ഏഷ്യാകപ്പിലെ ഗ്രൂപ്പ് ഘട്ടത്തിലും സൂപ്പര്‍ ഫോറിലും ഇന്ത്യയും പാക്കിസ്ഥാനും ഏറ്റുമുട്ടിയപ്പോള്‍ ഒരു അവതാരകന്‍ മാത്രമാണ് ടോസ് സമയത്ത് താരങ്ങള്‍ക്കൊപ്പം ഗ്രൗണ്ടില്‍ ഉണ്ടായിരുന്നത്. എന്നാല്‍, ഇന്ന് എന്തുകൊണ്ടാണ് ഇങ്ങനെയൊരു മാറ്റമെന്ന് സംഘാടകര്‍ പ്രതികരിച്ചിട്ടില്ല. മത്സരത്തില്‍ ടോസ് നേടിയ ഇന്ത്യന്‍ ക്യാപ്റ്റന്‍ സൂര്യകുമാര്‍ യാദവ് പാക്കിസ്ഥാനെ ബാറ്റിങ്ങിനു വിടുകയായിരുന്നു.

ടോസിനിടെ ഇരു ടീമുകളുടെയും ക്യാപ്റ്റന്‍മാര്‍ ഹസ്തദാനത്തിനും നിന്നില്ല. ടോസിനു മുന്‍പ് ട്രോഫിക്കൊപ്പമുള്ള ഫോട്ടോഷൂട്ടും ഇന്ത്യന്‍ ക്യാപ്റ്റന്‍ സൂര്യകുമാര്‍ യാദവ് ഒഴിവാക്കി. പാക്ക് ക്യാപ്റ്റന്‍ സല്‍മാന്‍ ആഗ മാത്രമാണ് ട്രോഫിക്കൊപ്പം പോസ് ചെയ്തത്.

‘സ്വന്തം ഷൂലേസ് പോലും കെട്ടാന്‍ അറിയാത്തവരാണ് ധോനിയെ വിമര്‍ശിക്കുന്നവരില്‍ പകുതി പേരും’ എന്നായിരുന്നു രവി ശാസ്ത്രിയുടെ കമന്റ്.
‘ധോനി രാജ്യത്തിന് വേണ്ടി നേടിയ നേട്ടങ്ങള്‍ കാണാതെ പോകരുത്. അദ്ദേഹത്തെ എത്രയും പെട്ടന്ന് ക്രിക്കറ്റില്‍ നിന്ന് പറഞ്ഞുവിടണമെന്ന് ആളുകള്‍ക്ക് എന്താണ് ഇത്ര ആഗ്രഹം? എന്തിനാണ് ഇത്രയും ധൃതി കൂട്ടുന്നത്? അദ്ദേഹം ഈ അടുത്തുതന്നെ ക്രിക്കറ്റില്‍ നിന്ന് വിരമിക്കും എന്ന കാര്യം അദ്ദേഹത്തെ അറിയുന്ന എല്ലാവര്‍ക്കും അറിയാം. അതിന് അനുവദിക്കുക. സമയം കൊടുക്കുക. രാജ്യത്തിന് വേണ്ടി 15 വര്‍ഷം കളിച്ച ധോനിയെ അവഹേളിക്കരുതെന്നും അദ്ദേഹം പറഞ്ഞു.

‘തീര്‍ത്തും വ്യത്യസ്തനായ താരമാണ് പന്ത്. അദ്ദേഹത്തിന്റെ കളി ലോകോത്തര നിലവാരമുള്ളതാണ്. അതുകൊണ്ടുതന്നെ പന്തിന്റെ കാര്യത്തില്‍ ക്ഷമയോടെ കാത്തിരിക്കുകയെന്നതാണ് നയം. മാധ്യമങ്ങളും ക്രിക്കറ്റ് വിദഗ്ധരുമൊക്കെ എന്തു വേണമെങ്കിലും എഴുതട്ടെ. ഇപ്പോഴത്തെ ഇന്ത്യന്‍ ടീമില്‍ പന്തിന് വ്യക്തമായ ഇടമുണ്ട് എന്നതാണ് വാസ്തവം. ക്രിക്കറ്റ് വിദഗ്ധര്‍ക്ക് അവരുടേതായ ജോലിയുണ്ട്. അവരത് ചെയ്യട്ടെ.

ആരെങ്കിലും പിഴവു വരുത്തിയാല്‍ അവരെ തിരുത്തേണ്ടത് എന്റെ കടമയാണ്. അല്ലാതെ തബല വായിക്കാനല്ലല്ലോ ഞാന്‍ അവിടിരിക്കുന്നത്.ശാസ്ത്രി പറഞ്ഞു.

