പതിറ്റാണ്ടുകളായി സ്വാന്തം രാജ്യത്തിന് വേണ്ടി പോരാടുന്ന ഫലസ്തീൻ ജനത
ഭീകരവാദികളല്ല തങ്ങളുടെ നാടിൻ്റെ വിമോചന പോരാളികളാണെന്നും.
ഫലസ്തിൻ ജനതക്കാവശ്യമായ വെള്ളവും വെളിച്ചവും പാർപ്പിടങ്ങളും ആശുപത്രികളും തകർത്ത് തരിപ്പണമാക്കി ഇസ്രായേൽ ഭീകരസയണിസ്റ്റ് ഭരണകൂടത്തിൻ്റെ കിരാതമായ അക്രമ തേർവാഴ്ച്ചക്ക് മുമ്പിൽ പിടഞ്ഞ് മരിക്കുന്ന സ്ത്രീകളും കുട്ടികളുമടക്കം മനുഷ്യ ജീവനുകൾക്ക് മനുഷ്യത്വം മരവിച്ചിട്ടില്ലാത്ത ലോകജനതയുടെ പിന്തുണയും പ്രാർഥനയുമുണ്ടാകണെമെന്നും റഷീദലി ശിഹാബ് തങ്ങൾ പറഞ്ഞു.

ലോകരാജ്യങ്ങൾക്ക് മുമ്പിൽ വ്യക്തമായ നിലപാടുണ്ടായിരുന്ന ഇന്ത്യ ഏത് കാലത്തും ഫലസ്തീൻ ജനതക്കൊപ്പമായിരുന്നു. ഫലസ്തീൻ അറബികളുടെ രാജ്യമാണെന്ന് പറഞ്ഞ
ഇന്ത്യയുടെ രാഷ്ട്രപിതാവ് മഹാത്മ ഗാന്ധിജിയും ചേരി ചേരാ നയങ്ങളുടെ വ്യക്തമായ ഇന്ത്യയുടെ നിലപാടുകൾ പറഞ്ഞ നെഹ്രുവും ഇന്ദിരാഗാന്ധിയക്കമുള്ള ഇന്ത്യയുടെ പ്രഗത്ഭരായ ഭരണാധികാരികളും ഉയർത്തി പിടിച്ച നിലപാടുകളെല്ലാം എല്ലാ കാലവും ഫലസ്തീൻ ജനതയോടൊപ്പമായിരുന്നു. വർത്തമാനകാല ഇന്ത്യയുടെ സംഘപരിവാർ ഭരണാധികാരികൾ അധിനിവേശ ശക്തികളായ ഇസ്രായേലിനനുകൂലമായ നിലപാടെടുക്കുമ്പോൾ ഇന്ത്യരാജ്യം ഇത്രയും കാലം അനുവർത്തിച്ച് പോന്നിരുന്ന നയങ്ങൾക്കെതിരും ദുഖകരവുമാണെന്നും ജനാധിപത്യ ഇന്ത്യയിലെ ജനത ഈ നിലപാടുകൾക്കെതിരെയാണെന്നും അദ്ദേഹം കൂട്ടിച്ചേർത്തു.

മദീനയിലെത്തിയ റഷീദലി തങ്ങളെ കെ എം സി സി നേതാക്കളായ സൈത് മൂന്നിയൂർ, സമദ് പട്ടനിൽ, ഗഫൂർ പട്ടാമ്പി, മഹബൂബ് കീഴ്പറമ്പ് ,ഷംസുമലബാർ എന്നിവർ ചേർന്ന് സ്വീകരിച്ചു.

