എന്നാല്‍ ബാലന്‍ദോര്‍ പുരസ്‌കാരദാന ചടങ്ങിന് തൊട്ട് മുമ്പ് പുറത്ത് വന്ന റിപ്പോര്‍ട്ടുകള്‍ റയല്‍ ആരാധകരെ ഞെട്ടിക്കുന്നതായിരുന്നു.

വിനീഷ്യസ് ജൂനിയറിനെയും പിന്തള്ളി സ്പാനിഷ് മിഡ്ഫീല്‍ഡറായ റോഡ്രി ബാലണ്‍ ദോറിന് അര്‍ഹത നേടി. അതേസമയം വിനീഷ്യസ് ജൂനിയറും റയല്‍ മാഡ്രിഡും ചടങ്ങ് ബഹിഷ്‌കരിച്ചു.

വംശീയതക്കെതിരായ തന്റെ പോരാട്ടങ്ങളാണ് പുരസ്‌കാരം ലഭിക്കാതിരിക്കാന്‍ കാരണമെന്നാണ് വിനീഷ്യസ് പ്രതികരിച്ചത്.

റോഡ്രി പുരസ്‌കാരം നേടിയതിന് പിന്നാലെ വിനീഷ്യസ് ജൂനിയര്‍ എക്‌സില്‍ പ്രതികരിച്ചത് ഞാനെന്റെ പോരാട്ടം പതിന്മടങ്ങ് ഊര്‍ജത്തില്‍ തുടരുമെന്നാണ്. സംവിധാനങ്ങള്‍ക്കെതിരെ ശബ്ദിക്കുന്ന താരങ്ങളെ ഫുട്‌ബോള്‍ ലോകം അംഗീകരിക്കാന്‍ തയ്യാറല്ലെന്ന് റയല്‍ മാനേജ്‌മെന്റും പ്രതികരിച്ചു.

വന്‍ വിജയത്തോടെ ലാലീഗ പോയിന്റ്് ടേബിളില്‍ റയല്‍ ആദ്യ നാല് സ്ഥാനങ്ങളില്‍ തിരിച്ചെത്തി. സ്വന്തം മൈതാനത്ത് പോലും വിജയിക്കാത്തവര്‍ എന്ന അപഖ്യാതി തിരുത്തിയാണ് സൂപ്പര്‍ താരങ്ങള്‍ ഗോള്‍ വേട്ട നടത്തിയത്. മല്‍സരത്തിലെ ആദ്യ ഗോള്‍ നേടിയത് ഡിപ്പോര്‍ട്ടീവോയായിരുന്നു. തുടര്‍ന്നായിരുന്നു റയലിന്റെ തിരിച്ചടി മഴ. കൃസ്റ്റിയാനോ രണ്ട് സുന്ദര ഗോളുകല്‍ നേടി. അവസാനം തലയില്‍ പരുക്കേറ്റ് രക്തം വാര്‍ന്നാണ് മടങ്ങിയത്.

ലോകത്തിലെ ഏറ്റവും മികച്ച ഫുട്‌ബോളര്‍ക്ക് എന്താണ് സംഭവിച്ചിരിക്കുന്നത്…? ചോദ്യം ഉന്നയിക്കുന്നത് റയല്‍ മാഡ്രിഡ് ആരാധകര്‍ മാത്രമല്ല-ഫുട്‌ബോള്‍ ലോകമാണ്. ലാലീഗ പുരോഗമിക്കുമ്പോള്‍ റയല്‍ മാഡ്രിഡ് വളരെ പിറകിലാണ്. ദുര്‍ബലരായ ജിനോവക്കെതിരെ പോലും ജയിക്കാന്‍ കഴിയാത്ത ദുരവസ്ഥ.

ചോദ്യങ്ങളെല്ലാം രണ്ട് പേര്‍ക്ക്് നേരെയാണ്-ഹെഡ് കോച്ച് സൈനുദ്ദീന്‍ സിദാനോടും ടീമിന്റെ സൂപ്പര്‍ താരം കൃസ്റ്റിയാനോയോടും. നിലവില്‍ ലാലീഗ ചാമ്പ്യന്മാരാണ് റയല്‍. യുവേഫ ചാമ്പ്യന്‍സ് ലീഗ് ജേതാക്കളാണ്. ഈ രണ്ട് പേരുമാണ് ടീമിന് കിരീടം സമ്മാനിച്ചത്. ഇതേ രണ്ട് പേരുമാണ് ഫിഫയുടെ കിരീടങ്ങള്‍ സ്വന്തമാക്കിയതും.