പോര്‍ട്ട് ഓഫ് സ്‌പെയ്ന്‍: കഴിഞ്ഞ ദിവസമാണ് രവി ശാസ്ത്രിയെ വീണ്ടും ഇന്ത്യന്‍ ക്രിക്കറ്റ് ടീമിന്റെ പരിശീലകനായി നിയമിച്ചത്. രണ്ട് വര്‍ഷം പരിശീലകനായിരുന്ന ശേഷം വീണ്ടും ശാസ്ത്രിയെ തന്നെ നിയമിക്കുകയായിരുന്നു. എന്നാല്‍ വീണ്ടും പരിശീലകനായതിനെ കുറിച്ച് സംസാരിച്ചിരിക്കുകയാണ് ശാസ്ത്രി.

ലോകകപ്പ് തോല്‍വിയാണ് കഴിഞ്ഞ രണ്ട് വര്‍ഷത്തിനിടെ ഏറെ വേദനിപ്പിച്ചതെന്ന് ശാസ്ത്രി പറഞ്ഞു. അദ്ദേഹം തുടര്‍ന്നു… ”ഇന്ത്യന്‍ ടീമിന്റെ പരിശീലകനായ രണ്ടു വര്‍ഷത്തെ കാലയളവില്‍ ലോകകപ്പ് സെമി ഫൈനലില്‍ ന്യൂസിലാന്‍ഡിനോട് തോറ്റതാണ് ഏറ്റവും നിരാശയേറിയ നിമിഷം. ടൂര്‍ണമെന്റില്‍ കിരീടം നേടാന്‍ സാധ്യയുള്ളവരുടെ കൂട്ടത്തില്‍ ഏറ്റവും മുന്‍പിലുണ്ടായിരുന്ന ഇന്ത്യ. എന്നാല്‍ അതിന് കഴിഞ്ഞില്ല.

30 മിനുറ്റ് കളി മറന്നതാണ് ഇന്ത്യക്ക് തിരിച്ചടിയായത്. ടൂര്‍ണമെന്റിലുടനീളം ഇന്ത്യ മികച്ച പ്രകടനമാണ് നടത്തിയത്. മറ്റ് ഏതൊരു ടീമിനെക്കാളും മത്സരങ്ങള്‍ ഇന്ത്യ ജയിച്ചു. ഒരു മോശം ദിവസം, അല്ലെങ്കില്‍ ഒരു മോശം സെഷനാണ് ലോകകപ്പ് പ്രതീക്ഷകളെ ഇല്ലാതാക്കിയത്.” ശാസ്ത്രി പറഞ്ഞുനിര്‍ത്തി.

അഭിമുഖത്തില്‍ കൂടുതല്‍ മാര്‍ക്ക് രവി ശാസ്ത്രിക്കാണ്് ലഭിച്ചതെന്ന് കപില്‍ ദേവ് പറഞ്ഞു.അഭിമുഖത്തില്‍ ന്യൂസിലന്‍ഡിന്റെയും ഐപിഎല്‍ ടീമായ പഞ്ചാബിന്റെയും പരിശീലകനായിരുന്ന മൈക്ക് ഹെസന്‍ രണ്ടാമതായും, ഐപിഎല്ലിലെ ഹൈദരാബാദ് ടീം മുന്‍ കോച്ചും ഓസ്‌ട്രേലിയന്‍ മുന്‍താരവുമായ ടോം മൂഡി മൂന്നാമതായും എത്തി.വെസ്റ്റ് ഇന്‍ഡീസ് പര്യടനത്തിന് തിരിക്കുന്നതിന് മുമ്പ് ശാസ്ത്രി തന്നെ കോച്ചായി വന്നാല്‍ സന്തോഷമെന്ന് കോലി പരസ്യമായി പ്രഖ്യാപിച്ചിരുന്നു.കപില്‍ ദേവിന് പുറമെ അന്‍ഷുമാന്‍ ഗെയ്ക്‌വാദ്, ശാന്ത രംഗസ്വാമി എന്നിവരാണ് ഉപദേശക സമിതിയിലുണ്ടായിരുന്നത്.