മലപ്പുറം: മുജാഹിദ് സംസ്ഥാന സമ്മേളനത്തില്‍ പങ്കെടുത്തത് സംബന്ധിച്ച് പാണക്കാട് സയ്യിദ് റഷീദലി ശിഹാബ് തങ്ങളും സയ്യിദ് മുനവ്വറലി ശിഹാബ് തങ്ങളുമായി സമസ്ത ഉന്നതാധികാര സമിതിയും കോ-ഓര്‍ഡിനേഷന്‍ ഭാരവാഹികളും ചുമതലപ്പെടുത്തിയ അഞ്ചംഗ സമിതി ചര്‍ച്ച ചെയ്തു.
പ്രസ്തുത ചര്‍ച്ചയില്‍ അവര്‍ സമസ്തയുടെ ആശയാദര്‍ശങ്ങളില്‍ ഉറച്ചു വിശ്വസിക്കുന്നവരും അതിനു വേണ്ടി ആത്മാര്‍ത്ഥമായി പ്രവര്‍ത്തിക്കുന്നവരുമാണെന്നും തങ്ങളുടെ പിതാക്കളും പിതാമഹന്മാരും നടന്നുവന്ന വഴിയില്‍ നിന്ന് ഞങ്ങള്‍ക്ക് യാതൊരു വ്യതിയാനവും ഉണ്ടാവുകയില്ലെന്നും വ്യക്തമാക്കി. പാണക്കാട് സയ്യിദ് കുടുംബത്തോട് സമസ്തയും അതിന്റെ നേതാക്കളും പ്രവര്‍ത്തകരും കാണിച്ചുകൊണ്ടിരിക്കുന്ന സ്‌നേഹാദരവുകള്‍ അവര്‍ ഉള്‍ക്കൊള്ളുന്നവരും അക്കാര്യത്തില്‍ കൃതജ്ഞത ഉള്ളവരുമാണെന്നും അവര്‍ വ്യക്തമാക്കി.എന്നാല്‍ കൂരിയാട് നടന്ന മുജാഹിദ് സമ്മേളനത്തില്‍ അവരിരുവരും പങ്കെടുത്തത് സമസ്ത നേതാക്കള്‍ക്കും പ്രവര്‍ത്തകര്‍ക്കും വളരെ വേദന ഉണ്ടാക്കിയത് ഉള്‍ക്കൊള്ളുന്നതായും ഭാവിയില്‍ സമസ്ത നേതൃത്വവുമായി കൂടിയാലോചിച്ചു മാത്രം ഇത്തരം കാര്യങ്ങളില്‍ തീരുമാനം ഉണ്ടാവുകയുള്ളൂവെന്നും അവര്‍ അറിയിച്ചു. ഇത് സംബന്ധമായി സോഷ്യല്‍ മീഡിയയിലും മറ്റും വരുന്ന വിവാദ പരാമര്‍ശങ്ങള്‍ ഒഴിവാക്കണമെന്ന് നേതാക്കള്‍ നിര്‍ദേശിച്ചു.
പാണക്കാട് സയ്യിദ് ഹൈദരലി ശിഹാബ് തങ്ങള്‍, സയ്യിദ് മുഹമ്മദ് ജിഫ്‌രി മുത്തുകോയ തങ്ങള്‍, പ്രഫ. കെ. ആലിക്കുട്ടി മുസ്‌ലിയാര്‍, പി.കെ കുഞ്ഞാലിക്കുട്ടി, സയ്യിദ് സാദിഖലി ശിഹാബ് തങ്ങള്‍, എം.ടി അബ്ദുല്ല മുസ്‌ലിയാര്‍, ഡോ. ബഹാഉദ്ദീന്‍ നദ്‌വി കൂരിയാട്,പി.എ ജബ്ബാര്‍ഹാജി പങ്കെടുത്തു.

പ്രവാചകര്‍ ഇസ്ലാമിക രാജ്യം കെട്ടിപ്പടുക്കുമ്പോള്‍ പള്ളികള്‍ കേന്ദ്രീകരിച്ചായിരുന്നു പ്രവര്‍ത്തിച്ചത്. സമാധാനത്തിന്റെയും ശാന്തിയുടെയും സ്‌നേഹത്തിന്റെയും സന്ദേശമായിരിക്കണം അവിടെ നിന്നും കിട്ടേണ്ടത്. ഇക്കാലത്ത് നമുക്ക് വേണ്ടത് ഭിന്ന സ്വരങ്ങളല്ലെന്നും ഐക്യത്തിന്റെയും ഒരുമയുടെയും വഴികളെന്നും അദ്ദേഹം പറഞ്ഞു.

ഭിന്നിച്ചു നില്‍ക്കുമ്പോള്‍ നമ്മുടെ അസ്തിത്വം ചോദ്യം ചെയ്യപ്പെടും. മുജാഹിദുകള്‍ സുന്നികളെയും തിരിച്ചും വിമര്‍ശിക്കുമ്പോള്‍ മതവിധികള്‍ മറന്നാണോ ഇത് ചെയ്യുന്നതെന്ന് നാം ഓര്‍ക്കണം. ഒരിക്കലും മതത്തേക്കാള്‍ വലുതാവരുത് സംഘടനകള്‍. ദേശീയ അന്തര്‍ദേശീയ തലങ്ങളിലും കേരളത്തിലും നമ്മുടെ നിലനില്‍പ്പ് ചോദ്യം ചെയ്യപ്പെടുകയാണെന്നും ഐക്യത്തിലൂടെ മാത്രമേ അതിനെ പ്രതിരോധിക്കല്‍ സാധ്യമാവുകയുള്ളൂ എന്നും അദ്ദേഹം പറഞ്ഞു. ആരുടെയും മുമ്പില്‍ ആദര്‍ശം അടിയറവെച്ചല്ല മുജാഹിദ് സമ്മേളനത്തില്‍ താന്‍ പങ്കെടുക്കുന്നതെന്നും റശീദലി തങ്ങള്‍ കൂട്ടിച്ചേര്‍ത്തു.