കഴിഞ്ഞ അഞ്ച് വര്‍ഷത്തിനിടെ ടീമിന്റെ ഏറ്റവും ദയനീയമായ പ്രകടനമാണ് ഇപ്പോള്‍ നടക്കുന്നത്. ബദ്ധ ശത്രുക്കളായ ബാര്‍സിലോണക്കാര്‍ കറ്റാലിയന്‍ പ്രശ്‌നത്തിലും സുഖസുന്ദരാമായ് കളിക്കുന്നത്. പത്ത് മല്‍സരങ്ങളില്‍ ഒമ്പതിലും വന്‍ വിജയം. സൂപ്പര്‍ താരം മെസിയാവട്ടെ ഗോള്‍ വേട്ടയുമായി മുന്നേറുന്നു. 2012-13 സീസണില്‍ റയലിന് കിരീടങ്ങളൊന്നും ലഭിച്ചിരുന്നില്ല. മോശം പ്രകടനത്തെ തുടര്‍ന്ന് ഹൗസോ മോറിഞ്ഞോ എന്ന പരിശീലകന്റെ തൊപ്പിയും തെറിച്ചിരുന്നു. ഇന്ന് യുവേഫ ചാമ്പ്യന്‍സ് ലീഗില്‍ റയല്‍ ടോട്ടനവുമായി കളിക്കുകയാണ്. ലോക പ്രസിദ്ധമായ വെംബ്ലി സ്‌റ്റേഡിയത്തിലാണ് ആ മല്‍സരം. സമ്മര്‍ദ്ദത്തിന്റെ മുള്‍ മുനയില്‍ നില്‍ക്കുന്ന ടീമിന് വിജയം നിര്‍ബന്ധമാണ്. ഇരുവരും ആദ്യപാദ മല്‍സരത്തില്‍ സാന്‍ഡിയാഗോ ബെര്‍ണബുവില്‍ ഏറ്റുമുട്ടിയപ്പോള്‍ മല്‍സരം 1-1 ലായിരുന്നു.

സൂപ്പര്‍ താരങ്ങളുടെ സംഘമാണ് റയല്‍.. കൃസ്റ്റിയാനോ മാത്രമല്ല നിറം മങ്ങുന്നത്. മാര്‍സിലോ, ബെന്‍സേമ,. ഇസ്‌ക്കോ, കാര്‍വജാല്‍, കൈലര്‍ നവാസ് തുടങ്ങിയവരെല്ലാം നിറം മങ്ങി നില്‍ക്കുമ്പോള്‍ സിദാന് മറുപടി നല്‍കാനാവുന്നില്ല. തോല്‍വികളുടെ പേരില്‍ സ്വന്തം താരങ്ങള്‍ പഴി പറയാന്‍ അദ്ദേഹം ഒരുക്കമല്ല. ജെറാത്ത് ബെയില്‍ ഉള്‍പ്പെടെയുള്ള താരങ്ങളുടെ പരുക്കും ടീമിന് തലവേദനയാണ്.
ടീമിന്റെ തുടക്കം മോശമാണെന്ന പക്ഷത്താണ് സിദാനും. പക്ഷേ ഇത് ഏത് ടീമുകള്‍ക്കും സംഭവിക്കുന്നതാണെന്ന് അദ്ദേഹം മനസ്സിലാക്കുന്നു. അവസരങ്ങള്‍ പ്രയോജനപ്പെടുത്തുന്നതിലാണ് ടീമിന്റെ പരാജയം. അടുത്ത മല്‍സരങ്ങളില്‍ ടീം കൂടുതല്‍ കരുത്തോടെ തിരിച്ചുവരുമെന്നാണ് കോച്ച് പ്രതീക്ഷിക്കുന്നത്. അതേ സമയം തന്റെ ഫോമിനെക്കുറിച്ച് കൃസ്റ്റിയാനോ ഒന്നും പറഞ്ഞില്ല. ഗോളടിച്ച് തിരിച്ചുവരവ് ആഘോഷിക്കാനാണ് പോര്‍ച്ചുഗല്‍ നായകന്റെ തീരുമാനം.