ടെസ്റ്റ് പദവിയുള്ള ഏതെങ്കിലും ടീമിനെ കുറഞ്ഞത് രണ്ടു വര്‍ഷമെങ്കിലും പരിശീലിപ്പിച്ചിരിക്കണം എന്നതാണ് മുഖ്യ പരിശീലക റോളിലേക്ക് അപേക്ഷിക്കുന്നതിനുള്ള മാനദണ്ഡങ്ങളില്‍ പ്രധാനം. ഐസിസിയുടെ അസോഷ്യേറ്റ് രാജ്യങ്ങളെയോ എ ടീമുകളെയോ ഐപിഎല്‍ ടീമുകളെയോ മൂന്നു വര്‍ഷം പരിശീലിപ്പിച്ച പരിചയസമ്പത്താണെങ്കിലും മതി. ഇതിനു പുറമെ അപേക്ഷിക്കുന്നയാള്‍ ഏറ്റവും കുറഞ്ഞത് 30 ടെസ്റ്റുകളോ 50 ഏകദിനങ്ങളോ കളിച്ചിരിക്കണമെന്നും നിഷ്‌കര്‍ഷിച്ചിട്ടുണ്ട്. മാത്രമല്ല, അപേക്ഷകര്‍ 60 വയസ്സിനു താഴെയുള്ളവരുമാകണം. ഇപ്പോഴത്തെ പരിശീലകന്‍ രവി ശാസ്ത്രിക്ക് 57 വയസ്സാണ്.

ബാറ്റിങ്, ബോളിങ്, ഫീല്‍ഡിങ് പരിശീലകര്‍ക്കും മാനദണ്ഡങ്ങള്‍ ഏറെക്കുറേ സമാനമാണ്. ആകെ വ്യത്യാസമുള്ളത് മല്‍സര പരിചയത്തന്റെ കാര്യത്തില്‍ മാത്രം. മുഖ്യ പരിശീലകന്‍ രവി ശാസ്ത്രി, ബോളിങ് പരിശീലകന്‍ ഭരത് അരുണ്‍, ബാറ്റിങ് പരിശീലകന്‍ സഞ്ജയ് ബംഗാര്‍, ഫീല്‍ഡിങ് പരിശീലകന്‍ ആര്‍.ശ്രീധര്‍ എന്നിവരുടെ കാലാവധി ലോകകപ്പിനു പിന്നാലെ 45 ദിവസം കൂടി നീട്ടിയിട്ടുണ്ട്. ഓഗസ്റ്റില്‍ ആരംഭിക്കുന്ന ഇന്ത്യയുടെ വെസ്റ്റിന്‍ഡീസ് പര്യടനത്തിലും ഇവര്‍ക്കു തന്നെയാകും ടീമിന്റെ ചുമതല.

എന്നാല്‍ പുതിയ പരിശീലക സ്ഥാനത്തേക്ക് മുന്‍ ഇന്ത്യന്‍ നായകന്‍ സൗരവ് ഗാംഗുലി, മുന്‍ പരിശീലകനും ഇന്ത്യന്‍ താരവുമായിരുന്ന അനില്‍ കുബ്ലെ, ഗാരി ക്രിസ്റ്റ്യന്‍, ടോം മൂഡി എന്നിവരുടെ പേരുകള്‍ ഉയര്‍ന്നു വന്നിട്ടുണ്ടെങ്കിലും ഇതുവരെ ആര്‍ക്കാവും സാധ്യത എന്ന് ബി.സി.സി.ഐ യാതൊരു പ്രതികരണവും നല്‍കിയിട്ടില്ല.

22ന് ചേരുന്ന സി.ഒ.എ യോഗത്തില്‍ കോച്ച് രവി ശാസ്ത്രിയുമായി കൂടിയാലോചിച്ച ശേഷം മാത്രമേ ഇരുവരുടേയും നിയമനത്തിന്റെ കാര്യത്തില്‍ അന്തിമ തീരുമാനം കൈക്കൊള്ളൂവെന്നാണ് സി.ഒ.എയുടെ തീരുമാനം. ഇരുവരുടേയും കാര്യത്തില്‍ കരാറില്ല, ശിപാര്‍ശകള്‍ മാത്രമേയുള്ളൂ. ഇത് നിയമനമല്ലെന്നാണ് സി.ഒ.എയുടെ നിലപാട്. ശിപാര്‍ശ നല്‍കിയിട്ടുണ്ട് സി.ഒ.എ ശിപാര്‍ശകള്‍ പരിശോധിക്കും, ഇത് മുഖ്യകോച്ചുമായി കൂടിയാലോചിച്ച ശേഷമായിരിക്കുമെന്ന് സി.ഒ.എ തലവന്‍ വിനോദ് റായി പറഞ്ഞു.

