വിധി എതിരാകാന്‍ സാധ്യതയുണ്ട് എന്ന വിലയിരുത്തലിന്റെ അടിസ്ഥാനത്തിലായിരുന്നു ഹരജികള്‍ പിന്‍വലിക്കാന്‍ തോമസ് ചാണ്ടി അടക്കമുള്ളവര്‍ അപേക്ഷ നല്‍കിയത്. കേസില്‍ വാദം കേട്ട ജസ്റ്റിസ് സുധീന്ദ്ര കുമാര്‍ വിധി പറയാനിരിക്കെയായിരുന്നു ഹരജികള്‍ പിന്‍വലിക്കുന്നതായി ചാണ്ടി ഉള്‍പ്പെടെയുള്ളവര്‍ അറിയിച്ചത്. ഇതോടെയാണ് കോടതിയുടെ നടപടിയുണ്ടായത്.

‘നിങ്ങള്‍ക്ക് ഹരജികള്‍ പിന്‍വലിക്കാന്‍ അവകാശമുണ്ട്. അതുപോലെ തന്നെ കോടതിയുടെ സമയവും വിലപ്പെട്ടതാണ്. കോടതിയുടെ സമയം നഷ്ടപ്പെടുത്തിയതിന് 25000 രൂപ പിഴയൊടുക്കണം”- കോടതി നിരീക്ഷിച്ചു.

തിങ്കളാഴ്ച കേസില്‍ വിധി പറയാന്‍ ഒരുങ്ങുകയായിരുന്നു എന്ന് ചൂണ്ടിക്കാട്ടിയ കോടതി ഹര്‍ജിക്കാരുടെ നടപടി നല്ല കീഴ് വഴക്കമല്ലെന്നും ചൂണ്ടിക്കാട്ടി. പത്ത് ദിവസത്തിനകം പിഴത്തുക ലീഗല്‍ സര്‍വീസ് സൊസൈറ്റിയില്‍ അടയ്ക്കണമെന്നാണ് കോടതി ഉത്തരവ്. അതേസമയം അഞ്ചാമത്തെ ഹരജിക്കാരനായ ജിജി മോനെ കോടതി ശിക്ഷയില്‍ നിന്ന് ഒഴിവാക്കി. ഈ ഹരജിയില്‍ വാദം കേള്‍ക്കാത്തതിനാലാണ് ഇദ്ദേഹത്തെ പിഴയില്‍ നിന്നും ഒഴിവാക്കിയത്. ഭൂമി കയ്യേറ്റ കേസുമായി ബന്ധപ്പെട്ടുള്ള ഹരജി പിന്‍വലിക്കണമെന്ന് ചൂണ്ടിക്കാട്ടി തോമസ് ചാണ്ടിയുള്‍പ്പെടെ അഞ്ച് പേരായിരുന്നു കഴിഞ്ഞ ദിവസം കോടതിയില്‍ അപേക്ഷ നല്‍കിയത്.

ഭൂമിഇടപാടിനായി അഡ്വാന്‍സ് നല്‍കിയ തുക തിരിച്ചുകിട്ടാത്തതാണ് വൈരാഗ്യത്തിന് കാരണമായതെന്നും പൊലീസ് പറയുന്നത്. രാജീവ് പാട്ടത്തിനെടുത്ത കൃഷിയിടത്തിലേക്കുള്ള വഴിയില്‍ ബൈക്ക് മറിഞ്ഞു കിടക്കുന്നത് ശ്രദ്ധയില്‍പെട്ടാണ് നാട്ടുകാര്‍ തിരച്ചില്‍ നടത്തിയത്. തവളപ്പായ എസ്.ഡി കോണ്‍വെന്റ് കെട്ടിടത്തില്‍ മൃതദേഹം കണ്ടെത്തുകയായിരുന്നു. സംഭവ സ്ഥലത്തെത്തിയ പൊലീസ് ബൈക്കിനു സമീപം മൂന്ന് പേരുടെ ചെരുപ്പുകള്‍ കണ്ടെടുത്തു. ഇവിടെ ബലപ്രയോഗം നടന്നതിന്റെ ലക്ഷണങ്ങളുമുണ്ട്. പ്രതിയുടേതെന്ന് സംശയിക്കുന്ന മൊബൈല്‍ഫോണും കണ്ടെത്തിയിട്ടുണ്ട്.
രാജീവിനെ സംഘം ചേര്‍ന്ന് ശ്വാസംമുട്ടിച്ച് കൊലപ്പെടുത്തിയ ശേഷം മൃതദേഹം കോണ്‍വെന്റിനുള്ളിലേക്ക് മാറ്റിയതാണെന്നാണ് പൊലീസിന്റെ പ്രാഥമിക നിഗമനം. രാജീവിനെ കാണാനില്ലെന്ന് മകന്‍ പൊലീസില്‍ പരാതി നല്‍കിയിരുന്നു.