വംബ്ലിയില്‍ ഇന്ന് നിര്‍ണായകം

സമ്മര്‍ദ്ദങ്ങളുടെ മൈതാനത്ത് ഇത്ര നേരത്തെ തന്നെ റയല്‍ മാഡ്രിഡ് അകപ്പെടുമെന്ന് ആരും കരുതിയിരുന്നില്ല. സീസണിന്റെ തുടക്കത്തില്‍ തന്നെ തോല്‍വി മുഖത്ത് അകപ്പെട്ട സൈനുദ്ദീന്‍ സിദാന്റെ സൂപ്പര്‍ സംഘം ഇന്ന് വെംബ്ലിയില്‍ യുവേഫ ചാമ്പ്യന്‍സ് ലീഗ് ഫുട്‌ബോളില്‍ ടോട്ടനത്തെ നേരിടുന്നത് വിജയമെന്ന ഒരൊറ്റ മുദ്രാവാക്യത്തില്‍ വിശ്വാസമര്‍പ്പിച്ച്. മാഡ്രിഡില്‍ നിന്നും സന്തോഷവാന്മാരായാണ് റയല്‍ സംഘം ഇന്നലെ ലണ്ടനിലെത്തിയത്. വിമാനത്തില്‍ നിന്നുള്ള ചിത്രങ്ങള്‍ കൃസ്റ്റിയാനോ റൊണാള്‍ഡോ ഉള്‍പ്പെടെയുള്ളവര്‍ ഇന്‍സ്റ്റഗ്രമില്‍ പോസ്റ്റ് ചെയ്തിട്ടുണ്ട്.

ഇതാദ്യമായാണ് റയല്‍ ഇംഗ്ലണ്ടിന്റെ ഏറ്റവും വിഖ്യാതമായ മൈതാനത്ത് കളിക്കുന്നത്. ഗ്രൂപ്പ് എച്ചില്‍ നടക്കുന്ന പോരാട്ടത്തിന്റെ എല്ലാ ടിക്കറ്റുകളും ദിവസങ്ങള്‍ക്ക് മുമ്പ് തന്നെ വിറ്റഴിഞ്ഞിട്ടുണ്ട്. ഗ്രൂപ്പില്‍ എല്ലാ ടീമുകളും മൂന്ന് മല്‍സരങ്ങള്‍ വീതം പൂര്‍ത്തിയാക്കിയപ്പോള്‍ ടോട്ടനവും റയലും ഏഴ് വീതം പോയന്റ് നേടിയിട്ടുണ്ട്. ഗോള്‍ ശരാശരിയില്‍ ടോട്ടനത്തിനാണ് ഒന്നാം സ്ഥാനം.

10-ാം മിനുട്ടില്‍ മാര്‍കോ അസന്‍സിയോയുടെ പാസ് സ്വീകരിച്ച് പ്രതിരോധക്കാരനെ വെട്ടിയൊഴിഞ്ഞാണ് ഡാനി സെബയ്യോസ് തന്റെ റയല്‍ കരിയറിനെ ആദ്യ ഗോള്‍ നേടിയത്. 21-കാരനായ സെബയ്യോസിന്റെ സ്റ്റാര്‍ട്ടിങ് ഇലവനിലെ അരങ്ങേറ്റമായിരുന്നു ഇന്നലെ. 40-ാം മിനുട്ടില്‍ പ്രത്യാക്രമണത്തില്‍ മുനീര്‍ അല്‍ ഹദ്ദാദിയുടെ ക്രോസില്‍ നിന്ന് കരുത്തുറ്റ ഹെഡ്ഡറുതിര്‍ത്ത് മനു ഗാര്‍ഷ്യ അലാവസിനെ ഒപ്പമെത്തിച്ചു. സീസണിലെ അഞ്ച് മത്സരങ്ങളില്‍ നിന്നായി എട്ട് ഗോളുകള്‍ വഴങ്ങിയ അലാവസിന്റെ ആദ്യ ഗോളായിരുന്നു ഇത്.