ശാസ്ത്രിയെ 2019ലെ ലോകകപ്പ് വരെ കോച്ചായി തെരഞ്ഞെടുത്തപ്പോള്‍ സഹീര്‍ ഖാനും ദ്രാവിഡിനും വര്‍ഷത്തില്‍ 150 ദിവസത്തെ താല്‍ക്കാലിക കരാറാണ് നല്‍കിയിട്ടുള്ളതെന്നായിരുന്നു നേരത്തെ ഉപദേശക സമിതി അറിയിച്ചിരുന്നത്. ഇരുവരുടേയും വേതനവും നിശ്ചയിച്ചിട്ടുണ്ടായിരുന്നില്ല. ഇരുവരുടേയും നിയമനത്തില്‍ തൃപ്തനല്ലാത്ത രവിശാസ്ത്രി എന്ത് നിലപാടെടുക്കുമെന്നാണ് ഇനി കണ്ടറിയേണ്ടത്. തന്റെ വിശ്വസ്ഥനും സുഹൃത്തുമായ ഭരത് അരുണിനെ ബൗളിങ് കോച്ചായി നിയമിക്കണമന്നായിരുന്നു ശാസ്ത്രിയുടെ ആവശ്യം.

എന്നാല്‍ ശാസ്ത്രിയുമായി ഇടഞ്ഞു നില്‍ക്കുന്ന ഉപദേശക സമിതി ചെയര്‍മാന്‍ സൗരവ് ഗാംഗുലിയുടെ കടുംപിടുത്തമാണ് സഹീറിന്റേയും ദ്രാവിഡിന്റേയും തെരഞ്ഞെടുപ്പിന് പിന്നില്‍. ഇരുവരേയും നിയമിച്ചതു വഴി ശാസ്ത്രിയുടെ അപ്രമാധിത്യത്തിന് തടയിടാനാവുമെന്നും ഗാംഗുലി കണക്ക് കൂട്ടി. ദ്രാവിഡിനേയും സഹീറിനേയും വെട്ടാനായാല്‍ അത് ഗാംഗുലിക്കെതിരായ ശാസ്ത്രിയുടെ വിജയം കൂടിയായി കണക്കാക്കും. അതിനിടെ ഇന്ത്യന്‍ സീനിയര്‍ ടീമിന്റെ മാനേജറെ കണ്ടെത്തുന്നതിനായി ഉടന്‍ പരസ്യം നല്‍കുമെന്നും സമാന രീതിയില്‍ എ ടീമിന്റേയും അണ്ടര്‍ 19 ടീമിന്റേയും മാനേജര്‍മാരേയം തെരഞ്ഞെടുക്കുമെന്നും അദ്ദേഹം പറഞ്ഞു. അതേ സമയം കോച്ച് രവി ശാസ്ത്രിയുടെ വേതനം സംബന്ധിച്ച തീരുമാനമെടുക്കാന്‍ നാലംഗ കമ്മിറ്റിയെ നിയമിച്ചിട്ടുണ്ട്.

ബി.സി.സി.ഐയുടെ ആക്ടിങ് പ്രസിഡന്റ് സി.കെ ഖന്ന, സി.ഇ.ഒ രാഹുല്‍ ജൊഹ്്‌റി എന്നിവരടങ്ങുന്ന നാലംഗ സമിതിയെയാണ് സി.ഒ.എ തെരഞ്ഞെടുത്തത്. സി.ഒ.എ അംഗം ഡയാന എദുല്‍ജി, ബി.സി.സി.ഐ ആക്ടിങ് സെക്രട്ടറി അമിതാഭ് ചൗധരി എന്നിവരാണ് കമ്മിറ്റിയിലെ മറ്റ് അംഗങ്ങള്‍. ഇതിനായി നാലംഗ സമിതി 19ന് യോഗം ചേരും. അതേ സമയം സി.ഒ.എയുടെ മലക്കം മറിച്ചിലിനെ തുടര്‍ന്ന് നിലവിലെ സാഹചര്യത്തില്‍ ശ്രീലങ്കന്‍ പര്യടനത്തിനായി ഇന്ത്യന്‍ ടീം 19ന് പുറപ്പെടാനിരിക്കെ സഹീറും ദ്രാവിഡും സംഘത്തിലുണ്ടാവുമോ എന്ന കാര്യം സംശയമാണ്. ഈ മാസം 26നാണ് ഇന്ത്യ ശ്രീലങ്ക ടെസ്റ്റ് പരമ്പരക്ക് തുടക്കമാവുന്നത്.

