ബെറ്റിസിന്റെ തട്ടകമായ ബെനിറ്റോ വില്ലാമെറീന്‍ സ്‌റ്റേഡിയത്തിലായിരുന്നു റയലിന്റെ തോല്‍വി. പത്താം മിനിറ്റില്‍ തന്നെ വലകുലുക്കി ബ്രഹീം ഡിയാസ് റയലിനെ മത്സരത്തില്‍ മുന്നിലെത്തിച്ചെങ്കിലും 34ാം മിനിറ്റിലും 54ാം മിനിറ്റിലും വലകുലുക്കി ബെറ്റിസ് ജയം പിടിച്ചു വാങ്ങി. ജോണി കാര്‍ഡോസോയും മുന്‍ റയല്‍ താരമായ ഇസ്‌കോയുമാണ് ബെറ്റിസിനായി സ്‌കോര്‍ ചെയ്തത്. മത്സരത്തില്‍ ബ്രസീലിയന്‍ താരം ആന്റണിയും നിറഞ്ഞു കളിച്ചു.

26 കളികളില്‍ നിന്ന് 54 പോയിന്റുള്ള റയല്‍ പോയിന്റ് പട്ടികയില്‍ ഇപ്പോള്‍ മൂന്നാം സ്ഥാനത്താണ്. ഇന്ന് റയല്‍ സോസിഡാഡിനെതിരെ നടക്കുന്ന മത്സരത്തില്‍ ജയിച്ചാല്‍ ബാഴ്‌സലോണ 57 പോയിന്റുമായി ഒന്നാം സ്ഥാനത്തേക്ക് കയറും.