ആതിഥേയരുടെ സന്തോഷത്തിന് അധികം ദൈര്‍ഘ്യമുണ്ടായില്ല. 43-ാം മിനുട്ടില്‍ സെബായോസ് വീണ്ടും റയലിനെ മുന്നിലെത്തിച്ചു. വലതു വിങില്‍ നിന്നുള്ള കാര്‍വഹാളിന്റെ ക്രോസ് അലാവസ് കീപ്പര്‍ പച്ചേക്കോ തടഞ്ഞിട്ടപ്പോള്‍ റീ ബൗണ്ടില്‍ നിന്ന് സെബായ്യോസ് ലക്ഷ്യം കാണുകയായിരുന്നു.
ലീഗിലെ മറ്റൊരു മത്സരത്തില്‍ കരുത്തരായ സെവിയ്യയെ അത്‌ലറ്റികോ മാഡ്രിഡ് അവരുടെ തട്ടകത്തില്‍ എതിരില്ലാത്ത രണ്ട് ഗോളിന് തോല്‍പ്പിച്ചു. 46-ാം മിനുട്ടില്‍ യാനിക് കറാസ്‌കോയും 69-ാം മിനുട്ടില്‍ ആന്റോയിന്‍ ഗ്രീസ്മനുമാണ് ഗോളുകള്‍ നേടിയത്.
ആറ് മത്സരങ്ങളില്‍ നിന്നുള്ള മൂന്നാം ജയത്തോടെ ബാര്‍സലോണയുമായുള്ള പോയിന്റ് അകലം നാലാക്കി കുറക്കാന്‍ റയലിന് കഴിഞ്ഞു. അഞ്ച് മത്സരം കളിച്ച ബാര്‍സ 15 പോയിന്റുമായി ലീഗില്‍ ഒന്നാം സ്ഥാനത്താണ്. ആറ് റൗണ്ട് കളിച്ച അത്‌ലറ്റികോ മാഡ്രിഡ് (14), സെവിയ്യ (13) ടീമുകളാണ് റയലിന് മുന്നിലായുള്ളത്.

49 ആം മിനിറ്റില്‍ ജെറാര്‍ഡ് പിക്വേയുടെ സെല്‍ഫ്‌ഗോളില്‍ റയല്‍ മുന്നിലെത്തി. 77 ആം മിനിറ്റില്‍ പെനാല്‍റ്റിയിലൂടെ മെസ്സി ഗോള്‍ മടക്കി. പകരക്കാരനായി എത്തിയ ക്രിസ്ത്യാനോ റൊണാള്‍ഡോയിലൂടെ 79 ആം മിനിറ്റില്‍ റയല്‍ മുന്നിട്ട് നിന്നു.   അസന്‍സിയോ നല്‍കിയ മനോഹര ഗോളിലൂടെ തകര്‍പ്പന്‍ ജയവുമായി റയല്‍ ജയിച്ചു കയറുകയായിരുന്നു. ബുധനാഴ്ചയാണ് രണ്ടാം പാദ മത്സരം.

നെയ്മറിനു പകരം ഡെലഫൗ, മെസ്സിക്കും സുവാരസിനുമൊപ്പം ആക്രമണം നയിക്കുന്ന രീതിയിലായിരുന്നു ബാഴ്‌സ ഇറങ്ങിയത്. ക്രിസ്റ്റ്യാനോ റൊണാള്‍ഡോയെ ബെഞ്ചില്‍ ഇരുത്തി ആയിരുന്നു സൂപ്പര്‍കപ്പ് ആദ്യ പാദത്തിന് സിദാന്‍ തന്റെ സംഘത്തെ ഇറങ്ങിയത്. രണ്ടാം പകുതിയില്‍ പിക്വെയുടെ ഓണ്‍ ഗോള്‍ റയലിനു ലീഡ് നേടിക്കൊടുത്തതോടെ ചൂടു പിടിച്ച കളിയിലേക്ക് 58ാം മിനുട്ടില്‍ പകരക്കാരനായി റൊണാള്‍ഡോയും എത്തി. അതിനു ശേഷമായിരുന്നു വിവാദ തീരുമാനങ്ങള്‍ ഉണ്ടായത്.