നേരത്തെ എഎന്‍ഐ ഉള്‍പ്പെടെ പ്രമുഖ മാധ്യമങ്ങളെല്ലാം രവി ശാസ്ത്രിയെ ഇന്ത്യന്‍ കോച്ചായി പ്രഖ്യാപിച്ചു എന്ന വാര്‍ത്ത റിപ്പോര്‍്ട്ട് ചെയ്തിരുന്നു.

അഭിമുഖത്തിനു ക്ഷണിച്ച ആറുപേരുടെ ചുരുക്കപ്പട്ടികയില്‍ നിന്ന് സച്ചിന്‍, ഗാംഗുലി, ലക്ഷ്മണ്‍ എന്നിവരടങ്ങിയ ബിസിസിഐ വിദഗ്ധ സമിതി രവി ശാസ്ത്രിയെ തിരഞ്ഞടുത്തെന്നായിരുന്നു റിപ്പോര്‍ട്ടുകള്‍.
ക്യാപ്റ്റന്‍ വിരാട് കോഹ്ലിയുമായുള്ള അഭിപ്രായ ഭിന്നതകളുടെ പേരില്‍ അനില്‍ കുംബ്ലെ സ്ഥാനമൊഴിഞ്ഞ സാഹചര്യത്തിലാണ് ടീം ഇന്ത്യ പുതിയ പരിശീലകനെ തേടുന്നത്.

തിങ്കളാഴ്ചയാണ് പരിശീലക സ്ഥാനത്തേക്ക് അപേക്ഷിച്ചവരുടെ അഭിമുഖം നടന്നത്. ക്യാപ്റ്റന്‍ വിരാട് കോഹ്ലുമായി സംസാരിച്ചിട്ടേ പരിശീലകനെ തീരുമാനിക്കൂവെന്ന് ഗാംഗുലി പറഞ്ഞിരുന്നുവെങ്കിലും ബിസിസിഐ ഇതു പിന്നീടു തിരുത്തി. പുതിയ പരിശീലകന്റെ കാര്യത്തില്‍ ക്യാപ്റ്റന്‍ വിരാട് കോഹ്ലിയുടെ അഭിപ്രായം ചോദിക്കില്ലെന്നും ക്രിക്കറ്റ് ഉപദേശക സമിതിയുടെ തീരുമാനം അറിയിക്കുക മാത്രമേയുള്ളൂവെന്നും ബിസിസിഐ പ്രതിനിധി പിന്നീടു പറഞ്ഞു

രണ്ടു വര്‍ഷത്തേക്കാണ് ബി.സി.സി.ഐ രവി ശാസ്ത്രിയെ ചുമതലപ്പെടുത്തുന്നത്. 2019-ല്‍ ഇംഗ്ലണ്ടില്‍ നടക്കുന്ന ലോകകപ്പ് വരെ അദ്ദേഹം ടീമിനെ പരിശീലിപ്പിക്കും. ക്യാപ്ടന്‍ വിരാട് കോഹ്ലിയും സൗരവ് ഗാംഗുലിയും സെവാഗിന് അനുകൂലമായി നിലപാടെടുത്തെങ്കിലും ഇന്ത്യന്‍ ടീമിനൊപ്പം നേരത്തെ പ്രവര്‍ത്തിച്ച പരിചയവും സീനിയോറിറ്റിയും ശാസ്ത്രിക്ക് അനുകൂലമാവുകയായിരുന്നു. ബി.സി.സി.ഐ ഭരണസമിതിയുടെ പിന്തുണയും രവി ശാസ്ത്രിക്കായിരുന്നു എന്നാണ് സൂചന.

ക്യാപ്ടന്‍ വിരാട് കോഹ്ലിയുമായുള്ള അഭിപ്രായ വ്യത്യാസത്തെ തുടര്‍ന്ന് അനില്‍ കുംബ്ലെ രാജിവെച്ച ഒഴിവിലാണ് രവിശാസ്ത്രി നിയമിതനാവുന്നത്. ഐ.സി.സി ചാമ്പ്യന്‍സ് ട്രോഫിയോടെ കാലാവധി അവസാനിച്ച കുംബ്ലെയോട് വിന്‍ഡീസ് പര്യടനത്തിലും തുടരാന്‍ ബി.സി.സി.ഐ ആവശ്യപ്പെട്ടിരുന്നെങ്കിലും വെറ്ററന്‍ താരം രാജി വെക്കുകയായിരുന്നു.