ സാവകാശം നല്‍കി. പരാതിക്കാരി ഈ വിഷയവുമായി ബന്ധപ്പെട്ട് വിശാദത്തിലായെന്നും അതിന്റെ ചികിത്സയില്‍ കഴിയേണ്ട സാഹര്യം ഉണ്ടായിരുന്നതായും പരാതിക്കാരിയുടെ അഭിഭാഷക കോടതിയെ അറിയിച്ചു.

എന്നാല്‍ ഇത് സംബന്ധിച്ച് തെളിവുകളൊന്നും ഹാജരാക്കാന്‍ പരാതിക്കാരിയുടെ അഭിഭാഷകക്ക് കഴിയുന്നില്ലെന്നാണ് വേടന്റെ അഭിഭാഷകന്‍ എതിര്‍വാദമായി ഉന്നയിച്ചത്. കൂടുതല്‍ വാദങ്ങളും തെളിവുകളും ഹാജരാക്കാനാണ് തിങ്കളാഴ്ച വരെ കോടതി സമയം അനുവദിച്ചത്.

ഗവേഷണാവശ്യത്തിന് വിവരം തേടി സമീപിച്ചപ്പോള്‍ അതിക്രമം നടത്തിയെന്നാണ് ഒരു വിദ്യാര്‍ത്ഥിനി പരാതിയില്‍ പറയുന്നത്. വേടന്‍ ക്രൂരമായ ലൈംഗികാതിക്രമം നടത്തിയെന്നാണ് മറ്റൊരു യുവതിയുടെ പരാതി. 2020-21 കാലഘട്ടത്തിലാണ് ലൈംഗികാതിക്രമം നടന്നതെന്നും പരാതിയില്‍ പറയുന്നു.

വിവാഹ വാഗ്ദാനം നല്‍കി പീഡിപ്പിച്ചുവെന്ന യുവ ഡോക്ടറുടെ പരാതിയില്‍ റാപ്പര്‍ വേടന്‍ എന്ന ഹിരണ്‍ദാസ് മുരളി ഒളിവിലാണ്. ഇയാള്‍ക്കെതിരെ പൊലീസ് ലുക്കൗട്ട് നോട്ടീസ് പുറത്തിറക്കിയിരുന്നു.