ന്യൂഡല്‍ഹി: രാജ്യത്തെ റിയല്‍ എസ്റ്റേറ്റ് മേഖലയെ താമസിയാതെ ജി.എസ്.ടിക്കു കീഴില്‍ കൊണ്ടുവരുമെന്ന് ധനമന്ത്രി അരുണ്‍ ജെയ്റ്റ്‌ലി. അടുത്ത ജി.എസ്.ടി കൗണ്‍സില്‍ യോഗത്തില്‍ ഇതു സംബന്ധിച്ച് ചര്‍ച്ച നടത്തുമെന്നും അദ്ദേഹം പറഞ്ഞു. റിയല്‍ എസ്റ്റേറ്റ് മേഖലയെ ജി.എസ്.ടിക്കു കീഴില്‍ കൊണ്ടു വരുന്നതിന് വ്യക്തിപരമായി താന്‍ അനുകൂലമാണ്. ഡല്‍ഹി സര്‍ക്കാറും ഇതിനെ പിന്തുണക്കുന്നുണ്ട്. പക്ഷേ മറ്റു സംസ്ഥാനങ്ങള്‍ക്ക് ഇക്കാര്യത്തില്‍ എതിര്‍പ്പുകളുണ്ടെന്നും അദ്ദേഹം പറഞ്ഞു. ജി.എസ്.ടിക്കു കീഴില്‍ നാലു സ്ലാബുകളാക്കി നികുതി നിശ്ചയിച്ച തീരുമാനത്തെ അദ്ദേഹം ന്യായീകരിച്ചു. എല്ലാ സാധന, സേവനങ്ങള്‍ക്കും ഒരേ നിരക്ക് ആക്കുന്നതിന് മുമ്പ് പാവപ്പെട്ടവര്‍ക്കുള്ള ഭക്ഷ്യ വസ്തുക്കളുടെ വില കുറക്കേണ്ടതുണ്ടെന്നും അദ്ദേഹം കൂട്ടിച്ചേര്‍ത്തു. ജി.എസ്.ടിയെ എതിര്‍ക്കുന്നവര്‍ നികുതി നല്‍കാന്‍ തയാറല്ലാത്തവരാണെന്നും ജെയ്റ്റ്‌ലി പറഞ്ഞു. ഒരു ഘടനയില്‍ നിന്നും മറ്റൊന്നിലേക്കു മാറുമ്പോള്‍ പ്രയാസം സ്വാഭാവികമാണ്. എന്നാല്‍ ഇതേ കുറിച്ച് ആരും ആകുലപ്പെടേണ്ടതില്ല. നികുതി നല്‍കാതിരിക്കലാണ് തങ്ങളുടെ മൗലിക അവകാശമെന്നാണ് ചിലര്‍ ധരിക്കുന്നത്. എന്നാല്‍ ഈ വാദം സര്‍ക്കാര്‍ അംഗീകരിക്കാന്‍ പോകുന്നില്ല. സര്‍ക്കാറിന്റെ സേവനങ്ങളാണ് ഇവര്‍ ഉപയോഗിക്കുന്നത്. അതിനാല്‍ സര്‍ക്കാറിന് നികുതി നല്‍കുക തന്നെ വേണമെന്നും ഒരു സ്വകാര്യ വാര്‍ത്താ ചാനല്‍ നടത്തിയ പരിപാടിയില്‍ അദ്ദേഹം പറഞ്ഞു. വ്യാപാരികളല്ല നികുതിയുടെ ബാധ്യത വഹിക്കുന്നത്. ഉപഭോക്താക്കളാണ്. അവര്‍ നല്‍കാന്‍ തയാറാണെങ്കില്‍ പിന്നെ വ്യാപാരികള്‍ എന്തിന് എതിര്‍ക്കണമെന്നും അദ്ദേഹം ചോദിച്ചു. വ്യാപാരികളുടെ എതിര്‍പ്പിന് കാരണം മുഴുവന്‍ ഇടപാടുകളും ഓണ്‍ലൈന്‍ വഴി ആയതിനാല്‍ വ്യാപാരം വര്‍ധിക്കുന്നതിനനുസൃതമായി നികുതി നല്‍കേണ്ടി വരുമെന്നതാണെന്നും ജെയ്റ്റ്‌ലി പറഞ്ഞു.