76ാം മിനുട്ടില്‍ മാഡ്രിഡ് ഗോള്‍ കീപ്പര്‍ നവാസ് സുവാരസിനെ വീഴ്ത്തിയതിന് നല്‍കിയ പെനാള്‍ട്ടിയാണ് ആദ്യ വിവാദം. സുവാരസിന്റേത് പെനാള്‍ട്ടിക്കു വേണ്ടിയുള്ള ഡൈവ് ആയിരുന്നു എന്ന് റീപ്ലേയില്‍ വ്യക്തമാവുക ആയിരുന്നു. എന്നാല്‍ ആ തീരുമാനത്തില്‍ കിട്ടിയ പെനാള്‍ട്ടി അനായാസം ലക്ഷ്യത്തിലെത്തിച്ച് മെസ്സി സ്‌കോര്‍ 11 എന്നാക്കി. 80ാം മിനിട്ടില്‍ കൗണ്ടര്‍ അറ്റാക്കിലൂടെ മുന്നേറിയ റയല്‍ മാഡ്രിഡിനെ ഒന്നാംതരം സ്‌െ്രെടക്കിലൂടെ റൊണാള്‍ഡോ വീണ്ടും മുന്നിലെത്തിച്ചു.

എന്നാല്‍ ഗോളിനു ശേഷം ജേഴ്‌സിയൂരി ആഹ്ലാദ പ്രകടനം നടത്തിയ റൊണാള്‍ഡോ മഞ്ഞ കാര്‍ഡ് വാങ്ങി. അതിനു തൊട്ടടുത്ത നിമിഷം നടന്ന മറ്റൊരു റയല്‍ നീക്കത്തിനൊടുവില്‍ പെനാള്‍ട്ടി ബോക്‌സില്‍ വീണ റൊണാള്‍ഡോയ്ക്ക് ഡൈവ് എന്നാരോപിച്ച് റഫറി രണ്ടാം മഞ്ഞ കാര്‍ഡും നല്‍കി മാര്‍ച്ചിംഗ് ഓര്‍ഡര്‍ കൊടുത്തു.

പത്തുപേരായി ചുരുങ്ങിയെങ്കിലും റയല്‍ പ്രതിരോധം ഭേദിച്ച് സമനില ഗോള്‍ നേടാന്‍ ബാഴ്‌സയ്ക്കായില്ല. അതേ സമയം മറ്റൊരു കൗണ്ടര്‍ അറ്റാക്കിലൂടെ അസന്‍സിയോ റയലിനു വേണ്ടി വലകുലുക്കി സ്‌കോര്‍ 31 എന്നാക്കി. സൂപ്പര്‍ കപ്പ് രണ്ടാം പാദ മത്സരം ബുധനാഴ്ച റയല്‍ മാഡ്രിഡിന്റെ തട്ടകത്തില്‍ വെച്ച് നടക്കും

റയല്‍ മാഡ്രിഡിനെ രണ്ടിനെതിരെ മൂന്ന് ഗോളുകള്‍ക്കാണ് ബാഴ്‌സ തോല്‍പ്പിച്ചത്. പ്രീസീസണ്‍ ടൂറില്‍ റയലിന്റെ തുടര്‍ച്ചയായ മൂന്നാം പരാജയമാണിത്. നാല് മിനുട്ടിനകം റാക്കിട്ടിച്ചിലൂടെ വീണ്ടും വല ചലിപ്പിച്ചപ്പോള്‍ ബാഴ്‌സ വന്‍ വിജയം സ്വപ്നം കണ്ടു. എന്നാല്‍ പതിനാലാം മിനുട്ടില്‍ ഒരു ഗോള്‍ മടക്കി റയല്‍ മത്സരത്തിലേക്ക് തിരിച്ചുവന്നു. കൊവാക്കിച്ചായിരുന്നു സ്‌കോറര്‍. മുപ്പത്തിയാറാം മിനുട്ടില്‍ അസെന്‍സിയോയിലൂടെ റയല്‍ ഒപ്പമെത്തി.

രണ്ടാം പകുതിയുടെ അഞ്ചാം മിനുട്ടില്‍ ജെറാര്‍ഡ് പിക്വെയിലൂടെ ബാഴ്‌സ വിജയഗോള്‍ നേടി. മറുപടിക്കായി ബെയിലും ബെന്‍സേമയും അടങ്ങിയ മുന്നേറ്റ നിര കിണഞ്ഞു ശ്രമിച്ചെങ്കിലും ബാഴ്‌സ പ്രതിരോധം വിലങ്ങുതടിയായി. പ്രീ സീസണ്‍ ടൂറില്‍ തുടര്‍ച്ചയായ മൂന്നാം പരാജയമാണ് റയല്‍ മാഡ്രിഡ് ഏറ്റുവാങ്ങിയത്.